تعب العمر

بارت9

احمد:كعدت الصبح ساعه ب9 واني بالي كله ع البارحه والصار ...نزلت الدرج واني افرك براسي تلكتني امي كتلها سويلي اكل اكلت وكملت جتني امي
ام احمد:يمه عندي موضوع وياك
احمد:اي احجي امي
ام احمد:كلت لبوك ع شغله البنيه ورحب بلشغله وكال كوليلهم الجمعه نروح نمشي عليها وكلت اشوف القرار الاخير منك

احمد:عصبت وصحت انتي منو كلج تحجين بكيفج اني مو كتلج افكر بلموضوع واشوف الوظع؟
ام احمد:شبيك يمه .موعيب ماتستحي هيج تگب بوجهي ؟بس يا احمد سجى الك وانته الها والبالك مايصير اله ع جثتي
احمد:من كالتلي هيج ضربت الجام خانه مال الكاونتر كزاز بيدي وطشرتها ماشوف غير الدم يتطافر
ام احمد:يمه وليدي شجاك؟لج يمه ابتسااااام
احمد:عوفي مابيه شي..بكلبي اكول شكد ما الضربه قويه بس وجع كلبي اقوه
ابتسام:هايمه خيرج شكو شصار ..شفت الدم بلكاع تخبلت اباوع احمد مجرح ودم ينكط من ايده وامي تبجي
............
همسه:جنت كاعده بلغرفه ويه ابتسام وماسمع غير صياح وعياط عمتي ابتسام ركضت واني نزلت وراها واشوف الدم ومنظره وايده احمد تنكط دم بقيت صافنه وتذكرت الموقف مال المقبره من نظربت بلشجره وسال الدم من راسي
..
احمد جنت واكف واني اسكت بأمي وماشوف غير همسه نزلت وبقت صافنه فجئه وكعت اني هنا فرفحت روحي اريدن بس اكظها وكع راسها بلكاع نلطخ انه شاغت روحي
ركضت ابتسام عليها وامي تصيح كله من وراها هجمت بيتنا وانه اسكت بيها

.......
همسه :حسيت واحد يطش فوكايه مي فزيت مخروعه اباوع ابتسام تبجي فوكايه وعمتي كاعده كبالي لازمه ايدي وتبجي وتحجي
ام احمد:وهيه تبجي يمه فدوه اغديلج(اروحلج)عوفي وليدي لاتسودنينه(تخبلينه)
همسه نصدمت من كلامها كتلها شنو عمه شدتحجين ..باوعت ع احمد منزل راسه ومتجتف رجعت باوع ع عمتي
ام احمد:يمه انه اعرف احمد يريدج ونتي تحبي وتريدين بس يمه لاتفشلوني ويه اختي وانه محاجيتها ع البنيه
همسه:عمتي تبجي وتحجي وفجئه نزلت ع ايدي تترجاني اني تخبلت كتلها استغفرلله عمه شنو السالفه بجيت  كتلها خلص عمه مسحي دموعج وعد ماتقرب لحمد وخلص مسحي دموعج وكلشي بلقسمه والنصيب لاتبجين التردي يجرالج

ام احمد:اغديلج فدوه عمه والله لوما اخيتي واتفاشل وياها اله اخذج انتي خوش بنيه واني احبج وعلي
همسه :مسحت دمعي من عيني واباوع ع احمد مدنك راسه والدم يجري شكد حقدت عليه وكرهته باوعت ع عمه كتلها مصار شي عمه وانه اعتذر خاف سببتلج ازعاج
رجعت لغرفتي بس راسي يأذيني حيل لزمته حسيت شي بيدي باوعت لكيت دم تخبلت طلعت كتلها عمه راسي يجري دم ويأذيني
ام احمد:سوده بوجهي لج يمه صيحي احمد خابري ع ابوج ع وسام اي واحد خليجون يودوها  
اجه احمد نزل يركض اخذني بلسياره اني وبتسام ودينا
طلع شوي مفشوخ راسي زلغ صغير من وكعت ضمدو الي ورجعنا

همسه:صعدت لغرفتي كعدت يم الشباك وجانت ساعه 3العصر ونسيم الهوى البارد يكفخ بوجهي نفتح الباب طلعت دينا
دينا:ها خيتي شصاير
همسه:والله يادينا مثل ماشايفه الوضع كله مخربط
دينا:اوووف ياهمسه اووف و...قطع كلامنه التلفون دك
هاي فاطمه دتدك
دينا:الو
فاطمه:هلاو حبي شلونج
دينا:هلاو فطم والله ماشيه انتي شلونج امير
فاطمه:والله بخير احنا انتو شخباركم هموس شلونها
دينا:والله همسه حايره بهمها
فاطمه:ياااا شو نطينياهه خل ارزلها
دينا:ههههه لج شترزليها
فاطمه :لتدخلين بشغلات متخصج بيناتنه
دينا:هههههه بعدج ع سوالفج...هاج تريدج
همسه:هههه الو
فاطمه:وجعو اكون مادكولين مرت اخويه تاج راسي ماكو ماسئل عنهه
همسه:ههههههه ولج والله ملتهيه وبعدين غير اني المريضه المفروض انتي تسئلين
فاطمه:هاا هم صدك هههههه
همسه:ههههه طاحضج ..لج والله مشتاقتلكم وتعبانه نفسيتي هواي
فاطمه:سوده عليه والنبي اني هم مشتاقه لكعداتنه بليل ونقشب (نحش)بلناس
همسه:ايي لج شنو الجديد
فاطمه:ولج اجت بت خالتج نجلاء هاي بنتها الاسمها رغد لج حاطه الاخضر والاحمر بحيث الوان قوس قزح مصفطتهن بوجهه النوب تباوع وتبتسم لأمير لوما عيب من عمتي اله اكوم اصلخها تصلخ
همسه ودينا:هههههههههه شكد اكرهه
فاطمه:بحيث جانت تمطر وره ماخلص المطر طلعنا بلحديقه كعدنه امير كال شعجب ماطلع قوس قزح همست بذنه اذا رغد مصفطه الوانه بوجهه شيطلع مدكلي
همسه :هههههههه عزه بعينج لو سامعتج
فاطمه:وطبها حريشي(مرض)
همسه:اكلج حريشي
فاطمه:هههههه ها خيه
همسه:مضل شي واجيكم واسولفلج كلشي صارت احداث
فاطمه:عزه العزاج فطم ولج تعاي باجر ماتحمل اله اعرف
همسه:ووجع ههههه كم يوم وارجع
فاطمه:ديله ولي خلص رصيدي شكد تحجين
همسه:هوه منو الحاجي غيرج طوط طوط طوط...سدته بوجهههي
همسه:ههههههه كبر مخبله
دينا:ههههه ولا تبطل سوالفهه...اي ولج ضحكي مايلوكلج تحزنين
همسه:جريت حسره شكت صدري كتلها الله كريم اليوم احاجي عمي حته نرجع بعد مايصير نبقه عدهم اكثر
....................................................
احمد:صارت دنيا مغرب طلعت لبستان المنطقه يم النهر كلت بلكت الكه الرجال
تمشيت ووصلت اخذت كصبه من الكصب مال النهر وكعدت العب بيها
جريت حسره(تنهدت)حسيت طكطكه وراي لتفت لكيت الرجال.
الرجال:كلبي حسني انته هنا وجيتك
احمد:الف هلا عمي تفضل ستريح
الرجال :شلونك يعمي شجرالك بعد(شصارلك بعد)

احمد:والله ياعمي حاجيت امي وكامت تبجي وتتوسل وحته وكعت علبنيه تريد تبوس اديها حته تترك سالفتنا وتخليها تعوفني حته اتزوج بنت خالتي
الرجال:جا وايدك شجرالها ليش ملفلفه
احمد:عصبت ع امي وضربت الجام خانه مال الكاونتر
الرجال:لالا ابني مايصير هيج تدري ارتكبت جريمه جي عصبت ع امك مايصير هاي مامرجيه منك
احمد:شسوي ياعمي..زين ممكن اسئلك ولاتفهمني غلط
الرجال:اسئل بويه
احمد:ليش هلكد متعاطف وياي. وتسمعني ونته ماتعرف منو اني وشنو
الرجال:شوف يبوي الله سبحان وتعالى طلب منا نساعد الناس بحتياجاتهم ونته محتاج احد يسمعك ووانه سمعتك حته اساعدك ومن عرفت قصتك تذكرت قصتي انه هم هيج مثلك يعمي بس انه حاربت الكل وخذيتها بعد حب دام 16سنه نتضرتها وحاربت كلشي حته اخذها وماريدن اطول عليك السالفه....ومال سالفه متعرف اني شنو ومنو يبويه الولد الخوش مبين ذاك وينه وانه عمك عمري بل61 معقوله وماميز الزين من الموزين؟
احمد:الله يحفظك يعمي وهنيال ولدك وبناتك ع هيج اب
الرجال:الله يسلمك وليدي
احمد:بس ولو ادخل بخصوصياتك بس ممكن تحجيلي قصتك
الرجال:والله يابني قصتي طويله ومعروجه
من جان عمري 19سنه جنت معجب ابنت عمي واحبها من الصغر هيه بوقتها عمرها 17سنه تعال ابوي وتعارك ويه عمي من مات جدي وبيبيتي علمود الورث تعال عمي وهد ع ابوي وتبرو من بعض وحرمو دخلت البيت
انه بوقتها حيل تأذيت معناتها انه حبي حيضيع بلاش وماكدر اخذها مرت سنين والناس تحاول تدخل صلح بين ابوي وعمي بس مايرضون تعبت وصار عمري 23 سنه طخت ابالي اروحن لعمي
بلبدايه ترددت بس كلت هيه جلمه واطلع عسى ولعل ترجع المي لمجاريها
دكيت الباب طلع عمي سامي
سامي:......حمدان؟   (حمدان هوه اسم الرجال)
حمدان:اي عمي انه حمدان
سامي :خيرك اخافن ابوك دازك علي
حمدان:لا عمي انه جاي عليك بشغيله وانه اتمنه تستقبلني ابيتك وتسمعني..صفن شويه وكلي
سامي:تعال فوت...سوو طريق عدنه زاير
حمدان :طبيت وكعدت جابولي جاي
سامي:اشرب جايك
حمدان:لا يعمي انه ماشرب جايك
سامي:ليش
حمدان :انه جايك علمود شغله مو اشرب جاي
سامي:مايجوز..اشرب چايك والجاي عليه يجرالك
حمدان:الله يسلمك..شربت الجاي كتله عمي اني عندي طلب يمك
سامي:تفضل
حمدان:لوما مشكلتنا وسالفتك انته وابوي لچن يعمي انه جايك اطلب سهيوه(سهى)منك بنت عمي وماريدن تروح لغريب ..انه حجيت هيج وماشوفن غير عمي يكلب صينيه الجاي ويصيح ويريد يهد عليه يدفع بيه بره
سامي:انته ماتستحي جاي وحدك شنهي ابوك متيهك روح بابا روح مالك مره يمي لا انته ولا احد منكم يله ولييييي
حمدان:طلعت وانه نار تشوط بيه وصلت البيت ابويه تلكاني يصيح
ابو حمدان:انته وين جنت انه نناقص مشاكل
حمدان:يابه اترجاك كافي البنيه احبها واريدها
ابو حمدان:نجججب ماتستحي تولي لعمك تكله اريد بنتك
حمدان:لعد هوه مايستحي مايعرف الاصول يكلي اشرب جايك والجاي عليه يجرالك وبس كتله طردني هيه هاي اصول؟؟؟
ابو حمدان:ونته تدور مشاكل ؟ غير تكلي تصخم الله يطيح حظك  عمك ناوي نيه كشره
حمدان........للعصر اجو بيت عمي وولده  سوو مشكله وولد عمي هدو عليه بس ماكدرولي وطخت ابالي نهيت عليهه انه كل هيج وابن عمي جاسم ضربني بوكس وهد عليه
طلعت من البيت ضليت سبوع ابات بره تاليها رجعت محد حاجاني مشت الايام عاديه تاليها مرت خمس سنوات والبنيه معلگه مانخطبت وبزعت ارواحهم ومافكيت النهوه وتزوجتها
......
احمد:يووو عمي قصتك طويله وضاع من عمرك هواي
وللحكايه بقيه.....