دكينا الباب وطلعلنا ولد شاب اسمراني ...سلمو علي اهلي وطبينا جوه اتلكانه صديق ابويه ابو حسن ومرته جان خوش رجال بس مرته محبيتها مرتاحينه وياهه حته ملسمت علينا زين ..
همسه: اكلج زينه هاي شبيهه تخوز بينه
زينه:والله خيه ماعرف بس يجوز هيه طبعها هيج
بعدها فوتونه جوه واجن بنات ثنين طويلات ووحده متروسه والثانيه ضعيفه ناعمه سلمن وعرفنه ذني بناته يقين وزهراء
ابو حسن طلع عنده ولد ثنين حسن الجبير وعبدالله
صار الغده تغدينه ونمنه للعصر كعدنه جنه ميتين تعب من الطريق
ام حسن:يقين وزهراء اخذن البنات خل يفترن بلبستان يتونسن
والله طلعنا مشينا مسافه ودخلنا مثل الباب صغير وبعدها البستان ماشالله جان كلش حلو واشكال بي فواكهه واشجار يعني حالتهم زينه
يقين:هذا البستان ورث من جدي وصارله كومه عدنه واحنا دائما نشتغل بي
دينا:اي كلش حلو مشالله
زهراء:انتو من بغداد
همسه:اي
بليل بابا كال نروح نزور ومناك نطلع للمقبره نزور ابويه وامي (اهل ابويه)
فرشولنا بلمضيف ونمنه بس ام حسن ابد محجت ويانه يعني كلامها قليل ..صارت بسته تريكنا وطلعنا زرنه
طلعنا للمقبره احنا وبيت ابو حسن بس عبدالله نضراته وصخه كلساع يباوع عليه وكلش خفت منه رغم اهلي ويانه ..
همسه:وصلنا للمقبره نزلنا لكينا قبر جدي وبيبيتي اني جنت امشي وراهم ف وكفتني مريه سلمت عليه وكالتلي يمه اريد اطلع منين
كتلها خاله والله ماعرف اني اول مره اجي لهنا خطيه تاهت ف شفنه رجال وكتلها خاله سئلي وهوه يدليج
ولما اندار اهلي ماكو ..
متت خوف زين ذوله وين راحو ضليت مثل المخبله افتر وادور
زين هيه دقيقه وكفت معقوله محسو عليه ونتضروني
كمت ابجي تعرفون المقابر شون تخوف ومكان خالي
تهسترت شو حسيت شي ورايه اندار كلشي ماكو اعيط محد يجي وماكو احد جان الساعه حوالي ب2الضهر والشمس تسطر دخت ونتهيت لان اني بيه تيفو وعركت وحسيت يغمه عليه
النوب ضليت اخاف يكولون البنيه موزين عليهه تدخل مگبره يصير بيهه تابعه بعدها محسيت ع شي بس حسيت انطبيت بلكاع
ام همسه :جنه دنمشي والبنات ورانه دنوصل للمقبره ف وكفت مريه يم همسه اني كلت هسه تجي ورانه
والله مشينا مسافه طويله وصلنا المقبره مال عيالي فجئه البنات كالن وين همسه شو ماكو احنا تخبلنا
ابو حسن:البنيه مو جانت تمشي ويانه
ابو همسه :هيه مو ويه البنات ..يابنات همسه وين مو جانت وياجن
دينا: اي يابه بس وكفتها مريه تسئلها منين تطلع وهيه وكفت تدليها وكلنا هسه تجي لان جانت تمشي ورانه
ام همسه :يبوووووو بنتي وين راحت ولج همسه
ام حسن:ام امير غير تنتبهين وتحطين بناتج بصفج
امير :يمه هاي سوايه البنيه تخاف هسه وين نلكاهه اني تخبلت اختي ماكو وبلمقبره
ام همسه:
كل واحد يدور بجهه ماكو البنيه فص ملح وذاب
زينه:ملخنه نفسنه همسه اعز من اخت اليه واني وياهه ميانه ووحده تحجي للثانيه
دينا:صار الليل احنا كلبنا المقبره گلب همسه ختفت
بلمقره ساعه 1بليل
همسه:حسيت ع وجع براسي وعيني مغوشه واحس نفسي بلهوى فتحت شويه شويه ماكو بس ضلام وتغويش ححاولت افتح عيني كمت لحيلي افرك براسي احس راسي ينفجر اني وين وشصار بيه وليش هيج شجابني لهلضلمه اباوع احس الدنيه تفتر بيه بس المح ضوه خفيف من بعيد بس مغوش كدرت اكعد شويه لحيلي وافرك عيني بلكت اشوف شوي وشفت اني كاعده يم مربع مسكف بس ضووه خافت حيل اباووع صوت جلابه وبزازين تفتر كمت امشي ضهري وراسي يأذيني واحس ميته جوع
جنطتي ماكو ولا تلفوني متت بجي واخاف بين المقابر زين اني شجابني هنا حاولت اتذكر وتذكرت كلشي صار ..التفت اشوف تلث اجسام ورايه مدري بشر مدري جلاب اركض اركض اركض وابجي متت خوف ماكدر التفت ليوره اخاف انصدم بلمنضر
بقيت اركض واصيح يمه لحكيلي يمه لحكيلي تمنيت الله ياخذ روحي ولا هلمنضر وفجئه عيني غوشت وراسي افتر رجلي احسها مثل النملت ونصدمت بشي ماعرف بس تأذيت وكعت بلكاع حسيت شي سال من راسي و....للحكاية بقيه
أنت تقرأ
تعب العمر
ChickLitاركض واني اصيح يممه لحكيلي يمه لحكيلي واحس شي يركض وراي بس ماككدر اندار زيين اهلي وين راحو معقوله مسمعوني ابجي وارركض واعثر ورجع اكوم ياربي يا اللهي معقوله الكابوس تحقق وماحس اله ونصدمت بشي اريد ارفع راسي ماكدر احس شي نزل ع وجهي وعيوني غوشت واشوف سو...
