Ruthless Desire

046

046

K A T H

Nagising akong nakaunan na ako sa dibdib ni Callum. Hindi ko alam kung paano ako nakatulog at kung bakit nakaunan na ako ngayon sa dibdib ni Callum. Hindi muna ako gumalaw o bumangon. Ewan ko ba pero parang ayoko nang bumangon at kumawala sa yakap ni Callum. Nakakamiss pala yung ganito. Nakakamiss gumising sa yakap niya. Sobrang sarap sa pakiramdam lalo pa ngayon na malaya na akong yakapin siya ng mahigpit nang walang inaalalang ibang tao. Pakiramdam ko malayang malaya na kami ni Callum mag mahalan.

Humigpit ang yakap ni Callum sa akin at naramdaman ko ang pag halik niya sa tuktok ng ulo ko. Biglang nag init ang magkabilang pisnge ko. Gusto ko pa sana may kunwaring tulog para manatili sa dibdib ni Callum kaya lang biglang bumukas yung pinto at pumasok si Meg habang hawak hawak sa kanang kamay si Nicholas at karga karga si Katherine sa kaliwang braso. Naipakilala ko na si Meg kay Katherine at madalas na siyang dumalaw dito sa bahay.

Agad akong napabangon sa pagkakahiga. Nakita ko ang pag taas ng kilay ni Meg sa naabutan niyang ayos namin ni Callum. Tumayo na ako ng tuluyan habang nanatiling nakahiga lang si Callum sa kama.

"Meg! Andito ka pala." Tarantang sabi ko sabay lapit sa pwesto niya para kunin si Katherine.

"Mom-my!" Nakangiting sabi ni Katherine nang buhatin ko siya.

"Yes baby?"

"Mom-my hug dada." Nagulat kami nang sabihin iyon ni Katherine. Ngayon lang siya nakapag salita ng ganun kahaba. Madalas kasi ay isang salita lang ang nasasabi niya kaya nagulat talaga kaming lahat ng sabihin niya iyon.

"Anong sabi ng baby ko? Ang galing galing naman niyan." Sabi ko sabay halik sa pisnge niya. Lumapit sa amin si Callum at nakangiting hinalikan din si Katherine sa pisnge.

"Ang galing naman ng little angel ko." Aniya sabay pugpog ng halik kay Katherine. Napangiti na lang ako.

"Ehem!" Napatingin kami kay Meg nang mag peke ito ng ubo.

"Kath, pwede ba kitang makausap?" Aniya. Tumango ako at ibinigay si Katherine kay Callum.

Lumabas kami ng kwarto ni Meg at nag punta sa kusina para duon mag usap. Alam ko naman kung ano ang pag uusapan namin eh.

"At anong teleserye yung naabutan ko kanina?" tanong niya kaagad.

"Meg, hahayaan ko na ulit ang sarili kong mahalin si Callum." Nakangiting sabi ko.

"Nasisiraan ka na ba?"

"Hindi Meg. Wala na silang relasyon ni Pauline. Hiwalay na sila matagal na pwede na kaming dalawa. Wala nang nag babawal na mahalin ko siya ulit."