تحت سقف واحد

الفصل الثامن

=-=-=-=-=-=-=-=

ﻭﻗﻔﺖ ﺷﻴﺮﻳﻦ ﻣﺬﻫﻮﻟﺔ ﻣﻦ ﺍﻟﻄﺮﻳﻘﺔ ﺍﻟﻠﻰ ﻛﻠﻤﻬﺎ ﺑﻴﻬﺎ ﻳﺎﺳﺮ ﻭﻛﺎﻧﺖ ﻟﺴﻪ
ﻣﻘﻔﻠﺘﺶ ﺍﻟﺒﺎﺏ ﻭﻟﻘﻰ ﺷﻴﺎﻟﻴﻦ ﺑﻴﺤﻄﻮﺍ ﺣﺎﺟﺎﺕ ﺟﻮﻩ ﺍﻟﺒﻴﺖ ... ﻭﺷﻴﺮﻳﻦ
ﺑﺘﻘﻮﻟﻬﻢ" ﺷﻜﺮﺍ ﻋﻠﻰ ﺗﻌﺒﻜﻢ"
ﻗﻔﻠﺖ ﺍﻟﺒﺎﺏ ﻭﺩﺧﻠﺖ ﺗﺠﺮﻯ ﻋﻠﻰ ﺍﻭﺿﺘﻬﺎ ﻣﻦ ﻏﻴﺮ ﻣﺎﺗﺘﻜﻠﻢ ... ﻭﻫﻰ
ﻣﻌﺪﻳﺔ ﻣﻦ ﺟﻨﺐ ﻳﺎﺳﺮ ﻟﻤﺢ ﺩﻣﻮﻉ ﻓﻰ ﻋﻴﻨﻴﻬﺎ ... ﻓﺪﺧﻞ ﻭﺭﺍﻫﺎ ﻗﺒﻞ
ﻣﺎﺗﻘﻔﻞ ﺍﻭﺿﺘﻬﺎ ﻋﻠﻴﻬﺎ ... ﻭﺳﺄﻟﻬﺎ ﺑﺼﻮﺕ ﻫﺎﺩﻯ
"ﻛﻨﺘﻰ ﻓﻴﻦ"
ﺭﺩﺕ ﺑﻨﺸﻴﺞ" ﺍﻧﺖ ﺑﺘﺰﻋﻘﻠﻰ ﻛﺪﻩ ﻟﻴﻪ ﻭﻗﺪﺍﻡ ﺍﻟﻨﺎﺱ ﻛﻤﺎﻥ"
" ﺍﻧﺎ ﺍﺳﻒ ﻛﻨﺘﻰ ﻓﻴﻦ ﻭﻟﻴﻪ ﻣﻘﻮﻟﺘﻠﻴﺶ ﻗﺒﻞ ﻣﺎﺗﻨﺰﻟﻰ"
"ﺍﻧﺖ ﻟﻮ ﻛﻨﺖ ﺍﺳﺘﻨﻴﺖ ﺷﻮﻳﺔ ﻛﻨﺖ ﺷﻔﺖ ﺍﻧﻰ ﻧﺰﻟﺖ ﺍﺟﻴﺒﻠﻚ ﺳﺮﻳﺮ "
" ﻣﺘﺰﻋﻠﻴﺶ ﻣﻨﻰ ﺑﺲ ﻭﺍﻟﻠﻪ ﻛﻨﺖ ﻫﻤﻮﺕ ﻣﻦ ﺍﻟﻘﻠﻖ ﻋﻠﻴﻜﻰ"
" ﻭﺍﻧﺖ ﺗﻘﻠﻖ ﻋﻠﻴﻪ ﻟﻴﻪ ﻫﻮ ﺍﻧﺎ ﺻﻐﻴﺮﺓ"
" ﺍﻳﻪ ﺍﻟﺒﻴﺎﺧﺔ ﺩﻯ ... ﻗﻠﻘﺎﻥ ﻋﻠﻴﻜﻰ ﻋﻠﺸﺎﻥ ﺍﺣﻨﺎ ﻓﻰ ﺑﻠﺪ ﻣﻨﻌﺮﻓﻬﺎﺵ
ﻭﻣﻨﻌﺮﻓﺶ ﺍﻟﻤﻜﺎﻥ ﺍﻟﻠﻰ ﺍﺣﻨﺎ ﻓﻴﻪ ﺍﻣﺎﻥ ﻭﻻ ﻷ ... ﻭ100 ﻓﻜﺮﺓ ﺟﻢ ﻓﻰ
ﺑﺎﻟﻰ ﻭﺑﻘﻴﺖ ﻗﻠﻘﺎﻥ ﺍﻛﺘﺮ ... ﺑﻌﺪ ﻛﺪﻩ ﻣﺘﻨﺰﻟﻴﺶ ﺍﻻ ﻟﻤﺎ ﺗﻘﻮﻟﻴﻠﻰ ﺭﺍﻳﺤﺔ
ﻓﻴﻦ ... ﻭﺑﻄﻠﻰ ﻋﻴﺎﻁ ﻭﺇﻻﺍﺍﺍﺍﺍ"
" ﻫﻮ ﺍﻧﺎ ﻳﻌﻨﻰ ﻫﺴﺘﺄﺫﻥ ﻗﺒﻞ ﻣﺎﺍﻧﺰﻝ ﺍﻧﺎ ﻣﺘﻌﻮﺩﺗﺶ ﻋﻠﻰ ﻛﺪﻩ ... ﻭﺑﻌﺪﻳﻦ
ﺍﻳﻪ ﻭﺇﻻ ﺩﻯ ﺍﻧﺖ ﺑﺘﻬﺪﺩﻧﻰ؟"
"ﻳﺎﺳﺘﻰ ﺍﻧﺎ ﻣﺶ ﺑﻬﺪﺩﻙ ﺍﻧﺎ ﺑﺮﺍﺿﻴﻜﻰ ... ﺍﻧﺎ ﻣﺴﺘﺤﻤﻠﺶ ﺍﺷﻮﻓﻚ
ﺑﺘﻌﻴﻄﻰ ﺑﺴﺒﺒﻰ"
"ﻣﺘﺰﻋﻘﻠﻴﺶ ﻛﺪﻩ ﺗﺎﻧﻰ ﻟﻮ ﺳﻤﺤﺖ"
ﻭﻫﻮ ﺑﻴﻤﺴﺢ ﺩﻣﻮﻋﻬﺎ"ﺣﺎﺿﺮ ﺑﺲ ﺑﺮﺿﻪ ﻣﺘﻨﺰﻟﻴﺶ ﻣﻦ ﻏﻴﺮ ﻣﺎﺗﻘﻮﻟﻴﻠﻰ"
ﻟﺴﻪ ﻫﺘﺘﻜﻠﻢ ﺣﻂ ﺍﻳﺪﻩ ﻋﻠﻰ ﺑﺆﻫﺎ " ﺧﻼﺹ ﺑﻘﻰ ﺍﻟﻤﻮﺿﻮﻉ ﺍﻧﺘﻬﻰ"
ﻫﺰﺕ ﺩﻣﺎﻏﻬﺎ ﻣﻌﻠﻨﺔ ﻣﻮﺍﻓﻘﺘﻬﺎ ﻋﻠﻰ ﻛﻼﻣﻪ ... ﻭﻛﺎﻧﺖ ﻓﻰ ﻧﻔﺲ ﺍﻟﻮﻗﺖ
ﻣﺘﻀﺎﻳﻘﺔ ﺍﻧﻬﺎ ﻋﻴﻄﺖ ﻗﺪﺍﻣﻪ ... ﺍﺯﺍﻯ ﺣﺪ ﻳﺸﻮﻑ ﺩﻣﻮﻋﻬﺎ ﻣﻜﻨﺶ ﻻﺯﻡ
ﺩﻩ ﻳﺤﺼﻞ ... ﺍﻣﺎ ﻳﺎﺳﺮ ﻛﺎﻥ ﻣﺘﻀﺎﻳﻖ ﺍﻧﻪ ﺍﺗﺴﺮﻉ ﻭﻋﺎﻣﻠﻬﺎ ﺑﺎﻟﺸﺪﺓ ﺩﻯ
ﻭﻫﻰ ﻛﺎﻧﺖ ﺑﺘﺠﻴﺒﻠﻪ ﺳﺮﻳﺮ ... ﻫﻮ ﺍﺗﺴﺮﻉ ﻭﻣﻜﻨﺶ ﻻﺯﻡ ﻳﻌﻤﻞ ﻛﺪﻩ
"ﻗﻮﻣﻰ ﺍﻏﺴﻠﻰ ﻭﺷﻚ ﻟﺤﺪ ﻣﺎﺍﺩﺧﻞ ﺍﻋﻤﻞ ﺷﺎﻯ ﻭﻧﺸﻮﻑ ﻫﻨﻔﻄﺮ ﺍﻳﻪ
ﻭﺑﻌﺪﻳﻦ ﻧﺸﻮﻑ ﻣﻜﺎﻥ ﻟﻠﺴﺮﻳﺮ"
ﻗﺒﻞ ﻣﺎﺗﺮﺩ ﻋﻠﻴﻪ ﻛﺎﻥ ﻳﺎﺳﺮ ﻗﺎﻡ ﻭﺧﺮﺝ ﻣﻦ ﺍﻻﻭﺿﺔ ﻭﻓﻌﻼ ﻓﻄﺮﻭﺍ ﻭﺑﺪﺃﻭﺍ
ﻓﻰ ﺍﻋﺎﺩﺓ ﺗﻨﻈﻴﻢ ﺍﻻﻭﺿﺔ ﺑﻌﺪ ﻭﺻﻮﻝ ﺍﻟﺴﺮﻳﺮ ﻭﻫﻤﺎ ﺑﻴﻨﻈﻤﻮﺍ ﻗﺮﺭﻭﺍ ﺍﻧﻬﻢ
ﻳﺨﻠﻮﺍ ﺍﻟﺘﻠﻴﻔﺰﻳﻮﻥ ﻭﺍﻟﻜﻤﺒﻴﻮﺗﺮ ﻣﻊ ﺍﻟﺼﺎﻟﻮﻥ ﻭﻳﺴﻴﺒﻮﺍ ﺍﻟﻜﻨﺒﺔ ﻭﺍﻟﻤﻜﺘﺐ
ﻭﺍﻟﺴﺮﻳﺮ ﻓﻰ ﺍﻻﻭﺿﺔ ﻟﺤﺪ ﻣﺎﻳﺠﻴﺒﻮﺍ ﺩﻭﻻﺏ ﺻﻐﻴﺮ ﻳﺒﻘﻮﺍ ﻳﺸﻮﻓﻮﺍ ﻫﻴﺸﻴﻠﻮﺍ
ﺍﻳﻪ ﺗﺎﻧﻰ ... ﻭﺑﻌﺪ ﻛﺎﻡ ﺳﺎﻋﺔ ﻛﺎﻧﻮﺍ ﺧﻠﺼﻮﺍ .. ﻭﺍﻟﺒﺎﺏ ﺧﺒﻂ ... ﻗﺎﻡ ﻳﺎﺳﺮ
ﻳﻔﺘﺢ ﺍﻟﺒﺎﺏ
" ﺳﻼﻣﻮ ﻋﻠﻴﻜﻮ .. ﺍﻧﺎ ﺟﻼﻝ ﺟﺎﺭﻛﻢ ﻓﻰ ﺍﻟﺸﻘﺔ ﺍﻟﻠﻰ ﺟﻨﺒﻜﻢ"
ﻳﺎﺳﺮ "ﺍﻫﻼ ﻭﺳﻬﻼ ﺍﺗﻔﻀﻞ"
ﺩﺧﻞ ﺟﻼﻝ ﺍﻟﺒﻴﺖ ... ﻭﻋﺮﻓﻪ ﻳﺎﺳﺮ ﺑﻴﻬﻢ
" ﺍﻫﻼ ﻳﺎﺍﺳﺘﺎﺫ ﺟﻼﻝ ﺍﻧﺎ ﻳﺎﺳﺮ ﻭﺩﻯ ﻣﺮﺍﺗﻰ ﺷﻴﺮﻳﻦ"
ﺟﻼﻝ"ﺍﻫﻼ ﻳﺎﻣﺪﺍﻡ ﺷﻴﺮﻳﻦ ...ﺗﺸﺮﻓﻨﺎ"
ﺷﻴﺮﻳﻦ"ﺍﻫﻼ ﻭﺳﻬﻼ ﻓﺮﺻﺔ ﺳﻌﻴﺪﺓ"
ﺟﻼﻝ" ﺍﻧﺎ ﺯﻣﻴﻠﻜﻢ ﻓﻰ ﺍﻟﺸﺮﻛﺔ ﻭﻗﻠﺖ ﺑﻤﺎ ﺍﻧﻨﺎ ﻣﺼﺮﻳﻴﻦ ﺯﻯ ﺑﻌﺾ ﻓﻰ
ﺍﻟﻐﺮﺑﺔ ﻧﺘﻌﺮﻑ ﻭﻧﺒﻘﻰ ﺍﺻﺤﺎﺏ"
ﻳﺎﺳﺮ"ﻃﺒﻌﺎ ﻃﺒﻌﺎ ﻣﻨﻮﺭﻧﺎ ... ﻭﺣﻀﺮﺗﻚ ﺑﻘﻰ ﻓﻰ ﻗﺴﻢ ﺍﻳﻪ"
" ﺍﻧﺎ ﻓﻰ ﺍﻟﺤﺴﺎﺑﺎﺕ ... ﻭﻋﺮﻓﺖ ﺍﻥ ﻣﺪﺍﻡ ﺷﻴﺮﻳﻦ ﻫﺘﻜﻮﻥ ﺭﺋﻴﺴﺔ ﺍﻟﻌﻼﻗﺎﺕ
ﺍﻟﻌﺎﻣﺔ ﻟﻔﺮﻭﻉ ﺍﻟﻤﻐﺮﺏ ... ﻭﺣﻀﺮﺗﻚ ﻳﺎﺍﺳﺘﺎﺫ ﻳﺎﺳﺮ"
" ﺍﻧﺎ ﻣﻮﻇﻒ ﻓﻰ ﺍﻻﺩﺍﺭﺓ ﺍﻥ ﺷﺎﺀﺍﻟﻠﻪ"
" ﻏﺮﻳﺒﺔ ﺍﻥ ﺟﻮﺯ ﺭﺋﻴﺴﺔ ﺍﻟﻌﻼﻗﺎﺕ ﺍﻟﻌﺎﻣﺔ ﻳﺒﻘﻰ ﻣﻮﻇﻒ ﻋﺎﺩﻯ ﻫﺎﻫﺎﻫﺎ"
ﺍﺗﻀﺎﻳﻘﺖ ﺷﻴﺮﻳﻦ ﻣﻦ ﻃﺮﻳﻘﺘﻪ ﻭﺧﺼﻮﺻﺎ ﺍﻥ ﻧﻈﺮﺍﺗﻪ ﻟﻴﻬﺎ ﺍﻯ ﻭﺍﺣﺪﺓ ﺗﻘﺪﺭ
ﺗﻔﺴﺮﻫﺎ ﺍﻧﻬﺎ ﻧﻈﺮﺍﺕ ﻣﺶ ﻣﺮﻳﺤﺔ
" ﻭﺣﻀﺮﺗﻚ ﺟﻴﺖ ﻟﻮﺣﺪﻙ ﻟﻴﻪ؟؟ ﻓﻴﻦ ﺍﻟﻤﺪﺍﻡ"
ﺑﺺ ﻟﻬﺎ ﻳﺎﺳﺮ ﻭﻓﻬﻢ ﺍﻧﻬﺎ ﺍﺗﻀﺎﻳﻘﺖ ﺯﻳﻪ ﻣﻦ ﺍﻟﺮﺍﺟﻞ ﺍﻟﻐﺘﺖ ﺩﻩ ﻭﻗﺎﻝ ﻓﻰ
ﺳﺮﻩ ... ﺍﺧﻴﺮﺍ ﻟﺴﺎﻧﻬﺎ ﻧﻔﻌﻨﺎ ﺑﺤﺎﺟﺔ ﻭﻛﺘﻢ ﺿﺤﻜﺔ ﺧﻔﻴﺔ ﻣﻈﻬﺮﺗﺶ ﻋﻠﻰ
ﻭﺷﻪ ... ﻭﺭﺩ ﺟﻼﻝ
" ﻣﺮﺍﺗﻰ ﻣﻦ ﺳﺎﻋﺔ ﻣﺎﺧﻠﻔﺖ ﺍﻟﺘﻮﺃﻡ ﻣﻰ ﻭﻣﻠﻚ ﻭﻫﻰ ﻣﺶ ﻓﺎﺿﻴﺔ ﻟﺤﺎﺟﺔ
ﺧﺎﻟﺺ ﻭﻻ ﺣﺘﻰ ﺍﻧﺎ ... ﺑﻜﺮﺓ ﺗﺠﺮﺏ ﻳﺎﻳﺎﺳﺮ ﻫﺎﻫﺎﻫﺎ"
ﻳﺎﺳﺮ"ﺍﻥ ﺷﺎﺀﺍﻟﻠﻪ"
" ﻭﻫﺘﻨﺰﻟﻮﺍ ﺍﻟﺸﻐﻞ ﻣﻌﺎﻧﺎ ﻓﻰ ﺍﻟﻌﺮﺑﻴﺔ ﻣﺶ ﻛﺪﻩ ﺍﻟﻌﺮﺑﻴﺔ ﺑﺘﻴﺠﻰ ﺍﻟﺴﺎﻋﺔ 9
ﺍﻻ ﺭﺑﻊ ... ﻋﻠﻰ ﻓﻜﺮﺓ ﻳﺎﻳﺎﺳﺮ ﺩﻩ ﻓﻴﻪ ﺷﻴﻔﺖ ﺑﺎﻟﻠﻴﻞ ﻟﻤﻮﻇﻔﻴﻦ ﺍﻻﺩﺍﺭﺓ
ﻭﺑﻴﺒﻘﻰ ﻣﺮﺗﺒﻪ ﺍﺯﻳﺪ ... ﺍﻛﻴﺪ ﻫﻴﻌﺮﺿﻮﺍ ﻋﻠﻴﻚ"
" ﺭﺑﻨﺎ ﻳﺴﻬﻞ"
ﺷﻴﺮﻳﻦ ﻛﺎﻧﺖ ﻣﺶ ﻃﺎﻳﻘﺔ ﺟﻼﻝ ﻭﺣﺴﺖ ﺍﻧﻪ ﻫﻴﻔﻀﻞ ﻗﺎﻋﺪ ﻓﻘﺎﻣﺖ
ﻭﻗﻔﺖ ﻭﻭﺟﻬﺖ ﻛﻼﻣﻬﺎ ﻟﻴﺎﺳﺮ
" ﺍﺟﻴﺐ ﺍﻟﺸﻨﻄﺔ ﻳﺎﻳﺎﺳﺮ ﺍﻧﺖ ﺟﺎﻫﺰ ﻣﺶ ﻛﺪﻩ"
ﺭﺩ ﻳﺎﺳﺮ ﺑﻌﺪ ﻣﺎﻓﻬﻢ ﺍﻧﻬﺎ ﺑﺘﻮﺯﻋﻪ" ﺍﻩ ﺟﺎﻫﺰ"
ﻭﻓﻌﻼ ﺟﺎﺑﺖ ﺷﻴﺮﻳﻦ ﺷﻨﻄﺘﻬﺎ ﻟﻤﺎ ﻟﻘﺖ ﺟﻼﻝ ﻟﺴﻪ ﻗﺎﻋﺪ ﻭﻣﺶ ﺑﻴﺘﺤﺮﻙ
"ﻓﺮﺻﺔ ﺳﻌﻴﺪﺓ ﻳﺎﺍﺳﺘﺎﺫ ﺟﻼﻝ ﻣﻌﻠﺶ ﻣﻠﺤﻘﻨﺎﺵ ﻧﻘﻌﺪ ﻣﻌﺎﻙ ﺍﻟﻤﺮﺓ ﺩﻯ
ﻋﻠﺸﺎﻥ ﻧﺎﺯﻟﻴﻦ"
" ﺭﺍﻳﺤﻴﻦ ﻓﻴﻦ ﻣﻤﻜﻦ ﺍﺩﻟﻜﻮﺍ ﻋﻠﻰ ﺍﻟﻠﻰ ﺍﻧﺘﻮﺍ ﻋﺎﻳﺰﻳﻨﻪ"
ﻛﺎﻥ ﻳﺎﺳﺮ ﻓﺎﺽ ﺑﻴﻪ ﻣﻦ ﻏﻼﺳﺔ ﺟﻼﻝ
"ﻻ ﺷﻜﺮﺍ ﻳﻌﻨﻰ ﺍﺣﻨﺎ 2 ﻋﺮﺳﺎﻥ ﺟﺪﺍﺩ ﺭﺍﻳﺤﻴﻦ ﻧﺘﻔﺴﺢ ﺷﻮﻳﺔ ﻭﻣﺤﺘﺎﺟﻴﻦ
ﻧﻘﻌﺪ ﻣﻊ ﺑﻌﺾ ﻟﻮﺣﺪﻧﺎ ﻭﻻ ﺍﻳﻪ؟؟"
" ﺍﻩ ﻃﺒﻌﺎ ﻳﺎﻻ ﺍﺳﺘﺌﺬﻥ ﺍﻧﺎ ﻭﺍﺑﻘﻰ ﺍﺟﻰ ﻓﻰ ﻭﻗﺖ ﺗﺎﻧﻰ"
ﺷﻴﺮﻳﻦ"ﻧﺒﻘﻰ ﻧﺸﻮﻑ ﺣﻀﺮﺗﻚ ﻓﻰ ﺍﻟﺸﻐﻞ ﺑﻘﻰ ﻋﻠﺸﺎﻥ ﺍﺣﻨﺎ ﺍﻟﻨﻬﺎﺩﺭﺓ
ﻭﺑﻜﺮﺓ ﺑﻨﺘﻔﺴﺢ ﻭﻣﺶ ﺟﺎﻳﻴﻦ ﺍﻟﺒﻴﺖ ﻏﻴﺮ ﻣﺘﺄﺧﺮ"
ﻗﺎﻡ ﺟﻼﻝ ﻭﻫﻮ ﻣﺎﺷﻰ ﻭﻳﺎﺳﺮ ﺑﻴﻮﺻﻠﻪ ﻣﺎﻝ ﻋﻠﻴﻪ ﻭﻭﺷﻮﺷﻪ ﻭﻗﺎﻟﻪ
" ﺍﻧﺘﻮﺍ ﺻﺤﻴﺢ ﻋﺮﺳﺎﻥ ﺟﺪﺍﺩ .. ﻟﻤﺎ ﻣﻌﺎﻙ ﻋﺮﻭﺳﺔ ﺣﻠﻮﺓ ﺯﻯ ﺩﻯ ﺗﺨﺮﺟﻮﺍ
ﻟﻴﻪ؟؟ ﺍﻧﺎ ﻟﻮ ﻣﻨﻚ ﻣﺴﻴﺒﻬﺎﺵ ﻣﻦ ﺣﻀﻨﻰ"
ﺭﺩ ﻳﺎﺳﺮ ﺑﻌﺼﺒﻴﺔ
" ﻣﺎﺗﺤﺘﺮﻡ ﻧﻔﺴﻚ ﺍﻧﺖ ﺍﻳﻪ ﺍﻟﻠﻰ ﺣﺸﺮﻙ ﻓﻰ ﺍﻟﻜﻼﻡ ﺩﻩ"
ﺍﺗﻔﺎﺟﺊ ﺟﻼﻝ ﺑﺎﻟﺮﺩ" ﻫﻬﻪ ﺍﻧﺎ ﺑﻬﺰﺭ ﻣﻌﺎﻙ ﻳﺎﻻ ﺳﻼﻣﻮ ﻋﻠﻴﻜﻮ"
ﻗﻔﻞ ﻳﺎﺳﺮ ﺍﻟﺒﺎﺏ ﻭﺭﺯﻋﻪ ﻭﺭﺍﻩ
" ﺍﻧﺖ ﺯﻋﻘﺖ ﻟﻪ ﻟﻴﻪ"
ﺭﺩ ﻭﻫﻮ ﻣﺎﺯﺍﻝ ﻣﻨﻔﻌﻞ" ﺭﺍﺟﻞ ﺑﺎﺭﺩ ﻭﻗﻠﻴﻞ ﺍﻻﺩﺏ ﻣﺘﺘﻌﺎﻣﻠﻴﺶ ﻣﻌﺎﻩ"
"ﻟﻴﻪ ﻭﻳﻌﻨﻰ ﺍﻳﻪ ﻣﺘﻌﺎﻣﻠﺶ ﻣﻌﺎﻩ"
" ﻛﺪﻩ ﻋﻠﺸﺎﻥ ﻣﺶ ﻣﺤﺘﺮﻡ ... ﻭﺑﻌﺪﻳﻦ ﺍﻳﻪ ﺍﻟﻠﻰ ﻗﻌﺪﻙ ﻣﻌﺎﻧﺎ ﻃﻮﻝ
ﻣﺎﻫﻮ ﻫﻨﺎ ﻛﻨﺘﻰ ﺍﺩﺧﻠﻰ ﺍﻭﺿﺘﻚ"
" ﻟﻴﻪ ﻳﻌﻨﻰ ﻣﺎﺍﻧﺎ ﻛﻞ ﺷﻐﻠﻰ ﻣﻊ ﺭﺟﺎﻟﺔ ﺍﻳﻪ ﺍﻟﺠﺪﻳﺪ"
" ﺍﻟﺠﺪﻳﺪ ﺍﻧﻚ ﻣﺮﺍﺗﻰ ﻭﺍﻧﺎ ﻣﺤﺒﺶ ﺍﻥ ﻣﺮﺍﺗﻰ ﺣﺪ ﻳﺒﺼﻠﻬﺎ"
"ﺍﻧﺖ ﻣﺶ ﻣﻼﺣﻆ ﺍﻧﻚ ﺑﺘﺰﻋﻘﻠﻰ ﺗﺎﻧﻰ "
" ﻟﻮ ﺳﻤﻌﺘﻰ ﺍﻟﺰﺑﺎﻟﺔ ﺩﻩ ﻗﺎﻝ ﺍﻳﻪ ﻫﺘﻌﺬﺭﻳﻨﻰ"
ﺣﺴﺖ ﺷﻴﺮﻳﻦ ﺑﻔﺮﺣﺔ ﺧﻔﻴﺔ ﻣﻦ ﺍﻧﻔﻌﺎﻝ ﻳﺎﺳﺮ ﻭﻣﻜﻨﺘﺶ ﻣﺘﻀﺎﻳﻘﺔ ﻻﻥ
ﺟﻼﻝ ﻓﻌﻼ ﻛﺎﻧﺖ ﻧﻈﺮﺍﺗﻪ ﻟﻴﻬﺎ ﻭﻗﺤﺔ ﻭﻣﻤﻜﻦ ﻳﻘﻮﻝ ﺍﻯ ﺣﺎﺟﺔ
"ﻫﻴﻘﻮﻝ ﺍﻳﻪ ﻳﻌﻨﻰ؟"
" ﺧﻼﺹ ﻣﺎﻟﻮﺵ ﻻﺯﻣﺔ ﺑﺲ ﻳﺎﺭﻳﺖ ﻣﺘﺘﻌﺎﻣﻠﻴﺶ ﻣﻌﺎﻩ ﺗﺎﻧﻰ"
"ﺣﺎﺿﺮ"
" ﻳﺎﺳﻼﻡ ﻋﻠﻴﻜﻰ ﻭﺍﻧﺘﻰ ﺑﺘﻘﻮﻟﻰ ﺣﺎﺿﺮ ﻛﺪﻩ ...ﻭﺍﻟﻨﺒﻰ ﻣﺎﺗﺮﺩﻯ ﺑﻜﻼﻡ ﺑﺎﻳﺦ
ﺗﺎﻧﻰ"
ﻛﺎﻧﺖ ﻃﺮﻳﻘﺘﻪ ﻟﻄﻴﻔﺔ ﻭﺗﻘﺒﻠﺘﻬﺎ ﺷﻴﺮﻳﻦ ﺑﺪﻭﻥ ﺭﺩ ﺑﺎﻳﺦ ﺯﻯ ﻣﺎﻗﺎﻝ ﻭﺍﻛﺘﻔﺖ
ﺑﺎﺑﺘﺴﺎﻣﺔ ﻭﻧﺰﻟﻮﺍ ﻓﻌﻼ ... ﺭﺍﺣﻮﺍ ﺍﺗﻐﺪﻭﺍ ﻭﺣﺎﻭﻟﻮﺍ ﻳﺘﻌﺮﻓﻮﺍ ﻋﻠﻰ ﺍﻟﺒﻠﺪ ﻭﻫﻤﺎ
ﻣﺎﺷﻴﻴﻦ ﻓﻰ ﺍﻟﺸﺎﺭﻉ ﻛﺎﻥ ﻓﻴﻪ ﺯﺣﺎﻡ ﺣﺴﺖ ﺑﻴﻪ ﺷﻴﺮﻳﻦ ﺑﻴﻤﺴﻚ ﺍﻳﺪﻫﺎ
ﻭﺑﺺ ﻟﻬﺎ
" ﻋﻠﺸﺎﻥ ﺍﻟﺰﺣﻤﺔ"
ﺍﻟﻐﺮﻳﺐ ﺍﻥ ﺳﺎﺑﺖ ﺍﻳﺪﻫﺎ ﺗﻐﺮﻕ ﻓﻰ ﺍﻳﺪﻩ ﻭﺣﺴﺖ ﺍﻧﻪ ﻣﺎﺳﻜﻬﺎ ﺑﻘﻮﺓ ﻭﺣﻨﺎﻥ
ﻓﻰ ﻧﻔﺲ ﺍﻟﻮﻗﺖ ﺍﺣﺴﺎﺱ ﺍﻥ ﺣﺪ ﺧﺎﻳﻒ ﻋﻠﻴﻬﺎ ﺩﻩ ﻛﺎﻥ ﻣﺨﻠﻴﻬﺎ ﻓﻰ
ﺳﻌﺎﺩﺓ ﻣﻦ ﻳﻮﻡ ﻣﺎﺗﻮﻓﻰ ﺑﺎﺑﺎﻫﺎ ﻭﻫﻰ ﻓﻰ ﺍﻟﻜﻠﻴﺔ ﻭﻫﻰ ﻣﺤﺴﺘﺶ ﺍﻧﻬﺎ
ﻣﺴﺌﻮﻟﺔ ﻣﻦ ﺣﺪ ﻛﺎﻧﺖ ﺣﺎﺳﺔ ﺍﻥ ﻫﻰ ﺍﻟﻠﻰ ﻣﺴﺌﻮﻟﺔ ﻋﻦ ﺍﻣﻬﺎ ﻭﺍﺧﺘﻬﺎ ...
ﺩﻟﻮﻗﺘﻰ ﻭﻫﻰ ﺣﺎﺳﺔ ﺍﻧﻬﺎ ﻣﺴﺌﻮﻟﺔ ﻣﻦ ﻳﺎﺳﺮ ﻣﺨﻠﻴﻬﺎ ﺳﻌﻴﺪﺓ ... ﻋﻘﻠﻬﺎ
ﻓﻜﺮﻫﺎ ﺍﻥ ﻣﻴﻨﻔﻌﺶ ﺗﺴﺘﺴﻠﻢ ﺣﺘﻰ ﻟﻮ ﻛﺎﻧﺖ ﺣﺎﺟﺔ ﺑﺴﻴﻄﺔ ﺯﻯ ﺍﻧﻪ
ﻳﻤﺴﻚ ﺍﻳﺪﻳﻬﺎ ... ﻃﺮﺩﺕ ﺍﻻﻓﻜﺎﺭ ﻣﻦ ﻋﻘﻠﻬﺎ ﻭﺳﺎﺑﺖ ﻧﻔﺴﻬﺎ ﻣﺴﺘﺴﻠﻤﺔ
ﻟﻠﺴﻌﺎﺩﺓ ﻋﻠﻰ ﺍﻻﻗﻞ ﺍﻟﻔﺘﺮﺓ ﺍﻟﺒﺴﻴﻄﺔ ﺍﻟﻠﻰ ﻫﻤﺎ ﺧﺎﺭﺟﻴﻦ ﻓﻴﻬﺎ ﻣﻊ
ﺑﻌﺾ.