جلس جنب محمد وجلسات حداهم الضاوية كيهضرو بشكل عفوي وتيفاوين لي بوحدها ساكتة حيت ممولفاش الجماعة خصوصا مع الرجال وقفات شافت فيها الضاوية
يمكن حسات بيها حشمانة وقفات معاها مشات تيفاوين كتحسب خطواتها وقفات حدا واحد الخاوية بليصة محفورة داير بيها الحجر فيها خشب وشاعلة فيها العافية محطوط عليه طاجين كيطيب واخا كاينة الشمس ربعات حداه فوق من حجرة
الضاوية : مالكي
تيفاوين رفعات راسها كتقلب على الصوت
حطات الضاوية يدها على تيفاوين
تيفاوين : مامولفينش نبركو مع العزارا
الضاوية: مافيها عيب خوك معانا
تيفاوين : العيب مابقيت عارفة لي عيب ولي ماشي عيب
الضاوية تبسمات قلبات الطاجين
الضاوية: باينة بنين
ضحكات تيفاوين كتفكر ايامها مع الواليدة ديالها معمرها هضرات معاها من النهار لي جات
شاف فيها على غفلة من محمد باينة صغيرة بزاااف
مستحيل تكون نفسها لي هضر معاها داك النهار جمالها بسيط وخفيفة على القلب
قاطع محمد مابين كلماتو على الخدمة وبلا ميحس
انور : علاش ناضت
دار شاف فمحمد عاد استدرك الموقف لي حط فيه راسو وابتاسم ابتسامة مزيفة لمحمد لي مطلع حاجب ومنزل لاخر مستغرب
انور : لا متفهمنيش غلاط ولكن راني قلت ليك تجي مع ختك بجوج حينت باينة ممرتاحاش
كيحاول القى تفسير لكلامو
محمد : لا متقولش هاكا حنا باقين محافضين على العادات ديالنا و هاد الجلسة لي دايرين ناقصة
جمع الوقفة
محمد: زيد زيد نوجدو غيكون الغدا طايب
مشاو للوتو ديال محمد جابو الخبز والموناضا والكيسان وبركو
قلبات الضاوية الطاجين لقاتو واجد
تيفاوين : خالتي الطاجين طايب
الضاوية : اييه يلا نوضي حيت انحطو الغدا
تيفاوين : خالتي غي حطي ليا شوية فالخبز وصافي
الضاوية: وعلاش
تيفاوين :انبقا انا هنا
الضاوية دارت شافت فمحمد لي كان عاطيها للهضرة مع انور
شاف فيها باستغراب حرك براسو بمعنى اشنو
وقف عندها
الضاوية : شوف ليا ختك مالها قالت ليك نعطيها شوية فالخبز
تيفاوين : محمد مافياش الجوع
محمد: كضحكي عليا اختي
مشا ورجع جاب معاه طبسيل
محمد: انا عارف ختي وراسها القاسح
تيفاوين : هههه
الضاوية : انا اناكل معاها
تيفاوين :لا غي كولي معاهم راني
الضاوية: نتي غي سكتينا وخلاص
جلسو بجوج فرش ليهم محمد فالارض قسمو داك الطاجين وعطاهم اياكلو وهز الطاجين حطو قدامو وقدام انور لي غيكشوف فيهم تغداو وهما ضاحكين
جمعو الماعن وغسلوهم كنقصد الضاوية وتيفاوين
داروهم فاللوطو وبركو بجوج كيدويو الضاوية كتسول وتيفاوين كتجاوب بعفوية وكتدعي السداجة
الحياة مع تيفاوين مختالفة ولكن لي جاي فشكل
مشات الضاوية وتيفاوين للسوق لي فالكاسكاط بقاو كيدورو تيفاوين فرحات بزاف حسات براسها طير فالسماء طالق جناحو اما محمد وانور فبقاو كيلعبو الكورة مع جماعة ديال الدراري
مشات الضاوية مع تيفاوين توضاو بجوج وصلاو العصر ورجعو كيكملو دورتهم فالسوق لي بداو اجمعو حوايجهم
محمد صلا العاصر وجمع حياوجهم لي فرشو وعيط على انور لي مقشب مع الدراري
محمد: زيد خاصنا نمشيو
انور : وعاد ما الناس كتبرك ونتا باغي تمشي
محمد: عندي بزاف مايدار خاصني شيحوايج على قبل غدا
انور : اه الله اعاونك اصاحبي والا كنتي محتاج لشي حاجة قولها ليا
محمد: محتاج لي يدعي مع ختي عارفها خوافة بزاااف ومعرفتش كفاش نقولها ليها
انور: ختك باينة فيها قوية وانشاء الله العملية غتنجح
تيفاوين : العملية علاش كتدويو
الضاوية: انا عملية الله احضر السلامة
دارو بجوج
محمد تلف معارف ميقول
انور: كنهضر على الخدمة زعما عندنا واحد العملية مهمة
تيفاوين دورات راسها مدواتش معاهم
محمد: مشيتو للسوق وجبتو الباربا والربيع محنتو راسكم
الضاوية : مال الباربا والربيع
انور : زيدو زيدو نمشيو بحالنا
كما جاو رجعو غي تيفاوين ساكتة وقاطعة الحس
حتى وصلو للدار طلعها ورجع هز الباكاج لي داو معاهم
ربعات تيفاوين فوق سداري كتفكر فموضوع العملية التوتر باين على وجهها
برك حداها محمد كيهز النفس ويخرجها
دار شاف فيها عرف مالها
محمد: انا غنخرج
تيفاوين : فين ماشي
محمد: دغيا غنرجع عندي واحد الغراض
تيفاوين هزات راسها وهبطاتو بمعنى اه
خرج سد الباب من وراه مقلق وقف حدا الباب معارفش اش غيقول لتيفاوين
تحطات يد انور على كتف محمد فيقاتو من سهوتو
انور :مالك اصاحبي لهاد الدرجة
محمد: اه بزااف
انور : فين غادي دابا
محمد: غنمشي نشري واحد الصاك ونرجع
انور : ياك مانمشي معاك
محمد: لا اصاحبي يلا جيتي وصلتي خالتي
انور : اه يلا سير بلا منعطلك
هبط محمد وسط الدروج خاصو يرجع اجمع حوايج تيفاوين وقف انور حدا الباب كمش فمو يلا بغا ادق وهو يرجع لور طلع بحالو دخل خدا دوش وبرك شاد البيسي ديالو حاس بشحاجة ماهياش
انور : والا منجحاتش العملية واش نطلب السماحة لا بلاش باين محمد مافراسوش
معارف مايدير هادشي جاه صعيب وقف وخرج هبط كيشوف فباب دار محمد
كانت تيفاوين كتدور فالدار عادة جاية بجلابتها متوترة حاسة بلي خوها كذب عليها ولكن علاش واش غدير العملية وامتا اووووف اووووف هادو باغين اقتلوها بمجرد ما كتفكر العملية كيدق قلبها وكتشدها الخلعة ياك واعدها مكاينة لا عملية ما والو معرفتش هاد البنت كفاش غترجع شوفها بلا عملية
بعدا الخلعة قاتلاها غادة جاية وغادة جاية حتى سمعات صوت الدقان
تيفاوين :خويا
مشات نيشان للباب باغا تحل الباب
تيفاوين : خويا
شوية وقفات كمشات حجبانها محمد عندو السوارت شكون هادا لي جاي فهاذ الوقت قطعات حسها
انور :تيفاوين
تشوكات ملي سمعات سميتها على لسانو نفسو اشنو بغا
انور: تيفاوين كتسمعيني
تيفاوين معرفات مادير خايفة الى جا خوها
انور : عارفك غتكوني كتسمعيني
تيفاوين تشجعات : اشنو بغيتي سير بحالك
انور على الاقل كتسمعو : بغيتك تسمحيليا
تيفاوين طلعات حجبانها : اش بيني وبينك اولد الناس باش نسمح ليك
انور حدر عينيه باينا من هضرتها محاملاهش
انور : مقصدش نجرحك بكلامي
تيفاوين : سير بحالك مابغيتش الصداع مع خويا
انور: مغتسمحيش ليا
محمد: انور
دار انور بسرعة كيشوف فمحمد لي هاز الصاك توتر
انور : لا والو جيت بغيت كندق عليك الباب ولكن كيسحاب ليا رجعتي
تيفاوين شدات حناكها ناري على حصلة
محمد: عاد جيت علاش باغي شيحاجة
انور : لا مبغيت والو غي بغيت نسولك ياك ماخاصينك الفلوس على ود العملية
محمد: لا الله اكتر خيرك مخاصني والو
انور: صافي
دار انور طلع بحالو شاف فيه محمد
محمد: هادا مالو عارفني مخاصني لا فلوس لا والو
جبد السوارت من جيبو وحل الباب سدو من وراه تفاجء بتيفاوين لي حاطة يديها ورا ضهرها ومتكية على الحيط
تيفاوين : محمد انا عملية شرح ليا عفاك
يتبع...
أنت تقرأ
قصة تيفاوين
Adventureالسلام عليكم، اليوم جيت و جبت معايا الجديد لي كنتمنى يعجبكم، هاد القصة قصيرة بالدارجة مغربية للكاتبة "سعاد الحجي". قراءة ممتعة.
