ﺑﻜﻞ ﻫﺪﻭﺀ ﺭﻓﻊ ﻳﺎﺳﺮ ﺭﺍﺱ ﺷﻴﺮﻳﻦ ﻭﺑﺺ ﻟﻬﺎ
" ﺣﺒﻴﺒﺘﻰ ﻻﺯﻡ ﺗﺮﺗﺎﺡ"
ﻭﺍﺧﺪﻫﺎ ﻭﻧﻴﻤﻬﺎ ﻋﻠﻰ ﺍﻟﺴﺮﻳﺮ ﻭﻫﻰ ﻣﺴﺘﺴﻠﻤﺔ ﺗﻤﺎﻣﺎ ﻣﻦ ﻧﺎﺣﻴﺔ ﺍﻧﻬﺎ
ﻓﺮﺣﺎﻧﺔ ﺍﻧﻬﺎ ﺍﺗﺄﻛﺪﺕ ﺍﻥ ﻳﺎﺳﺮ ﺑﻴﺤﺒﻬﺎ ﻭﻣﻦ ﻧﺎﺣﻴﺔ ﺗﺎﻧﻴﺔ ﺍﻧﻬﺎ ﻓﻌﻼ ﺗﻌﺒﺎﻧﺔ
ﻭﻣﺶ ﻗﺎﺩﺭﺓ ﺗﻘﻒ ... ﺑﻌﺪ ﻣﺎ ﻧﺎﻣﺖ ﻭﻏﻄﺎﻫﺎ
" ﺍﻧﺎ ﺍﺳﻒ ﺍﻧﻰ ﻧﻤﺖ ﻫﻨﺎ ﻏﺼﺐ ﻋﻨﻰ"
" ﻣﻤﻜﻦ ﺍﻃﻠﺐ ﻣﻨﻚ ﻃﻠﺐ"
" ﺍﺅﻣﺮﻱ"
" ﺍﺩﺧﻞ ﻧﺎﻡ ﻭﺍﺭﺗﺎﺡ ﻭﺍﻧﺎ ﺑﻘﻴﺖ ﺍﺣﺴﻦ ﻭﻫﻜﻤﻞ ﻧﻮﻡ ... ﺍﻧﺖ ﺗﻌﺒﺖ ﻣﻌﺎﻳﺎ
ﻭﻻﺯﻡ ﺗﺮﺗﺎﺡ ﺷﻮﻳﺔ "
ﻭﺍﻓﻘﻬﺎ ﻳﺎﺳﺮ ﻭﺑﺎﺱ ﺭﺍﺳﻬﺎ ﻗﺒﻞ ﻣﺎﻳﺪﺧﻞ ﻳﻨﺎﻡ ... ﺍﻟﻴﻮﻡ ﺩﻩ ﻛﺎﻥ ﺷﻴﺮﻳﻦ
ﺑﺪﺃﺕ ﺗﺘﺤﺴﻦ ﻭﻗﺪﺭﺕ ﺗﻘﻮﻡ ﻣﻦ ﺍﻟﺴﺮﻳﺮ ﻭﺗﺘﺤﺮﻙ ﻓﻰ ﺍﻟﺒﻴﺖ ﻭﻫﻤﺎ
ﻗﺎﻋﺪﻳﻦ ﻣﻊ ﺑﻌﺾ ﺑﻴﺘﻔﺮﺟﻮﺍ ﻋﻠﻰ ﺍﻟﺘﻠﻴﻔﺰﻳﻮﻥ ... ﻛﺎﻧﻮﺍ ﻗﺎﻋﺪﻳﻦ ﺟﻨﺐ
ﺑﻌﺾ ﻭﻳﺎﺳﺮ ﺣﺎﻃﻂ ﺍﻳﺪﻩ ﻋﻠﻰ ﻛﺘﻔﻬﺎ ﻭﻫﻰ ﺳﺎﻧﺪﻩ ﺭﺍﺳﻬﺎ ﻋﻠﻰ ﻛﺘﻔﻪ
ﻭﻣﻨﺪﻣﺠﻴﻦ ﻣﻊ ﺍﻟﻔﻴﻠﻢ ... ﻟﻤﺎ ﺭﻥ ﻣﻮﺑﺎﻳﻞ ﻳﺎﺳﺮ
" ﺍﺯﻳﻚ ﻳﺎﺑﺎﺑﺎ ... ﺍﻧﺎ ﻛﻮﻳﺲ ﺍﻟﺤﻤﺪﻟﻠﻪ"
ﻛﺎﻧﺖ ﺷﻴﺮﻳﻦ ﻣﺘﻮﻗﻌﺔ ﺍﻧﻬﺎ ﺧﻄﻴﺒﺘﻪ ﻭﻟﻤﺎ ﺳﻤﻌﺘﻪ ﺑﻴﻘﻮﻝ ﻳﺎﺑﺎﺑﺎ ﺍﺭﺗﺎﺣﺖ
ﻭﻗﺎﻡ ﻳﺎﺳﺮ ﻳﺘﻜﻠﻢ ﻭﻫﻮ ﻭﺍﻗﻒ ﻭﻛﺎﻥ ﻫﻴﺪﺧﻞ ﺍﻭﺿﺘﻪ ﻳﺘﻜﻠﻢ ﻭﻟﻜﻦ ﺧﺎﻑ
ﻟﺸﻴﺮﻳﻦ ﺗﺘﻀﺎﻳﻖ ﻓﺮﺟﻊ ﻳﻜﻤﻞ ﻛﻼﻣﻪ ﻭﺷﻴﺮﻳﻦ ﻋﻴﻨﻬﺎ ﻋﻠﻴﻪ
" ﺧﻴﺮ ﻳﺎﺑﺎﺑﺎ ﺍﻳﻪ ﺍﻟﻠﻰ ﺣﺼﻞ ... ﺍﻣﺘﻰ ... ﺍﺯﺍﻯ ﻳﻌﻨﻰ ﻃﺮﺩﺗﻬﺎ ... ﻭﺍﻧﺎ ﺍﻋﻤﻞ
ﺍﻳﻪ؟ ... ﻫﻰ ﻓﻴﻦ ﺩﻟﻮﻗﺘﻰ ... ﻃﻴﺐ ... ﺍﺯﻳﻚ ﻳﺎﻣﻨﺎﻝ ... ﻣﻌﻠﺶ ﻣﺘﺰﻋﻠﻴﺶ
... ﻣﺘﻌﻴﻄﻴﺶ ﺑﺎﺑﺎ ﻫﻴﺤﻞ ﻛﻞ ﺣﺎﺟﺔ ﺍﻥ ﺷﺎﺀﺍﻟﻠﻪ ...ﻫﻜﻠﻤﻚ ﺗﺎﻧﻰ ...ﺳﻼﻡ"
ﺍﻭﻝ ﻣﺎﺷﻴﺮﻳﻦ ﺳﻤﻌﺖ ﺍﺳﻢ ﻣﻨﺎﻝ ﻗﺎﻣﺖ ﺗﺪﺧﻞ ﺍﻭﺿﺘﻬﺎ ... ﺑﺲ ﻳﺎﺳﺮ
ﻣﺴﻚ ﺍﻳﺪﻫﺎ ﻭﻫﻮ ﺑﻴﺘﻜﻠﻢ ﻭﻭﻗﻔﻬﺎ ﺟﻨﺒﻪ ﻟﺤﺪ ﻣﺎﺧﻠﺺ ﻭﻗﻌﺪﻭﺍ ﻳﺘﻜﻠﻤﻮﺍ
" ﺍﻳﻪ ﻳﺎﺷﻴﺮﻳﻦ ﻗﻤﺘﻰ ﻟﻴﻪ"
" ﻋﻠﺸﺎﻥ ﺗﻜﻠﻢ ﺧﻄﻴﺒﺘﻚ ﺑﺮﺍﺣﺘﻚ ... ﺍﻧﺎ ﻣﻠﻴﺶ ﻣﻜﺎﻥ ﻭﺳﻄﻜﻮﺍ"
" ﺑﺲ ﺍﻧﺘﻰ ﺣﺒﻴﺒﺘﻰ ﻭﻣﺮﺍﺗﻰ"
" ﺍﻧﺎ ﺣﺒﻴﺒﺘﻚ ﻭﻣﺮﺍﺗﻚ ... ﻭﻫﻰ ﻫﺘﺴﻴﺒﻬﺎ؟"
" ﻣﻘﺪﺭﺵ ﺍﺳﻴﺒﻬﺎ"
ﻗﺎﻣﺖ ﺷﻴﺮﻳﻦ ﻋﻠﻰ ﺍﻭﺿﺘﻬﺎ ﻭﻣﻘﺪﺭﺗﺶ ﺗﻤﺴﻚ ﺩﻣﻮﻋﻬﺎ ﻭﺩﺧﻞ ﻭﺭﺍﻫﺎ
ﻳﺎﺳﺮ ﻭﻣﺴﺢ ﻟﻬﺎ ﺩﻣﻮﻋﻬﺎ ﻭﻃﺒﻄﺐ ﻋﻠﻴﻬﺎ ﻭﺿﻤﻬﺎ ﻟﺼﺪﺭﻩ
" ﻭﻻ ﺍﻗﺪﺭ ﺍﺳﻴﺒﻚ ... ﻳﺎ ﺷﻴﺮﻳﻦ ﺍﻧﺎ ﺑﺤﺒﻚ"
"ﻭﻣﺸﻜﻠﺘﻰ ﺍﻧﻰ ﺑﺤﺒﻚ ﻭﻋﺎﻳﺰﺍﻙ ﻟﻴﺎ ﻟﻮﺣﺪﻯ ﻣﻦ ﻏﻴﺮ ﻣﺎﺣﺪ ﻳﺸﺎﺭﻛﻨﻰ
ﻓﻴﻚ ... ﺍﻧﻤﺎ ﺍﻧﺖ ﺑﺘﺤﺒﻬﺎ ﻭﻣﺶ ﻋﺎﻳﺰ ﺗﺴﻴﺒﻬﺎ"
"ﻣﺶ ﺣﺐ ﺍﻧﺘﻰ ﻋﺎﺭﻓﺔ ﺑﺎﺑﺎ ﺑﻴﻜﻠﻤﻨﻰ ﻳﻘﻮﻟﻠﻰ ﺍﻳﻪ؟؟ ﻣﻨﺎﻝ ﻋﺎﻳﺸﺔ ﻣﻊ
ﻣﺮﺍﺕ ﺍﺑﻮﻫﺎ ﻓﻰ ﻋﺬﺍﺏ ﻣﻦ ﻭﻫﻰ ﻋﻨﺪﻫﺎ 5 ﺳﻨﻴﻦ ﺍﻣﺒﺎﺭﺡ ﻃﺮﺩﺗﻬﺎ ﻧﺺ
ﺍﻟﻠﻴﻞ ﺑﻌﺪ ﺧﻨﺎﻗﺔ ﺍﺗﻔﺮﺝ ﻋﻠﻴﻬﺎ ﺍﻟﺸﺎﺭﻉ ﻛﻠﻪ ... ﻟﻤﺎ ﺍﺗﻄﺮﺩﺕ ﻃﺒﻌﺎ ﻣﺎﻣﺎ
ﺧﺪﺗﻬﺎ ﻋﻨﺪﻫﺎ ﻭﺑﺎﺑﺎ ﺑﻴﻘﻮﻝ ﺍﻧﻪ ﻫﻴﺮﻭﺡ ﻟﺒﺎﺑﺎﻫﺎ ﻭﻳﺤﺪﺩ ﻣﻌﺎﻩ ﻣﻌﺎﺩ ﺍﻟﺠﻮﺍﺯ
ﺑﻌﺪ ﻣﺎﺍﺭﺟﻊ ... ﻭﻫﻰ ﻣﻨﻬﺎﺭﺓ ﻭﻣﺴﺘﻨﻴﺔ ﺍﺭﺟﻊ ﻻﻧﻬﺎ ﺷﺎﻳﻔﺎﻧﻰ ﺍﻟﻠﻰ
ﻫﺨﻠﺼﻬﺎ ﻣﻦ ﺍﻟﻠﻰ ﻫﻰ ﻓﻴﻪ ...ﺗﻔﺘﻜﺮﻯ ﺍﻗﺪﺭ ﺍﺭﻭﺡ ﺍﻗﻮﻟﻬﺎ ﺑﻜﻞ ﺳﻬﻮﻟﺔ
ﺧﻼﺹ ﻣﻌﻠﺶ ﺍﻧﺎ ﻣﺶ ﻗﺪ ﻛﻠﻤﺘﻰ .. ﻭﺍﻇﻠﻤﻬﺎ؟"
" ﻻ ﺍﻇﻠﻤﻨﻰ ﺍﻧﺎ؟"
"ﺑﺲ ﻫﻴﺎ ﻣﺎﻟﻬﺎﺵ ﺫﻧﺐ"
"ﺍﻧﻤﺎ ﺍﻧﺎ ﺫﻧﺒﻰ ﺍﻧﻰ ﺑﺤﺒﻚ"
"ﻳﻌﻨﻰ ﻫﻮ ﻻﺯﻡ ﺣﺪ ﻳﺘﻈﻠﻢ"
"ﻳﻌﻨﻰ ﺍﻳﻪ؟"
"ﻳﻌﻨﻰ ﺍﻧﺘﻰ ﺣﺒﻴﺒﺘﻰ ﻭﻣﺮﺍﺗﻰ ﻭﻧﻜﻤﻞ ﺣﻴﺎﺗﻨﺎ ﻣﻊ ﺑﻌﺾ ﻋﺎﺩﻯ ... ﻭﻫﻰ
ﺍﻛﻤﻞ ﺑﺮﺿﻪ ﻣﻌﺎﻫﺎ ﻋﻠﺸﺎﻥ ﻣﺶ ﻫﻘﺪﺭ ﺍﻗﻮﻟﻬﺎ ﻭﺍﻗﻮﻝ ﻻﻫﻠﻰ ﻛﺪﻩ
ﺧﻼﺹ ﻭﺍﻧﺎ ﻣﺶ ﻫﻜﻤﻞ"
"ﻭﺩﻩ ﺍﻟﻠﻰ ﻣﺴﺘﺤﻴﻞ ﺍﻗﺒﻠﻪ ﻟﻮ ﻫﻤﻮﺕ ﻣﻦ ﻏﻴﺮﻙ ﻭﻻ ﺍﻧﻰ ﺍﺑﻘﻰ ﺯﻭﺟﺔ
ﻭﺣﺒﻴﺒﺔ ﻓﻰ ﺍﻟﻀﻞ ﻭﻛﺄﻧﻰ ﻣﺬﻧﺒﺔ"
"ﻳﻌﻨﻰ ﺍﻳﻪ"
"ﻳﻌﻨﻰ ﺍﻟﻘﺮﺍﺭ ﻗﺮﺍﺭﻙ ... ﻳﺎ ﺃﻧﺎ ﻳﺎ ﻫﻰ"
"ﻟﻴﻪ ﻳﺎﺷﻴﺮﻳﻦ ﺑﺘﻌﺠﺰﻳﻨﻰ"
" ﺍﻧﺎ ﺑﺨﻴﺮﻙ ﻭﺍﻧﺖ ﺗﺨﺘﺎﺭ ... ﻭﻟﻮ ﺳﻤﺤﺖ ﻗﻮﻡ ﻭﺍﻗﻔﻞ ﺍﻟﺒﺎﺏ ﺍﻧﺎ ﻋﺎﻳﺰﺓ ﺍﻧﺎﻡ
ﻋﻠﺸﺎﻥ ﺭﺍﻳﺤﺔ ﺍﻟﺸﻐﻞ ﺍﻟﺼﺒﺢ"
ﺳﻤﻊ ﻳﺎﺳﺮ ﻛﻼﻣﻬﺎ ﻭﻗﺎﻡ ﻭﻗﻔﻞ ﻋﻠﻴﻬﺎ ﺍﻭﺿﺘﻬﺎ ﻭﻫﻮ ﻣﺶ ﻋﺎﺭﻑ ﻳﺘﺼﺮﻑ
ﺍﺯﺍﻯ ... ﺑﻴﺤﺐ ﺷﻴﺮﻳﻦ ﻭﻫﻰ ﺑﺘﺤﺒﻪ ... ﻃﻴﺐ ﻳﻐﺪﺭ ﺑﻤﻨﺎﻝ ﺍﻟﻠﻰ ﺷﺎﻳﻔﺎﻩ
ﻃﻮﻕ ﻧﺠﺎﺓ ﺑﺎﻟﻨﺴﺒﺔ ﻟﻬﺎ ... ﻣﺶ ﻣﻤﻜﻦ ... ﺑﻌﺪ ﺗﻔﻜﻴﺮ ﺍﺗﺼﻞ ﺑﺒﺎﺑﺎﻩ
"ﺍﻟﻮ ... ﺑﺎﺑﺎ ﺍﺳﺘﻨﻰ ﻣﺘﺮﻭﺣﺶ ﻻﺑﻮ ﻣﻨﺎﻝ ﻭﺗﺤﺪﺩ ﻣﻌﺎﻩ ﻣﻌﺎﺩ"
" ﺍﻧﺎ ﻟﺴﻪ ﻧﺎﺯﻝ ﻣﻦ ﻋﻨﺪﻩ ﻭﺣﺪﺩﻧﺎ ﻣﺶ ﺍﻧﺖ ﺟﺎﻯ ﺍﻟﺸﻬﺮ ﺍﻟﺠﺎﻯ ﺑﻌﺪ
ﻣﺎﺗﻮﺻﻞ ﺑﺸﻬﺮ ﺑﺎﻟﻀﺒﻂ ﺗﻜﻮﻧﻮﺍ ﻓﻰ ﺑﻴﺘﻜﻮﺍ ... ﻣﺒﺮﻭﻙ ﻳﺎﺑﻨﻰ ﺭﺑﻨﺎ ﻳﺘﻤﻤﻠﻚ
ﺑﺨﻴﺮ"
ﻣﻘﺪﺭﺵ ﻳﺎﺳﺮ ﻳﺮﺩ ﺑﻜﻠﻤﺔ ﻭﺯﺍﺩﺕ ﺣﻴﺮﺗﻪ ... ﻫﻮ ﻋﻠﺸﺎﻥ ﻳﺤﺎﻓﻆ ﻋﻠﻰ ﺣﺒﻪ
ﻻﺯﻡ ﻳﻈﻠﻢ ﻭﺍﺣﺪﺓ ﺑﺮﻳﺌﺔ ﻭﻟﻮ ﻣﺎﻇﻠﻤﻬﺎﺵ ﻻﺯﻡ ﻳﺨﺴﺮ ﺣﺒﻴﺒﺘﻪ
ﻛﺎﻥ ﻳﺎﺳﺮ ﻣﺶ ﻗﺎﺩﺭ ﻳﺎﺧﺪ ﻗﺮﺍﺭ ﻭﻛﺎﻥ ﺍﻣﻠﻪ ﺍﻥ ﺷﻴﺮﻳﻦ ﺗﺤﻦ ﻭﺗﺮﺟﻊ ﻋﻦ
ﻗﺮﺍﺭﻫﺎ ﻭﻛﺎﻥ ﻛﺘﻴﺮ ﺑﻴﺤﺎﻭﻝ ﻳﺘﻘﺮﺏ ﻟﻬﺎ ﻭﻛﺎﻧﺖ ﺩﺍﻳﻤﺎ ﺑﺘﺴﺄﻟﻪ ﻋﻦ ﺍﺧﺘﻴﺎﺭﻩ
ﻭﻗﺮﺍﺭﻩ ﺍﻻﺧﻴﺮ ... ﻭﻛﺎﻥ ﻣﺶ ﻗﺎﺩﺭ ﻳﺨﺘﺎﺭ
ﻭﻗﺮﺏ ﻣﻌﺎﺩ ﺍﻟﺮﺟﻮﻉ ﻭﻗﺒﻞ ﺍﻟﺴﻔﺮ ﺑﺎﺳﺒﻮﻋﻴﻦ ﻛﺎﻧﺖ ﺍﻟﺸﺮﻛﺔ ﻋﺎﻣﻠﺔ ﺣﻔﻠﺔ
ﻛﺒﻴﺮﺓ ﻟﺘﻜﺮﻳﻢ ﺍﻟﻌﺎﻣﻠﻴﻦ ﺍﻟﻠﻰ ﺑﺘﻨﺘﻬﻰ ﻋﻘﻮﺩﻫﻢ ﻣﻦ ﻣﺨﺘﻠﻒ ﺍﻟﺠﻨﺴﻴﺎﺕ ...
ﻭﻛﺎﻥ ﻃﺒﻌﺎ ﻳﺎﺳﺮ ﻭﺷﻴﺮﻳﻦ ﻣﻦ ﺍﻟﻤﺪﻋﻮﻳﻦ ﻭﺧﺼﻮﺻﺎ ﺍﻥ ﺷﻴﺮﻳﻦ ﻭﺿﻌﻬﺎ
ﻣﺨﺘﻠﻒ ﻟﻤﻨﺼﺒﻬﺎ ﺍﻟﻜﺒﻴﺮ ﻓﻰ ﺍﻟﺸﺮﻛﺔ ...ﻛﺎﻧﺖ ﺍﻟﺼﺤﺎﻓﺔ ﻭﺍﻟﺘﻠﻴﻔﺰﻳﻮﻥ
ﻣﺪﻋﻮﻳﻦ ﻟﻠﺤﻔﻠﺔ
ﻭﻟﻼﺳﺒﺎﺏ ﺩﻯ ﻛﺎﻧﺖ ﺷﻴﺮﻳﻦ ﺑﺘﺴﺘﻌﺪ ﺑﻤﺎ ﻳﺘﻨﺎﺳﺐ ﻣﻊ ﺍﻟﺤﻔﻠﺔ ... ﻧﺰﻟﺖ
ﻗﺒﻞ ﺍﻟﺤﻔﻠﺔ ﺑﻜﺎﻡ ﻳﻮﻡ ﻭﺍﺷﺘﺮﺕ ﻓﺴﺘﺎﻥ ﺳﻮﺍﺭﻳﻪ ﻣﻦ ﺍﺷﻴﻚ ﺍﻟﻤﺤﻼﺕ
ﻭﺟﺎﺑﺖ ﺑﺪﻟﺔ ﻟﻴﺎﺳﺮ ﻣﺘﻨﺎﺳﻘﺔ ﻣﻊ ﺍﻟﻔﺴﺘﺎﻥ ... ﻭﺣﺠﺰﺕ ﻛﻮﺍﻓﻴﺮﺓ ﺗﻴﺠﻰ ﻟﻬﺎ
ﻓﻰ ﺍﻟﺒﻴﺖ
ﻳﻮﻡ ﺍﻟﺤﻔﻠﺔ ﻟﺒﺲ ﻳﺎﺳﺮ ﻭﺍﺳﺘﻌﺪ ﻭﻗﻌﺪ ﻳﺴﺘﻨﻰ ﺷﻴﺮﻳﻦ ... ﻭﺑﻌﺪ ﻣﺎﺧﺮﺟﺖ
ﺍﻟﻜﻮﺍﻓﻴﺮﺓ ﻣﻦ ﺍﻟﺒﻴﺖ ... ﺧﺮﺟﺖ ﺷﻴﺮﻳﻦ ﻣﻦ ﺍﻭﺿﺘﻬﺎ ... ﻭﻗﻒ ﻳﺎﺳﺮ
ﻣﻨﺪﻫﺶ ... ﻻﻭﻝ ﻣﺮﺓ ﺑﻴﺸﻮﻑ ﺷﻴﺮﻳﻦ ﺑﺎﻟﺠﻤﺎﻝ ﺩﻩ ﺣﺘﻰ ﻳﻮﻡ ﻛﺘﺐ
ﺍﻟﻜﺘﺎﺏ ﻣﻜﻨﺘﺶ ﺑﺎﻟﺠﻤﺎﻝ ﺩﻩ ... ﻛﺎﻧﺖ ﻓﻌﻼ ﻣﺒﻬﺮﺓ ﻗﺮﺏ ﻣﻨﻬﺎ ﻭﺍﻧﺤﻨﻰ
ﻭﺍﺧﺪ ﺍﻳﺪﻫﺎ ﻭﺑﺎﺳﻬﺎ
"ﻣﻮﻻﺗﻰ ﻣﻠﻜﺔ ﺟﻤﺎﻝ ﺍﻟﻜﻮﻥ ﺟﺎﻫﺰﺓ"
ﺍﺑﺘﺴﻤﺖ ﺷﻴﺮﻳﻦ ﺑﺨﺠﻞ ﻭﻓﺮﺣﺔ
" ﺟﺎﻫﺰﺓ ﻳﺎ ﻣﻠﻚ ﻗﻠﺒﻰ"
ﺿﺤﻜﻮﺍ ﻣﻊ ﺑﻌﺾ ﻭﺧﺮﺟﻮﺍ ﻭﻗﺎﺑﻠﻮﺍ ﺟﻼﻝ ﻭﺟﻴﻬﺎﻥ ﻧﺎﺯﻟﻴﻦ ... ﺍﻭﻝ ﻣﺎ ﺟﻴﻬﺎﻥ
ﺷﺎﻓﺘﻬﺎ
" ﻭﺍﺍﺍﺍﺍﺍﺍﺍﺍﻭ ... ﺷﻴﺮﻳﻦ ﺍﻳﻪ ﺍﻟﺠﻤﺎﻝ ﺩﻩ"
" ﺑﺲ ﺑﺘﻜﺴﻒ"
ﻭﺿﺤﻜﻮﺍ ﻛﻠﻬﻢ ﻣﻊ ﺑﻌﺾ ﻭﺧﺼﻮﺻﺎ ﺍﻥ ﺟﻼﻝ ﻣﻦ ﻭﻗﺖ ﻣﺎﺍﺗﻐﻴﺮ ﻟﻼﺣﺴﻦ
ﻣﻊ ﺟﻴﻬﺎﻥ ﻭﻫﻮ ﺑﻘﻰ ﻛﻮﻳﺲ ﻭﻣﺤﺘﺮﻡ ﻣﻊ ﻛﻞ ﺍﻟﻨﺎﺱ
ﺭﺍﺣﻮﺍ ﺍﻟﺤﻔﻠﺔ ﻭﻛﺎﻧﺖ ﻛﻞ ﺍﻟﻌﻴﻮﻥ ﻋﻠﻰ ﺷﻴﺮﻳﻦ ... ﺍﻣﺎ ﻳﺎﺳﺮ ﻛﺎﻥ ﻋﺎﻳﺰ
ﻳﺨﺒﻴﻬﺎ ﺟﻮﻩ ﻋﻴﻨﻴﻪ ﻋﻠﺸﺎﻥ ﻣﺤﺪﺵ ﻏﻴﺮﻩ ﻳﺸﻮﻓﻬﺎ ﻭﻣﺴﺎﺑﺶ ﺍﻳﺪﻳﻬﺎ ﻃﻮﻝ
ﺍﻟﺤﻔﻠﺔ ﻭﻛﺄﻧﻪ ﻟﻮ ﺳﺎﺑﻬﺎ ﻫﺘﺮﻭﺡ ﻣﻨﻪ ... ﻳﺪﻭﺏ ﺳﺎﺑﻬﺎ ﻟﺤﻈﺔ ﺍﻟﺘﻜﺮﻳﻢ ...
ﻭﻓﻀﻞ ﻣﻼﺯﻣﻬﺎ ﻟﺤﺪ ﻣﺎﺭﺟﻌﻮﺍ ﺍﻟﺒﻴﺖ
ﻟﻤﺎ ﺭﺟﻌﻮﺍ ﺍﻟﺒﻴﺖ ﺩﺧﻠﺖ ﺷﻴﺮﻳﻦ ﻋﻠﻰ ﺍﻭﺿﺘﻬﺎ ﻭﻫﻰ ﺑﺘﻘﻮﻟﻪ
"ﺗﺼﺒﺢ ﻋﻠﻰ ﺧﻴﺮ"
ﻣﺮﺩﺵ ﻳﺎﺳﺮ ﻋﻠﻴﻬﺎ ... ﺩﺧﻞ ﻭﺭﺍﻫﺎ ﻭﻭﻗﻔﻬﺎ ﻗﺼﺎﺩﻩ ﻭﻫﻮ ﺑﻴﺘﺄﻣﻠﻬﺎ ﻗﺮﺏ
ﻣﻦ ﻭﺩﻧﻬﺎ ﻭﻫﻮ ﺑﻴﻘﻮﻝ
" ﺍﻧﺎ ﺑﺤﺒﻚ ﺍﻭﻯ ﻳﺎ ﺷﻴﺮﻳﻦ"
ﻣﻘﺪﺭﺗﺶ ﺷﻴﺮﻳﻦ ﺗﻘﺎﻭﻡ ﻗﻠﺒﻬﺎ ﻟﻘﺒﻼﺗﻪ ﺍﻟﻜﺜﻴﺮﺓ ﻭﺑﺎﺩﻟﺘﻪ
ﺍﻟﻤﺸﺎﻋﺮ ...ﻭﺍﺳﺘﺴﻠﻤﺖ ﻟﻪ ﻛﻠﻴﺎ .. ﻭﻗﻀﻴﺎ ﺍﻭﻝ ﻟﻴﻠﺔ ﻛﺰﻭﺟﻴﻦ
أنت تقرأ
تحت سقف واحد
Randomانا كنت ناويه ما انزل قصه ثانيه بس لما لقيت التفاعل بيزيد قلت بنزل ويارب تعجبكم 😊
