ثاني يوم دك عليه حسين مجاوبته دك النوب هم مجاوبته تقريبا خمس مكالمات مجاوبته حته يتعلم مره ثانيه يحترمني
...واكفه بليل دنسوي عشه اني وفاطمه وزينه دتكتب كاعده بأثناء السوالف دك عليه رقم غريب
باوعت علرقم اي هذا رقم احمد اني اعرفه
ليش ديدك عليه؟ ياربي مكافي السوا
ليش ديرجع الجروح القديمه
قررت ارد
همسه:الو؟
احمد:عرفتيني؟
همسه:سكتت شوي وطلعت بلحديقه الحمدلله امير ماكو ...كتله ليش دكيت
احمد:ليش تغيرتي همسه موجنتي تحبيني
همسه:احمد اطلعلي من الاخير ليش دكيت شتريد
احمد:لا بس داسئل عنج وسمعتج حتتزوجين مبروك
همسه :الله يبارك بيك اي حتزوج
احمد:منين الولد
همسه:من العماره مثلي اصله
احمد:اها ..محتاجه شي؟
همسه:الله ليعوزني عليك
احمد:ليش دتحجين هيج
همسه:انته مومال واحد يحاجيك بحترام خوش؟ وذا مره ثانيه دكيت متلوم اله نفسك رجال متزوج استحي ع نفسك ...وجان اسده
بعد ماتزوج ورتاح جاي هسه
فتحت التلفون لكيت حسين ديدك فتحت الخط
حسين:اني مو دادك عليج ليش مشغول؟
همسه:خابرتني هيام وجنت احاجيها
حسين:اها بعدج زعلانه؟
همسه:انته شدكول زعلانه لولا؟
حسين:اسف همسه مو قصدي اتجاوز واصيح بس غير احبج واريدج ابيتي
همسه:هذا مو عذر حسين يعني اني تركت جامعتي ودراستي ولبست اليرضيك وحجاب فوكاهه وحروح وياك بتلفات الدنيه كله سويته لخاطرك ونته علمود عرس كم اسبوع يتأجل الخاطري ماقبلت
حسين:همسه نتهه الموضوع سبوعين وبس ...اني رايح اجو زباين للمحل
همسه:سده وراح مني...لو بس اعرف ليش هيج يتصرف
...................................
مرت الاياام واني حضرت كلشي ولتهيت
واجه اليوم القبل الحنه اجن بنات خالتي وعمامي باركولي
وبيت عمي ابو احمد هم جايين
توني كاعده جنت من النوم ...فطلعت اتمشه بلممر اجه جلب بطرف ثوبي طفل صغير يزحف
شلته واني اباوع لوجهه بتساؤل
همسه:يمه هذا ابن منو
ام همسه: ها هذا ابن احمد
همسه:اها لعد شجابه هنا
ام همسه:فوتي سلمي وودي لمه لايضيع شيخلصنا
همسه:شلته وطبيت سلمت لكيت سجى مرت احمد كاعده واحمد هم سلمت عل كل وصلت سجى سلمت عليها كتلها ابنج يفتر ليضيع
مسلمت ع احمد وعبرته
...........
ثاني يوم حسيت الصبح ع رشه مي فزيت لكيت فاطمه وزينه
فاطمه:كووومي ولج
زينه:الليله حنته وباجر يزفونه والاخت هنا نايمه كومي عاد
همسه:هاي يغنوهه للعريس خوما الي ههههه
فاطمه:كومي دنروح للصالون عاد مضل وكت والبيت بي بنات كومه امشي
همسه:كمت غسلت ولكيتهم مسويلي ريوك عود عروس وديداروني هههه
طبيت بدلت حته نروح للصالون لبست بدي وبنطرون وحطيت الشال ع راسي
طلعت من الغرفه دالف بلشال واشوف البنات شغلن الديجي
بنات خالتي وعماتي بلنص يركصن
اني بعد متحملت وجان افوت بنصهن متنه ضحك وشلون ركصنه سوه
أنت تقرأ
تعب العمر
ChickLitاركض واني اصيح يممه لحكيلي يمه لحكيلي واحس شي يركض وراي بس ماككدر اندار زيين اهلي وين راحو معقوله مسمعوني ابجي وارركض واعثر ورجع اكوم ياربي يا اللهي معقوله الكابوس تحقق وماحس اله ونصدمت بشي اريد ارفع راسي ماكدر احس شي نزل ع وجهي وعيوني غوشت واشوف سو...
