=-=-=-=-=-=-=-=
ﺷﻴﺮﻳﻦ ﺍﻗﻨﻌﺖ ﻧﻔﺴﻬﺎ ﺍﻧﻬﺎ ﻣﻀﻄﺮﺓ ﺍﻥ ﺗﺨﻔﻰ ﺍﻟﺤﻘﻴﻘﺔ ﻋﻠﺸﺎﻥ ﺗﺤﻘﻖ
ﻃﻤﻮﺣﻬﺎ ﻭﺷﻐﻠﻬﺎ ﺍﻟﻠﻰ ﻋﺎﻳﺸﺔ ﻋﻠﺸﺎﻧﻪ ﻭﻫﻰ ﻣﺨﺘﻠﻔﺔ ﻋﻦ ﺣﺴﺎﻡ ﺍﻟﻠﻰ
ﻋﻠﻰ ﻃﻮﻝ ﺑﻴﻜﺪﺏ
ﺍﺗﺼﻠﺖ ﺑﻴﺎﺳﺮ
"ﺍﻟﻮ ﻳﺎﺳﺮ ... ﺍﻧﺎ ﻗﻠﺖ ﻟﻤﺎﻣﺎ ﻋﻠﻰ ﺍﻟﺠﻮﺍﺯ ﻭﻋﺎﻳﺰﺓ ﺗﻘﺎﺑﻠﻚ ... ﻓﺎﺿﻰ ﺑﻜﺮﺓ"
ﺍﺗﻔﺎﺟﺊ ﻳﺎﺳﺮ ﺑﻜﻼﻣﻬﺎ
"ﺍﻳﻮﻩ ﻓﺎﺿﻰ ﺑﺲ ﺍﻗﺎﺑﻠﻬﺎ ﻟﻴﻪ ﻭﺍﻗﻮﻟﻬﺎ ﺍﻳﻪ؟؟"
" ﻫﺘﻘﺎﺑﻠﻬﺎ ﻛﺎﻧﻚ ﺑﺘﺨﻄﺒﻨﻰ ﺑﺠﺪ ﻭﺑﻜﺮﺓ ﻋﺎﻳﺰﺓ ﺍﻗﺎﺑﻠﻚ ﻧﺮﻭﺡ ﻣﺸﻮﺍﺭ ﻭﺑﻌﺪﻳﻦ
ﺗﻴﺠﻰ ﻣﻌﺎﻳﺎ ﻉ ﺍﻟﺒﻴﺖ ﻭﻫﻔﻬﻤﻚ ﻛﻞ ﺣﺎﺟﺔ ﻟﻤﺎ ﺍﺷﻮﻓﻚ"
"ﺣﺎﺿﺮ ... ﺍﻟﺴﺎﻋﺔ ﻛﺎﻡ ﻭﻓﻴﻦ"
" ﻫﻘﻮﻟﻚ ﻭﺍﻧﺎ ﻧﺎﺯﻟﺔ ﻣﻦ ﺍﻟﺒﻴﺖ"
ﺗﺎﻧﻰ ﻳﻮﻡ ﻛﺎﻧﺖ ﺍﻻﻡ ﻓﺮﺣﺎﻧﺔ ﻟﻤﺎ ﻗﺎﻟﺘﻠﻬﺎ ﺍﻥ ﻳﺎﺳﺮ ﺟﺎﻯ ﺍﻟﻨﻬﺎﺭﺩﺓ ﻭﻋﻤﺎﻟﺔ
ﺗﺴﺘﻌﺪ ﻫﻨﺠﻴﺐ ﻛﺬﺍ ﻭﻧﻌﻤﻞ ﻛﺬﺍ ﻭﺷﻴﺮﻳﻦ ﻋﺎﺩﻯ ﺟﺪﺍ ﻭﻫﺎﺩﻳﺔ ﺧﺎﻟﺺ ﻭﻻ
ﻛﺄﻥ ﺣﺪ ﺟﺎﻯ ﻭﺍﻻﻡ ﻓﺴﺮﺕ ﻫﺪﻭﺋﻬﺎ ﺩﻩ ﺑﺎﻧﻬﺎ ﻋﻠﺸﺎﻥ ﻋﺎﺭﻓﺎﻩ ﻭﺍﺧﺪﻩ
ﻋﻠﻴﻪ ﻣﺶ ﻣﺘﻮﺗﺮﺓ ﺧﺎﻟﺺ ﻭﻗﺒﻞ ﺍﻟﻤﻐﺮﺏ ﺑﺸﻮﻳﺔ ﻧﺰﻟﺖ ﺷﻴﺮﻳﻦ ﺑﺎﻋﺘﺒﺎﺭﻫﺎ
ﺭﺍﻳﺤﺔ ﺗﺠﻴﺐ ﻳﺎﺳﺮ ﻣﻦ ﺍﻟﺴﻮﺑﺮ ﺟﻴﺖ ﻋﻠﺸﺎﻥ ﻣﺶ ﻋﺎﺭﻑ ﺍﻟﺒﻴﺖ ... ﺍﻧﻤﺎ
ﻓﻰ ﺍﻟﺤﻘﻴﻘﺔ ﺭﺍﻳﺤﺔ ﺗﻘﺎﺑﻠﻪ ﺑﻌﺪ ﻣﺎﺍﺗﺼﻠﺖ ﺑﻴﻪ ﻭﺣﺪﺩﺕ ﻣﻜﺎﻥ ﻗﺮﻳﺐ ﻣﻦ
ﺑﻴﺘﻪ ﻫﺘﺎﺧﺪﻩ ﻣﻨﻪ ... ﻭﺻﻠﺖ ﻟﻪ ﻭﺭﻛﺐ ﻣﻌﺎﻫﺎ
" ﻳﺎ ﺍﺳﺘﺎﺫﺓ ﺷﻴﺮﻳﻦ ﺍﻧﺎ ﻣﺶ ﻓﺎﻫﻢ ﺍﻗﺎﺑﻞ ﻣﺎﻣﺘﻚ ﺍﺯﺍﻯ ﻭﺍﻗﻮﻟﻬﺎ ﺍﻳﻪ"
" ﻫﺘﻘﺎﺑﻠﻬﺎ ﻛﺎﻧﻚ ﺗﻌﺮﻓﻨﻰ ﻣﻦ ﺍﻟﺸﻐﻞ ﻭﺍﻧﺎ ﻛﻨﺎ ﻣﺨﻄﻮﺑﺔ ﻭﺍﻧﺖ ﺍﺗﻘﺪﻣﺘﻠﻰ
ﺑﻌﺪ ﻣﺎ ﻓﺴﺨﺖ ﺍﻟﺨﻄﻮﺑﺔ ... ﻭﺣﺎﻭﻝ ﻣﺘﻐﻠﻄﺶ ﻓﻰ ﺣﺎﺟﺔ ﻓﻰ ﻛﻼﻣﻚ
ﺍﻧﺖ ﻣﻦ ﺍﺳﻜﻨﺪﺭﻳﺔ ﻭﻟﻤﺎ ﺗﺴﺄﻟﻚ ﻓﻴﻦ ﺍﻫﻠﻚ ﻗﻮﻟﻬﺎ ﺑﺎﺑﺎﻙ ﺗﻌﺒﺎﻥ ﻭﻣﺎﻣﺘﻚ
ﻣﻘﺪﺭﺗﺶ ﺗﺴﻴﺒﻪ ﻭﺗﻴﺠﻰ ﻣﻌﺎﻙ ... ﻭﺍﻧﺎ ﻫﺤﺎﻭﻝ ﺃﻟﺤﻘﻚ ... ﺭﺑﻨﺎ ﻳﺴﺘﺮ"
"ﺣﺎﺿﺮ ... ﺭﺑﻨﺎ ﻳﺴﺘﺮ"
ﻣﺸﻴﺖ ﺷﻴﺮﻳﻦ ﺑﺎﻟﻌﺮﺑﻴﺔ ﻭﻭﻗﻔﺖ ﻗﺪﺍﻡ ﻣﺤﻞ ﺷﻴﻚ ﻭﻧﺰﻟﻮﺍ ﻣﻊ ﺑﻌﺾ ...
ﻭﺍﺗﻔﺎﺟﺊ ﻳﺎﺳﺮ ﺑﺸﻴﺮﻳﻦ ﻭﻫﻰ ﺩﺍﺧﻠﺔ ﻣﺤﻞ ﻣﻼﺑﺲ ﺭﺟﺎﻟﻰ ﻭﺑﺘﻘﻮﻟﻪ
"ﺗﻌﺎﻟﻰ ﻧﻘﻰ ﻣﻌﺎﻳﺎ"
"ﺍﻧﻘﻰ ﺍﻳﻪ ﺣﻀﺮﺗﻚ"
" ﻧﻘﻰ ﻃﻘﻤﻴﻦ ﻟﻴﻚ ﻣﺎﻫﻮ ﻣﺶ ﻣﻌﻘﻮﻝ ﻫﺘﻘﺎﺑﻞ ﻣﺎﻣﺎ ﺑﻬﺪﻭﻣﻚ ﺩﻯ"
" ﻣﺎﻟﻮﺵ ﻻﺯﻣﺔ ﺗﻜﻠﻔﻰ ﻧﻔﺴﻚ"
" ﻣﺶ ﻋﻠﺸﺎﻧﻚ ... ﻋﻠﺸﺎﻥ ﻻﺯﻡ ﺗﻈﻬﺮ ﻗﺪﺍﻡ ﺍﻣﻰ ﻭﺍﺧﺘﻰ ﺑﻤﻈﻬﺮ
ﻛﻮﻳﺲ"
ﻛﺎﻥ ﻣﺘﻐﺎﻅ ﻣﻨﻬﺎ ﺍﻭﻯ ﻭﻫﻰ ﻋﻤﺎﻟﺔ ﺗﺘﺄﻣﺮ ﻭﺗﺘﻤﻨﻈﺮ ﻋﻠﻴﻪ ﻛﺪﻩ ﻭﻛﺎﻥ
ﻧﻔﺴﻪ ﻳﺪﻳﻬﺎ ﻗﻠﻢ ﻋﻠﻰ ﻭﺷﻬﺎ ﻭﻳﻘﻮﻟﻬﺎ ﻓﻮﻗﻰ ﻭﺍﺗﻜﻠﻤﻰ ﻛﻮﻳﺲ
ﻭﻳﺴﻴﺒﻬﺎ ﻭﻳﻤﺸﻰ ... ﺑﺲ ﺍﻓﺘﻜﺮ ﻳﺎﺳﻤﻴﻦ ﻭﻓﺮﺣﺘﻬﺎ ﺑﺘﺤﺪﻳﺪ ﺟﻮﺍﺯﻫﺎ ﻭﺍﻓﺘﻜﺮ
ﺍﻣﻪ ﻭﺍﺑﻮﻩ ﻭﺍﺧﻮﺍﺗﻪ ﻭﺣﺎﻟﻬﻢ ﻟﻮ ﺳﺎﻓﺮ ﻭﺣﺎﻟﻬﻢ ﻟﻮ ﻣﺴﺎﻓﺮﺵ
" ﻃﻴﺐ ﺍﺗﻔﻀﻠﻰ ﻧﻘﻰ ﺣﻀﺮﺗﻚ ﺍﻟﻠﻰ ﺗﺸﻮﻓﻴﻪ ﻭﺍﻧﺎ ﻣﻮﺍﻓﻖ"
ﻗﻌﺪﺕ ﺷﻴﺮﻳﻦ ﺗﺨﺘﺎﺭ ﻭﺗﺸﻮﻑ ﺍﻟﻠﺒﺲ ﺍﻟﻤﻨﺎﺳﺐ ﻭﻫﻮ ﻣﺎﺳﻚ ﻧﻔﺴﻪ ﻉ
ﺍﻻﺧﺮ ﻣﻦ ﻃﺮﻳﻘﺘﻬﺎ ﻭﺑﻌﺪ ﻣﺎﻧﻘﻮﺍ ﻃﻘﻤﻴﻦ
" ﺧﻠﻴﻚ ﻻﺑﺲ ﺍﻟﻄﻘﻢ ﺩﻩ"
ﻭﻫﻮ ﺑﻴﺠﺰ ﻋﻠﻰ ﺳﻨﺎﻧﻪ"ﺣﺎﺿﺮ"
ﻭﺧﺪﺗﻪ ﻭﺭﺍﺣﻮﺍ ﻋﻠﻰ ﻣﺤﻞ ﺩﻫﺐ ﻭﻗﺎﻟﺖ ﻟﻠﺠﻮﺍﻫﺮﺟﻰ ﻫﺎﺕ ﺩﺑﻠﺘﻴﻦ
" ﺑﺲ ﺍﻧﺎ ﻣﺶ ﻫﻠﺒﺲ ﺩﻫﺐ ... ﻟﻮ ﻓﻀﺔ ﻣﺎﺷﻰ"
" ﺧﻼﺹ ﺧﻼﺹ ﻃﻴﺐ"
ﻭﺍﺷﺘﺮﺕ ﺩﺑﻠﺔ ﺩﻫﺐ ﻭﺩﺑﻠﺔ ﻓﻀﺔ ﻭﺭﺍﺣﻮﺍ ﻟﻠﺒﻴﺖ ... ﻭﻫﻰ ﻃﺎﻟﻌﺔ ﻗﺎﻟﺘﻠﻪ
" ﺧﺪ ﺑﺎﻟﻚ ﻣﻴﻨﻔﻌﺶ ﺍﺳﺘﺎﺫﺓ ﻭﺣﻀﺮﺗﻚ ﻭﺍﻟﻜﻼﻡ ﺍﻟﺮﺳﻤﻰ ﺩﻩ ... ﺍﺗﻌﺎﻣﻞ
ﻣﻌﺎﻳﺎ ﻛﺎﻧﻨﺎ ﻧﻌﺮﻑ ﺑﻌﺾ ﻣﻦ ﺯﻣﺎﻥ ... ﻭﺧﻠﻰ ﺑﺎﻟﻚ ﻣﻦ ﻛﻼﻣﻚ ﻣﻊ ﻣﺎﻣﺎ"
ﻭﺻﻠﻮﺍ ﺍﻟﺒﻴﺖ ﻭﺭﺣﺒﻮﺍ ﺑﻴﻪ ﺟﺪﺍ ﻭﻣﺎﻣﺘﻬﺎ ﻭﻣﺮﻭﺓ ﻛﺎﻧﻮﺍ ﺑﻴﺘﻌﺎﻣﻠﻮﺍ ﻣﻌﺎﻩ ﺑﻜﻞ
ﻭﺩ ﻟﻤﺎ ﺷﺎﻓﻮﻩ ﺫﻭﻕ ﻭﻣﺆﺩﺏ ﻭﻃﺒﻌﺎ ﻛﺎﻧﺖ ﺷﻴﺮﻳﻦ ﻗﺎﻳﻠﺔ ﻟﻤﺎﻣﺘﻬﺎ
ﻣﺘﺴﺄﻟﻮﺵ ﻛﺘﻴﺮ ﻻﻧﻪ ﺧﺠﻮﻝ ﺟﺪﺍ ﻭﻣﻔﻴﺶ ﺩﺍﻋﻰ ﻻﺣﺮﺍﺟﻪ ﺑﺎﻻﺳﺌﻠﺔ
ﻭﻋﺪﺕ ﺍﻟﻤﻘﺎﺑﻠﺔ ﻋﻠﻰ ﺧﻴﺮ ﻭﻟﺒﺴﻮﺍ ﺍﻟﺪﺑﻞ ﻭﺍﺗﻔﻘﻮﺍ ﺍﻧﻬﻢ ﻳﻜﺘﺒﻮﺍ ﺍﻟﻜﺘﺎﺏ
ﺍﻟﺨﻤﻴﺲ ﺍﻟﺠﺎﻯ ﻋﻠﺸﺎﻥ ﻳﺒﺪﺃﻭﺍ ﺍﻟﺘﺠﻬﻴﺰ ﻟﻠﺴﻔﺮ ... ﻭﻓﻰ ﻧﻬﺎﻳﺔ ﺍﻟﻤﻘﺎﺑﻠﺔ
ﻗﺎﻟﺖ ﺍﻻﻡ
" ﻟﻮ ﻋﺎﻳﺰﻳﻦ ﺗﻨﺰﻟﻮﺍ ﺗﺨﺮﺟﻮﺍ ﺷﻮﻳﺔ ﺍﻧﺰﻟﻮﺍ ﻣﻊ ﺑﻌﺾ"
ﻓﺎﺿﻄﺮﻭﺍ ﻳﺘﻈﺎﻫﺮﻭﺍ ﺑﺎﻟﻤﻮﺍﻓﻘﺔ ﻭﺍﻟﺴﻌﺎﺩﺓ ﻭﻧﺰﻟﻮﺍ ﻓﻌﻼ ...
"ﺗﻌﺎﻟﻰ ﻧﺴﺘﻐﻞ ﻧﺰﻭﻟﻨﺎ ﻭﻧﺮﻭﺡ ﻧﺸﻮﻑ ﺑﺪﻟﺔ ﻟﻜﺘﺐ ﺍﻟﻜﺘﺎﺏ"
" ﻣﻔﻴﺶ ﺩﺍﻋﻰ ﺍﻧﺘﻰ ﺍﻟﻨﻬﺎﺭﺩﺓ ﺍﺗﻜﻠﻔﺘﻰ ﻛﺘﻴﺮ"
"ﻳﻌﻨﻰ ﺍﻧﺎ ﻟﻮ ﻣﺠﻴﺒﺘﺶ ﺍﻧﺖ ﻫﺘﻘﺪﺭ ﺗﺠﻴﺐ ... ﺍﻧﺖ ﻣﻤﻜﻦ ﻣﻴﻜﻮﻧﺶ ﻣﻌﺎﻙ
50 ﺟﻨﻴﻪ ﻓﻰ ﺟﻴﺒﻚ"
ﻟﺴﻪ ﻫﻴﺮﺩ ﻋﻠﻴﻬﺎ ﻟﻘﻮﺍ ﺧﺒﻄﺔ ﻋﻠﻰ ﻛﺒﻮﺕ ﺍﻟﻌﺮﺑﻴﺔ ﻭﺣﺴﺎﻡ ﻇﻬﺮ ﻓﺠﺄﺓ
ﻭﻓﺘﺢ ﺑﺎﺏ ﻋﺮﺑﻴﺘﻬﺎ ﻭﻫﻮ ﺑﻴﺸﺪﻫﺎ ﻣﻦ ﺍﻟﻌﺮﺑﻴﺔ
" ﻣﻴﻦ ﺩﻩ ﻳﺎ ﺍﻧﺴﺔ ﻳﺎ ﻣﺤﺘﺮﻣﺔ ... ﻫﻮ ﺩﻩ ﺍﻟﻠﻰ ﺳﻴﺒﺘﻴﻨﻰ ﻋﻠﺸﺎﻧﻪ ... ﻛﻨﺘﻰ
ﺑﺘﻀﺤﻜﻰ ﻋﻠﻴﻪ ... ﺗﻼﻗﻴﻜﻰ ﻛﻨﺘﻰ ﻣﺎﺷﻴﺔ ﻣﻌﺎﻩ ﻭﺍﻧﺘﻰ ﻣﺨﻄﻮﺑﺎﻟﻰ "
" ﺍﻧﺖ ﺍﺗﺠﻨﻨﺖ ﺳﻴﺒﻨﻰ ﻳﺎﺣﺴﺎﻡ ﻭﺍﺗﻜﻠﻢ ﻛﻮﻳﺲ"
ﻧﺰﻝ ﻳﺎﺳﺮ ﺑﺴﺮﻋﺔ ﻋﻠﺸﺎﻥ ﻳﺨﻠﺼﻬﺎ ﻣﻦ ﺍﻳﺪﻩ
" ﺍﻳﻮﻩ ﺍﺗﺠﻨﻨﺖ ﻣﺎﺍﻧﺎ ﻛﻨﺖ ﻧﺎﻳﻢ ﻋﻠﻰ ﻭﺩﺍﻧﻰ ﻭﺍﻧﺘﻰ ﺑﺘﺘﺴﺮﻣﺤﻰ ﻣﻊ ﺍﻟﻠﻮﺡ
ﺩﻩ"
ﻫﺠﻢ ﻋﻠﻴﻪ ﻳﺎﺳﺮ ﻭﺧﻠﺼﻬﺎ ﻣﻦ ﺍﻳﺪﻩ .. ﻭﻗﺎﻟﻪ ﻭﻫﻮ ﺑﻴﻀﺮﺑﻪ
" ﺍﻟﻠﻰ ﺑﺘﻜﻠﻤﻬﺎ ﺩﻯ ﺧﻄﻴﺒﺘﻰ ... ﻭﺍﻳﺎﻙ ﺗﺘﻌﺮﺽ ﻟﻬﺎ ﺗﺎﻧﻰ ﻭﺍﻻ ﻫﺘﺸﻮﻑ
ﺍﻟﻠﻰ ﻋﻤﺮﻙ ﻣﺎﻛﻨﺖ ﺗﺘﺨﻴﻠﻪ ...ﻏﻮﺭ ﻣﻦ ﻫﻨﺎ"
ﺭﺩ ﺣﺴﺎﻡ ﺑﺎﺳﺘﻐﺮﺍﺏ
"ﺧﻄﻴﺒﺘﻪ ...ﺍﻣﺘﻰ ﺩﻩ ... ﻣﺎﺷﻰ ﻳﺎ ﺷﻴﺮﻳﻦ ﺍﻧﺎ ﻫﻮﺭﻳﻜﻰ"
" ﻗﻠﺘﻠﻚ ﺍﻳﺎﻙ ﺗﺘﻌﺮﺽ ﻟﻬﺎ ﺗﺎﻧﻰ"
ﺑﻜﻞ ﻋﺼﺒﻴﺔ ﺭﻛﺐ ﺣﺴﺎﻡ ﻋﺮﺑﻴﺘﻪ ﻭﻣﺸﻰ ﺑﺴﺮﻋﺔ ... ﻭﺟﻬﺖ ﺷﻴﺮﻳﻦ
ﻛﻼﻣﻬﺎ ﻟﻴﺎﺳﺮ ﻭﻫﻰ ﺑﺘﻘﻮﻟﻪ
"ﻣﻴﺮﺳﻰ ﻳﺎﻳﺎﺳﺮ ... ﺩﻩ ﺍﻧﺖ ﻃﻠﻌﺖ ﺭﺍﺟﻞ ﺍﻫﻮ"
" ﺗﺼﺪﻗﻰ ﺍﻧﻚ ﺻﺤﻴﺢ ﻣﺶ ﻣﺤﺘﺮﻣﺔ ﺍﻧﺎ ﻣﺴﺘﺤﻤﻞ ﻛﻼﻣﻚ ﻭﺍﻫﺎﻧﺎﺗﻚ ﻣﻦ
ﺳﺎﻋﺔ ﻣﺎﺍﺗﻔﻘﻨﺎ ﻋﻠﻰ ﺍﻻﺗﻔﺎﻗﻴﺔ ﺍﻟﺴﻮﺩﺓ ﺩﻯ ... ﻣﻠﻌﻮﻥ ﺍﺑﻮ ﺍﻟﻘﺮﺵ ﺍﻟﻠﻰ
ﻳﻴﺠﻰ ﺑﺎﻟﺬﻝ ... ﻣﻌﻄﻠﻜﻴﺶ ﻭﺷﻮﻓﻰ ﻟﻚ ﺷﺨﺸﻴﺨﺔ ﻏﻴﺮﻯ ﺗﻠﻌﺒﻰ ﺑﻴﻬﺎ"
------------
أنت تقرأ
تحت سقف واحد
Randomانا كنت ناويه ما انزل قصه ثانيه بس لما لقيت التفاعل بيزيد قلت بنزل ويارب تعجبكم 😊
