تحت سقف واحد

الفصل الاول

ﻃﻮﻝ ﺍﻟﻄﺮﻳﻖ ﻭﺷﻴﺮﻳﻦ ﺭﺍﺟﻌﺔ ﻣﻦ ﺷﻐﻠﻬﺎ ﻭﻫﻰ ﺑﺘﻔﻜﺮ ﺍﺯﺍﻯ ﻫﺘﻌﻠﻦ ﻋﻦ
ﻗﺮﺍﺭﻫﺎ ﺍﻟﻠﻰ ﻃﻮﻝ ﺍﻻﺳﺒﻮﻉ ﺑﺘﻔﻜﺮ ﻓﻴﻪ ﺑﺲ ﻣﻜﻨﺶ ﻋﻨﺪﻫﺎ ﻭﻗﺖ ﺗﺎﺧﺪ
ﺍﻟﻘﺮﺍﺭ ﻻﻧﻬﺎ ﻣﺘﺄﻛﺪﺓ ﺍﻥ ﺍﻟﻘﺮﺍﺭ ﻫﻴﻜﻮﻥ ﻭﺭﺍﻩ ﻣﺪﺍﻭﻻﺕ ﻭﻣﻨﺎﻗﺸﺎﺕ
ﻭﺿﻐﻮﻃﺎﺕ ﻣﻦ ﻛﻞ ﺍﻟﻠﻰ ﺣﻮﺍﻟﻴﻬﺎ ﻓﻔﻀﻠﺖ ﺍﻥ ﻳﻮﻡ ﺍﻟﺨﻤﻴﺲ ﻫﺘﻌﻠﻦ
ﻗﺮﺍﺭﻫﺎ ﻋﻠﺸﺎﻥ ﻳﺒﻘﻰ ﻋﻨﺪﻫﺎ ﺍﻟﺠﻤﻌﺔ ﺗﻨﻬﻰ ﻓﻴﻪ ﻛﻞ ﻣﺎﻳﺘﻌﻠﻖ ﺑﺎﻟﻤﻮﺿﻮﻉ
ﺍﻟﻠﻰ ﺍﻧﺘﻬﻰ ﺑﺎﻟﻨﺴﺒﺔ ﻟﻬﺎ
ﻟﻤﺎ ﻭﺻﻠﺖ ﺑﻴﺘﻬﺎ ﻛﺎﻥ ﻛﻞ ﺷﺊ ﻛﺎﻟﻤﻌﺘﺎﺩ ﻣﺎﻣﺘﻬﺎ ﻣﺤﻀﺮﺓ ﺍﻟﺴﻔﺮﺓ ﻓﻰ
ﻧﻔﺲ ﻣﻴﻌﺎﺩ ﻛﻞ ﻳﻮﻡ ﻭﻣﺮﻭﺓ ﺍﺧﺘﻬﺎ ﺑﺘﻜﻮﻥ ﻧﺎﻳﻤﺔ ﻭﺑﺘﺼﺤﻰ ﻟﻤﺎ ﺷﻴﺮﻳﻦ
ﺑﺘﻮﺻﻞ ﺍﻟﺴﺎﻋﺔ 6 ﻋﻠﺸﺎﻥ ﻳﺘﻐﺪﻭﺍ ﻛﻠﻬﻢ ﻣﻊ ﺑﻌﺾ ... ﺭﻏﻢ ﺍﻧﻬﺎ ﻛﺘﻴﺮ
ﺍﺗﺤﺎﻳﻠﺖ ﻋﻠﻴﻬﻢ ﻳﺘﻐﺪﻭﺍ ﻫﻤﺎ ﻟﻤﺎ ﻣﺮﻭﺓ ﺗﺮﺟﻊ ﻣﻦ ﺷﻐﻠﻬﺎ ﻭﻣﺶ ﻻﺯﻡ
ﻳﺴﺘﻨﻮﻫﺎ ﺑﺲ ﻛﺎﻧﻮﺍ ﺑﻴﺼﻤﻤﻮﺍ ﺍﻧﻬﻢ ﻻﺯﻡ ﻳﺘﺠﻤﻌﻮﺍ ﻣﻊ ﺑﻌﺾ ﻭﻗﺖ ﺍﻟﻐﺪﺍ
... ﻭﻫﻤﺎ ﺑﻴﻨﺘﻬﻮﺍ ﻣﻦ ﺍﻛﻠﻬﻢ
ﻣﺮﻭﺓ"ﺗﺘﺨﻴﻠﻰ ﻳﺎﻣﺎﻣﺎ ﺍﻥ ﻓﺎﺿﻞ ﻟﻨﺎ ﻋﻠﻰ ﺍﻟﻠﻤﺔ ﺍﻟﺤﻠﻮﺓ ﺩﻯ ﺷﻬﺮ ﻭﺍﺣﺪ 30
ﻳﻮﻡ ﻭﺑﻌﺪ ﻛﺪﻩ ﻧﺒﻘﻰ ﺍﻧﺎ ﻭﺍﻧﺘﻰ ﺑﺲ"
ﺍﻻﻡ" ﺭﺑﻨﺎ ﻳﻬﻨﻴﻬﺎ ﻭﻳﺴﻌﺪﻫﺎ ﻭﻋﻘﺒﺎﻟﻚ ﺍﻧﺘﻰ ﻛﻤﺎﻥ ﻳﺎﻣﺮﻭﺓ ﻳﺎﺑﻨﺘﻰ"
ﺣﺎﻭﻟﺖ ﺷﻴﺮﻳﻦ ﺗﻔﺠﺮ ﺍﻟﻘﻨﺒﻠﺔ ﺑﺲ ﻣﺤﺒﺘﺶ ﺍﻧﻬﺎ ﺗﻀﺎﻳﻖ ﻣﺎﻣﺘﻬﺎ ﻭﺍﺧﺘﻬﺎ
ﺍﻟﻮﺣﻴﺪﺓ ﻭﻫﻤﺎ ﻟﺴﻪ ﻣﺨﻠﺼﻮﺵ ﻏﺪﺍﻫﻢ ﻓﻘﺮﺭﺕ ﺍﻧﻬﺎ ﺗﺘﻜﻠﻢ ﺑﺲ ﺑﻌﺪ
ﺍﻟﻐﺪﺍ
ﻭﻫﻤﺎ ﻗﺎﻋﺪﻳﻦ ﺑﻴﺸﺮﺑﻮﺍ ﺍﻟﺸﺎﻯ ﻭﺑﻴﺘﻔﺮﺟﻮﺍ ﻋﻠﻰ ﺍﻟﺘﻠﻴﻔﺰﻳﻮﻥ ﺟﺖ ﺷﻴﺮﻳﻦ
ﻭﻗﻌﺪﺕ ﻣﻌﺎﻫﻢ ﻭﻗﻔﻠﺖ ﺍﻟﺘﻠﻴﻔﺰﻳﻮﻥ ﻓﺠﺄﺓ
" ﺍﻧﺎ ﻋﺎﻳﺰﺓ ﺍﻗﻮﻟﻜﻢ ﺣﺎﺟﺔ ﻣﻬﻤﺔ"
ﺍﻧﺘﺒﻬﺖ ﺍﻻﻡ ﻭﻣﺮﻭﺓ ﺑﻘﻠﻖ ﻭﺗﺮﻗﺐ ﻭﺳﻜﻮﺕ ﻣﺴﺘﻨﻴﻴﻨﻬﺎ ﺗﻜﻤﻞ
" ﺍﻧﺎ ﻗﺮﺭﺕ ﺍﻓﺴﺦ ﺧﻄﻮﺑﺘﻰ ﻋﻠﻰ ﺣﺴﺎﻡ"
ﺻﺮﺧﺖ ﺍﻻﻡ ﻭﺧﺒﻄﺖ ﺑﺎﻳﺪﻫﺎ ﻋﻠﻰ ﺻﺪﺭﻫﺎ ﻭﻭﺍﻧﺪﻫﺸﺖ ﻣﺮﻭﺓ
" ﺳﻴﺒﻮﻧﻰ ﺍﻛﻤﻞ ﻛﻼﻣﻰ"
ﺍﻻﻡ" ﺗﻜﻤﻠﻰ ﺍﻳﻪ ... ﺍﻧﺘﻰ ﺍﺯﺍﻯ ﻓﺠﺄﺓ ﻛﺪﻩ ﺑﻌﺪ ﻣﺎﻛﻞ ﺣﺎﺟﺔ ﺗﻘﺮﻳﺒﺎ
ﻫﺘﺨﻠﺺ ﻭﺑﻌﺪﻳﻦ ﺍﺯﺍﻯ ﺗﺮﻓﻀﻰ ﻭﺍﺣﺪ ﺯﻯ ﺣﺴﺎﻡ ﺑﺎﻟﺴﻬﻮﻟﺔ ﺩﻯ"
ﻣﺮﻭﺓ" ﻳﺎﻣﺎﻣﺎ ﺍﺳﺘﻨﻰ.. ﻟﻴﻪ ﻳﺎﺷﻴﺮﻳﻦ ﻣﺎﻟﻪ ﺣﺴﺎﻡ"
ﺍﻻﻡ" ﻭﺍﺿﺢ ﺍﻧﻬﺎ ﻧﺴﻴﺖ ﺣﺎﺟﺎﺕ ﻛﺘﻴﺮ ﺍﻭﻯ ﺑﺘﺨﻠﻴﻬﺎ ﺗﺘﺒﻄﺮ"
ﺷﻴﺮﻳﻦ"ﻧﺴﻴﺖ ﺍﻳﻪ ﻳﺎﻣﺎﻣﺎ"
ﺍﻻﻡ"ﻧﺴﻴﺘﻰ ﺍﻥ ﻋﻨﺪﻙ 32 ﺳﻨﺔ ﻭﻣﺶ ﺳﻬﻞ ﺍﻧﻚ ﺗﺴﻴﺒﻰ ﻭﺍﺣﺪ ﻛﻮﻳﺲ
ﺯﻯ ﺣﺴﺎﻡ ... ﻧﺴﻴﺘﻰ ﺍﻥ ﺍﻝ 7 ﺳﻨﻴﻦ ﺍﻟﻠﻰ ﻓﺎﺗﻮﺍ ﻛﺎﻥ ﻛﻞ ﺍﻟﻠﻰ ﺑﻴﺠﻴﻠﻚ
ﻣﺶ ﻣﻨﺎﺳﺐ ... ﻧﺴﻴﺘﻰ ﺍﻥ ﻛﻠﻬﺎ ﻛﺎﻡ ﺳﻨﺔ ﻭﻓﺮﺻﺘﻚ ﻓﻰ ﺍﻟﺨﻠﻔﺔ ﺗﻘﻞ
ﻭﺍﻧﺎ ﻣﺶ ﻋﺎﻳﺸﺎﻟﻜﻢ ﺍﻧﺎ ﻧﻔﺴﻰ ﺍﻃﻤﻦ ﻋﻠﻰ ﻛﻞ ﻭﺍﺣﺪﺓ ﻓﻴﻜﻮﺍ ﻓﻰ ﺑﻴﺖ
ﺟﻮﺯﻫﺎ ﻭﻣﻌﺎﻫﺎ ﻋﻴﺎﻟﻬﺎ"
ﺷﻴﺮﻳﻦ" ﻳﺎﻣﺎﻣﺎ ﻣﺶ ﺍﻟﺮﺍﺟﻞ ﻭﺍﻟﻌﻴﺎﻝ ﻫﻤﺎ ﻛﻞ ﺣﺎﺟﺔ"
ﺍﻻﻡ" ﺍﻭﻣﺎﻝ ﺍﻳﻪ؟؟ ﺷﻐﻠﻚ ﺍﻟﻠﻰ ﻋﺎﻳﺸﺔ ﻋﻠﺸﺎﻧﻪ ﺍﻧﺘﻰ ﺑﺘﺮﻭﺣﻰ ﻣﻦ 9
ﺍﻟﺼﺒﺢ ﻟﺤﺪ 6 ﺍﻟﻤﻐﺮﺏ ﻭﻣﻔﻴﺶ ﺭﺍﺟﻞ ﻫﻴﺮﺿﻰ ﺑﻜﺪﻩ ﻭﺣﺴﺎﻡ ﻭﺍﻓﻖ ﻭﻗﺎﻝ
ﻭﻣﺎﻟﻪ ﺍﻧﺎ ﻋﺎﻳﺰﻫﺎ ﺑﻜﻞ ﻇﺮﻭﻓﻬﺎ"
ﺷﻴﺮﻳﻦ"ﻳﻌﻨﻰ ﻳﺎﻣﺎﻣﺎ ﺩﻩ ﺷﻐﻞ ﺣﺪ ﻳﻔﺮﻁ ﻓﻴﻪ؟"
ﺍﻻﻡ" ﺍﻧﺎ ﻋﺎﺭﻓﺔ ﺍﻥ ﻣﺮﺗﺒﻚ ﺑﺎﻻﻻﻑ ﻭﻋﺎﺭﻓﺔ ﺍﻥ ﻣﻨﺼﺒﻚ ﻛﺒﻴﺮ ﺑﺲ ﺍﻧﺘﻰ ﻟﻮ
ﺗﻌﺒﺘﻰ ﻭﻣﻘﺪﺭﺗﻴﺶ ﺗﺸﺘﻐﻠﻰ ﻫﻴﺮﻣﻮﻛﻰ ﻭﻳﺸﻮﻓﻮﺍ ﻏﻴﺮﻙ ﺍﻧﻤﺎ ﺟﻮﺯﻙ
ﻭﻋﻴﺎﻟﻚ ﻣﺶ ﻫﻴﺮﻣﻮﻛﻰ"
ﺷﻴﺮﻳﻦ" ﻳﺎﻣﺎﻣﺎ ﺍﻟﺸﻐﻞ ﻣﺎﻟﻮﺵ ﻋﻼﻗﺔ ﺍﺻﻼ"
ﺍﻻﻡ" ﻃﻴﺐ ﻓﻬﻤﻴﻨﻰ ﺍﻳﻪ ﺍﻟﻠﻰ ﺣﺼﻞ ﻓﺠﺄﺓ"
ﺷﻴﺮﻳﻦ" ﺍﻧﺎ ﻃﻮﻝ ﺍﻟﻜﺎﻡ ﺷﻬﺮ ﺍﻟﻠﻰ ﻓﺎﺗﻮﺍ ﺩﻭﻝ ﻭﺑﻘﻮﻝ ﻫﺤﺒﻪ ﻭﻟﻤﺎ
ﻣﺤﺴﻴﺘﺶ ﺍﻟﺤﺐ ﻗﻮﻟﺖ ﻫﻴﻴﺠﻰ ﺑﺎﻟﻌﺸﺮﺓ ﻃﻮﻝ ﻣﺎﻫﻮ ﻛﻮﻳﺲ ﻣﻌﺎﻳﺎ"
ﻣﺮﻭﺓ"ﺑﺲ ﻓﻌﻼ ﺣﺴﺎﻡ ﻛﻮﻳﺲ ﻣﻌﺎﻛﻰ ﻭﻣﺴﺘﻮﺍﻩ ﺍﻻﺟﺘﻤﺎﻋﻰ ﻭﺍﻟﺘﻌﻠﻴﻤﻰ
ﻭﻛﻞ ﺣﺎﺟﺔ ﻣﻨﺎﺳﺐ ﻟﻴﻜﻰ ﻭﻣﺶ ﻣﻬﻢ ﺍﻟﺤﺐ ﺑﺘﺎﻉ ﺍﻟﺮﻭﺍﻳﺎﺕ ﻋﻠﺸﺎﻥ
ﺍﻟﺠﻮﺍﺯﺓ ﺗﺘﻢ ... ﺩﻩ ﻏﻴﺮ ﺫﻭﻗﻪ ﻭﻭﺳﺎﻣﺘﻪ ﻳﻌﻨﻰ ﺯﻭﺝ ﻳﺸﺮﻑ ﻣﻦ ﺟﻤﻴﻊ
ﺍﻟﺠﻬﺎﺕ"
ﺷﻴﺮﻳﻦ" ﺑﺲ ﻓﻴﻪ ﺣﺎﺟﺔ ﻣﺶ ﻗﺎﺩﺭﺓ ﺍﺗﻜﻴﻒ ﻣﻌﺎﻫﺎ"
ﺍﻻﻡ ﻭﻣﺮﻭﺓ ﺑﻘﻠﻖ" ﺍﻳﻪ ﻫﻰَ ﺩﻯ"
ﺷﻴﺮﻳﻦ"ﻛﺪﺍﺏ ﻭﻗﺒﻞ ﻣﺎﺗﺪﺍﻓﻌﻮﺍ ﻋﻨﻪ ﻭﺗﻘﻮﻟﻮﺍ ﺍﻧﻪ ﻣﻜﺪﺑﺶ ﻋﻠﻴﻨﺎ ﻓﻰ
ﺣﺎﺟﺔ ... ﺍﻧﺎ ﺷﻔﺘﻪ ﺑﻴﻜﺪﺏ ﻓﻰ ﺣﺎﺟﺎﺕ ﻛﺘﻴﺮ ﻫﻰ ﺍﻩ ﺣﺎﺟﺎﺕ ﺻﻐﻴﺮﺓ ﺑﺲ
ﻛﺘﻴﺮ ﺍﻭﻯ ﺍﻭﻯ ﻭﺩﻩ ﺧﻼﻧﻰ ﻣﺒﻘﺎﺵ ﻋﻨﺪﻯ ﺛﻘﺔ ﻓﻴﻪ ﻭﻣﺶ ﺑﺼﺪﻗﻪ ﻓﻰ
ﺣﺎﺟﺔ ﺧﺎﻟﺺ ﻭﺍﻧﺎ ﻣﺶ ﻗﺎﺩﺭﺓ ﺍﻛﻤﻞ ﻣﻌﺎﻩ"
ﺍﻻﻡ"ﻭﻗﻠﺘﻴﻠﻪ؟؟ ﻭﻻ ﻟﺴﻪ؟؟"
ﺷﻴﺮﻳﻦ"ﻟﺴﻪ ﻫﻮ ﻋﻤﻮﻣﺎ ﺟﺎﻯ ﻋﻠﻰ ﺍﻟﺴﺎﻋﺔ 9 ﻭﺍﻧﺎ ﺣﻀﺮﺕ ﺍﻟﺸﺒﻜﺔ ﻭﻛﻞ
ﺍﻟﻬﺪﺍﻳﺎ ﺍﻟﻠﻰ ﺟﺎﺑﻬﺎ ﻭﺍﻟﻤﻮﺿﻮﻉ ﺑﺎﻟﻨﺴﺒﺔ ﻟﻰ ﻣﻨﺘﻬﻰ"
ﺍﻻﻡ" ﺧﻼﺹ ﺍﻧﺘﻰ ﺣﺮﺓ ﺑﺲ ﺧﺎﻳﻔﺔ ﺍﻧﻚ ﺗﻨﺪﻣﻰ ﻋﻠﻴﻪ ﻭﺗﻘﻮﻟﻰ ﻳﺎﺭﻳﺘﻨﻰ"
ﻣﺮﻭﺓ" ﻃﻴﺐ ﻣﺎﺗﺴﺘﻨﻰ ﻛﺎﻡ ﻳﻮﻡ ﺗﻔﻜﺮﻯ ﺗﺎﻧﻰ؟؟"
ﺷﻴﺮﻳﻦ" ﺍﻧﺎ ﺑﻔﻜﺮ ﺑﻘﺎﻟﻰ ﻓﺘﺮﺓ ﻭﺧﻼﺹ ﻗﺮﺭﺕ"
ﻗﺎﻣﺖ ﺍﻻﻡ ﻭﻋﻠﻰ ﻭﺷﻬﺎ ﻛﻞ ﻋﻼﻣﺎﺕ ﻋﺪﻡ ﺍﻟﺮﺿﺎ ﻋﻠﻰ ﻗﺮﺍﺭ ﺷﻴﺮﻳﻦ
ﻭﻫﻰ ﺑﺘﻤﺘﻢ ﻓﻰ ﺳﺮﻫﺎ" ﻳﺎﻋﺎﻟﻢ ﺍﻟﻔﺮﺻﺔ ﺍﻟﻠﻰ ﺿﻴﻌﺘﻴﻬﺎ ﺩﻯ ﺟﺎﻳﺔ ﺗﺎﻧﻰ
ﻭﻻ ﻷ

اسفه الفصل صغير ع شان كده كل مره هنزل فصلين