احمد:بعد مراحت همسه ضحكت ع تصرفها وصفنت بلسمه جان الجو بدايه ربيع وكلش حلو هوا بارد وصافي والنجوم حيل احب النجم من اني وصغير احب اباوع النجم واتمنى
نتبهت ع نفسي مبتسم بس داخلي مامطمن حاس حتصير مشكله اوشي
نفضت راسي من الافكار ودخلت جوه لاكاني وسام يم باب المطبخ
وسام:ها يخوي شجاي تسوي
احمد:والله شويه مختنك واجيت اشتم هوى
وسام:خيرك بيك شي
احمد:هههه عساس ماتعرف اخوك شبي (طبعا وسام بكلشي يعرف)
وسام:اذا مانعسان تعال
احمد:وين
وسام:هناك جوه السجره
احمد:تقدمت للشجره وكعدنا بدى يغني طبعا وسام عليه صوت فدشي احساسه وشجن ورثت جكارتي
وسام: اصد عنك
امل منك
جذب من كاال اعوفنك
ولو حطو بدربي النار
بدمع عيني اطفيهاا
وادك بابك واشوفنك
وافلش حاااجزي المبني
واحل عنك وعني
واحاجيك وتحاجيني واسمعنك
شتريد تصير
طير تطير
انا اطير وياك
يبه هم تحط والزمننك
شتريد تصير سمج بلماي
يبه هم تطفح واصيدنك
شترريد تصييير
نجم بسماي
يعمي هم تلمع واشوفنك
ترييد تموت امووت ويااك
وكبل لاموت اصييييحن حييل احبنك💔
احمد:جرريت حسره طفيت جكارتي اباوع ع وسام نايم علحشيش البلحديقه شبيك يخوي سولفلي
وسام:راح يرحون الاربعاء
احمد:منهمه
وسام:دينا وهمسه
احمد:منهو كلك توها جان.... وسكتت زل لساني
وسام:دينا كايله لأمي
احمد:اووووف ليش هيج نشلع كلبنا
وسام :انه اروح انام ارتاح
احمد:ماشي محتاج شي
وسام:سلامتك حبيب
احمد:الله يسلمك
..........................
ضجت من سمعت الصار انو يرحون الاربعاء يعني بعد يومين كلت يجي الصبح واسئل
...........................................................
الصبح ساعه 6
همسه:حسيت ضوه عالي ع عيوني وباب نسد كبل فزيت فركت عيني باوعت لكيت ابتسام
ابتسام:صباح الورد والعسل والخير والحب والعافيه كومي
همسه:ياااا صباح النور ساعه بيش
ابتسام :معليج وكعدي هاي اليمج تكول ميته
همسه:لج بسوم شكوو
ابتسام:كومي ونتي تعرفين
همسه:ديناا ضليت اهز بيها فتحت عينها
دينا:ها شكو
همسه:كومي ابتسام تريدنا
دينا:خما صاير شي
ابتسام:مصاير يولن بس كومن
كمنا عسريع وطلعنا وراها
همسه:طبينا للبستان مال بيت عمي عدهم بستان صغير بس اشكال والوان
ابتسام:كعدت الصبح ولكيت شجره البرتقال مال ابويه طالعه وكل برتقالايه هلكبرها وكلت خلناكل كبل لايكعد لان مايقبل
همسه:عليج الله
دينا:اذا هسه اكوم اهيج عليج واخلصج من الكتل احد يكلي ليش ولج يمفجوعه مكعدتنا من الصباحيات علمود برتقالة ابوج الي حسره نضوكها
ابتسام:بسچ عاد ووجع انتي غير ماضايكتها
دينا:وماريد
همسه:كطعي خيه كطعي
اباوع ع دينا واكفه ليغاد ودايره وجهه
كشرنا البرتقال عسل عسل يعني صدك مينلام عمي من مايخلي احد ياكل منها ويخلصها اباوع ع دينا تتمطك بس متحجي
ابتسام:بويه شني هاي
دينا:مشايفات برتقال عساس
ابتسام:دهاج ضوكي
دينا:تقدمت شويه ع ابتسام اخذت منها ضكتها صدك طيبه تخبل
ابتسام:خيه ابويه يسكيها عسل مايسكيها مي ع هل طعم الحلو
همسه:هههههه كومن ولجن لايروح يجي يسويها كشره علينه
رجعنا نمنا لل9كعدنا كلنا نزلنا جوه بلمطبخ وجان الكل كاعد واحمد يبصبص ومانحس غير ع صوت عمي ولجنن
ابو احمد:هذا ياهوو الماخذ برتقال من شجرتي
همسه:ضليت اباوع ع ابتسام ودينا وجهنا اصفر
ابو احمد:ماتحجون
وسام:والله يابه انه كعدت الصبح لكيتهن تلاثتهن وحده وره اللخ للبستان كشرن واكلن جنهن نسن يلمنهه وراهن
ابو احمد:والله يابوي هاي سوالف ابتسام
ابتسام:عزززه انتو كلشو ذبيتو براسي شعليه
همسه:اي عمو صحيح اكلنا
ابتسام:ووجع ماتعرفين تضميلج سالفه
ابو احمد:ههههههه الله يطيح حضجن شمخبلات ماتكولن قابل راح اكسرجن
ابتسام:شمدريني يابه غير انته حالف علينه ماواحد يدنالهه وياخذله برتقاله
ابو احمد:اي غير شجرتي وانه ربيتها
ابتسام:اي بعد شويه تاخذ مراد منها ذابحنا بيها ياحجت الشجره وياحجت البرتقاله الكشره ههههه
الكل ضحك ع سالفتهه
احمد:ههههههه متبطلين سالفتج هاي
ابتسام:هههههه
.....................
دينا:كملنا غده وطلعت اغسل المواعين الكل نام الضهريه وفات وسام
وسام:بس كلاص مي فدوه
دينا :اي ادلل
رحت جبتله كلاص مي
وسام:اشكرج دنو
دينا:دنو
وسام:اي
دينا:هههه حلو هذا الدلع
وسام:هههه لايكلج
دينا دنكت راسي ورحت كملت مواعين داغسل بلكلاص وتزحلك من ايدي بلكاعد نكسر نزلت ع السريع المه نجرحت وسام فز ع صوتي
وسام:عوفي عوفي شو ايدج
دينا:نطيته ايدي
وسام:اباوع اصبعها كله دم
دينا:سحبني عل القنفه وجاب تعقيم وكلينس نشف الدم ولفه بلشاش
وسام:شوي حيبقه يأذيج
دينا:عادي وشكرك
وسام:ماكو داعي تشكريني سويت واجبي
دينا:طبيت للغرفه ورغم ما اصبعي انجرح بس الفرحه البداخلي جبيره حبيت اهتمامه حيل
لليل صار ماكو احداث جديده بس حضرنا ملابسنا لان اليوم ثلاثاء باجر لازم نروح نرجع للبيت وحيل ضايجه انو محشوف وسام بعد
.....................
دينا:بليل كعدت عطشانه مريت من غرفه وسام اسمع صوت خفت لاحد يكعد تقربت شويه علباب وسمعه يغني بس عمري مسمعت صوته وهوه يغني كلش حلو وبداخلي نقهرت حيل مرت دقايق والهوى عالي بره تراب وتعرفون شلون تصير الدنيا والباب مال السطح طلع صوت اني فزيت شهكت رئساً خليت ايدي ع حلكي توني جاي اروح وجان ينفتح الباب
.
وسام:كل ليله اكعد بغرفتي واضل اغني اغاني قحطان العطار وعادل المختار بيوم جنت كاعد اغني وسمعت شهكه بنيه طلعت ركض ستغربت منو كاعد بهيج وقت
فتحت الباب اباوع ضهر دينا دارت وجهه عليه
دينا شعندج كاعده بهيج وقت؟
دينا:ها لا جنت داريد انزل اشرب مي وفتت من يمك والجو بره هوى وصار صوت بلباب وفزيت...كمت اجمع بلكلمات واكولهن هلكد ما من الفشله
وسام:اهاا بس اعتقد الدرج ذاك حته تنزلين جوه مو غرفتي
دينا:اعتذر بس سمعتك تغني
وسام :قصدج اجيتي تشوفيني
دينا:ستغربت من حجه هيج عقدت حواجبي كتله وليش هلحجي؟كتلك مجان قصدي شنو جايه تشوفيني
وسام:ابتسمت ع عصبيتها وشلون عقدت حواجبهه ضليت صافن عليها وابتسم
دينا:اباوع ع وسام صافن بوجهي توني داكله شبيك وحسيت ع عمي طلع من غرفته وماحس غير بس انجر من ايدي ونسد الباب ضليت اتنفس سريع من الخوف ووسام حاط ايده ع حلكي واني مرتجيه علحايط بوقتها الخوف التمالكني فضييع وتندمت طلعت
وللحكايه بقيه ......
ملاحضه:اسفه حبايب ع التأخير اعرف مقصره وياكم ونشالله احاول انزللكم بارت كل يوم حته لو جان قصير ونتضروني اليوم هم ابارت ثاني الكم من قصه تعب العمر❤
للكاتبه ايه الهاشم
أنت تقرأ
تعب العمر
ChickLitاركض واني اصيح يممه لحكيلي يمه لحكيلي واحس شي يركض وراي بس ماككدر اندار زيين اهلي وين راحو معقوله مسمعوني ابجي وارركض واعثر ورجع اكوم ياربي يا اللهي معقوله الكابوس تحقق وماحس اله ونصدمت بشي اريد ارفع راسي ماكدر احس شي نزل ع وجهي وعيوني غوشت واشوف سو...
