Soul In Words

"Kaibigan Noong Elementarya"

Dedicated to my elem bestfriend.

Hoy! Kamusta?
Kaibigan ko nung elementarya
Ang laki na ng pinagbago mo,
Yung itsura,yung kilos, at pati pakikitungo

Ikaw yung katabi ko sa upuan,
Palagi tayong nagtatawanan at nagkukwentuhan
May mga sekreto rin tayo noong iniingatan,
At minsa'y may pagkakalabuan

Naalala ko yung mga araw na malapit na tayong magtapos sa elementarya,
At nagplano pa tayo kung saan mag-aaral na dapat tayong dalawa'y magkasama
Ngunit may pera kayo at ang pamilya ko'y walang-wala,
Yung buhay nami'y mas mahirap pa sa daga

Hindi ako makakapasok sa eskwelahang pribado,
Dahil wala kaming miski isang libo
Pero ikaw ay may pamilyang mayaman,
May ipambabayad kayo sa tuition mo kahit magkano pa man

Kaya ayun tayo'y naghiwalay ng landas,
Ako'y sa ibaba at ika'y sa itaas
Ngayo'y may napakarami ka nang kaibigan,
At sa aking palagay ako'y iyo nang nakalimutan

Pero masaya ako sa ating pinagsamahan,
Sa mga tawanan at hindi pagkakaintindihan
Kahit may mga kaibigan ka nang bago,
Hindi kita makakalimutan kaibigan ko