من بعد ما غسل محمد الماعن ديال الفطور كيخرج لخدمتو مودع تيفاوين وكيوصيها متقربش للفاصمة بقات كدور فالدار وكتبقشش بقات كتقرى القرأن حتى عيات وبدات كتصنت للراديو حتى جات الضاوية مبقات مجمعة معاها ضورات الماكينة كتصبن الحوايج وخرجات شرات الحوت طايب نشفات الحوايج توضاو صلاو بجوج وتغداو جمعات الضاوية الماعن وتكات شوية
الضاوية: انا غنطلع ننشر الحوايج باش نمشي بحالي
تيفاوين : نمشي معاك
الضاوية: زيدي.
تبسمات تيفاوين هزات شالها الكحل لواتو عليها ومشات مع الضاوية
تلاقاو مع شي حد من الجيران هابط يلم عليهم
الجار: خالتي الضاوية واش هادي خت محمد
تيفاوين : اه انا ختو
الجار: علا سلامتك والله اجيب الشفاء
تيفاوين : الله اسلمك الله ارحم الوالدين
كملو الطريق للسطح
كان انور سمع حسهم طالعين فالدروج جاه نفس الاحساس ملي كيتفكر تيفاوين ولا ايسمع سنيتها
وقفات تيفاوين كتهز النفس احساس زوين والريح كتضربها
تيفاوين : الله
الضاوية : وتحرك البرد.
تيفاوين : اه عندك الحق
الضاوية :هاهي الشتاء جاية
تيفاوين : اه ههههه
انور : لواه التبروري
سمعاتو تيفاوين عرفاتو ضارت مغوبشة
الضاوية : اشكدير هنا نتا
انور : جيت نعاونك فالنشير اشغاندير
الضاوية: تعاوني هههه كتهضر بصح
انور : علاش اشنو فيها
الضاوية دارت يديها على جنابها : مافيها والو غي شحال من عام هادي وانا خدامة معاك عمرك لحتي كنينيكس لي تمسح بيه خنونتك فالطارو بقا ليك غي تنشر اوا اش طرا وجرا
انور مرضاش : هه غي كنضحك معاك
الضاوية: اوا اش جابك لهنا
انور : والو غي سمعتكم طالعين قلت نقول لتيفاوين على سلامتها
الضاوية: اه وبغيت غي نعرف منين طاح عليك الصواب
تيفاوين مدواتش معاه
الضاوية: اوا الله اسلمك يلا زيدي نهبطو اتيفاوين راني ساليت
غادين فالدروج
الضاوية: شتك ماقلتي ليه لا الله اسلمك ولا والو مالكي
تيفاوين: ماماليش وليني منجاوبش سكايري
الضاوية: سكايري هييه اليام ابنتي لي لعبات عليه وملي غي سكيري را لباس والضروف قهارة
تيفاوين : اشمن ضروف لي تخلي الواحد اخرج على طاعة الله اخالتي وزايدون راني منسيتش داك النهار غي خلينا ساكتين وصافي
الضاوية: اوا نتي تعرفي
مكانوش عارفين راسهم فايتين نحمد غي بدرجات وكيسمع كلامهم لي جاه كالسم فدمو
انور : اييييه اشمن ظروف لي ندير بيها السبة ونخليها حجة على خروجي على الطاعة
جالسة تيفاوين بوحدها فبيتها كتقرا القرآن كتردد الايات فهي خاتمة القرآن غي بالسمع كتسنع من امبيتروا وتعاود حتى حفضاتو بالكامل
حسات بواحد الدفئ وواحد الراحة وهي كتقرا
سمعات صوت دقات الباب
تيفاوين : شكون ايكون غي هو
نخلاتو بقا كيدق ويدق ويدق وهي طلعات ليها القردة للراس اش هاد الويل وقفات حدى الباب وهي كتحلف وكتبغي تدوي ولكن كترجع اللور
انور : تيفاوين كتسمعيني ياك
تيفاوين : سير بحالك واش معييتيش
انور بتاسم حيت اخيرا جاوباتو
انور : بغيتك تسمحي ليا
تيفاوين تنهدات بعصبية : ماعندي علاش نسامح لواحد بحالك
انور : ولكن ماقادرش ننعس وكنتفكر
قاطعاتو تيفاوين : اش غاتستافد الى سمحت ليك هه كنضن بلي تستاهل منسمحش ليك اصلا سير بحالك ماباغا مشاكيل
انور: نتي كون جرحتي حد بكلامك اش غاديري
تيفاوين: مغانقدرش نجرح اصلا شي حد
انور : واخا الى كنتي فبلاصتي ماتبغينيش نسمح ليك
تيفاوين جاتها الضحكة : هه انا ماغانكونش فبلاصتك
انور : واش ربي لي كبير وكيسمح
تيفاوين قررات تنهي الكلام وسكتات
انور : ملي قلتي عليا خارج على طاعة الله
بلعات ريقها زعما سمعها امتا مجاوباتوش نهاءيا
انور: شتي تانتي جرحتيني كتعرفي باش حسيت ولكن انا مسامح حيت كنتي على حق
تيفاوين : واخا دبا تعادلنا دينا الذنوب بجوج يلا سير بحالك ومتبقاش تجي
انور : واش انا كنهضر ليك على قلبي لي جرحتيه ونتي كتقولي ديتي الذنوب
تيفاوين : عرفتي اشنو والله لا جاوبتك وبقا تما محمد ايجي دابا وقوليه جيت عندك تاني
مشات تيفاوين لبيتها سدات عليها وخلاتو كيدوي مع الباب
يتبع...
أنت تقرأ
قصة تيفاوين
Aventuraالسلام عليكم، اليوم جيت و جبت معايا الجديد لي كنتمنى يعجبكم، هاد القصة قصيرة بالدارجة مغربية للكاتبة "سعاد الحجي". قراءة ممتعة.
