ﻛﺎﻧﺖ ﺷﻴﺮﻳﻦ ﻋﻠﻰ ﺍﻻﺭﺽ ﻭﺑﺘﺤﺎﻭﻝ ﺗﻜﻠﻢ ﻳﺎﺳﺮ ﻭﻣﺶ ﺣﺎﺳﺔ ﺑﺎﻯ ﺣﺎﺟﺔ
ﺣﻮﺍﻟﻴﻬﺎ ... ﻣﺶ ﺣﺎﺳﺔ ﺍﻥ ﺍﻟﺠﻴﺮﺍﻥ ﺳﻤﻌﻮﺍ ﺻﻮﺕ ﺍﻟﺼﺮﺍﺥ ﻭﻣﺴﻜﻮﺍ
ﺍﻟﺤﺮﺍﻣﻰ ﻭﺍﻥ ﺟﻼﻝ ﻃﻠﺐ ﺍﻻﺳﻌﺎﻑ ﻟﻴﺎﺳﺮ ... ﻛﻞ ﺍﻟﻠﻰ ﻛﺎﻧﺖ ﺷﺎﻳﻔﺎﻩ
ﻭﺣﺎﺳﺔ ﺑﻴﻪ ﺍﻥ ﻳﺎﺳﺮ ﻣﺶ ﺑﻴﺮﺩ ﻋﻠﻴﻬﺎ ﻭﻣﺶ ﺑﻴﺘﺤﺮﻙ ﻭﺩﻣﻪ ﺳﺎﻳﺢ ﻉ
ﺍﻻﺭﺽ ... ﻛﺎﻧﺖ ﺩﻣﻮﻋﻬﺎ ﺷﻼﻻﺕ ﻟﻤﺎ ﺣﺴﺖ ﺍﻥ ﻳﺎﺳﺮ ﺭﺍﺡ ... ﻣﺎﺕ ... ﻻﻻﻻ
... ﺍﺯﺍﻯ ﻫﺘﻌﻴﺶ ﻣﻦ ﻏﻴﺮﻩ ... ﻣﺶ ﻣﻤﻜﻦ ﺗﻘﺪﺭ ﺗﻌﻴﺶ ﻣﻦ ﻏﻴﺮﻩ ... ﻭﺻﻞ
ﺍﻻﺳﻌﺎﻑ ﻭﺍﺧﺪ ﻳﺎﺳﺮ ﻭﻫﻰ ﺭﺍﺣﺖ ﻣﻌﺎﻩ ﻭﺟﻼﻝ ﻣﻌﺎﻫﻢ ﻭﺩﺧﻞ ﻋﻠﻰ
ﺍﻟﻌﻤﻠﻴﺎﺕ ... ﻓﻴﻪ ﺣﺎﻟﺔ ﻫﺮﺝ ﻭﻣﺮﺝ ... ﻭﺍﻟﺪﻛﺎﺗﺮﺓ ﺩﺍﺧﻠﺔ ﻃﺎﻟﻌﺔ ... ﻭﺟﻼﻝ
ﺑﻴﺤﺎﻭﻝ ﻳﻬﺪﻳﻬﺎ ﻭﻳﻄﻤﻨﻬﺎ ... ﻭﺳﻤﻌﺖ ﺍﻟﺪﻛﺘﻮﺭ ﺑﻴﺠﺎﻭﺏ ﻋﻠﻰ ﺟﻼﻝ ﻟﻤﺎ
ﺳﺄﻟﻪ"ﺍﻟﺤﺎﻟﺔ ﺧﻄﻴﺮﺓ ..." ﻛﺎﻧﺖ ﺣﺎﺳﺔ ﺍﻧﻬﺎ ﻓﻰ ﻏﻴﺮ ﻭﻋﻴﻬﺎ ... ﻳﺎﺭﻳﺘﻪ ﻣﺎﻛﺎﻥ
ﻭﺻﻞ ﻓﻰ ﺍﻟﻠﺤﻈﺔ ﺩﻯ ﻛﺎﻧﺖ ﺑﺘﺘﻤﻨﻰ ﺍﻧﻬﺎ ﻛﺎﻧﺖ ﺗﻤﻮﺕ ﻭﻻ ﻳﺤﺼﻠﻪ ﺣﺎﺟﺔ
ﻭﻻ ﻳﻨﺠﺮﺡ ﺟﺮﺡ ﺑﺴﻴﻂ ... ﺧﺮﺝ ﺍﻟﺪﻛﺘﻮﺭ ﻭﻗﺎﻝ
" ﺍﻟﻤﺮﻳﺾ ﻧﺰﻑ ﻛﺘﻴﺮ ﻭﻣﺤﺘﺎﺝ ﻧﻘﻞ ﺩﻡ"
ﻃﺒﻌﺎ ﺷﻴﺮﻳﻦ ﺭﺩﺕ ﺍﻧﻬﻢ ﻳﺎﺧﺪﻭﺍ ﻣﻨﻬﺎ ﻭﺑﻌﺪ ﺍﻟﺘﺤﺎﻟﻴﻞ ﻛﺎﻧﺖ ﻓﺼﻴﻠﺔ ﺩﻣﻬﺎ
ﻣﺨﺘﻠﻔﺔ ﻭﻻ ﺗﺼﻠﺢ ﻓﺎﺗﺒﺮﻉ ﺟﻼﻝ ﻭﻛﺎﻧﺖ ﺍﻟﻔﺼﻴﻠﺔ ﻣﺘﻮﺍﻓﻘﺔ ﻭﻓﻌﻼ ﺍﺗﺒﺮﻉ
ﺟﻼﻝ ﺑﺪﻣﻪ ﻟﻴﺎﺳﺮ ﻭﺑﻌﺪ ﺳﺎﻋﺎﺕ ﻃﻮﻳﻠﺔ ﻓﻰ ﺍﻟﻌﻤﻠﻴﺎﺕ ﺧﺮﺝ ﻳﺎﺳﺮ ﻟﻠﻌﻨﺎﻳﺔ
ﺍﻟﻤﺮﻛﺰﺓ ... ﻭﻟﻤﺎ ﺳﺄﻟﺖ ﺍﻟﺪﻛﺘﻮﺭ ﺟﺎﻭﺑﻬﺎ
"ﻟﺤﺪ ﺑﺎﻟﻠﻴﻞ ﻫﻴﻜﻮﻥ ﻓﻰ ﺍﻟﻌﻨﺎﻳﺔ ﺍﻟﻤﺮﻛﺰﺓ ﻭﻣﻤﻨﻮﻉ ﺗﻮﺍﺟﺪ ﺍﻯ ﺣﺪ ﺑﻌﺪ
ﻛﺪﻩ ﻣﻤﻜﻦ ﻧﻨﻘﻠﻪ ﻏﺮﻓﺔ ﻋﺎﺩﻳﺔ ﻟﻮ ﺍﻟﺤﺎﻟﺔ ﻣﺴﺘﻘﺮﺓ"
" ﺑﺲ ﺍﻧﺎ ﻣﺶ ﻫﺴﻴﺒﻪ"
"ﻣﻤﻨﻮﻉ ...ﻣﻤﻜﻦ ﺗﻴﺠﻰ ﺑﺎﻟﻠﻴﻞ ﻟﻮ ﺣﺎﻟﺘﻪ ﺍﺳﺘﻘﺮﺕ ﻭﺍﺗﻨﻘﻞ ﻏﺮﻓﺔ ﻋﺎﺩﻳﺔ
ﻣﻤﻜﻦ ﻧﺴﻤﺤﻠﻚ ﺑﻤﺮﺍﻓﻘﺘﻪ"
ﻗﺒﻞ ﻣﺎﺗﺮﺩ ﺟﻼﻝ ﻗﺎﻟﻬﺎ
"ﺗﻌﺎﻟﻰ ﻧﻤﺸﻰ ﺩﻟﻮﻗﺘﻰ ﺣﺘﻰ ﺗﺮﺗﺎﺣﻰ ﻭﺗﻐﻴﺮﻯ ﻫﺪﻭﻣﻚ ﺍﻟﻠﻰ ﻓﻴﻬﺎ ﺩﻡ
ﻭﺗﺸﻮﻓﻰ ﻟﻮ ﻣﺤﺘﺎﺟﺔ ﺣﺎﺟﺔ ﻭﺍﻧﺎ ﺍﺟﻴﺒﻚ ﺑﺎﻟﻠﻴﻞ"
ﻭﺍﻓﻘﺖ ﻭﻣﺸﻴﺖ ﻣﻊ ﺟﻼﻝ ﺑﻌﺪ ﻣﺎﺷﺎﻓﺖ ﻳﺎﺳﺮ ﻭﻫﻮ ﻓﺎﻗﺪ ﺍﻟﻮﻋﻰ ﻣﻦ ﺍﺛﺮ
ﺍﻟﺒﻨﺞ ﻣﺸﻴﺖ ﺍﻧﻤﺎ ﻛﺎﻥ ﻗﻠﺒﻬﺎ ﻭﻋﻘﻠﻬﺎ ﻣﻊ ﻳﺎﺳﺮ
ﻟﻤﺎ ﺩﺧﻠﺖ ﺍﻟﺒﻴﺖ ﻭﻛﻨﺎ ﻭﺻﻠﻨﺎ ﻟﺒﻌﺪ ﺍﻟﻈﻬﺮ ﻛﺎﻥ ﻗﻠﺒﻬﺎ ﻣﻘﺒﻮﺽ ﻭﺧﺼﻮﺻﺎ
ﻟﻤﺎ ﺷﺎﻓﺖ ﺍﻭﺿﺘﻬﺎ ﻭﺍﻟﺪﻡ ﺍﻟﻠﻰ ﻣﻐﺮﻗﻬﺎ ... ﻭﻓﺠﺄﺓ ﻟﻘﻴﺖ ﻣﻮﺑﺎﻳﻞ
ﺑﻴﺮﻥ ... ﺩﻩ ﻣﻮﺑﺎﻳﻞ ﻳﺎﺳﺮ ..ﺍﻛﻴﺪ ﻭﻗﻊ ﻣﻨﻪ ﻭﻗﺖ ﺍﻟﺨﻨﺎﻗﺔ ﻣﺴﻜﺖ
ﺍﻟﺘﻠﻴﻔﻮﻥ ... ﻟﻘﻴﺖ ﺍﻟﻤﺘﺼﻞ ﻣﻨﺎﻝ ... ﻗﻌﺪﺕ ﺗﺒﺺ ﻟﻠﺘﻠﻴﻔﻮﻥ ﻭﺩﻣﻮﻋﻬﺎ
ﺑﺘﻨﺰﻝ ﻭﻣﺶ ﻋﺎﺭﻓﺔ ﺗﺘﺼﺮﻑ ... ﻗﺎﻟﺖ ﻟﻨﻔﺴﻬﺎ ﻳﺎﺭﺏ ﺑﺲ ﻳﻘﻮﻡ ﺑﺎﻟﺴﻼﻣﺔ
ﻭﻣﺶ ﻣﻬﻢ ﺍﻯ ﺣﺎﺟﺔ ﺗﺎﻧﻴﺔ ﺣﺘﻰ ﻟﻮ ﺑﻴﺤﺐ ﻭﺍﺣﺪﺓ ﺗﺎﻧﻴﺔ ...ﻣﺶ ﻣﻬﻢ
ﺍﻟﻤﻬﻢ ﻳﻘﻮﻡ ﺑﺎﻟﺴﻼﻣﺔ ﻭﻳﺮﺟﻊ ﺗﺎﻧﻰ ﺯﻯ ﺍﻻﻭﻝ ... ﺑﻌﺪ ﺍﻻﺗﺼﺎﻝ ﻣﺎﻓﺼﻞ
ﺑﺼﺖ ﻟﻘﻴﺖ 6 ﻣﻴﺴﺪ ﻛﻮﻝ ... ﺑﻌﺪﻫﺎ ﺑﻠﺤﻈﺎﺕ ﺟﺖ ﺭﺳﺎﻟﺔ ... ﻓﺘﺤﺘﻬﺎ
ﻭﻛﺎﻧﺖ ﻣﻦ ﻣﻨﺎﻝ" ﺣﺒﻴﺒﻰ ﺍﻧﺖ ﻓﻴﻦ .. ﻣﺶ ﺑﺘﺮﺩ ﻟﻴﻪ ... ﻭﻣﻜﻠﻤﺘﻨﻴﺶ ﻟﻴﻪ
ﺍﻟﺼﺒﺢ ﺯﻯ ﻛﻞ ﻳﻮﻡ ... ﺭﺩ ﻭﻣﺘﻘﻠﻘﻨﻴﺶ ﻋﻠﻴﻚ"
ﺍﻟﻤﻜﺎﻟﻤﺔ ﺧﻠﻴﺘﻬﺎ ﻣﺘﻀﺎﻳﻘﺔ ﺍﻛﺘﺮ ﻭﺍﻛﺘﺮ ... ﺑﻴﻜﻠﻤﻬﺎ ﻛﻞ ﻳﻮﻡ ﻭﻋﺎﻳﺶ ﺣﻴﺎﺗﻪ
ﻣﻌﺎﻫﺎ ﻋﺎﺩﻯ ﻭﺑﺘﻘﻮﻟﻪ ﻳﺎﺣﺒﻴﺒﻰ ... ﻟﻠﺪﺭﺟﺔ ﺩﻯ ﻣﺶ ﺣﺎﺳﺲ
ﺑﻴﻬﺎ ... ﻃﻠﻌﺖ ﻗﻌﺪﺕ ﺑﺮﻩ ﺍﻻﻭﺿﺔ ﻭﻫﻰ ﺑﺘﻔﻜﺮ ﻳﻌﻨﻰ ﻫﻰ ﻣﺮﺍﺗﻪ
ﻭﻣﻔﻴﺶ ﻣﺮﺓ ﻗﺪﺭﺕ ﺗﻘﻮﻟﻪ ﻳﺎﺣﺒﻴﺒﻰ ﺭﻏﻢ ﺍﻧﻬﺎ ﻟﻮ ﻗﺎﻟﺘﻬﺎ ﻫﺘﻜﻮﻥ ﻃﺎﻟﻌﺔ
ﻣﻦ ﻗﻠﺒﻬﺎ ... ﻭﺧﻄﻴﺒﺘﻪ ﺑﺘﺘﻌﺎﻣﻞ ﻣﻌﺎﻩ ﻛﺪﻩ ...ﺍﻛﻴﺪ ﺑﻴﺒﺎﺩﻟﻬﺎ ﺍﻟﺤﺐ ... ﺑﻌﺪ
ﺷﻮﻳﺔ ﺍﻟﺘﻠﻴﻔﻮﻥ ﺭﻥ ... ﺑﺲ ﺍﻟﻤﺮﺓ ﺩﻯ ﻛﺎﻥ ﺍﻟﻤﺘﺼﻞ ﻳﺎﺳﻤﻴﻦ ... ﻣﺮﺓ
ﻭﺍﺗﻨﻴﻦ ﻭﺗﻼﺗﺔ ﻟﺤﺪ ﻣﺎﻓﺼﻞ ... ﻓﻜﺮﺕ ﺗﺮﺩ ﺑﺲ ﻫﺘﻘﻮﻝ ﺍﻳﻪ؟؟ ﻣﻘﺪﺭﺗﺶ
ﺗﺮﺩ ﻻﻧﻬﺎ ﻣﻌﻨﺪﻫﺎﺵ ﺭﺩ ﻭﺟﺖ ﺭﺳﺎﻟﺔ ﺗﺎﻧﻴﺔ ﺑﺲ ﻣﻦ ﻳﺎﺳﻤﻴﻦ
" ﻳﺎﺳﺮ ﺍﻧﺖ ﻛﻮﻳﺲ؟ ﻣﺎﻣﺎ ﻭﻣﻨﺎﻝ ﻗﻠﻘﺎﻧﻴﻦ ﻭﻛﺪﻩ ﺍﻧﺎ ﻛﻤﺎﻥ ﻗﻠﻘﺖ ﻋﻠﻴﻚ
ﺍﻭﻯ ...ﻃﻤﻨﺎ ﺑﺴﺮﻋﺔ"
ﺑﻌﺪ ﺍﻟﺮﺳﺎﻟﺔ ﺩﻯ ﻓﻜﺮﺕ ﺷﻴﺮﻳﻦ ﺗﻌﻤﻞ ﺍﻳﻪ ﻫﻴﻔﻀﻠﻮﺍ ﻳﺘﺼﻠﻮﺍ ﻛﻞ ﺷﻮﻳﺔ
ﺣﺘﻰ ﻟﻮ ﻗﻔﻠﺖ ﺍﻟﺘﻠﻴﻔﻮﻥ ﺣﺮﺍﻡ ﻣﺎﻣﺘﻪ ﺗﻘﻠﻖ ﻣﺶ ﻣﻬﻢ ﺣﺪ ﺗﺎﻧﻰ ﺍﻟﻤﻬﻢ
ﻣﺎﻣﺘﻪ ...ﻓﻜﺮﺕ ﻭﻣﺴﻜﺖ ﺍﻟﺘﻠﻴﻔﻮﻥ ﻭﻛﺘﺒﺖ " ﺍﻧﺎ ﺑﺨﻴﺮ ﺍﻃﻤﻨﻮﺍ ﺍﻟﺘﻠﻴﻔﻮﻥ
ﺑﺎﻳﻆ ﻭﺍﻧﺎ ﻫﻮﺩﻳﻪ ﻳﺘﺼﻠﺢ ﻟﻮ ﻣﺎﺍﺗﺼﻠﺘﺶ ﻛﺎﻡ ﻳﻮﻡ ﻣﺘﻘﻠﻘﻮﺵ ﺍﻭﻝ
ﻣﺎﻳﺘﺼﻠﺢ ﻫﻜﻠﻤﻜﻢ" ﻭﺑﻌﺘﺖ ﺍﻟﺮﺳﺎﻟﺔ ﻋﻠﻰ ﺭﻗﻢ ﻳﺎﺳﻤﻴﻦ ﻭﻗﻔﻠﺖ ﺍﻟﺘﻠﻴﻔﻮﻥ
ﺑﻌﺪﻫﺎ ... ﺣﺘﻰ ﻟﻮ ﻫﻴﻘﻠﻘﻮﺍ ﺷﻮﻳﺔ ﺑﺲ ﺍﺭﺣﻢ ﻣﺎﻳﻌﺮﻓﻮﺍ ﺍﻟﻠﻰ ﺣﺼﻞ
ﺑﻌﺪ ﺷﻮﻳﺔ ﻟﻘﻴﺖ ﺍﻟﺒﺎﺏ ﺑﻴﺨﺒﻂ
" ﺟﻴﻬﺎﻥ ﺗﻌﺎﻟﻰ ﺍﺗﻔﻀﻠﻰ"
"ﺍﻧﺘﻰ ﻋﺎﻣﻠﺔ ﺍﻳﻪ ﺩﻟﻮﻗﺘﻰ"
"ﺍﻟﺤﻤﺪﻟﻠﻪ ﺑﺲ ﺍﻫﻢ ﺣﺎﺟﺔ ﻳﺎﺳﺮ ﻳﻘﻮﻡ ﺑﺎﻟﺴﻼﻣﺔ"
" ﺍﻥ ﺷﺎﺀﺍﻟﻠﻪ ﺭﺑﻨﺎ ﻳﻄﻤﻨﻚ ﻋﻠﻴﻪ ... ﺧﺪﻯ ﺍﺗﻐﺪﻯ ﺍﻛﻴﺪ ﻣﻌﻤﻠﺘﻴﺶ ﺍﻛﻞ ﻭﻻ
ﺍﻛﻠﺘﻰ ﻣﻦ ﺍﻟﺼﺒﺢ"
"ﻻ ﻣﻴﺮﺳﻰ ﻣﻠﻴﺶ ﻧﻔﺲ ﻭﺍﻟﻠﻪ ... ﻭﺍﻋﻤﻞ ﺍﻳﻪ ﺍﻧﺎ ﻣﺶ ﻋﺎﺭﻓﺔ ﺍﻋﻤﻞ
ﺣﺎﺟﺔ ﺧﺎﻟﺺ ﺣﺘﻰ ﺍﻻﻭﺿﺔ ﻛﻠﻬﺎ ﺩﻡ ﻭﻣﺶ ﻋﺎﺭﻓﺔ ﺍﻧﻀﻔﻬﺎ"
"ﺑﺼﻰ ﺍﻧﺎ ﺍﻋﺮﻑ ﻭﺍﺣﺪﺓ ﺑﺘﻨﻀﻒ ﻫﺘﺼﻞ ﺑﻴﻬﺎ ﻭﺍﺑﻌﺘﻬﺎﻟﻚ ﻗﺒﻞ ﻣﺎﺗﻨﺰﻟﻰ"
"ﻣﻴﺮﺳﻰ ﻳﺎﺟﻴﻬﺎﻥ ﺍﻧﺎ ﻣﺶ ﻋﺎﺭﻓﺔ ﻣﻦ ﻏﻴﺮﻛﻮﺍ ﻛﻨﺖ ﻋﻤﻠﺖ ﺍﻳﻪ"
ﻭﺑﺎﻟﻠﻴﻞ ﺑﻌﺪ ﻣﺎ ﺍﻟﺴﺖ ﺧﻠﺼﺖ ﺗﻨﻀﻴﻒ ﺭﺍﺣﺖ ﺷﻴﺮﻳﻦ ﺍﻟﻤﺴﺘﺸﻔﻰ ﻭﻫﻰ
ﺍﻳﺪﻫﺎ ﻋﻠﻰ ﻗﻠﺒﻬﺎ ... ﻭﻋﺮﻓﺖ ﺍﻧﻪ ﺍﺗﻨﻘﻞ ﻏﺮﻓﺔ ﻋﺎﺩﻳﺔ ... ﺍﻭﻝ ﻣﺎﺩﺧﻠﺖ
ﻭﺷﺎﻓﺘﻪ ﻧﺎﻳﻢ ﻭﻣﺘﻌﻠﻖ ﻟﻪ ﺍﻟﻤﺤﺎﻟﻴﻞ ﻭﻣﺤﻄﻮﻁ ﺍﺟﻬﺰﺓ ﻋﻠﻰ ﺻﺪﺭﻩ
ﻣﻘﺪﺭﺗﺶ ﺗﻤﺴﻚ ﻧﻔﺴﻬﺎ ﻭﺟﺮﻳﺖ ﻋﻠﻴﻪ ﻣﺴﻜﺖ ﺍﻳﺪﻩ ﻭﺑﺎﺳﺘﻬﺎ ﻭﻫﻰ
ﺑﺘﻌﻴﻂ ﻗﻌﺪﺕ ﺟﻨﺒﻪ ﻭﻋﻨﻴﻬﺎ ﻋﻠﻴﻪ ... ﺍﻭﻝ ﻣﺮﺓ ﺗﻘﺪﺭ ﺗﺒﺺ ﻟﻪ ﻛﺘﻴﺮ ..
ﻳﺎﺍﺍﺍﺍﻩ ﻗﺪ ﻛﺪﻩ ﺑﺘﺤﺒﻪ ... ﻭﻛﺎﻧﺖ ﻧﻔﺴﻬﺎ ﻳﻔﻮﻕ ﻭﻳﻜﻠﻤﻬﺎ ﻭﻟﻤﺎ ﺳﺄﻟﺖ ﻫﻮ
ﻟﻴﻪ ﻧﺎﻳﻢ ﻋﺮﻓﺖ ﺍﻧﻪ ﺍﺧﺪ ﻣﻨﻮﻡ ﻓﻰ ﺍﻟﻤﺤﺎﻟﻴﻞ ﻋﻠﺸﺎﻥ ﻣﻴﺤﺴﺶ ﺑﺎﻻﻻﻡ ...
ﻭﺑﻌﺪ ﻳﻮﻣﻴﻦ ﻭﻫﻰ ﻗﺎﻋﺪﺓ ﻭﻣﺎﺳﻜﺔ ﺍﻳﺪﻩ ﺍﻟﻠﻰ ﻣﺎﺳﺒﺘﻬﺎﺵ ﺧﺎﻟﺺ ...
ﺣﺴﺖ ﺑﺎﻳﺪﻩ ﺑﺘﺘﺤﺮﻙ ﻭﺑﺪﺃ ﻳﻔﺘﺢ ﻋﻴﻨﻴﻪ ﻭﺍﻭﻝ ﺣﺎﺟﺔ ﻧﻄﻘﻬﺎ
"ﺷﻴﺮﻳﻦ"
ﺍﻧﺘﻔﻀﺖ ﺷﻴﺮﻳﻦ ﻣﻦ ﻣﻜﺎﻧﻬﺎ ﻭﻫﻰ ﻓﻰ ﻗﻤﺔ ﺍﻟﺴﻌﺎﺩﺓ
" ﻳﺎﺳﺮ ﺍﻧﺖ ﻛﻮﻳﺲ؟؟"
"ﺍﻟﺤﻤﺪﻟﻠﻪ .. ﺣﺼﻞ ﺍﻳﻪ"
" ﻟﻤﺎ ﻭﺻﻠﺖ ﺍﻟﺒﻴﺖ ﻭﻟﻘﻴﺖ ﺍﻟﺤﺮﺍﻣﻰ "...
" ﺍﻩ ﺍﻓﺘﻜﺮﺕ ﺍﻧﺘﻰ ﺣﺼﻠﻚ ﺣﺎﺟﺔ"
"ﻻ ﺍﻧﺎ ﻛﻮﻳﺴﺔ ﺍﻟﻤﻬﻢ ﺍﻧﺖ"
ﺑﺪﺃ ﻳﺎﺳﺮ ﻓﻰ ﺍﻟﺘﺤﺴﻦ ﺍﻟﺘﺪﺭﻳﺠﻰ ﻓﻰ ﺍﻻﻳﺎﻡ ﺍﻟﻠﻰ ﺑﻌﺪ ﻛﺪﻩ ﻭﻛﺎﻧﻮﺍ
ﻗﺮﻳﺒﻴﻦ ﻣﻦ ﺑﻌﺾ ﺍﻭﻯ ﻓﻰ ﺍﻟﻔﺘﺮﺓ ﺩﻯ ... ﻛﺎﻧﺖ ﻗﺎﻋﺪﺓ ﻣﻌﺎﻩ ﻣﺶ
ﺑﺘﺴﻴﺒﻪ ﺧﺎﻟﺺ ﺑﺘﺴﻨﺪﻩ ﻭﺗﺄﻛﻠﻪ ﻭﺗﺴﻘﻴﻪ ﻟﺤﺪ ﺍﻟﺪﻛﺘﻮﺭ ﻣﺎﻛﺘﺐ ﻟﻪ ﺧﺮﻭﺝ
ﺑﺲ ﻛﺎﻥ ﻟﺴﻪ ﻣﺤﺘﺎﺝ ﺭﻋﺎﻳﺔ ﻓﻜﺎﻧﺖ ﺩﺍﻳﻤﺎ ﻗﺎﻋﺪﺓ ﺟﻨﺒﻪ ﺗﺪﻳﻠﻪ ﻋﻼﺟﻪ
ﺗﺴﻨﺪﻩ ﻭﻫﻮ ﻣﺎﺷﻰ ﻓﻰ ﺍﻟﺒﻴﺖ ﺗﻌﺪﻟﻪ ﺍﻟﻤﺨﺪﺓ ﻗﺒﻞ ﻣﺎﻳﻨﺎﻡ ... ﻛﻞ ﺩﻩ
ﻭﻫﻰ ﻓﻰ ﻣﻨﺘﻬﻰ ﺍﻟﺴﻌﺎﺩﺓ ﺍﻧﻪ ﺑﻴﺘﺤﺴﻦ ﻭﺍﻧﻬﺎ ﺟﻨﺒﻪ ﻃﻮﻝ ﺍﻟﻮﻗﺖ ...
ﻭﺑﻌﺪ ﻣﺎﺷﻔﻰ ﺗﻤﺎﻣﺎ ﺩﺧﻞ ﻟﻬﺎ ﺍﻭﺿﺘﻬﺎ ﻭﻛﺎﻧﺖ ﻟﺴﻪ ﺑﺘﺼﺤﻰ ﻣﻦ ﺍﻟﻨﻮﻡ ...
ﻭﻗﻌﺪ ﻋﻠﻰ ﻃﺮﻑ ﺳﺮﻳﺮﻫﺎ ﻭﺍﺧﺪ ﺍﻳﺪﻳﻬﺎ ﺑﻴﻦ ﺍﻳﺪﻳﻪ
" ﺻﺒﺎﺡ ﺍﻟﺨﻴﺮ "
ﺍﺗﺤﺮﺟﺖ ﺷﻴﺮﻳﻦ ﻭﺍﺗﻔﺎﺟﺌﺖ ﻣﻦ ﺍﻟﻤﻮﻗﻒ ﻭﺍﺗﻌﺪﻟﺖ ﻓﻰ ﻗﻌﺪﺗﻬﺎ ﻭﻫﻰ
ﺑﺘﻌﺪﻝ ﺷﻌﺮﻫﺎ ﻭﻗﺎﻟﺖ ﺑﺨﺠﻞ
" ﺻﺒﺎﺡ ﺍﻟﻨﻮﺭ"
" ﺍﻧﺎ ﻗﺮﺭﺕ ﺍﻧﻰ ﻣﺶ ﻫﺴﻴﺒﻚ ﺑﺎﻟﻠﻴﻞ ﻟﻮﺣﺪﻙ ﺗﺎﻧﻰ ﻭﻫﺸﺘﻐﻞ ﺷﻴﻔﺖ
ﺍﻟﺼﺒﺢ ... ﺍﻳﻪ ﺭﺃﻳﻚ"
ﺑﻜﻞ ﺳﻌﺎﺩﺓ ﺭﺩﺕ
" ﺍﻩ ﻛﻮﻳﺲ ﺟﺪﺍ"
" ﺍﻧﺎ ﻋﺮﻓﺖ ﺍﻧﻚ ﻛﻨﺘﻰ ﻗﺎﻋﺪﺓ ﻣﻌﺎﻳﺎ ﻃﻮﻝ ﻣﺎﺍﻧﺎ ﻓﻰ ﺍﻟﻤﺴﺘﺸﻔﻰ ... ﺍﻧﺎ
ﺑﺸﻜﺮﻙ ﺟﺪﺍ ﻋﻠﻰ ﺗﻌﺒﻚ ﻣﻌﺎﻳﺎ ... ﻭﻋﺎﻳﺰ ﺍﻗﻮﻟﻚ ﺣﺎﺟﺔ "
ﻛﺎﻥ ﻳﺎﺳﺮ ﻫﻴﻘﻮﻟﻬﺎ ﺍﻧﻪ ﺑﻴﺤﺒﻬﺎ ﻭﻣﺤﺒﺶ ﺣﺪ ﻏﻴﺮﻫﺎ ﻓﻰ ﺍﻟﻠﺤﻈﺔ ﺍﻟﻠﻰ
ﺣﺴﺖ ﺑﻴﻬﺎ ﺷﻴﺮﻳﻦ ﺑﺪﺑﻠﺔ ﻳﺎﺳﺮ ﻟﻤﺴﺖ ﺻﻮﺍﺑﻌﻬﺎ ﻭﺍﻳﺪﻫﺎ ﻓﻰ ﺍﻳﺪﻩ ...
ﺍﻓﺘﻜﺮﺕ ﺧﻄﻴﺒﺘﻪ ... ﻭﻋﺮﻓﺖ ﺍﻥ ﺍﻯ ﻛﻼﻡ ﻫﻴﻘﻮﻟﻪ ﻣﻦ ﺗﺄﺛﻴﺮ ﺍﺣﺴﺎﺳﻪ
ﺑﻤﺴﺎﻋﺪﺗﻬﺎ ﻟﻪ ﻓﻰ ﻣﺮﺿﻪ ﻓﺨﺎﻓﺖ ﺍﻧﻪ ﻳﻜﻤﻞ ﺑﻜﻼﻡ ﻏﻴﺮ ﺣﻘﻴﻘﻰ
ﻓﻘﺎﻃﻌﺘﻪ
" ﺍﻧﺎ ﻣﻌﻤﻠﺘﺶ ﺣﺎﺟﺔ ... ﺩﻩ ﻭﺍﺟﺐ ﻋﻠﻴﺎ ﻻﻧﻚ ﺍﻧﻘﺬﺗﻨﻰ"
"ﻳﻌﻨﻰ ﺳﺎﻋﺪﺗﻴﻨﻰ ﻋﻠﺸﺎﻥ ﻛﺪﻩ ﺑﺲ"
ﻛﺎﻥ ﻣﺴﺘﻨﻴﻬﺎ ﺗﺪﻳﻠﻪ ﻓﺮﺻﺔ ﻳﻌﺒﺮ ﻋﻦ ﺣﺒﻪ ﻟﻴﻬﺎ ﺑﺲ ﻛﻤﻠﺖ
"ﻻ ﻣﺶ ﻋﻠﺸﺎﻥ ﻛﺪﻩ ﺑﺲ ... ﻋﻠﺸﺎﻥ ﻛﻨﺖ ﺧﺎﻳﻔﺔ ﺍﻧﺎﻡ ﻓﻰ ﺍﻟﺒﻴﺖ
ﻟﻮﺣﺪﻯ"
ﺳﺎﺏ ﻳﺎﺳﺮ ﺍﻳﺪﻫﺎ ﻭﻗﺎﻡ ﺑﺴﺮﻋﺔ ﺑﻌﺪ ﻣﺎ ﺣﺲ ﺑﺨﻴﺒﺔ ﺍﻣﻞ ﻭﻫﻮ ﺧﺎﺭﺝ ﻣﻦ
ﺍﻻﻭﺿﺔ ﺍﻟﺘﻔﺖ ﻟﻬﺎ
" ﺷﻜﺮﺍ ﻋﻠﻰ ﺣﺴﻦ ﺗﺼﺮﻓﻚ ﻭﺍﻧﻚ ﻣﺨﻀﻴﺘﻴﺶ ﺍﻣﻰ ﺍﻧﺎ ﺷﻔﺖ ﺍﻟﺮﺳﺎﻳﻞ
ﻋﻠﻰ ﺗﻠﻴﻔﻮﻧﻰ ﻭﻓﻬﻤﺖ ﺍﻟﻠﻰ ﺣﺼﻞ .. ﻣﺘﺸﻜﺮ ﺟﺪﺍ"
ﺧﺮﺝ ﻣﻦ ﺍﻻﻭﺿﺔ ﻭﻗﻔﻞ ﺍﻟﺒﺎﺏ ﻭﺭﺍﻩ ﺑﻌﺪ ﻣﺎﻗﻔﻞ ... ﻗﻌﺪﺕ ﺷﻴﺮﻳﻦ ﺗﻌﻴﻂ
ﻭﺗﻘﻮﻝ ﺑﺼﻮﺕ ﻭﺍﻃﻰ
" ﺑﺤﺒﻚ ﻭﺍﻟﻠﻪ ﺍﻟﻌﻈﻴﻢ ﺑﺤﺒﻚ ﺑﺲ ﻣﻴﻨﻔﻌﺶ ﺍﺣﺒﻚ ﻭﻭﺍﺣﺪﺓ ﺗﺎﻧﻴﺔ ﻓﻰ
ﺣﻴﺎﺗﻚ ... ﻣﺴﺘﺤﻤﻠﺶ ﺣﺪ ﻳﺸﺎﺭﻛﻨﻰ ﻓﻰ ﺍﺣﺴﺎﺳﻰ ﺑﻴﻚ"
أنت تقرأ
تحت سقف واحد
De Todoانا كنت ناويه ما انزل قصه ثانيه بس لما لقيت التفاعل بيزيد قلت بنزل ويارب تعجبكم 😊
