صبيحة يوم التلاثاء انور فايق مقلق ملي سمع خبار تيفاوين من عند الضاوية معارف راسو اصلا علاش اتقلق عليها
انور : اش واقع ليا علاش كنخمم فيها مسمحاتش ليا
تنهد معاجبو حال
انور : اووف اف اف
ناض جمع الوقفة وهبط لاصال ودخل كيتريني ابرد راسو شوية
اما فوسط الصبيطار محمد كانوعينيه حمرين وباين عليه العيا شاد كاس ديال القهوة كيشربو بزز وكيتنهد ويستغفر مولاه على هاد البلاء لي بلاهم الله
جبد تليفونو شاف شحال الساعة كانت فايتة التسعود ووقتها لتيفاوين باش اديرو ليها العملية الثانية كما قال الطبيب توجه محمد لغرفة تيفاوين لي لقاها اكيد فايقة كتدعي الله لراسها بالشفاء
كيصوني تليفونو لمحمد
محمد: الو انور
تيفاوين خدات تركيز من بعد ماسمعات سمية انور لكن حاولات تشتتو مبغاتش تسمع والو على الشمكار
سول انور على حالة تيفاوين وواش خاصاهام شي حاجة وقطع وبقا محمد كيدوي مع تيفاوين حتى دخلات الفرملية دات تيفاوين باش ابنجوها
مسكينة مجايبة خبار بلي غدير عملية تبنجات ومشات فنعاسها دخل الطبيب ابداو فالعملية
ام محمد فكانو دموعو كافيين باش ادويو على الحزن لي فيه كيمسحهم ويهبطو بلا مايتشاور معاهم برك على كرسي خايف خايف بزااااااااف لا ماتنجحش العملية
انور ربت على كتف محمد وشاف فيه
انور: كتبكي اصاحبي
محمد شاف فيه كيمسح دموعو بالزربة
محمد:انور
انور : ختك عزيزة لهاذ الدرجة
محمد: وبززااااف
انور : الله اشافيها
خرج الطبيب هاد المرة مبتاسم وبشرهم بلي العملية نجحات مية فالمية
عاد رتاحو عاد اطمأنات القلوب لي كتبغي تيفاوين
محمد وانور تعانقو فرحانين لهاد الخبر
انور: على سلامتها الحمد لله
محمد كينتاضر اخرجوها من غرفة العمليات اشوف حالها كيف بقات
انور : غتكون بخير وغتولي بخير
محمد: لي داز عليها ماشي قليل وغي الحمد لله لولا صبرها اعلم الله
ضرب انور على كتف محمد: وباقي صغيرة وكلشي كيتعوض ونتا غتكون ديما معاها ياك
محمدشاف فيه بتاسم حيت هو لي حاس وفاهم الوضع ام انور فمعارف والو: غنبقى معاها الا بغات وغنوقف معاها فجنبها ملي تحتاج ليا
خرجوها لتيفاوين فالباياص كتقيى وهي مغمضة بفاصمة بيضة العينين ملوية على راسها بالعرض كامل
محمد وانور تبعوهم حتى دخلات للبيت ديالها قادو ليها الصروم والدم وخرجو بيدما فاقت بالكامل
انور : محمد قول ليا واش ختك عمية خلوق
محمد شاف فيه بأسف : لا لا
انور جاه الفضول : وعلاش
محمد مخلاهش اكمل كلامو : غي مكتاب وصافي
انور : الله اصرف المكاتيب على خير
تاصلات بيهم الضاوية سولاتهم على العملية وقالو ليها لي كان
انور شاف راسو زاد فيه حيت من اصلو معندو حتى علاقة صداقة قوية مع محمد
انور : محمد الله اجيب الشفاء
محمد: امين شكرا وقفتي معايا
انور : الله اودي انا مدرت والو
خرج بحالو وهو مباغيش باغي ابقا حتى تفيق ولكن خاصو ابعد هادشي فصاليحو وفصالح الجميع
دازت سبعة ايام على مرور العملية لي دارت تيفاوين كانت عبارة على زيارات كاع لي كيعرف محمد جا عندو
ام تيفاوين فغتخرج من الصبيطار هاد النهار
الطبيب : بنتي تيفاوين نوصيك الفاصمة اياك وتم اياك تحيديها حتى تمشي عند الطبيب والا
تيفاوين : غي تهنا اسيدي منقربش لها
محمد: غير كون هاني تيفاوين عارفة بقيمة عينيها ومغتغامرش ياك اتيفاوين
تيفاوين بتاسمات وطلعات راسها وهبطاتو بمعنى اه
خرجو من عند الطبيب ومشاو بحالهم ركبها اللوطو وحط ومشاو للدار بركات تيفاوين على سداري
ام محمد فبرك حداها وجبد تليفون كيخربق فيه
تيفاوين : اش كدير
محمد: كنخربق فالفايس
تيفاوين: الفايس
محمد: الفايسبوك
تيفاوين: اشنو هو البايسبوك
محمد: البايسبوك هههههه😂😂😂
تيفاوين :علاش كتضحك عليا
محمد: والفايسبوك الفايسبوك
تيفاوين : اه 😁😁 الفايسبوووووك اش هادشي عاوتاني
محمد : هو واحد الموقع كنهضرو فيه مع الناس كنصيفطو تصاورنا كنلوحو فيه منشورات فيه بزااااف ديال الحوايج
تيفاوين : اه كنقول انا علاش كتشد التلفون مصاب تا انا نولي نشوف ونصايب الفايسبوك
محمد : نتي غتصايبي البايسبوك
تيفاوين : اوا الله اخليها لمن ورا عيبو ليك
محمد: البايسبوك البايسبوك
تيفاوين : قول ليا امحمد واش خدام
محمد: خدام علاش
تيفاوين : و خدمة حرة هادي عندك
محمد: اه خدمة حرة انا محامي
تيفاوين : محامي ههه لواه مهندس
محمد: علاش مالها مجاتش معايا
تيفاوين : لا بالعكس ولاكن هههه على امتا قريتي قراية محامي ههه تقول مكنعرفكش 😅😅
محمد: ملي نتي ابنيتي كتخيطي الجنانات فالبلاد انا كنت كنقرى القانون ونخدم ونصيفت ليكم شوية ونخسر على راسي شوية والحمد لله تلاقيت بواحد السيد الله ارحم ليه الوالدين وقف معايا ومزال كيوقف معايا
تيفاوين :😮😮 تبارك الله عليك صدمتيني فيك وعلاش مقلتي لينا والو
محمد: ونتي عارفة با كداير
تيفاوين حدرات راسها للارض بحزن : مكرهتش كون تا نكون شحاجة من غير هكا
محمد: الا بغيتي تا حد مايوقف فطريقك
تبسمات فسخرية على راسها
تيفاوين : انا نهار تولدت تولدت فالصبيحة باش تكون حياتي ضلام وكما كان الحال كنبقى انا هي انا
يتبع...
أنت تقرأ
قصة تيفاوين
Adventureالسلام عليكم، اليوم جيت و جبت معايا الجديد لي كنتمنى يعجبكم، هاد القصة قصيرة بالدارجة مغربية للكاتبة "سعاد الحجي". قراءة ممتعة.
