قصة تيفاوين

الجزء 24

شد محمد فكتاف تيفاوين  
محمد: ختي 
تيفاوين : نسا عفاك نسا هاد الموضوع
محمد: انور يمكن سكايري اه ولكن رانتي بقاش كيشرب بزاااف تقدري تزوجي بيه وتعيشو مزيانين
تيفاوين حلات عينيها على وسعهم كتشوف فيه ممصدقاش اش كيقول
محمد: تيفاوين  مغتلقايش حسن من انور واش بغيتي ترجعي للبلاد تزوجي بعلي لي قد جدي
با باغي غي ازوجك ملي غيشوفك تزوجتي وبنيتي عاءلتك غينسى الموضوع
تيفاوين غي كتشوف فيه والدموع متحجرين ليها فعينيها
محمد: غي قولي اه ومغنرجعكش
تيفاوين :عطينا العهد
محمد: اشمن عهد لي غيدمر ليك حياتك بهاد السهولة
داك العهد غي نسايه مغنرجعكش لديك البلاد مدام مخديناش حقوقنا منها نهجروها
تيفاوين : سكت
محمد: تيفاوين
تيفاوين : سكت عفاك سكت ساهلة واش بهاد السهولة
واش نسيتي مي واش غيوقع ليها  واش بغيتي با ارد فيها جنونو وغضبو علينا بغيتي تعرف كل نهار كل نهار كتبكي ملي كتفكرك بعيد عليها وعايش  هنا بوحدك
كل نهار كتبكي الدموع بحال الدم واش بغيتي تسطيها
محمد: نجيبوهل لهنا
تيفاوين  طلعات يديها وهبطاتهم معامن كتدوي : هه
محمد: تيفاوين  خلينا نبعدو عليهم كاملين خليونا نعيشو هانيين نعيشو بحال الناس
تيفاوين : واش الى هربتي غتعيش مزيان خاصك توفي بكلمتك وترجعني هاكا غنعيشو مزيان
محمد: لا لا لا مستحيل انا مغنرجعكش
تيفاوين غوتات : محمد مغنتزوجش بانور بغيتي ولا كرهتي واش مبغيتيش تفهم انا صافي عييت عييت مبغيتش مزال شي حد اموت بسبابي
محمد: واش هاذا كلامك اللخر
تيفاوين : اه اه
تمشى محمد وقف حدا الباب وضار شاف فيها
محمد : علاش علاش اتيفاوين علاش مبغيتيش تخلي لراسك الفرصة فين تعيشي
خرج محمد وخلاها منهارة طاحت  فالارض كتبكي
تيفاوين : انا اصلا ميتة والميت مستحيل اعيش من جديد

كان محمد جالس فالبيت ديالو كيمسح شعرو لي كيقطر الماء وقف فجأة كيفكر كيشوف المراية كيشوف فراسو
بلع ريقو وكان حس احساس غريب فقلبو
محمد : معرفتش علاش كنحس بهادشي خسارة زهرنا فالحياة بحال هاكا خسارة انك تبغي شي حد ويتكتب مابين السماء والارض انك متكونش معاه خاصنا نصبرو عائلتنا مكتاب عليها انها تقهر واش اتيفاوين  كتحسي بحالي كتحسي بلي فقلبي واش اتيفاوين قلبك كيتقطع بحالي علاش ختاريتي تصبري بحالي علاش مختاريتيش تعيشي ونتي عندك اختيار حسن  مني كون عشتي مع انور واخا يكون مانعرف حسن من علي اوففف تقهرت بزاف بهادشي  مع هادشي كامل باقا ماباغاش تهزي صيكانك وتخرجي من قلبي عييت انا بهادشي بزاااف ماقادرش نصبر كتر من هاكا
وقفات حدا الباب بغات تدق ملي سمعات حسو رجعات لبيتها  تنهدات وتبسمات
تيفاوين : من اليوم غنعيش على ود الناس لي كيبغيوني على ودكم غنعيش انا حياتي  هكا مبغيت حتى حد توقع ليه شحاجة بسبابي انور انا عارفة غي كتحس بالامتنان من جيهتي لاغير وغتجي لي تنسيك فيا بسهولة
محمد: مالكي واقفة بحال هكا
تيفاوين : لا والو ههه غي كنفكر
محمد: اه يلا سربي باش نخرجو يلا يلا
تيفاوين : هانتا كتشوفني واجدة شوف نتا غي راسك ههه
محمد:يلا يلا
خرجو من الدار  وبقاو كيدورو من بلاصة لبلاصة دورها فكاع لبلايص  لي بغات بركو تغداو فواحد المجمع عائلي صلاو الضهر تما وكملو الدوران  ديالهم وملي صلاو المغرب فالجامع  رجعو بحالهم  ناشطين ومقررين باش اقضيو هاد الايام بخير
دخلو للدار ناشطين بركو فالصالون كيدويو شوية كل واحد جبد تليفونو  كيتكونيكتاو تيفاوين  طالعة فالفايس شوية وهي ضور شافت فمحمد
تيفاوين : محمد  مباغيش تزوج
محمد هز عينو شاف فيها وضحك
تيفاوين : والله تا معاك بالمعقول
محمد دور عينيه وهز تيليفون  قدامها
تيفاوين :ممم زعما تكون كتعجبك شي وحدااااة يااااك
محمد: تيفاوين 
تيفاوين  : وكتعجبك يااااك كديرة زوينة
هز عينو كيتفكر وكيتأمل
تيفاوين : اشنو من هنا ولا من البلاد
محمد: باز منين طاح عليك هادشي  فهاد الليل
تيفاوين  ضورات قادات الجلسة قدامو مربعة رجليها
كتشوف فيه شوفة الدراري الصغار
تيفاوين : شلحة ياك شلحة
محمد: ومن بعد
تيفاوين :قالو ناس زمان من لم يتزوج شلحة اكل طعاما بلا ملحة ومرض بالقرحة وحرم  من المتعة وعاش حياته في لمحة بدون فرحة ههههههه
محمد : ههه منين جبتي هاد العجب
تيفاوين : الفايسبوك ياك ياك عندك الحق
محمد : هههه لا هادي ساليتي معايا لا علاش امنا حواء تخلقات شلحة
تيفاوين : لا
محمد: اوا
تيفاوين : كلنا بحال بحال ياك
محمد : هانتي بديتي تفهمي
تيفاوين: اهاه وعلاش
محمد : اشنو
تيفاوين : والو والو لا بصراحة قوليا علاش كيقولو لينا متقطعوش الواد مفهمتش

محمد : اولا اولا هاديك هي لي مشات معاه تيفاوين كان جدي كيقول ليا الله ارحمو حيت براني غرها الطمع فيه ولقات لي تستاحق  هي لي مشات معاه برجليه
تيفاوين : با كيقول لينا اي وحدة يوقع ليها كما وقع لديك البنت
محمد : ماشي اي وحدة شحال ونتي معايا
تيفاوين : شهراين دبا علاش
محمد : وعلاش مخرجتيش ملي مكنتش فالدار  ومشيتي عرفتي شحال من واحد وعلاش هي فنهار واحد مشات معاه ورجعات حاملة علاش  كنت خايفة مني ولا علا راسك انا واخا تكوني خايفة مني ماكنتش حداك وتقدري ديري اي حاجة  من ورايا
تيفاوين : كنت خايفة من لي خلقني و على راسي
محمد : علاش خايفة من لي خلقك
تيفاوين : حيت هادشي مكايرضيهش و
محمد: واشنو
تيفاوين : ومالي تسطيت نتيق فشي حد
محمد : منين تعلمتي هادشي
تيفاوين : نتا لي علمتيني
محمد : انا معلمتكش باش تعاوديه ليا باش تديري بيه مكيعلموكمش فالبلاد باش تولي عارفة راسك اشخاصك تديري بغاو اخليوكم ديما كتخافو منهم باغين اخليوك ديما مكلخة مكتعرفيش باش ابقاو ديما حاكمين هما
تيفاوين : ولكن ديك البنت  ضحك عليها ومبغاوش توقع نفس الحاجة
محمد : داكشي علاش كيزوجوكم ونتوما عندكم 9 سنين ونوضي الله اجيبك على خير ديك البنت كانت غي حكاية كيخلعوكم بيها  وصافي اصلا غي كذبة ومن اللخر علاش مكيقريوكمش يالله
تيفاوين :البنت تقرا تا تعيا تبرك فالدار تغسل الماعن وتجفف وتوكل وتربي الدراري
محمد : هادشي لي بغاو هما هادشي لي بغا علي وغيرو بغاوك تبقاي مكلخة عمرك تقراي وتفهمي عمرك تقولي تانتي بغيت واش نتي بنادم ولا حمار اصوكو فيك
بلا ماتشوفي فيا بحال هاكا  الحمار ماكيمشي غي بالضرب وماشي دغيا اسلم راسو ونتوما
تيفاوين : صافي صافي قلب هادشي
محمد : نتي سولتي وانا جاوبتك
تيفاوين : علاش نتا من غيرك كيقول هاد الكلام
محمد : حيت هما لي بغاو لقاوه فيكم  انا مراضيش ختي تكون بحال هاكا علاش متلعبش البنت وتضحك وتقرى وتزوج بمن بغات علاش نتي ماتزوجيش بواحد قدك
تيفاوين : انور بلا ماتجبد
دارت يدها على فمهى هزات عينيها شافت فخوها بصدمة من حالها
محمد : شفتي قلت ليك واش ملي تزوجي بعلي تولي تعيطي عليه انور
تيفاوين  الدموع كيهبطو : بغيت نبقا هنا ونعيش معاك بغيت بغيت
محمد عنقها كيهدأ فيها : اووووف  صافي نتي على سبة صافي
تيفاوين : كون غي بقيت عمية ومنشوفش الدنيا على حقيقتها

يتبع...