تعب العمر

بارت 10

احمد:رجعت اتمشه للبيت ونسيم الهوى البارد يكفخ بوجهي وجكارتي الي مابطلها وويه كل نفس اجر حسره
طبيت للبيت لكيت ابتسام ودينا يسون عشه وزينب تثرم زلاطه طبيت ليجوه مريت من غرفه همسه كلت اليوم لازم احجي وياهه وشيصير خله يصير
فتحت الباب ع كيفي كتلها هلو
همسه:يممه فززتني حطيت ايدي ع صدري
احمد:شدعواج هلكد شسويت اني
همسه:محتاج شي
احمد:قبل ماكلج شريد اني كم مره محذرج من هلحركه؟
همسه:ياحركه
احمد :تحطين ايدج ع صدرج عيب خاصه لو كدام احد مره ثانيه اكصها ليدج واذبها
همسه:مكتلي محتاج شي
احمد:من احاجيج وانبهج ع شغله كولي صار
همسه:باوعت عليه عيونه بكصته ويطفر عصبيه كلت اذا اعانده هسه يدفني هنا كتله صار
احمد:اليوم ب11وربع اريد احاجيج بموضوع نلتقي نفس مكانه القديم
همسه:ماريد
احمد:اني شكتلج؟
همسه:صار
احمد:سديت الباب وصعدت لغرفتي وكلت اليوم لازم اخصمها بعد مابيها مجال تعذبنه هوايه
همسه:صارت بل 11بديت احوص فضولي يقره 1000 دينا بصفي جانت فسولفتلها
دينا:ها شبيج تفترين
همسه:احوص بعد ماتحمل اريد اعرف السالفه شنو
دينا:خيه تردين الصدك
همسه:اي؟
دينا:اني هم احوص وودي اعرف السالفه كلها ومتحمسه اكثر منج ..زين اطلب طلب منج
همسه:اي طلبي طلبي
دينا:كعدت تربعت ..عليج الله وعليج العباس ابو فاظل والحمزه ابو حزامين هم خل اجي من بعيد اسمع لان رح اطك
همسه:هههههه ديله ميخالف بس شوفيلي الساعه ابيش
دينا:لزمت التلفون مكابله الساعه وكاعده خيه صارت وعشره امشي خل نطلع منا لحد منوصل صايره وربع
همسه:شدعوه شنو رايحين لراس الشارع هوه خطوتين منا للحديقه
دينا:ضربت ع رجلي بيدي ولزمت راسي وكمت افتر اروح واجي بعدين وكفت كبال همسه وطكيناهه بضحكه
همسه:هههههه امشي حموت
تسحبنا طلعنا بره نمشي ع كيف بعد متأكدنا الكل نايم وصلنا المطبخ
دينا:عطشت خلشرب مي
همسه:دزقنبي علسريع

......وسام:شدسوون هنا
همسه ودينا :يممه سمالله دينا غصت بلمي
وسام:شبيجن شنو شفتن جني
دينا:ها لا بس جفلنا ههه تعرف الكل ناايم
وسام:هااا جفلتي زين وشمكعدج
دينا:باوعت ع همسه ساكته وصافنه عليه تريدني بس احجي عطشت وطلعت اشرب مي واني اخاف فكلت الهمسه تجي وياي
همسه:اي صحيح اني هم عطشت شو جيبي الكلاص جلبتي
وسام :ها ماشي عبالي بيكم شي زين ليش مطلعه شعرج لفي زين ليشوفج احد
دينا:ماشي ادلل
وسام:يله لتتأخرون اني رايح انام
دينا وهمسه:ماشي
بعد متأكدنا راح نام طلعنا
همسه: تقدمت للحديقه وماحس غير واحد يجرني من ايدي وصم حلكي هنا نتهيت خوف
احمد بهمس:لتخافين اشش اني احمد ووخرت ايدي منا
همسه وهيه تهمس:هوه هيج خوفتني
احمد بهمس:مدام اني يمج لتخافين
همسه بهمس:باوعت بعينه جان اكو ضوه وعاكس عليهن صفنت بعدين حسيت ع نفسي نفضت ايده كتله انته ليش متناقض ساعه قاسي وساعه حنين ؟
احمد:همسه تعبان اريد ارتاح لزمت عيني فركتها ولزمت راسي وكعدت بلكاع
همسه :كعدت ويا بس اني كلبي يقره الف من الخوف والمستحه لان اول مره هيج اكون قريبه منه واعرف بي تعبان
همسه:ليش احمد شبيك
احمد:همسه خطوبتي الجمعه واليوم ثلاثاء
همسه:دمعت عيني كلشي بلقسمه والنصيب الله يسعدك
احمد:همسه اخذج اخذج انتي الي وماتصيرين الغيري لو مو امي ...مو اني التمشيني مره
همسه:بس هاي مو أي مره هاي امك وبعدين فات وقته هلحجي
احمد:اني كتلجياهه اخذج يعني اخذج لو شميصير بس همسه اني تعبان اريدج توكفين ويايه
همسه:صفنت ودنكت راسي بلكاع مكدرت نزلن دموعي حسيت ع ايده تمسح دمعي..بعدها حسيت هوه هم يشهك باوعت عليه لكيته يبجي
همسه:احمد ليش تبجي
احمد:همسه تعباااان ومحد يحس بيه مختنك واريد ارتااااح جريت حسره شكت صدري
همسه:لزمت راسه خليته ع رجلي كتله كافي بجي والله خايفه عليك ليصير بيك شي
احمد:مدام اني يمج لتخافين ولا تبجين اني سندج
همسه:مستغربه منك معقوله انته هيج تحجي بكل حنيه
احمد:ورثت جكارتي رفعت راسي للسمه ..كافي اكابر واخفي مشاعري الى متى
همسه:ومجنت اتوقعك حنين لان دائما وياي قاسي
احمد:هههه همسه
همسه:ها
احمد:كولي عينها لتكولين بس ها
همسه:عينها
احمد:كوليلي احبك
همسه:دنكت بلكاع مسحت دموعي وجهي صار طماطه
احمد:كوليها وخليني ارتاح
همسه:احبك..رأساً كمت طبيت جوه اركض واني اسمع ضحكته
تلكتني دينا
دينا:ولج خيه صخااام الصخمج والعزاج يمه يمه متتت ولج من يمي خجلت شوفي عبالي يوم عرسي مكيفه
همسه:هههههه ووجع شبيج دوختنيني
دينا :لج شدوخج تعاي تعاي اليوم من الفرحه انيمج بحضني هههههه
همسه:هههههه مخبله...خطيه حضنتني ونامت
وللحكايه بقيه....
ملاحضه :اسفه حبايب البارت قصير بس ضروفي ومدالحك ابد عذروني نشالله اعوضكم بلفتره الجايه❤ ولتنسون تتفاعلون بلقصه لان احتمال اذا مشفت تفاعل ومشاركاتكم بلقصه اوقفها لان حرامات بيها احداث حلوه