مثل كليوم افز من كابوسي واطلع اكعد بلطرمه(كراج البيت) ...ساعه 5الفجر الدنيه صيف والفجر قبل لاتطلع الشمس الجو صافي وبي نسمة هوى بارده تكفخني وتصحيني عله نفسي وافكر شراح يصير اليه بعد شراح اشوف اهموم
اني همسه من بغداد ماريد اذكر اسم المنطقه ..عمري 22 ادرس جامعه مرحله اولى طبعا بعده الدوام مابادي بس قسمي فيزياء من يبدي الدوام ادرس مرحله اولى ..حالتنه الماديه متوسطه بابا جان مدرس ومتقاعد وماما ربه منزل عدي اخ واحد جبير امير عمره 27 سنه متزوج وزوجته اسمها فاطمه فطومه هاي اختنا عمرها 24 كل يوميه بليل وره العشه نكعد كعدة حبايب اني وخواتي ثنين دينا عمرها 19 تدرس سادس لان احنا تركنه كم سنه وزينه عمرها 20 هم بلسادس ويه دينا ..نكعده كعده حبايب بليل وره العشه بغرفتنه من المغرب ندز بابا لو اخويه يجيبلنا شغلات وحبشكلات مثل منكول من كرزات وببسي وعصاير وجبس خطيه يروحون ميكولون شي ...ونضل نسولف ونضحك
اليوم ساعه 9 الصبح
فطومه: كوومن لجن ساعه بلتسعه شلون راح اسويلجن ريوك
اني: يولي الله عليج خل ننام بعد شويه والله بعد وكت
فطومه: بصياح كومن فوك ما داسويلجن اكل ومحضره نفسي
دينا : شععععععجب اليوم مسويه ريوك ههههه
فطومه:اي خيه هاي اول واخر يوم ههههه عليجن الله كومن متت جوع
كمنه اني والبنات غسلنا وكعدنا بلمطبخ طبعا مطبخنا حلو مو كلش جبير وسط خالين بي كاونتر وطباخ والسنك مال مواعين وبلزاويه حاطين فراش نكعد مرات عليه حلوه الكعده بلمطبخ ..والله تريكنا اني والبنات وفطومه وزينه يسولفن ويضحكن ..احنا طبعنه حلو يعني متفاهمين
كملنه شغل البيت حضرنا الغده ويه ماما وكعدنا ناكل كلنه ..ف بابا كال صديقي ابو محمد عازمنا يمه كم يوم بكربلاء شنو رئيكم نروح هم نزور وهم نتونس وانه مشتاقله صارلي زمان ماشايفه ..احنا فرحنه لان صارلنه هواي ماطالعين وافقنه كال خلصو شغلكم وحضرو ملابسكم حته منا وره صلاه الفجر نطلع
اني عليه المواعين الغده سويتهن علسريع ولحگت البنات سوينه ملابسنه والنحتاجهن وبعدين رحنه ساعدنه فطومه همين بملابسهه
صار الليل تعشينه ونمنه
كلعاده ماحس اله جلاب سود يركضن ورراي بلمقبره واني اركض ومرعوبه لحد مانصدم بجسم وافز من كابوسي اباوع ع حالي جسمي متشنج وارجف اريد اتحرك ماكو ودموعي تجري اباوع علساعه بلثنتين وره ماهديت كمت غسلت ورجعت ضليت كاعده
صارت بتلاثه طلعت للمطبخ كلت احضرلهم ريوك خطيه واكعدهم والله سويت خير من الله وكعدنه كلنه اكلنا
عاد صارت الصلاه بدلنه وطلعنا لكربلاء وصلنا بحدود السته الفجر وصلنا لمنطقه بيها خضار وبستان جبير وبنصه بيت والله دكينه الباب وجان يطلعلنا ولد شاب اسمراني ....وللحكايه بقيه
للكاتبه (اية آل هاشم)
أنت تقرأ
تعب العمر
ChickLitاركض واني اصيح يممه لحكيلي يمه لحكيلي واحس شي يركض وراي بس ماككدر اندار زيين اهلي وين راحو معقوله مسمعوني ابجي وارركض واعثر ورجع اكوم ياربي يا اللهي معقوله الكابوس تحقق وماحس اله ونصدمت بشي اريد ارفع راسي ماكدر احس شي نزل ع وجهي وعيوني غوشت واشوف سو...
