همسه: كلعاده رجعت للبيت وستأذنت من امير كتله العصر اروح لبيت هيام اشوفها
صارت ب5 طلعت جان الجو شويه بارد ومغيم مال ربيع تجي بي ايام تمطر احب المطر هواي
رحت لهيام سلمت وكعدت
بعدها رحنا ع صديقه امها
دكينا الباب طلعتلنا بنيه صغيره فوتتنا اول مدخلت غرفه الضيوف
لكيت مره جبيره بلعمر لابسه كلابيه جوزي وبيضه كولش وعيونهه ملونه جان وجهه كلش حلو ونوراني من شافتني ضحكت كالتلي تعاي يحلوه كعدي
اجيت كعدت يمها واني اترقبها بصمت
ام عبدالله:شلونج بنيتي؟
همسه:الحمدلله خاله
هيام:هايه همسه الكنالج عليها خاله
ام عبدالله:خهههه همه كالولي حلوه بس ماتوقعت لهل درجه بسم الله ماشاءالله
همسه:هههه تسلميلي خالتي
ام عبدالله:نطيني ايدج اليسره
همسه:نطيتها ايدي واني ارقبها
شحتسوي
مسحت ع كف ايدي جان تكولي
ام عبدالله:شوفي يحلوه انتي هواي اكو عثرات بطريقج وحزن ووو هواي اشياء
واكو شخص ديراقبج وعنده مشاعر تجاهج احذري منه خل يولي يبنيتي مايفيدج
همسه:بس خاله اني ماعندي علاقه بأحد
ام عبدالله :شوفي حبيبه يجوز يطلع شخص
شايفته وتعرفي مو اله بينكم علاقه
همسه:اجه ع بالي حسين ..بعدين كلت لا يجوز احمد
ام عبدالله:انتبهي النفسج يحلوه راح توكعين
بمشكله بس الله يعلم خبرها بس انتي الله راح يوكفلج وتخلصين منها بس رح تتعبين قوي نفسج ولاتخافين شيجي براسج صح سوي
......
ديري بالج ع نفسج لاتتمرضين اكو مرض عندج شوفيله علاج
همسه:بقت تحجي هواي اشياء بس ضل بالي من كالتلي اكو شخص ديراقبج احذري منه ميفيدج ضليت اتسائل منو؟ اووووف ياربي
خلصنه وطلعنا لبيت هيام كعدت شوي وترخصت طلعت اتمشه والجو بي مطر خفيف وبروده
شويه
ضليت امشي ع كيفي واشوف الشارع فارغ وبده المطر يقوه والساعه تقريباً 6وربع
امشي ومهدود حيلي جررريت حسره احسها شگت كلبي شگ ...قوه المطر وزختها
بدت دموعي تنزل ع الشي الاني بي💔
يااربي ليش هيج اني مامرتاحه
ليش مافرحت بحياتي مثل بقيه البنات
يربي ليش هيج ليش💔
ربي رحمتك وقوتك كلشي ماريد
ياناس مامرتاحه والله مامرتاحه 💔 ضليت ابجي بقوه لحد مكعدت عل رصيف وراسي ابين رجليه والمطر فوكايه يزخ
كوه لكيت تكسي ولد صغير خطيه اشوفه يباوع لحالتي بلمرايه وجان مطلع شعر حسين الميالي وفهد نوري
هذا الحب الي حبيته💔
سنين بكلبي ضميته💔
هذا الحب العايش بيه مأذيني وبس يحجي عليه💔
اسمع واني دموعي تجري
أنت تقرأ
تعب العمر
ChickLitاركض واني اصيح يممه لحكيلي يمه لحكيلي واحس شي يركض وراي بس ماككدر اندار زيين اهلي وين راحو معقوله مسمعوني ابجي وارركض واعثر ورجع اكوم ياربي يا اللهي معقوله الكابوس تحقق وماحس اله ونصدمت بشي اريد ارفع راسي ماكدر احس شي نزل ع وجهي وعيوني غوشت واشوف سو...
