هو كالها عريان :
شما يطول الجرح بينّه
يطيب بس ما ينمحي.🌿
...................
هيام :بس همسه يعني العمر ديخلص والحياه كصيره رتبي نفسج ورجعي همسه القديمه انتي كبرتي يعني حته اليريد يخطبج من يشوف حالتج وكأابتج يطفر اني علمودج والله اريدج ترتاحين
همسه:اووووف هيام الصار مو قليل بيه حته زواج ماريد
هيام:ليش همسه علمود احمد مو؟
همسه:لا خل يولي
هيام:باعي همسه اعرفج صار سنتين وحافظه كلشي بيج ادري بيج تحبي بعدج بس تكابرين شوفي هوه عاش حياته وانتي بقيتي بل هم
همسه:يعني شنو ترديني اسوي هيام؟؟
هيام:تعاي كعدي هسه وافهمج
همسه:ها
هيام:باجر حفي وجهج الصاير جنه فحمايه سوده وسشوري شعرج وشويه مكياج كلش خفيف يعني كحله ومسكاره حته لو ميخالف...لبسج غيري ميخالف ابقي بالاسود بس كسري بغير لون غامق يعني جوزي مثلا زيتوني ايشي
همسه:كل عقلج؟
هيام:والله علمودج كافي هيج تسوين بروحج
همسه:الله كريم
هيام :اوعديني
همسه:كتلج الله كريم
هيام:اكلج باعي ذاك اويلي ياهو اليجي يلبس اسود
همسه:هههههه امداج اي والله
هيام:هههه لا جذب داضحكج والله
همسه:
بقينه نحجي شويه وبعدها خلص الدوام ورجعت للبيت
فتت المطبخ لكيت امي دتركب غده فتت بست راسهه
ام همسه:هله يمه هله بيج تعاي
همسه:شونج يمه
ام همسه:انه ماشيه انتي اليوم شونج خوما يوجعج شي
همسه:لا يمه مايوجعني شي بس جوعانه ستعجلي بلغده وهم اريد اخذ رايج بموضوع
ام همسه:نشالله
...............
فتت لغرفتي شفت فاطمه ودينا كاعدات يرتبن بلملابس بس اني وامي بقينه بالاسود لان زينه ودينا امي كالت بعدهن زغار وفال موحلو خاصه هنه بنات حته الي كالتلي بس اني مكدرت انزع
للضهر كملت غده واجت امي
ام همسه:ها يمه شنو الموضوع
همسه:حجيتلها عن الكالته هيام
ام همسه:اي يمه الي صار صار وراح انتن بعدجن بنات موزين عليجن
همسه:نشالله امي اشوف
نمت الضهر محسيت غير لل11بليل كعدت راسسي يريد ينفجر يوجعني ودايخه وميته جوع كمت لحيلي لكيت الكل نايم خطيه ممكعديني طلعت اكل الي اكلت ورجعت لغرفتي حايره شسوي
حاولت انام منمت طلعت موبايلي تصفحت شويه وسديته ... ضليت متمدده شويه هم مليت
فتحت الكنتور واني افكر شلبس وماودي انزعه للأسود
طلعت بنطرون جينز ازرك وقميص يغطي الورگ لونه زيتوني مقلم برصاصي
باوعت بلمرايه واني اترقب ملامحي ووجهي التعبان اصفر وسواد جوه عيوني ليش هيج هامله نفسي اني مو شابه ومن حقي اعيش
طلعت منضفات مال بشره بديت اسوي وجهي خلصت وكعدت افكر باجر شحسوي ماحسيت غير بس ع صوت المنبه ساعه 7 كمت واني شبعانه نوم
غسلت وطلعت اسوي ريوك مامشتهيه اكل سويت نص لفه مال جبن وجاي اكلت علسريع وفتت ابدل
لميت شعري عالي وشلت كتبي داطلع وصار بوجهي ميز التواليت باوعت ع نفسي بلمرايه
همسه:اجرب اخلي كحل خفيف؟ ها لا بس خاف عيب
مصبرت جريت القلم وحطيت شوي نقهرت كلش تذكرت ابوي ركضت غسلته
وطلعت للجامعه
صعدت بلكيه واني دارجع بلملزمه رفعت راسي واجت عيني بعين ولد امبين طالب رأسا دنكت راسي وكلساع ارفع عيني الكا يباوعلي
وصل قريب الجامعه يعني براس الشارع نزلت اشو نزل وياي بقيت امشي بطريق جامعتي اشوفه وراي عبالي ديلحكني كمت اخاف
همسه:وكفت فجئه ونداريت عليه انته متستحي؟؟صارلك ساعه تلحك بيه معندك خوات؟؟؟؟
أنت تقرأ
تعب العمر
ChickLitاركض واني اصيح يممه لحكيلي يمه لحكيلي واحس شي يركض وراي بس ماككدر اندار زيين اهلي وين راحو معقوله مسمعوني ابجي وارركض واعثر ورجع اكوم ياربي يا اللهي معقوله الكابوس تحقق وماحس اله ونصدمت بشي اريد ارفع راسي ماكدر احس شي نزل ع وجهي وعيوني غوشت واشوف سو...
