ادريس جا برك حداهم مربع رجليه
كبات دوجة اتاي وهزات الكاس عاطياه ليه
دوجة: الحمد لله ملي رجعتي كتفطر معانا
خنزر فيها مجوبهاش
قطعو الخبز كياكلو
تيفاوين شافت فادريس : باغي تقول شيحاجة ابا
دوجة تحبسات ليها الماكلة وقرصات تيفاوين فرجليها شاف فيها ادريس اش هاد الاسلوب لي ولات كتهضر بيه
تيفاوين : مي خليني ندوي وبا باينة عليه باغي اقول شحاجة
ادريس شاف فيها مدواش
تيفاوين حدرات راسها وخشات شفتها السفلية مابين سنانها مقدراش تصبر مزال
ادريس : دوجة
طلعو وجههم بجوج دقة وحدة
ادريس : اليوما غيبدا العرس
تيفاوين بصدمة: اشنو
دوجة: ولكن قلتي حتى يجي محمد مورا العيد
ادريس : مغنتسناوش محمد باش ارونها تاني
تيفاوين : مستحيل لا لا
ادريس : مغنتسناوش تقولي لينا اشغنديرو
تيفاوين وقفات : شكون نتا وشكون هو
ادريس حل عينيه فغضب : لزمي حدودك
دوجة كتغوت عليها: سكتي سكتي
تيفاوين : حدودي قول ليا واش داك الحمار ديال علي ياك
دوجة شدات فمها وغمضات عينيها مبغاتش تشوف لي غيجرى
ادريس ضربها بتصريفقة تلاحت للارض
جمعات الوقفة بالزربة
تيفاوين : انا مرضياش تكون با مرضياش
دوجة ضرباتها هاد المرة
تيفاوين ركبتي ليها الجنون فوق راسها وعروقها بانو دموعها مرونين فوجهها وقلبها كيغلي يديها كيترعدو كتغوت عليهم بجوج ولعابها كيتخلط بالدموع ماعلابلهاش كتحط غي قدامها لي شافت فالليل العيالات علي باها كتشوف الماضي والحاضر كلشي قدامها كيحرك الاعصار لي خازناه
تيفاوين : مغنسكتش مغنسكتش هاد الراجل لي كضربيني عليه سوليه سوليه فين كيبات فالليل فين فين
ضربة وحدة عطاها ليها ادريس خلاتها طيح فالارض على ضهرها عينيها كيتسدو وكيتحلو وهي كتحس بالالم المبرح لي كيعطيها باها برجليه فكرشها وفين ماجات رجليه كتشوف فالوحش المسن قدامها لي معندها مدير، جسدها الضعيف خانها حتى غيبات
تيفاوين : يطو يطو بلاتي يطو
يطو : سيري اتيفاوين سيري
تغير حال الدنيا كتشوف تيفاوين فيديها هزاتهم كتشوف الشتاء هي حدا الواد حلات عينيها مصدومة من الواد لي هايج كتشوف الراجل لي تزوج بيها ملي كانت صغيرة هازو الواد كيغوت عتقوني عتقوني
ضارت بالزربة كتجري كتجري وكتبكي غي تبعد وقفات فجأة الحال تاني تبدل مفهمات والو الدنيا شمس الجو صافي ضارت دورة على راسها لقات علي واقف قدامها
بلعات ريقها وباين عليها الغضب اليأس
تيفاوين : علي
تبسم دفعاتو ودفعاتو وقفها صوت ادريس
شافت فيه جاي عندها رجعات اللور باغة تهرب سادة عينيها كتجري حتى فزعها صوتو غوت غوتة وحدة
ادريس : تيفاويييين
حلات عينيها وهي كتعرق كتشوف فالسقف وسط بيتها
حاولات تجلس
تيليلا : لا لا
شافت فيها تيفاوين : تيليلا
تيليلا : كيبقيتي باش كتحسي
تيفاوين : امتا جيتي
تيليلا : من الصباح
تيفاوين شافت فالشرجم: واش اذن الضهر
تيليلا: اه اه عاد اذن بشوية
تيفاوين : اشنو واقع
تيليلا حدرات الراس : كفاش اشنو واقع
تيفاوين : علاش جيتي عندي
تيليلا شافت فيها والدموع واضحين: جا الصباح
تيفاوين : ومن بعد
تيليلا: ضربني وجرا عليا من الدار
تيفاوين كتحاول تقاد الجلسة : وحش
جات دوجة كتغوت من بعيد
دوجة: نوضي ابنت الناس خرجي من داري مناقصني صداع
تيفاوين : مي اشنو واقع
دوجة: السيدة جرا عليها راجلها كيقول ليك قتلات ليه ولدو وانا اش جابها لعندي
تيليلا : حرام عليك اخالتي واش كاينة شي وحدة تقتل ولدها
دوجة: مايهمنيش مايهمنيش انا
تيفاوين : تيليلا سيري بحالك
تيليلا : فين غنمشي فين
تيفاوين : للزنقة كما كيمشيو المطلقات اتيليلا
خرجات تيليلا بالدموع كتمسح بحوايجها وكتبكي على قهر الزمان كون غي طلقها حسن غتمشي ترجاه ارحمها تمشات الطريق كلو وهيا كتبكي دقات الباب وهي جامعة يديها كتسخن فيهم
تيفاوين : تيليلا اش كديري هنا واش تسطيتي
تيليلا: اشنو نتي لي كديري هنا
تحل الباب
تيفاوين تصدمات ونفسو كان راجل تيليلا تصدم سميتو عبد العلي
عبد العلي استدرك نفسو وشاف فتيليلا بملامح الغضب
عبد العلي: اشكديري نتي هنا
تيفاوين : جات باش تقوليك الله انعلها رجلة لي بحالك
عبد العلي : هه صافي هادا جهدك جبتي العمية تدافع عليك
تيفاوين : عمية بان ليا بلي نتا لي عما مكتشوفش
عبد العلي: مقداتكش العصا لي عطاك باك هاد الصباح
تيفاوين ضيقات عينيها شافت فيه شوفة وحدة
تيفاوين : طلقها
تيليلا : تيفاوين
تيفاوين : غتطلقها ولا مغيعجبك حال
جرات تيليلا لي كتبكي ومفاهمة والو
عبد العلي: واقلة
قاطعاتو تيفاوين : واقلة نتا لي نسيتي راسك اشنو درتي
تيفاوين شافت بحدة فتيليلا ودفعاتها قدامها وعبد العلي كيشوف فيهم
وصلو حدا الدار
تيفاوين جراتها كتسكت فيها تاكدات مكاين حد وطلعاتها للسطح لي كان رحبة خاوية مسطح كيبان للناس كاملين فيه بيت وحدة صغيرة خاوية مافيها والو دخلاتها كيرجفو من البرد
تيفاوين : انا غنرجع دابا
تيليلا طلعات راسها وهبطاتو بمعنى واخا
هبطات تيفاوين فالدرج وقفات كتحس بالحريق
دوجة: اشكديري نتي تما
تيفاوين : لا والو والو غي تخنقت وصافي
دوجة:. علاش هنا مكاين هوا
تيفاوين : حتى نتي يامي اشنو هازة تاني
دوجة: شوفي الحزام زوين والكسوة قليل شي بنت اكونو عندها بحال هاد الحوايج
تيفاوين : منين جبتي هاد الحوايج
دوجة: جابهم علي شتي شحال عزيزة عليه وخا كتغلطي فحقو شحال من مرة
تيفاوين شافت فمها : مي شوفي فيا
دوجة طلعات عينيها شافت فيها : اشنو
تيفاوين : راضياني نتزوج بيه امي باغاني نتزوج بواحد كبر مني بربعين عام باغياني ناكل العصا بحال هكا واش هادا ستر عندك
دوجة هبطات عينيها مجوباتهاش
تيفاوين : واش راضية على هادشي امي
جاوبيني جاوبيني
تمشات تيفاوين لبيتها كتقلب على تلفونها رونات البيت كلو ملقات والو
دوجة: كتقلبي على التلفون
ضارت تيفاوين شافت فيها شدات راسها من هضرتها عرفات ادريس خدا التلفون
تيفاوين : مي واخة تخرجي من البيت
دوجة: هادشي لي كديريه ماشي فمصلاحتك ابنتي
تيفاوين :مي عفاك خرجي من البيت صافي صافي
دوجة: هادشي...
تيفاوين كتبكي : مي
رجعات دوجة خطوات للوراء ومشات
تيفاوين مسحات دموعها طلعات علي كرسي من فوق الماريو هزات جوج مانطات طلعاتهم بالتخبية رجعات هزات حصيرة وطلعاتها
فرشات لتيليلا وبركات حداها
تيفاوين : غلطت فحق با هزيت عليه صوتي داكشي علاش ضربني
تيليلا حطات يدها على كتف تيفاوين كتصبرها
تيفاوين : ولكن هادشي مكايعنيش بلي غنتزوج بعلي
يتبع...
أنت تقرأ
قصة تيفاوين
Aventuraالسلام عليكم، اليوم جيت و جبت معايا الجديد لي كنتمنى يعجبكم، هاد القصة قصيرة بالدارجة مغربية للكاتبة "سعاد الحجي". قراءة ممتعة.
