Soul In Words

"Nanghihinayang"

Naghihinayang,
Nanghihinayang sa mga alaalang nasayang
Nanghihinayang sa mga usapang naglaho,
Nanghihinayang dahil bigla akong bumitaw sa ating pangako

Napakasaya natin noon mahal ko,
Sa bawat usapan nati'y nakatitig ako sa mga mata mo
At binubulong sa sarili na napakaswerte ko dahil nakilala kita,
Ikaw kase yung tipong mala anghel ang katangian at ang mukha

Hanggang sa isang araw ay nakagawa ako ng kasalanan,
Kasalanang makakapagpabago sa relasyong nasimulan
Mahal pasensya na dahil kailangan kitang iwan,
Kase may mag-ina akong kailangang panagutan

Nagsisisi at naninibugho,
Dahil ang pitong taon nating relasyon ay biglang gumuho
Gumuho dahil lang sa isang gabing pagkakamali,
Sana'y ang oras ay bumalik pang muli

Ang sabi mo'y "mas kailangan ka nila",
Ang tanga-tanga ko talaga
Ang bait-bait mong tao tapos sinaktan lang kita,
Bakit ko ba nagawang pagtaksilan ka?

Mahal nanghihinayang ako,
Dahil ang bobo kong tao
Kung maibabalik lang sana ang panahong nagdaan,
Hindi na sana ako gumawa ng kataksilan