الفصل الحادي والثلاثون
قاسم : أسألي يامس؟
حور وقد تقمصت شخصية السائلة ، حيث رأت مما يحدث فرصة ثمينة عليها إغتنامها وعدم التفريط فيها .. وكل ما ترغب في معرفته وكل ما أستصعب عليها فهمه ، الآن تستطيع كشفه . وبحركة ظريفة منها رفعت كفها لتواجه عينيه و سألت بعجالة
حور : فين أهل آنس؟ قاسم وقد أطلق تنهيدة ساخنة من صميمه : توفوا ، وجوزها كان السبب!
صمت لحظات ثم تابع بحزن
قاسم : هو كان عنده الإيدز ، ونقله ليها عن طريق علاقتهم الزوجية .. خافوا على وجود الولد معاهم وهو عنده 7 سنين فبعتوه لجدته ، وسافروا عشان يحاولو يتعالجوا لكن مرجعوش تاني حور وقد ظهر الضيق في نبرتها : وليه حرمت جدته منه! ) ر ا قاسم وقد رمقها بقسوة : أفرضي أمه ( أم الأب) عندها نفس المرض ولا إي حد في عيلة أبوه .. يروح أنس بسببهم؟
شعرت بصدق قوله وتصرفه ، هو تصرف بصواب حينما أبعد آنس عن بيئة من المتوقع أن تكون محملة بالأمراض والفيروسات ، ولكنه تصرف بجحود قليلا.. فتابعت قائلة
حور وهي تزم علي شفتيها : طب كان ممكن تسمحلها بالزيارة بس؟ قاسم بلهجة ساخرة : هي اللي بدأت وراحت رفعت قضية عليا وبرضو أنا اللي كسبتها! كان لازم تتعاقب على جرئتها عليا حور وقد أثارت عبارته الأخيرة إستفزازها : انت مش ربنا عشان تعاقب! قاسم بلهجة قاتمة : على الأقل عمري ما ببدأ بالأذية ، ولا ببدأ بالغدر
تأففت حور بضجر ثم قررت أن تنصرف لسؤال آخر حتى لا تضيع فرصتها و....
حور : طب ليه خدت الأراضي من الفلاحين؟ كان ممكن تشتغل معاهم وتشتري منهم!
قاسم بثبات مثير : هما رفضوا إني أشتري ، يبقى بكيفهم وكل واحد حر حور وهي تتعمد الأنتقال بين الأسئلة بتعجل : إي سر مرضك!؟
قاسم :......
صمت قليلا ثم شدد على قبضته وهو يطبق جفنيه قائلا
قاسم : عندي صرع، حالة تشنجات عصبية وعضلية
حور وهي تعض على شفتها بحرج : طب بتتعالج منها؟ قاسم بإجابة سريعة :لأ، أكتفيت بالمهدئات حور وهي تجوب الأفكار في رأسها حتى تتمكن من الإستفسار عن كل ما يثير فضولها : جوز قمرة!! فين هو ؟
قاسم وهو يقوس قمه ناظرة إليها بحنق : وده كمان يخص العيلة؟ حور وهي تهز رأسها نفية : لا قاسم وهو يحيد ببصره عنها : عموما انا ناوي أريحك النهاردة وأجاوب على كل أسئلتك عشان مش هنكرر الكلام ده تاني .. جوز قمرة سافر يشتغل في المصنع بتاعي بره مصر ، في الوقت المناسب مراته وعياله هيسافروله ياأما هو پرجعلهم
فرغت شفتاها بذهول وهي تنطق غير مصدقة
حور : يعني مموتهوش؟ طب ليه راسم نفسك في شخصية المجرم .. مع إن كل حاجة عندك ليها سبب؟ قاسم وهو يهز رأسه نافية : لأ ، نفيته من هنا عشان يبطل ثرثرة بس ، وليه بعمل كده؟
أنت تقرأ
* عهد الفرعون *.... بقلم المبدعة ياسمين عادل
Romanceممنوع الاقتباس او النقل جميع الحقوق محفوظة للكاتبة رواية : عهد الفرعون.. بقلم الكاتبة ياسمين عادل '' تجبر عليهم وساد ظُلمه في أرجاء القرية ، يحمل من الجبروت داخله ما لا يُحمد عُقباه.. فكان يرى أن العهد عهده وليس لغيره ،،، ليس لإي منهم الحق في أعتر...
