همسه:حسيت شي سال من راسي و وجع قوي الدنيا افترت بيه
...............................
ابو همسه:ساعه ب9 بليل
البنيه وين كلبنا المكان كلب رتفع ضغطي وتخربطت حسيت نفسي نطبيت بلكاع
امير:يابه يابه شبيك
دينا :يابه اصحى شبيك شصارلك
ام همسه:يبووو ابو امير فدوه لعمرك بس اكعد هسه نحير بلبنيه نحير بيك يممه بنتي ماكو ياربي فدوه ارحمنا
ابو حسن:ابو امير ابو امير ..حسن بسرعه انته وعبدالله شيلو عمكم بلسياره بسرعه للمستشفى واخذو البنات احنا ندور ع البنيه
ام همسه:فدوه ابو حسن بقيني ماروح اله الكه بنتي هسه. شصارلها اني صوجي جبتها لو اعرف مبقيتهن
ابو حسن:ام امير اني راح ابقه لوجه الصبح بس يضوه الوكت والله ادورها واجيبها انشاءالله ادخل وهيه بيدي
دينا واني ميته بجي وكاعده بلكاع:فدوه عمو خل ابقه وياك شلون اعوف اختي
زينه :اني انتهيت والجو يخوف وبلمقبره حته ناس ماكو وكولساع يجون ذوله اليشتغلون بلمقبره عبالهم عدنه شي ويكولون الوقت تأخر صعبه تبقون بلمقبره
الولد شالو ابويه وودو واحنا ويا وبقه بس حسن وابو هناك يدورون ع همسه
وصلنا للمستشفى خلينا ابوي بلطوارئ وامي ورا هم تخربطت وطول هلفتره احنا لكمه مخالين ابطنه
حسن:يابه جو المقبره هسه يخوف خلنبقه كاعدين لحد ما شوي يطلع الفجر داندور علبنيه
ابو حسن:اوف يا ابني شون مشكله هاي البنيه فص ملح وذاب ويين راح نلكاهه هسه شصاير بيها خاف متعارضه للجن او شي
الفجر ساعه 3
................................
حسن جنت جاي امشي وضوه الفجر خفيف وجان المح شجره من بعيد وايد طالعه بلكاع من يمها
بلبدايه خفت
تقربت اكثر باوعت هاي همسه والدم مغطي وجهه اني فزيت
صحت ابويه كتله يابه همسه
ابو حسن:ها ها يابه بشر...هاي شصاير بيها شجابهه لهنا زين هذا الدم شنو خاف ميته
حسن:تعال يابه گابلني خلنشيلها
دينا :من وكع ابويه زاد القهر هوه مناك عنده ضغط النوب صارت سالفه همسه شكل ويا نقلوه للمستشفى
وامي هم تخربطت من سمعت نتهينا لو ادري مجايين اصلا
بالنا يم اختي يعني احوالنا تدمرت حيل موقف منتمنى لعدونه حته..
..........................
حسن:شلت همسه اباوع عليها حالها يقهر وخفت لا ميته الدم ومنضرها عمره مراح يروح من بالي
ضلينه نمشي تقريبا ربع ساعه شايلها وهيه ثكيله نهد حيلي اباوع كلساع بوجها انقهر اكثر هسه شصاير بيهه ...فرفحت روحي اريد بس اوصل السياره
واخيراً وصلنه
كبل اني وابويه وديناهه للمستشفى
وصلنا دخلناهه طوارئ ستلمهه الممرضات والدكاتره
كلها تصيح شبيهه...حجينالهم كل السالفه...
مسحو الدم البوجهه وقاسو ضغطهه وخلولهه مغذي وعافوها لحد متصحى
............
همسه:من نضربت بلشي الثكيل حسيت شي سال من راسي مكدرت افتح عيني بس بعدها محسيت بشي
بس فجئه حسيت احد ديمشي بيه بس ماكدر افتح عيني واحس روحي تلوب بيه وجع قوي وراهه مكدرت اتحمل بعد
.......فتحت عيني شويه شويه اباوع غرفه وبطني ميته جوع ايدي مابيه اشيلها واكو شي مشكل بجسمي راسي وجعع قوي واحس شي يخنك بيه اجت ممرضه صاحت الحمدلله ع السلامه اريد اجاوبها ماكدر احس لساني مربوط واطرافي ترعش وخايفه كلش بعدين فاتو امي والبنات وامير اني بس صافنه وعيوني تجري اريد بس احجي ماكدر ياربي شديصيرلي لساني معكود زين ليش خايفه وابجي اشوف امي والبنات يبجن ويصيحن وين رحتي متنه وحنه ندورلج وميتات بجي وامي تبوس بيدي ..هاي شكو شصار
اجت دكتوره حجت ويايه ردت بس احجي هم ماكدر معرف شبيه معقوله صرت خرسه وابجي امي تخبلت بس جاوبي ليش متحجين
الدكتوره:منو ام المريضه
ام همسه وهيه تبجي:تفضلي دكتوره اني امهه
الدكتوره:رجاءاً تفضلي بره ويايه عدي كلام وياج
ام همسه: طلعت واني بحيره وقلق خاف بنتي بيها شي اسمالله
الدكتوره:عيني حسب السمعته من الرجال وابنه (تقصد ابو حسن وحسن) انو ضاعت بلمقبره وهناك بايته ليله كامله واكو جرح براسهه وهسه هيه مدتحجي نصيحه وديها لشيخ او سيد يشوفلها چاره ملازم تبقه هيج
ام همسه وهيه تسمع حجي الدكتوره وتبجي: فدوه دكتوره شبيها بنتي معقوله صار بيهه شي خطير ونفسي
الدكتوره:اني حبيت اقدملج نصيحتي انو توديهه لسيد يقره عليها البنيه مو طبيعيه
ام همسه وهيه تبجي:نشالله دكتوره
دكتوره :اترخص
........
همسه:بعد ماطلعت الدكتوره وامي واني معرف شبيه خايفه وبقن البنات رادن بس يحجني ماكدر لساني مربوط احسه...واسمعهن يبجن ووجع براسي موتني...الى ان حاولت اتذكر الصار واني زدت بلبجي بس بقه بالي يم امي والدكتوره ليش طلعت معقوله بيه شي يارب ارحمني ماتحمل اذيه..وكولما اغمض عيني اتخيل كلشي صار ويايه زين الجلاب السود معرف شنو الجانن يركضن وراي وين اختفن وشصارلي؟...وللحكايه بقيه
ملاحضه:: بنات حبايبي القصه حلوه ومشوقه وبيها احداث جداً حلوه حرامات انزلها وماعندي متابعين كافين وتضيع القصه علخالي الي عندها صديقات تضيفهم وتابع القصه ونشالله يوميه بارت او اثنين انزللكم منها والقصه حقيقيه لكن بيها بعض التغييرات البسيطه مثل الاسماء وهكذا ...واذا تشوفون البارت قصير كولولي حته اطوله لعيونكم ❤
أنت تقرأ
تعب العمر
ChickLitاركض واني اصيح يممه لحكيلي يمه لحكيلي واحس شي يركض وراي بس ماككدر اندار زيين اهلي وين راحو معقوله مسمعوني ابجي وارركض واعثر ورجع اكوم ياربي يا اللهي معقوله الكابوس تحقق وماحس اله ونصدمت بشي اريد ارفع راسي ماكدر احس شي نزل ع وجهي وعيوني غوشت واشوف سو...
