تحت سقف واحد

الفصل الرابع عشر

الفصل الاخير 😊

=-=-=-=-=-=-=-=-=
ﻳﺎﺳﺮ ﻛﺎﻥ ﺑﻴﺴﺘﻌﺪ ﻟﻠﺠﻮﺍﺯ ﺑﻌﺪ ﺍﻳﺎﻡ ... ﻭﺟﺖ ﻳﺎﺳﻤﻴﻦ ﺗﻘﻴﻢ ﻣﻌﺎﻫﻢ ﻓﻰ
ﺍﻟﺒﻴﺖ ﻻﻥ ﺟﻮﺯﻫﺎ ﺟﺎﻟﻪ ﺷﻐﻞ ﻭﻫﻴﺴﺎﻓﺮ ... ﻓﻜﺎﻧﺖ ﺷﻴﺮﻳﻦ ﺍﻟﺼﻐﻴﺮﺓ
ﻣﺘﻌﻠﻘﺔ ﺑﻴﺎﺳﺮ ﻭﻳﺎﺳﺮ ﻣﺘﻌﻠﻖ ﺑﻴﻬﺎ ﺍﻭﻯ ... ﻭﻛﺎﻥ ﺑﻴﺤﺒﻬﺎ ﺣﺐ ﻏﻴﺮ ﻋﺎﺩﻯ
ﻻﻧﻪ ﺣﺎﺳﺲ ﻋﻠﻰ ﺍﻻﻗﻞ ﺍﻥ ﺍﺳﻢ ﺷﻴﺮﻳﻦ ﻣﺶ ﻫﻴﺘﻠﻐﻰ ﻣﻦ ﺣﻴﺎﺗﻪ
ﻛﺎﻥ ﻣﻴﻌﺎﺩ ﺍﺳﺘﻼﻡ ﺍﻟﻌﻔﺶ ﻗﺒﻞ ﺍﻟﻔﺮﺡ ﺏ 4 ﺍﻳﺎﻡ ﻭﺩﻩ ﻛﺎﻥ ﻣﺴﺒﺐ ﺗﻮﺗﺮ
ﻟﻼﺳﺮﺓ ﻛﻠﻬﺎ ﻓﻔﻜﺮﻭﺍ ﻓﻰ ﺗﺄﺟﻴﻞ ﺍﻟﻔﺮﺡ ﻟﻤﺎ ﺍﻟﻤﻮﺑﻴﻠﻴﺎ ﺗﺨﻠﺺ ﻭﻓﻌﻼ ﺍﺟﻠﻮﻩ
ﺍﺳﺒﻮﻋﻴﻦ ﻛﻤﺎﻥ
ﻓﻰ ﺍﻟﻴﻮﻡ ﺍﻟﻠﻰ ﺍﺟﻠﻮﺍ ﻓﻴﻪ ﻣﻌﺎﺩ ﺍﻟﺠﻮﺍﺯ ﻗﺎﻟﺖ ﻣﻨﺎﻝ ﺍﻧﻬﺎ ﻣﺴﺘﻨﻴﺔ ﺍﻻﻳﺎﻡ
ﺗﻌﺪﻯ ﺑﺴﺮﻋﺔ ﻋﻠﺸﺎﻥ ﺗﺒﻌﺪ ﻋﻦ ﺑﻴﺖ ﺑﺎﺑﺎﻫﺎ ... ﺑﺲ ﺗﺎﻧﻰ ﻳﻮﻡ ﻛﻠﻤﺘﻪ
ﻣﻨﺎﻝ ﻭﻗﺎﻟﺖ ﻟﻪ ﻋﺎﻳﺰﺍﻩ ﻓﻰ ﻣﻮﺿﻮﻉ ﻣﻬﻢ ﺑﺮﻩ ﻭﺑﻌﻴﺪ ﻋﻦ ﺍﻻﺳﺮﺗﻴﻦ
ﻟﻤﺎ ﺧﺮﺟﻮﺍ ﻣﻊ ﺑﻌﺾ ﻛﺎﻥ ﻣﺶ ﻋﺎﺭﻑ ﻣﻨﺎﻝ ﻣﺘﺮﺩﺩﺓ ﻭﻫﻰ ﺑﺘﺘﻜﻠﻢ
"ﻣﺎﻟﻚ ﻳﺎﻣﻨﺎﻝ ﻋﺎﻳﺰﺓ ﺗﻘﻮﻟﻰ ﺍﻳﻪ"
" ﻳﺎﺳﺮ ﺍﻧﺎ ﻣﺶ ﻋﺎﺭﻓﺔ ﺍﺑﺪﺃ ﻣﻌﺎﻙ ﻣﻨﻴﻦ"
" ﺍﺑﺪﺃﻯ ﻣﻦ ﺍﻯ ﺣﺘﺔ ﺑﺲ ﻗﻮﻟﻴﻠﻰ ﻓﻰ ﺍﻳﻪ؟"
" ﺍﻧﺎ ﻋﺎﻳﺰﺓ ﻧﺄﺟﻞ ﺍﻟﺠﻮﺍﺯ ﺷﻮﻳﺔ ... ﻳﻌﻨﻰ ﻛﺘﻴﺮ"
"ﻣﺶ ﻓﺎﻫﻢ ﺷﻮﻳﺔ.. ﻛﺘﻴﺮ .. ﺍﻧﺘﻰ ﻋﺎﻳﺰﺓ ﺍﻳﻪ ﺍﺗﻜﻠﻤﻰ ﻣﻌﺎﻳﺎ ﺑﺼﺮﺍﺣﺔ
ﻭﻭﺿﻮﺡ ﺍﻧﺎ ﻣﺶ ﻓﺎﻫﻢ"
" ﺍﻧﺎ ﻫﻘﻮﻟﻚ ﺍﻟﺤﻜﺎﻳﺔ ... ﺍﻧﺎ ﺑﻘﺎﻟﻰ ﻛﺎﻡ ﺳﻨﺔ ﺑﻜﻠﻢ ﺍﻣﻰ ﻭﺍﻣﻰ ﺑﺘﻜﻠﻤﻨﻰ
ﻣﻦ ﻭﺭﺍ ﺑﺎﺑﺎ ﻭﻣﺮﺍﺗﻪ ... ﻭﻋﻠﻰ ﻓﺘﺮﺍﺕ ﻣﺘﺒﺎﻋﺪﺓ ... ﺍﻧﺖ ﻋﺎﺭﻑ ﺍﻥ ﻣﻦ ﻳﻮﻡ
ﻣﺎﺍﺗﻄﻠﻘﻮﺍ ﻭﻣﺎﻣﺎ ﺍﺗﺠﻮﺯﺕ ﻭﺑﺎﺑﺎ ﻣﻨﻊ ﺍﻯ ﻋﻼﻗﺔ ﺑﻴﻨﻰ ﻭﺑﻴﻨﻬﺎ ... ﻛﻠﻤﺘﻨﻰ
ﺍﻣﺒﺎﺭﺡ ﻭﻗﺎﻟﺖ ﻟﻰ ﺍﻥ ﺟﻮﺯﻫﺎ ﻣﺎﺕ ﻣﻦ ﺍﺳﺒﻮﻉ ﻭﻋﺎﻳﺰﺍﻧﻰ ﺍﻋﻴﺶ ﻣﻌﺎﻫﺎ
ﺳﻮﺍﺀ ﺑﺎﺑﺎ ﻗﺒﻞ ﺍﻭ ﺭﻓﺾ ... ﺍﻧﺎ ﻧﻔﺴﻰ ﻓﻌﻼ ﺍﻋﻴﺶ ﻣﻌﺎﻫﺎ ... ﻧﻔﺴﻰ
ﺍﺷﻮﻓﻬﺎ ﻭﺍﻗﻌﺪ ﺍﺗﻜﻠﻢ ﻣﻌﺎﻫﺎ ... ﻧﻔﺴﻰ ﺗﺎﺧﺪﻧﻰ ﻓﻰ ﺣﻀﻨﻬﺎ ... ﻧﻔﺴﻰ
ﺍﺷﺒﻊ ﻣﻦ ﺍﻣﻰ ﺍﻟﻠﻰ ﺍﺗﺤﺮﻣﺖ ﻋﻤﺮﻯ ﻛﻠﻪ ﻣﻨﻬﺎ"
ﻛﺎﻥ ﻛﻼﻡ ﻣﻨﺎﻝ ﻣﺨﺘﻠﻂ ﺑﺪﻣﻮﻋﻬﺎ ﻭﺍﺛﺮﺕ ﻛﺘﻴﺮ ﻓﻰ ﻳﺎﺳﺮ ﻃﺒﻄﺐ ﻋﻠﻰ
ﺍﻳﺪﻫﺎ
" ﺭﻭﺣﻰ ﻳﺎﻣﻨﺎﻝ ﻭﺍﻗﻌﺪﻯ ﻣﻊ ﻣﺎﻣﺘﻚ ﻭﻣﺘﺴﻴﺒﻴﻬﺎﺵ ﺍﺑﺪﺍ"
" ﺍﻧﺖ ﺯﻋﻠﺖ ﻣﻨﻰ"
"ﻻﻻ ﺧﺎﻟﺺ ﻭﺍﻟﻠﻪ ﺍﻧﺎ ﻋﺎﻳﺰﻙ ﺗﻌﻮﺿﻰ ﺣﺮﻣﺎﻧﻚ ﻣﻦ ﻣﺎﻣﺘﻚ ﻭﻣﺘﺴﺄﻟﻴﺶ
ﻓﻰ ﻛﻼﻡ ﺣﺪ ﻭﻻ ﺗﻌﻤﻠﻰ ﺣﺴﺎﺏ ﻟﺤﺪ ... ﺍﻧﺘﻰ ﻋﺸﺘﻰ ﻋﻤﺮﻙ ﻛﻠﻪ ﻓﻰ
ﻋﺬﺍﺏ ﻭﻣﻜﻨﺶ ﺣﺪ ﺣﺎﺳﺲ ﺑﻴﻜﻰ ... ﺭﻭﺣﻰ ﻭﺭﺑﻨﺎ ﻳﺴﻌﺪﻙ "
"ﻳﻌﻨﻰ ﺑﺠﺪ ﻣﺶ ﺯﻋﻼﻥ ﻣﻨﻰ ﺍﻧﻰ ﻓﺠﺄﺓ ﻛﺪﻩ ﺑﺘﺮﺍﺟﻊ"
"ﻻ ﻃﺒﻌﺎ ﺍﻧﺎ ﻳﻬﻤﻨﻰ ﺭﺍﺣﺘﻚ ﻭﺭﺍﺣﺔ ﻣﺎﻣﺘﻚ ﺍﻟﻠﻰ ﺍﻛﻴﺪ ﻛﺎﻧﺖ ﺑﺘﺘﻌﺬﺏ
ﻭﺍﻧﺘﻰ ﺑﻌﻴﺪ ﻋﻨﻬﺎ"
ﻛﺎﻥ ﻳﺎﺳﺮ ﻓﻰ ﻣﻨﺘﻬﻰ ﺍﻟﺴﻌﺎﺩﺓ ﺍﻥ ﻣﻮﺿﻮﻉ ﻣﻨﺎﻝ ﺍﻧﺘﻬﻰ ﺧﺎﻟﺺ ...
ﻭﺍﻟﻌﺠﻴﺐ ﺍﻥ ﻫﻰ ﺍﻟﻠﻰ ﻧﻬﺖ ﺍﻟﻤﻮﺿﻮﻉ ﺑﻨﻔﺴﻬﺎ ... ﺍﻟﺤﻤﺪﻟﻠﻪ ...ﻛﺎﻥ ﻋﺎﻳﺰ
ﻳﻄﻴﺮ ﻟﺤﺪ ﺷﻴﺮﻳﻦ ﻭﻳﻘﻮﻟﻬﺎ ﺍﻧﻪ ﺑﻘﻰ ﻟﻬﺎ ﻟﻮﺣﺪﻫﺎ ... ﺑﺲ ﻓﻜﺮ ﻫﻴﺮﻭﺡ
ﺍﺯﺍﻯ ... ﻫﻴﺮﺟﻊ ﻟﻬﺎ ﻭﻳﻌﻴﺸﻮﺍ ﻓﻰ ﺍﻟﺸﻘﺔ ﺍﻟﺒﺴﻴﻄﺔ ﺍﻟﻠﻰ ﻛﺎﻥ ﻫﻴﺘﺠﻮﺯ
ﻓﻴﻬﺎ ﻣﻨﺎﻝ ... ﻭﻫﻴﺮﺟﻊ ﻳﺸﺘﻐﻞ ﻣﻴﻜﺎﻧﻴﻜﻰ ﺗﺎﻧﻰ ... ﺭﺟﻌﺖ ﺍﻟﻔﺮﻭﻕ ﺍﻟﻠﻰ
ﺑﻴﻨﻬﻢ ﺗﺎﻧﻰ ﻭﻣﻴﻨﻔﻌﺶ ﻳﻨﺴﺎﻫﺎ ﻭﻻ ﻫﻰ ﻫﺘﻨﺴﺎﻫﺎ ... ﺍﻟﻨﺘﻴﺠﺔ ﺍﻥ
ﻣﻴﻨﻔﻌﺶ ﻳﺮﺟﻌﻮﺍ ﻟﺒﻌﺾ.
ﻣﻘﺪﺭﺵ ﻳﺎﺳﺮ ﻳﻘﻨﻊ ﻧﻔﺴﻪ ﺍﻧﻪ ﻳﻨﺴﻰ ﺷﻴﺮﻳﻦ ... ﻟﻜﻦ ﻓﻜﺮ ﺍﺯﺍﻯ ﻳﻘﺮﺏ
ﺍﻟﻤﺴﺎﻓﺎﺕ ﺍﻟﻠﻰ ﺑﻴﻨﻬﻢ ... ﺭﺍﺡ ﺑﺎﻉ ﺍﻟﺸﻘﺔ ﻭﺍﺳﺘﺮﺩ ﻓﻠﻮﺱ ﺍﻟﻌﻔﺶ ﻻﻥ
ﺩﻯ ﻛﻞ ﺍﻟﻔﻠﻮﺱ ﺍﻟﻠﻰ ﻋﻤﻠﻬﺎ ﻣﻦ ﺍﻟﺴﻔﺮ ... ﻭﺭﺍﺡ ﺍﺟﺮ ﻭﺭﺷﺔ ﻛﺒﻴﺮﺓ
ﻭﺍﺷﺘﺮﻯ ﻋﺮﺑﻴﺎﺕ ﻣﺴﺘﻌﻤﻠﺔ ﺑﺲ ﺣﺎﻟﺘﻬﺎ ﺳﻴﺌﺔ ﻭﺭﺧﻴﺼﺔ ... ﻭﺍﺳﺘﻐﻞ ﺍﻧﻪ
ﻣﻴﻜﺎﻧﻴﻜﻰ ﺷﺎﻃﺮ ﻭﻗﻌﺪ ﺷﻬﻮﺭ ﻳﺼﻠﺢ ﻓﻰ ﺍﻟﻌﺮﺑﻴﺎﺕ ﻭﻳﺪﻫﻨﻬﺎ ﻭﻳﻈﺒﻂ
ﺣﺎﻟﺘﻬﺎ ﻭﻗﺮﺭ ﺍﻧﻪ ﻳﻔﺘﺢ ﺍﻟﻮﺭﺷﺔ ﺍﻟﻠﻰ ﺍﺟﺮﻫﺎ ﻣﻌﺮﺽ ﺳﻴﺎﺭﺍﺕ ﻣﺴﺘﻌﻤﻠﺔ
ﻛﺎﻧﺖ ﺷﻴﺮﻳﻦ ﺗﻌﺒﺎﻧﺔ ﻣﻦ ﺍﻋﺮﺍﺽ ﺍﻟﺤﻤﻞ ﻭﺑﺪﺃ ﺍﻟﺸﻐﻞ ﻳﺒﻘﻰ ﻋﺒﺄ ﻋﻠﻴﻬﺎ
ﻓﻜﺎﻧﺖ ﺑﺘﺎﺧﺪ ﺍﺟﺎﺯﺍﺕ ﻛﺘﻴﺮ ﻭﻫﻰ ﻣﺶ ﻣﺘﻌﻮﺩﺓ ﻋﻠﻰ ﻛﺪﻩ ﻭﺑﻌﺪ ﺗﻔﻜﻴﺮ
ﻗﺮﺭﺕ ﻗﺮﺍﺭ ﻣﻜﻨﺶ ﻣﻤﻜﻦ ﻳﺨﻄﺮ ﻋﻠﻰ ﺑﺎﻟﻬﺎ ... ﻗﺮﺭﺕ ﺍﻧﻬﺎ ﺗﺴﻴﺐ ﺍﻟﺸﻐﻞ
ﻧﻬﺎﺋﻴﺎ ﻻﻥ ﺣﺘﻰ ﺑﻌﺪ ﺍﻟﻮﻻﺩﺓ ﻻﺯﻡ ﺗﻜﻮﻥ ﺍﻡ ﻭﺍﺏ ﻟﻠﻄﻔﻞ ﺍﻟﺠﺎﻯ ﻭﻗﺮﺭﺕ
ﺍﻧﻬﺎ ﺗﻜﻮﻥ ﺟﻨﺐ ﻃﻔﻠﻬﺎ ﻭﻣﻴﺸﺎﺭﻛﻮﺵ ﻓﻴﻬﺎ ﺍﻯ ﺣﺪ ﻭﻻ ﺍﻯ ﺣﺎﺟﺔ ﺗﺎﻧﻴﺔ
ﺣﺘﻰ ﻟﻮ ﻛﺎﻥ ﺷﻐﻠﻬﺎ ﺍﻟﻠﻰ ﺑﺘﻌﺸﻘﻪ ... ﻭﻛﺎﻧﺖ ﻣﺎﻣﺘﻬﺎ ﺑﺘﻠﺢ ﻋﻠﻴﻬﺎ ﻛﺘﻴﺮ
ﺍﻧﻬﺎ ﺗﻜﻠﻢ ﺟﻮﺯﻫﺎ ﻭﺗﻌﺮﻓﻪ ﺍﻧﻬﺎ ﺣﺎﻣﻞ ... ﻭﻛﺎﻧﺖ ﺷﻴﺮﻳﻦ ﻋﺎﺭﻓﺔ ﺍﻥ ﺯﻣﺎﻧﻪ
ﺍﺗﺠﻮﺯ ﺧﻼﺹ ... ﻭﻛﺎﻧﺖ ﻣﺸﺘﺎﻗﺔ ﺍﻧﻬﺎ ﺗﺸﻮﻓﻪ ﺍﻭ ﺣﺘﻰ ﺗﺴﻤﻊ ﺻﻮﺗﻪ ﻭﻣﻊ
ﺍﻟﺤﺎﺡ ﻣﺎﻣﺘﻬﺎ ﻓﻜﺮﺕ ﺗﻜﻠﻤﻪ ﻭﺗﺮﺍﺟﻌﺖ ﺍﻛﺘﺮ ﻣﻦ ﻣﺮﺓ ... ﻟﺤﺪ ﻣﺎ ﻓﻰ ﻣﺮﺓ
ﻭﻣﻦ ﺗﻠﻴﻔﻮﻥ ﺍﻟﺒﻴﺖ ﺟﺮﺑﺖ ﺗﺘﺼﻞ ﺑﻴﻪ ﻟﻤﺠﺮﺩ ﺗﺴﻤﻊ ﺻﻮﺗﻪ ﺑﺲ ﻭﺍﺗﺼﻠﺖ
ﻓﻌﻼ ....
ﻟﻤﺎ ﺭﻥ ﻣﻮﺑﺎﻳﻞ ﻳﺎﺳﺮ ﻛﺎﻥ ﻳﺎﺳﺮ ﻧﺎﻳﻢ ﺑﻌﺪ ﻳﻮﻣﻴﻦ ﻛﺎﻥ ﻓﻴﻬﻢ ﻓﻰ ﺍﻟﻮﺭﺷﺔ
ﻭﺑﺴﺮﻋﺔ ﻣﺎﻣﺘﻪ ﻧﺪﻫﺖ ﻟﻴﺎﺳﻤﻴﻦ ﺗﺮﺩ ﻗﺒﻞ ﻣﺎ ﺍﻟﺼﻮﺕ ﻳﺼﺤﻴﻪ
ﻭﺭﺩﺕ ﻳﺎﺳﻤﻴﻦ"ﺍﻟﻮ ... ﺍﻝﻭ ...ﺍﻟﻮ"
ﺍﻭﻝ ﻣﺎﺷﻴﺮﻳﻦ ﺳﻤﻌﺖ ﺻﻮﺕ ﻳﺎﺳﻤﻴﻦ ﻗﻔﻠﺖ ﺑﺴﺮﻋﺔ ﻭﺍﺗﺄﻛﺪﺕ ﺍﻥ ﻳﺎﺳﺮ
ﺍﺗﺠﻮﺯ ﻓﻌﻼ ﻭﺑﺪﺃ ﺣﻴﺎﺗﻪ ﺍﻟﺠﺪﻳﺪﺓ ﻭﻧﺴﺎﻫﺎ ﺧﺎﺍﺍﺍﺍﺍﺍﻟﺺ
ﻭﻗﺮﺭﺕ ﺍﻧﻬﺎ ﻻﺯﻡ ﺗﻨﺴﺎﻩ ﺯﻯ ﻣﺎ ﻧﺴﺎﻫﺎ
ﺑﻌﺪ ﺷﻬﻮﺭ ﻛﺎﻥ ﺍﻟﻤﻌﺮﺽ ﺟﺎﻫﺰ ﻟﻼﻓﺘﺘﺎﺡ ﻭﻓﻌﻼ ﺗﻢ ﺍﻓﺘﺘﺎﺡ
" ﻣﻌﺮﺽ ﻳﺎﺳﺮ ﻋﺒﺪ ﺍﻟﻔﺘﺎﺡ ﻟﻠﺴﻴﺎﺭﺍﺕ ﺍﻟﻤﺴﺘﻌﻤﻠﺔ"
ﻛﺎﻥ ﻳﺎﺳﺮ ﺑﻴﺒﺺ ﻟﻠﻴﺎﻓﻄﺔ ﻭﻫﻮ ﺳﻌﻴﺪ ﻭﺑﻴﻘﻮﻝ ﻳﻤﻜﻦ ﻳﻜﻮﻥ ﺍﻟﻤﻌﺮﺽ
ﺳﺒﺐ ﻓﻰ ﻧﺠﺎﺣﻪ ... ﺍﺗﻤﻨﻰ ﺍﻥ ﺷﻴﺮﻳﻦ ﺗﺸﺎﺭﻛﻪ ﺍﻟﻠﺤﻈﺔ ...ﻟﺤﻈﺔ ﺍﻓﺘﺘﺎﺡ
ﺍﻟﻤﻌﺮﺽ ... ﻭﻗﺒﻞ ﺍﻻﻓﺘﺘﺎﺡ ﺑﺴﺎﻋﺘﻴﻦ ﻗﺮﺭ ﺍﻧﻪ ﻳﺮﻭﺡ ﻟﺸﻴﺮﻳﻦ ﻭﻳﻄﻠﺐ ﻣﻨﻬﺎ
ﺍﻧﻬﺎ ﺗﺤﻀﺮ ﻣﻌﺎﻩ ﺍﻻﻓﺘﺘﺎﺡ ﻭﻳﻘﻮﻟﻬﺎ ﺍﻧﻪ ﻣﺶ ﺑﻴﺤﺐ ﺣﺪ ﻏﻴﺮﻫﺎ
ﺭﺍﺡ ﻳﺎﺳﺮ ﺑﺴﺮﻋﺔ ﻋﻨﺪ ﺑﻴﺖ ﺷﻴﺮﻳﻦ ﻭﻫﻮ ﺑﻴﺮﻛﻦ ﺍﻟﻌﺮﺑﻴﺔ ﺷﺎﻑ ﺍﻟﻠﻰ
ﻣﻜﻨﺶ ﻳﺘﻮﻗﻌﻪ .....
ﻛﺎﻧﺖ ﺷﻴﺮﻳﻦ ﻗﺎﻋﺪﺓ ﻣﻊ ﻣﺎﻣﺘﻬﺎ ﻭﻣﺮﻭﺓ ﻭﺧﻄﻴﺒﻬﺎ ﻟﻤﺎ ﻓﺠﺄﺓ ﺣﺴﺖ
ﺑﺄﻋﺮﺍﺽ ﺍﻟﻮﻻﺩﺓ ... ﻣﻐﺺ ﺷﺪﻳﺪ ﻭﻣﺶ ﻗﺎﺩﺭﺓ ﺗﺘﺤﻤﻠﻪ ... ﻭﺍﻋﺮﺍﺽ ﺗﺎﻧﻴﺔ
ﺍﻭﻝ ﻣﺎﻗﺎﻟﺘﻬﺎ ﻟﻠﺪﻛﺘﻮﺭ ﻓﻰ ﺍﻟﺘﻠﻴﻔﻮﻥ ﻗﺎﻟﻬﺎ ﻻﺯﻡ ﺗﻜﻮﻥ ﻋﻨﺪﻩ ﻓﻰ
ﺍﻟﻤﺴﺘﺸﻔﻰ ﻓﻰ ﺍﺳﺮﻉ ﻭﻗﺖ ... ﻛﺎﻧﺖ ﻣﺶ ﻗﺎﺩﺭﺓ ﺗﻘﻒ ﻋﻠﻰ ﺭﺟﻠﻴﻬﺎ
ﻣﻦ ﺍﻻﻻﻡ ﺍﻟﻠﻰ ﻓﻴﻬﺎ ...ﻛﺎﻥ ﺧﻄﻴﺐ ﺍﺧﺘﻬﺎ ﺑﻴﺴﻨﺪﻫﺎ ﻣﻦ ﺟﻨﺐ ﻭﺍﺧﺘﻬﺎ ﻣﻦ
ﺍﻟﺠﻨﺐ ﺍﻟﺘﺎﻧﻰ ... ﻭﻣﺎﻣﺘﻬﺎ ﺑﺘﻠﻢ ﻫﺪﻭﻡ ﺍﻟﺒﻴﺒﻰ ﻓﻰ ﺷﻨﻄﺔ ﻭﻧﺎﺯﻟﺔ
ﻭﺭﺍﻫﻢ ... ﻭﻗﺒﻞ ﻣﺎ ﻳﺨﺮﺟﻮﺍ ﻣﻦ ﺍﻟﻌﻤﺎﺭﺓ ... ﺷﻴﺮﻳﻦ ﻗﺎﻟﺖ ﻟﻤﺮﻭﺓ
"ﺍﻟﺤﻘﻰ ﻣﺎﻣﺎ ﻗﺒﻞ ﻣﺎﺗﻘﻔﻞ ﻭﺧﻠﻴﻬﺎ ﺗﺠﻴﺐ ﺍﻟﺸﻨﻄﺔ ﺍﻟﺼﻐﻴﺮﺓ ﺍﻟﻠﻰ ﻓﻰ
ﺍﻟﺪﻭﻻﺏ ﻣﻊ ﺷﻨﻄﺔ ﻫﺪﻭﻡ ﺍﻟﺒﻴﺒﻰ ﻻﺣﺴﻦ ﻧﺴﻴﺖ ﺍﻗﻮﻟﻬﺎ ﺗﺠﻴﺒﻬﺎ ﻣﻌﺎﻫﺎ"
ﻃﻠﻌﺖ ﻣﺮﻭﺓ ﻟﻤﺎﻣﺘﻬﺎ ﻭﻛﺎﻧﺖ ﺷﻴﺮﻳﻦ ﺳﺎﻧﺪﺓ ﻋﻠﻰ ﺧﻄﻴﺐ ﺍﺧﺘﻬﺎ ﻭﻫﻤﺎ
ﺧﺮﺟﻴﻦ ﻣﻦ ﺍﻟﻌﻤﺎﺭﺓ ﻭﻫﻴﺮﻛﺒﻮﺍ ﻋﺮﺑﻴﺘﻬﺎ ﻻﻧﻬﺎ ﺍﻻﻗﺮﺏ
ﺷﺎﻑ ﻳﺎﺳﺮ ﺷﻴﺮﻳﻦ ﻭﻫﻰ ﻣﻊ ﻭﺍﺣﺪ ﻭﺣﺎﻣﻞ ...ﻛﺎﻧﺖ ﺻﺪﻣﺔ ﺑﺎﻟﻨﺴﺒﺔ ﻟﻪ ﻟﻤﺎ
ﻋﺮﻑ ﺍﻥ ﺷﻴﺮﻳﻦ ﺍﺗﺠﻮﺯﺕ ﺑﺎﻟﺴﺮﻋﺔ ﺩﻯ ﻭﻛﻤﺎﻥ ﺣﺎﻣﻞ ﻣﻦ ﺟﻮﺯﻫﺎ ﺍﻟﺠﺪﻳﺪ
ﻋﺪﻯ ﺳﻨﺔ ﻭﻭﺭﺍﻫﺎ ﺍﻟﺴﻨﺔ ﺍﻟﻠﻰ ﺑﻌﺪﻫﺎ ﻭﻛﻞ ﻭﺍﺣﺪ ﻓﻴﻬﻢ ﺑﺪﺃ ﻳﺄﻗﻠﻢ ﺣﻴﺎﺗﻪ
ﻋﻠﻰ ﻋﺪﻡ ﻭﺟﻮﺩ ﺣﺒﻴﺒﻪ
ﻳﺎﺳﺮ ﺑﻘﻰ ﺗﺎﺟﺮ ﺳﻴﺎﺭﺍﺕ ﻣﻌﺮﻭﻑ ﻭﻓﺘﺢ ﻣﻌﺮﺽ ﻭﺍﺗﻨﻴﻦ ﻟﻤﺎ ﺑﻘﻰ ﻳﻜﺴﺐ
ﻛﻮﻳﺲ ﻣﻦ ﺗﺠﺎﺭﺓ ﺍﻟﻌﺮﺑﻴﺎﺕ ... ﻣﻘﺪﺭﺵ ﻳﺘﺠﻮﺯ ﺣﺪ ﺗﺎﻧﻰ ﻭﻛﺎﻥ ﻋﺎﻳﺶ
ﻋﻠﻰ ﺫﻛﺮﻳﺎﺕ ﺍﻳﺎﻣﻪ ﻣﻊ ﺷﻴﺮﻳﻦ ﻓﻰ ﺍﻟﻤﻐﺮﺏ ... ﻭﻛﺎﻧﺖ ﺷﻴﺮﻳﻦ ﺍﻟﺼﻐﻴﺮﺓ
ﺑﺎﻟﻨﺴﺒﺔ ﻟﻪ ﺧﻂ ﻓﺎﺻﻞ ﻛﻞ ﻃﻠﺒﺎﺗﻬﺎ ﻫﻮ ﺍﻟﻠﻰ ﻳﺠﻴﺒﻬﺎ ... ﻣﺤﺪﺵ ﻳﻘﺪﺭ
ﻳﺰﻋﻠﻬﺎ ﻭﻻ ﺣﺘﻰ ﻣﺎﻣﺘﻬﺎ ﻭﺑﺎﺑﺎﻫﺎ ﻭﻛﺎﻥ ﻛﻞ ﻣﺎﻳﻨﺎﺩﻯ ﻋﻠﻴﻬﺎ
" ﺷﻴﺮﻳﻦ ﺣﺒﻴﺒﺘﻰ"
****************************************
ﺍﻣﺎ ﺷﻴﺮﻳﻦ ﻓﺒﻌﺪ ﻣﺎﻭﻟﺪﺕ "ﺯﻳﺎﺩ"ﻛﺎﻧﺖ ﻛﻞ ﺣﻴﺎﺗﻬﺎ ﻟﻪ ﻫﻮ ﺑﺲ ﻭﺭﻓﻀﺖ
ﻓﻜﺮﺓ ﺍﻟﺠﻮﺍﺯ ﻧﻬﺎﺋﻴﺎ ﻣﻨﻬﺎ ﺳﺒﺐ ﻋﻠﺸﺎﻥ ﺯﻳﺎﺩ ﻭﺍﻟﺴﺒﺐ ﺍﻟﺘﺎﻧﻰ ﺣﺒﻬﺎ ﻟﻴﺎﺳﺮ
ﻭﻛﺎﻥ ﻛﻞ ﻭﻗﺘﻬﺎ ﻓﻰ ﺍﻟﺒﻴﺖ ﻣﻊ ﻣﺎﻣﺘﻬﺎ ﻭﺯﻳﺎﺩ ﺑﻌﺪ ﻣﺮﻭﺓ ﻣﺎ ﺍﺗﺠﻮﺯﺕ .
ﻭﻗﺒﻞ ﻋﻴﺪ ﻣﻴﻼﺩ ﺯﻳﺎﺩ ﺍﻟﺘﺎﻧﻰ ﺑﻴﻮﻡ ﻟﻘﻴﺖ ﺷﻴﺮﻳﻦ ﺯﻳﺎﺩ ﺳﺨﻦ ﻭﻛﻌﺎﺩﺗﻬﺎ
ﻗﻠﻘﺖ ﻋﻠﻴﻪ ﻭﺑﺴﺮﻋﺔ ﺧﺪﺗﻪ ﻭﺭﺍﺣﺖ ﻟﻠﺪﻛﺘﻮﺭ ... ﻛﺎﻧﺖ ﺭﻗﻢ 8 ﻓﻰ
ﺍﻟﻜﺸﻒ ﻭﻗﻌﺪﺕ ﺗﺴﺘﻨﻰ ... ﻛﺎﻥ ﺍﻻﻧﺘﻈﺎﺭ ﻣﻤﻞ ﻭﻛﺎﻥ ﺍﻟﻜﺸﻒ ﺭﻗﻢ 7
ﻋﻨﺪ ﺍﻟﺪﻛﺘﻮﺭ ﻟﻤﺎ ﺷﺎﻓﺖ ﻳﺎﺳﺮ ﺩﺍﺧﻞ ﺍﻟﻌﻴﺎﺩﺓ ﻭﻣﻌﺎﻩ ﺑﻨﺖ ﺻﻐﻴﺮﺓ ﻓﻰ ﺍﻳﺪﻩ
.. ﺍﻟﻤﻔﺎﺟﺄﺓ ﻛﺎﻧﺖ ﻛﺒﻴﺮﺓ ﻋﻠﻴﻬﺎ ... ﺍﺿﻄﺮﺑﺖ ﻭﺗﻮﺗﺮﺕ ﻭﺍﺭﺗﻌﺸﺖ ﻟﻤﺎ ﻋﻴﻨﻬﺎ
ﺟﺖ ﻓﻰ ﻋﻴﻦ ﻳﺎﺳﺮ
ﺍﻭﻝ ﻣﺎﻳﺎﺳﺮ ﺷﺎﻓﻬﺎ ﺍﺧﺘﻠﻄﺖ ﺟﻮﺍﻩ ﻣﺸﺎﻋﺮ ﺍﻟﻔﺮﺣﺔ ﻭﺍﻟﺪﻫﺸﺔ ﻭﺍﻟﺤﺐ
ﻭﻣﺪ ﺍﻳﺪﻩ ﻳﺴﻠﻢ ﻋﻠﻴﻬﺎ
" ﺍﺯﻳﻚ ﻳﺎﺷﻴﺮﻳﻦ"
ﻭﻣﺪﺕ ﺷﻴﺮﻳﻦ ﺍﻳﺪﻫﺎ ﺍﻟﻠﻰ ﺑﺘﺮﺗﺠﻒ ﻭﺳﻠﻤﺖ ﻋﻠﻰ ﻳﺎﺳﺮ
"ﺍﻟﺤﻤﺪﻟﻠﻪ ... ﺍﺯﻳﻚ ﺍﻧﺖ ﻳﺎﻳﺎﺳﺮ"
" ﺍﻫﻮ ﻋﺎﻳﺶ ﺍﻟﺤﻤﺪ ﻟﻠﻪ ... ﺍﺑﻨﻚ ﺩﻩ"
ﻭﺑﺪﻣﻮﻉ ﺗﺤﺎﻭﻝ ﺗﺤﺒﺴﻬﺎ
" ﺍﻩ ﺯﻳﺎﺩ ﺍﺑﻨﻰ"
" ﺭﺑﻨﺎ ﻳﺨﻠﻴﻬﻮﻟﻚ ... ﺍﻧﺎ ﺟﺎﻯ ﻣﻊ ﺷﻴﺮﻳﻦ ﺑﻨﺖ ﺍﺧﺘﻰ"
"ﺷﻴﺮﻳﻦ؟؟"
" ﺍﻩ ﺷﻴﺮﻳﻦ ... ﺍﺗﻮﻟﺪﺕ ﻟﻤﺎ ﻛﻨﺎ ﻓﻰ ﺍﺟﺎﺯﺓ ﻫﻨﺎ ﺍﻳﺎﻡ ﺍﻟﻤﻐﺮﺏ"
" ﺳﻼﻣﺘﻬﺎ .. ﺭﺑﻨﺎ ﻳﺸﻔﻴﻬﺎ ﺍﻥ ﺷﺎﺀﺍﻟﻠﻪ"
"ﻭﺭﺑﻨﺎ ﻳﺸﻔﻴﻠﻚ ﺯﻳﺎﺩ ﻭﻳﺨﻠﻴﻬﻮﻟﻚ ﺍﻧﺘﻰ ﻭﺑﺎﺑﺎﻩ"
ﻗﺒﻞ ﺷﻴﺮﻳﻦ ﻣﺎﺗﺮﺩ ﻛﺎﻥ ﺍﻟﻜﺸﻒ ﺍﻟﻠﻰ ﻋﻨﺪ ﺍﻟﺪﻛﺘﻮﺭ ﺑﻴﺨﺮﺝ ﻭﺍﻟﻤﻤﺮﺿﺔ
ﺑﺘﻨﺎﺩﻯ
"ﺯﻳﺎﺩ ﻳﺎﺳﺮ ﻋﺒﺪ ﺍﻟﻔﺘﺎﺡ ... ﻳﺎﻻ ﺩﻭﺭﻙ ﻳﺎﻣﺪﺍﻡ"
ﻟﺤﻈﺔ ﺑﻴﻦ ﺳﻤﺎﻉ ﻳﺎﺳﺮ ﻟﻼﺳﻢ ﻭﺑﻴﻦ ﻧﻈﺮﺗﻪ ﻟﺸﻴﺮﻳﻦ ﻭﻫﻰ ﺩﻣﻮﻋﻬﺎ ﻧﺎﺯﻟﺔ
ﻭﻧﻈﺮﺗﻪ ﻟﺰﻳﺎﺩ
ﻭﻫﻮ ﺑﻴﺴﺄﻝ ﺷﻴﺮﻳﻦ
" ﺍﺑﻨﻰ؟؟؟"
ﻣﻘﺪﺭﺗﺶ ﺷﻴﺮﻳﻦ ﺗﺮﺩ ﻏﻴﺮ ﺑﻬﺰﺓ ﺭﺍﺳﻬﺎ ﻭﺩﻣﻮﻋﻬﺎ
ﻳﺎﺳﺮ ﺍﺧﺪ ﺯﻳﺎﺩ ﻓﻰ ﺣﻀﻨﻪ ﻭﻫﻮ ﺑﻴﺴﺄﻟﻬﺎ
" ﺍﻧﺘﻰ ﻣﺘﺠﻮﺯﺗﻴﺶ"
" ﻣﺘﺠﻮﺯﺗﺶ ﻏﻴﺮﻙ ... ﺍﻧﻤﺎ ﺍﻧﺖ ﺑﺴﺮﻋﺔ ﺍﺗﺠﻮﺯﺕ ﻭﻧﺴﻴﺘﻨﻰ"
" ﺍﻧﺎ ﻣﺤﺒﺘﺶ ﻭﻻ ﺍﺗﺠﻮﺯﺕ ﻏﻴﺮﻙ ... ﺍﻧﺘﻰ ﺑﺲ ﺣﺒﻴﺒﺘﻰ"
ﻣﺸﻬﺪ ﺍﻟﻨﻬﺎﻳﺔ
ﺷﻘﺔ ﻛﺒﻴﺮﺓ ﻓﺎﺧﺮﺓ ... ﻳﺎﺳﺮ ﻗﺎﻋﺪ ﺑﻴﻠﻌﺐ ﻣﻊ ﺯﻳﺎﺩ ... ﺷﻴﺮﻳﻦ ﺑﺘﻨﺎﺩﻯ
ﻋﻠﻴﻬﻢ ﻟﻠﻐﺪﺍ ... ﻭﻓﺠﺄﺓ ﺗﺼﺮﺥ ... ﺍﺻﻞ ﻣﻌﺎﺩ ﺍﻟﻮﻻﺩﺓ ﺍﻟﺘﺎﻧﻴﺔ ﺩﻟﻮﻗﺘﻰ

وبما ان التفاعل قل خالص هوقف تنزيل دلوقتي
اشوفكم فى قصه جديده ان شاء الله 😍😘👋👋