تعب العمر

بارت8

الرجال:بويه اذن العشاء توكل صلي وادعي ربك يريح بالك وشوكت ماتضيك بيك الدنيه تعال لهل مجان تلكاني موجود
احمد:مشكور عمي كلش رتاحيت من فضفضت البكلبي لك
الرجال:انه خادم يبني
احمد:خادم ربك عمي انه اترخص
مشيت بنفس الدرب مال البيت وجانت الدنيه ليل توها غابت الشمس ضليت امشي ع كيفي اباوع الجهال توهم ديطبون للبيت من اللعب والشمس غابت ومنظر الطيور الرايحه والجايه والزلم الجبيره بلعمر رايحه للجامع والكل يسلم عليه يعرفوني بلمنطقه  ورثت جكارتي كالعاده ولاكاني طيف صاحبي
طيف: ها خويي البذات
احمد:هله حبيبي وعلي مشغول
طيف:جا غير انه صويحبك واحبك واعتب عليك وانه وياك صداقه سنين مو يوم ويومين
احمد: والله خويه مشغول ومشاكل وداعتك روحي ماحاملها ..واخذنا الدرب نمشي
طيف:خيرك خويه خما اكو شي
احمد:هيج وهيج السالفه وحاير وروحي خاويه
طيف :اوف يخوي هوه منهو المرتاح دخيلك
احمد:ماعندي حل غير اوافق ماكدر اكسر امي
طيف:بس خويه اذا انته ماهاويها شلون
احمد:جا اكسر جلمه امي يخوي؟ ..
طيف:اعذرني اذا اكلك انت ماتحبها لبنت عمك جا لو تحبها تحارب كلشي لجلها
احمد:بس ماحارب امي وچلمتها
طيف:براحتك خويه بس هيج راح تتعب وماراح ترتاح
احمد:الله كريم اشوفن تاليها وين
طيف:ونعم بالله..يله خويه انه اترخص لين عدي شغيله نشالله باجر نلتقي
احمد:مرخوص خويي
........................................................................
احمد:طبيت للبيت لكيتهم جاي يتعشون بس همسه مالمحتها وياهم صاحوني وكتلهم ماريد
تقصدت افوت من يم غرفت البنات شفت همسه كاعده دكيت الباب فتحته هيه بس فزت من شافتني وعيونها مدمعه كتلها ليش متعشيتي
همسه:ماشتهي اكل ليش اجيت وتعبت نفسك
احمد:لابس جنت مار وكلت اسألها
همسه:هاا
احمد:شبيج عينج مدمعه جنج جنتي تبجين
همسه:ها لا مابيه شي
احمد:اني اروح ماريدن احد يشوفني هنا حسباله عدنه شي ...اشوفج بلحديقه ساعه 12 تعالي
همسه:فتحت عيني من كلي هيج ..كتله ليش
احمد:عندي شغله وياج
همسه:ها ماشي
احمد:اترخص
همسه:اخذ راحتك
طلع احمد وضليت صافنه ومصدومه شعنده ويايه ليش رايدني باوعت علساعه شفتها ب9
اريد بس تصير ساعه 12 داشوف شنو الموضوع ضليت متوتره وكاعده ع جمر والف فكره جت ابالي
وصارت ب11ونص بعد متحملت طكت روحي قفلت اله اطلع بعد متأكدت الكل نام فتحت باب المطبخ طلعت البس تكرمون نعالي واشوف ضوه الجكاره فزيت ردت اعيط وخله ايده ع حلكي
احمد:متكليلي شبيج تعيطين هذا اني احمد
همسه:حطيت ايدي ع كلبي وتنفس سريع من الخوف كتله فزيت عبالي جني
احمد:اها جني هذا الجني صاير يشرب جكاير وبهلطول والضخامه
همسه:ووبعدين انته موكتلي ساعه 12شعندك واكف هسه
احمد:جا متكولين لنفسج ماتكدرين تصبرين ادري بيج فضوليه ومتي تردين بس تعرفين وبعدين شني ماناويه توخرين اديج من صدرج
همسه:حسيت ع نفسي وخجلت نزلت ايدي كلي تعاي كعدي
كعدت وهوه كعد بصفي وكالعاده جكارته ويدخن وصاد ليغاد
همسه:شنو شوكت تحجي عاد مو متت
احمد:صبري خلتصير ب12يلا اريدن اتوبج من هل فضول وتتعلمين تصبرين
همسه :وففففف ماشي
احمد:اباوع عليها تهز رجلها وتتلفت النوب كامت تفتر كامت تلوب باوعت علساعه شفتها صارت ب12 اله عشره
جتي كعدت
همسه:احمد
احمد:عينه
همسه:شنو عيد مسمعت؟
احمد :احجي
همسه:ها موداكول...احجي بعد ماتحمل
احمد:هههههههه
همسه:حطيت ايدي ع حلكه داسكته لان ضحكته عاليه وخفت احد يسمع هسه يكولون شعدها ويا
احمد:نصدمت من خلت ايدها ع حلكي هيه ضلت صافنه هم مستغربه رادت تبعد ايدها لزمتها بست اديها هيه تراجعت
همسه:اسفه مجان قصدي شي بس ضحكتك عاليه وخفت احد يسمع ويكعد
احمد:باوعت صارت ب12 كتلها همسه
همسه:ها احمد
احمد:طبعا انه مااعرف شلون ابدي بس بلبدايه كل عام وانتي بخير
همسه :صفنت شنو كل عام ونتي بخير بعدين كتله شكد بلشهر
احمد:اليوم الجديد صار 25/5 عيد ميلادج حبيت اعايدج اول واحد
همسه:اهااا ونته بخير بس شمعنى ومتوقعت تطلع منك هيج سالفه انت دائما ويايه عصبي
احمد:همسه انتي بنت عمي ومن انتي وصغيره اخافن عليج عبن حلوه والعين عليج ف دائما جنت انبهج بس من كثر غيرتي اعصب بس انه احبج همسه حيل اني ربيتج ع ايديه
همسه:نصدمت من كلام احمد ضليت فاتحه عيوني ردت اكوم كلي لاول مره كعدي وياي وواجهيني
كتله ماعرف شكلك بس وين جنت ساكت كل هلسنين
احمد:تحبيني لولا
همسه:ستحيت دنكت بس تذكرت مرضي وحادثتي
احمد:دنكت راسها وهنام اسمعها تشهك وتناشغ كتلها ليش دتبجين
همسه وهيه تبجي :احمد صحيح انته ابن عمي بس انه ماكدر اصير الك
احمد :اعرف من وره حادثتج مو؟
همسه:اي
احمد:وانه هم اعتذر منج لان امي تريد بت خالتي سجى وتعرفين ماكدر اكسر جلمت امي
همسه:بس انته اذا تحبني ورايدني ليش متكدر تواجه كل مشكله وتضل ويايه  ...زاد البجي مالي
احمد:اكدر احارب كلشي بس امي شلون
همسه:لعد لاتحسب روحك تحب
احمد:ليش طالع لسانج؟
همسه:وليش دائما تحب تشوفني ضعيفه وماكدر اواجه شي؟
احمد:موقصه ضعيفه بس انتي مريضه منين اجاج هل لسان
همسه:احمد صح انته تحبني واني هم مانكر هلشي انو احبك بس يبن عمي اذا امك ماراضيه بيج ف اعذرني ونته جان لازم تواجه كلشي حته تخليني الك مو من اول سالفه تستسلم
احمد:ما استسلم ومن امشي بكلام امي معناتها احتراماً الها مو خوف منها
همسه:لا تخاف
احمد:من كالت هيج حمستها راجدي فريت وجهه فر ..اذا تعيدينها لهل كلمه ديري بالج مني

همسه:بجيت متحملت كافي احمد شوف حياتك وتزوج بس مالك دخل بيه او بلي يتزوجني
احمد:هاي اذا تزوجتي
همسه :ليش ماتزوج شبيه موحلوه مو نادره مو ام بيت؟؟؟
احمد:فوتي وسدي الباب وراج
همسه:اها تطردني
احمد:بله حجي زايد فوتي ولتجادلين
همسه:صفنت بعينه وكأنو كل هلسنين راحن بلاش ومتت واني اتخيل هلعيون يصفن بيها غيري ويمكن هاي اول مره انتبه لعيونه ولملامحه بهيج شكل دقيق نزلت عيني وفتت واني مكسوره اححس شي متحطم بيه

مرت هاي الكم يوم يمكن كانت اصعب ايام حياتي والصعبها اكثر دانزل من الدرج واسمع عمي ومرته يحجون
ام احمد:ها مفكرت بلموضوع
ابو احمد:والله سجى خوش بنيه وحلوه وهوه مدام وافق بعد خلص نتوكل
ام احمد:هاهيه لعد انه اخابر اختي وابلغها بس شوكت
ابو احمد:اليوم شنو من الايام
ام احمد:سبت
ابو احمد:كوللها الجمعه احنا يمهم والله يقدم البي خير
................................

همسه:بهاي اللحضه احس شي تكسر بيه هنا .وعيت ع نفسي كلت ابد ماريد ابين كدامه ضعيفه لو شميكون موقفي كافيه النظره الماخذهه عليه
اجه ليل شفته مر من يمي صعد لغرفته واني نمت ع جربايتي وايدي جوه راسي افكر شحيصير بعد وشضاملي رب العالمين من شغلات  وساعات يجي ابالي احمد وذكرياته نزلت دمعتي مسحتها كلت من هلحضه بعددمعه متوكع مني ابد💔
.................................
ياكمر تالي اليل هم عندك أخبار

نايم حبيب الروح لو مثلي محتار

...................................

لا تنشد اعلى الروح خلها بزعلها

الغثوها مو شمات ، غثوهاا اهلها

.................................
      
جثير جروح وسط الكلب خله،،،،،
نكرني ولا حسبني بعد خله،،،،
ضعيف العكل انه وكلت خليه،،،
يصحيه الوكت ويرد اليه،،،،،

وللحكايه بقيه❤
ملاحظه:عذروني علتقصير حبايب بس والله ضروف ومشغوله و اي ملاحضه عدكم تفضلو كولها ❤ .