اجه امير غلط وففشار جنزني تجنز سحلني من الغرفه سحل للسياره واني اشوف الانظار اليه وشماته والقهرني اكثر رجلي يباع عليه وماسوه ايشي
مشت السياره بيه وكلساع بنص الطريق ينزلني يموتني كتل ويرجع انتهيت من الضرب 💔
النفس كوه اجره
امير:لجج والله لوما محسوبه عليه وعيب سمعه جان نزلتج هنا وقتلتج وخلي الدود ياكل لحمج ع هل عمله حررامات ضاعت تربيتنا بيج ساقط...
حسابي وياج بعده مانتهى نتظريني
همسه:اريد اجاوب اريد اكله اني بريئه ما اكدر منتهيه من الالم و البجي يارب قويني وساعدني وزرع الصبر بيه ...مرميه ع كشن السياره وحلكي يابس تمنيت تمطر الدنيه وابلل حلكي 💔
بعد طريق طويل من العذاب والالم العشته نزلني
وسحلني للبيت من يم امي واخواتي وهنه يعيطن ويبجن
لحدما شمرني بلمخزن
اجت امي فاتت تركض ولزمها يدفع بيها حته تطلع
من حلاة روحي رحت حضنتها من ورى
همسه:سحلني من يم امي واني اتوسل بي
اميير هاي شدسوي فدوه اتركني بس اسمعني والله مالي دخل بس اسمع
ماحس غير بس سحلني للمخزن وطبك الباب وره شويه فات وويا سلسله حديد من هاي الثخينه وواير
ونزل دك عليه بل سلسله الثخينه
شككد ضكت عذاب وقهر مثل عذاب هاي السلسله ماشفت ولا حشوف
كل ضربه من اخوي احسها تاخذ جزء من عافيتي
شفته شمر السلسله بعيد وجاب جاكوج
امير:مدددي ايدج لج
همسه وهيه تبجي:هاي هاي شدتسوي امير
امير:مدددددديي ايدج داكول
همسه:مديت ايدي واني بتساءل شراح ايسوي
واشوفه كل حيله يدك بلجاكوج ع اضافيري
ااااااخخخ يا الم ذيج الليله وعذابها
تشاهدت بذكر (اشهد لا اله الا الله محمد رسول الله)
وغمضت عيني..........................
حسيت ع صوت خرخشه وصوت بأسمي فزيت اون من الالم الاستحوذ جسمي
لكيت امي تبجي وفاطمه تصيحلي هناك وطبن خواتي
فاطمه:ولج همسه بالنه يمج هسه طلع للسوك واجيناج بلكوه
دينا وهيه تبجي:سوده عليه كلنه هسه جوعانه لو عطشت
زينه:كومي اكلي حبيبتي
همسه:مم مااككدر اا اكل
ام همسه وهيه تبجي:يمه اغديلج (اروحلج)فدوه بس اكلي شويه
همسه: وخخري ايدج مني ليش مانقذتيني منه؟؟
لحد يجي عليه بعد ماريد احد
عوفوني هذا كبري
ام همسه:يمه لاتسوين هيج والله متت عليج مانطانه مجال نسحبج منه
همسه:مالج شغل بيه ابد بعد ماتوقعتج تتركيني
ام همسه:شتريدين اسويلج والله بس لاتضلين هيج وتموتيني
همسه:باوعت الهم كلهم وصفنت شوي
لا همسه مولازم تبجين انتي قويه وحتواجهين كلشي
صح الالم كلش قويه من كد ما اصابعي مورمه وتوجعني احسها تنبض
اووووف ياربي كلشي ماريد بس اشفيني وخليني اكوم ع حيلي
دينا:همسه بس احجي لاتحسسينه احنه مسوين ذنب جبير فدوه💔
ام همسه:يمه انه نهد حيلي عليج اعرف السالفه كلها ملفقه وجذب بس يايمه بعد صارت وموتت ابوجن هدت حيلي كله هم رحموني والله تعبت
همسه:حجت هيج وكلنا بجينه
لحد ما نصدمنه بفوتت امير طبعا اني امدده بلكاع مابيه اكوم والدم بكل مكان
فات من شافنه عصب اكثر
امير بصياح:اااانيي مو حجييت محد يفووت
يمه شتسووين يمها وفوكاهه تبجن عليها هاي
ام همسه:يمه اغدديلك فدوه بس اشوفها لاتحرمني من بزر بطني
امير:فاطممه ليش تكسرين كلمتي؟
اني مو كتلج الباب ممنوع تغافليني وتفتحي
فاطمه:امير انته كلبك طيب كافي هيج تسوي
همسه:جان الكل يحجي ويبجي واني صافنه ع ضيمي اباوع ع امير كعد بلكاع ويشهك ويبجي
هنا نزل دمعي
امير وهوه يبجي: ليش هيج همسه ليش
همسه:والله وروحه لأبوي فاهم غلط ماسويت شي اني همه اتهموني اني تربيتك امير تربيه امي وابوي
ليش هيج ظربتني واذيتني كمت اشهك وابجي
امير: كام يبجي...همسه تعببت نهد حيلي واني اسمعهم هيج يحجون عليج
همسه:ارحموني عاد تعبت والله تعب مامرتاحه اريد ارتاح عشت عمري قهر وضيم من صغري
كافي كل واحد ينهش لحمه مني عوفوني ارتاح واتونس حالي حال هلشابات البكدي ..كمت اشهك وابجي ...حسيت ع ايد بارده لزمتني
باوعت ...امير حاضني
امير:ماعوفج اني يمج مجنت ادري هم متهميج لكن مو زلمه اذا اردج اله اني اعلمه اله اخلي يتحسر ع اضفرج
ولاتخافين حكج يجي ليمج
كومي غسلي واكلي لاضلين هيج واذا حسيتي نفسج متوجعه كليلي انه اوديج دكتور
همسه:شكرا يخوي متقصر انته💔 باوعت ع البنات بحضن امي ويبجن
كمت حته سبحوني ووكلوني وامير طول الليل مخابرات وميرضى يكول شكو وليش هالاتصالات
مرت اسبوعين كمت ع حيلي خلص كافي الفتره الجايه حتكون اصعب لازم ابقه قويه مو همسه التضعف
امير دز كوامه لبيت حسين وطلكت منه بلمحكمه وبكل قوه واجهته وفصلناهم بمبلغ لان طعنو بلشرف وهلشي يعتبر شين عند العشاير والناس كلها
اهلي كلهم وكفو وياي ورجعت لكليتي
هيام بعدها وياي وعلاقتنه زادت
مرت كم شهر مانكر كنت ابجي واتذكر مأساتي وكلت الله يعوضني بلزين
وطبعا الناس عرفت انو حسين كان عاجز واني بعدني بنت
صح انقهرت لكن حسيت حوبتي طلعت
مشت اموري الحمدلله وكنت كلش قويه رغم الصعوبات الصارتلي والظلم العشته
مرت سنه ع الصار وحياتي هادئه وتخرجت الف الحمدلله
...................
تقدم لخطبتي ابن شيخ بلعماره
عفيه عماره كل شي بيها ومنها ههههه
بلبدايه شوفونيا هيبه والشكل يخبل لكن يكولون ميضحك هواي رغم تواضعه وهيبته
نطيت لنفسي وقت افكر بي
شفت الكل تمدح بي
الشي الصارلي مو قليل وتقدمو هواي لخطبتي قبل لكن رفضت
بس صفنت ع نفسي الكل عاش حياته خليني اعيش شبابي ولو كم لحضه
خليني افرح نفسي
قررت اوافق وانتظر المجهول شنو ❤
.....وللحكايه بقيه
ملاحضه:اعتذر عن قصر البارت لكن اقترب البارت الاخير وماخبيت اختمها بسرعه
شنو رئيكم قرار همسه والسوته صح او لا؟؟
انتضرونا بالبارت القادم انشالله❤
أنت تقرأ
تعب العمر
ChickLitاركض واني اصيح يممه لحكيلي يمه لحكيلي واحس شي يركض وراي بس ماككدر اندار زيين اهلي وين راحو معقوله مسمعوني ابجي وارركض واعثر ورجع اكوم ياربي يا اللهي معقوله الكابوس تحقق وماحس اله ونصدمت بشي اريد ارفع راسي ماكدر احس شي نزل ع وجهي وعيوني غوشت واشوف سو...
