قصة تيفاوين

الجزء 25

محمد : شكون كان كيهضر معاك
تيفاوين  حطات تيلي ديالها : كانت خالتي الضاوية
محمد: بغات شحاجة
تيفاوين :قالتليا غتجي هيا وبنتها باش اخملو الدار
محمد: اه  اذن غنخرج انا ونخليكم
تيفاوين : اه اه
كانو عاد فطرو خرج محمد وتيفاوين بقات كتجمع لي قدرات عليه حتى  بدات كتدق الضاوية
حلات الباب  كانت واقفة من وراها بنت كبر من تيفاوين
لابسة سروال الدجين وقميجة قصيرة بيضة وبعد اللمسات الفنية على وجهها مكياج جد خفيف وطالقة شعرها حد كتافها لونو فالكحل
تبسمات تيفاوين  ملي شافتها
الضاوية : السلام عليكم
تيفاوين : وعليكم السلام دخلو
صفتات يدها كتسلم عليها
شافت فيها البنت عوجات فمها  قلبات عينيها ودخلات
تيفاوين  حلات عينيها كتشوف فيها
سدات الباب
الضاوية: هادي بنتي زينب
تيفاوين تبسمات : هه مشرفين
الضاوية : هي غتفاهمو
تيفاوين : حنا مفاهمييين مفاهمييين نيت هه
زينب : وصافي سربيونا را مزال طالعين نخملو دار انور
تيفاوين  حلات فيها عينيها
الضاوية خنزرات فيها
بداو التخمال جمعو الصالون وتيفاوين  كتشوف فيهم
مشات الكوزينة تجيب الماتريل ديال التسياق
زينب : وهاد ختنا غتبقى نهار كلو واقفة علينا
الضاوية : هاديك لالاك را تهز السداري بوحدها بلا متشكي بحالك وزيدون
زينب : وتهزهم نيت علاش جايباني طلقات السداري وهو يطيح على رجل الضاوية غوتات اي زينب بغات تهز السداري  وجات تيفاوين  كتجري عاوناتها هزو السداري
الضاوية : باغا تقتليني
زينب : لا
الضاوية : سيري بغيت
تيفاوين  : لا لا اخالتي متدعيش عليها
زينب : مقلتش ليك نتي حامي عليا
خرجات زينب من الصالون معصبة
وقفات فالزنيقة كتغدد
تيفاوين : مالكي عليها بحال هاكا راني سمعتكم ملي كنتو كاتدويو  بلا متبقاي تعصبي راسك معاها غي بالسياسة 
الضاوية : هاهي لقات السبة وخرجات
تيفاوين  : انا ندخلها
خرجات تيفاوين  ووقفات على زينب
تيفاوين  : مالكي على هاد العصاب كامل
زينب : ماشي صوقك
تيفاوين  :مكتعرفيش تهدري بالاذاب
زينب حلات عينيها شافت فيها
زينب: اشنو قلتي نتي
تيفاوين : راك سمعتيني  الى مبغيتيش تخدمي خرجي من الدار ودي معاك حتى خالتي
زينب : اشنو يحساب ليك راسك
تيفاوين  تبسمات : نتي لي نسيتي راسك شكون
بلا ماضيعي الوقت كتر من هاكا را خالتي كتسناك
زينب: غنقولها لمحمد
تيفاوين  دورات عينيها وحكات راسها جبدات تلفون هزاتو جهة زينب
تيفاوين: هاكي صوني عليه
هزات تيفاوين  يديها للسماء كتبعكك عليها
تيفاوين كتعوج فالهدرة  : محمد ختك قلت ليها ماشي صوقك وجرات عليا من الدار حيت طيحت السداري على مي
زينب غي كتسد فعينيها وتحلهم ممصدقاش
هزات النفس ومشات تكمل شغالها

خملو الدار بتلاثة بطبيعة الحال تيفاوين  مغتخليش الضاوية  تخمل  وهي تبرك 
سيقو كلشي  حتى من بيت محمد قادو الدار ورجعو كل حاجة لبلاصتها 
بركات زينب كتاخد النفس هي والضاوية
زينب : مي سمحيليا والله مادرتها بلعاني
شافت فيها الضاوية بنص عين ومجاوباتهاش
زينب : كاينة شي بنت كتضرب بنتها بلعاني
الضاوية : نتي نتي
زينب : وااامي
تيفاوين : مالكم تاني
ضارو شافو فيها كانت هازة صينية ديال اتاي ضورات زينب جهة الحيط اما الضاوية فتبسمات
الضاوية : امتا عمرتي هاد اتاي
تيفاوين : ههه ملي كنتي مشغولة نتي وختي زينب فالهضرة
الضاوية : ههه
سمعو الدقان
تيفاوين : غيكون غي محمد
حلات الباب
تيفاوين  : خويا
محمد كان هاز جوج ساشيات عطاهم ليها
محمد : هانتي الحوت طايب والخبز تغداو
تيفاوين :ونتا
محمد: غنمشي للبيرو واقع ليا واحد المشكل غنمشي نحلو نقدر نتعطل العشية
تيفاوين : واخا مايكون باس
سدات الباب ودخلات داكشي
تيفاوين : جا فالوقت نوضو غسلو يديكم يلا
مشات جابت طبسيل كبات فيه الحوت والبطاطا وكبات ليهم لاصوص
سمات الله وبداو كياكلو كبات ليهم اتاي وبقات كتاكا مضغة وكتفكر كانت ساهية  كتشوف فزينب لي طلعات عينيها شافت فيها كيسحاب ليها حاضياها
كانت تيفاوين كتفكر فالاخبار لي عطاها خوها الصباح بلي واخيرا راجل تيليلا هضر معاهم وكان كلامو فالتلفون تهديدات لتيليلا تنهدات  كتفكر اش غيوقع الى جا
الضاوية : بنتي تيفاوين  مالكي مكتاكليش
تيفاوين  هزات عينيها شافت فيها : خالتي بغيت نسولك
الضاوية : مرحبا
تيفاوين : واحد صاحبتي تزوجات  من البلاد وراجلها فمراكش وخبارو مكتوصلهاش  وهي عندها ولد عندو عام ونص مات ليها هادي شهر تقريبا المهم عاد ساق راجلها الخبار وناض كيعايرها فالتلفون وباينة غيمشي البلاد معرفتش اخالتي اش غيوقع ليها واش غادير
الضاوية : اووف الله اصبرها
شافت زينب شوفة جنب فتيفاوين 
زينب : هي لحمارة اصلا  كاين شي حد مكيسولش فمرتو
تيفاوين : كفاش
زينب : هه باينة كيغضر فيها ههه
تيفاوين  : لا ميمكنش
زينب : تايقة فراسك ههه هاداك باينة عايش الحياة فمراكش مبهج ومخليها كتشوى فالدوار ههه
تيفاوين  سكتات كتشوف فيها كتفكر فمصير تيليلا من بعد هادشي كامل
الضاوية : سكتي الله اقطع ليك الحس
تيفاوين : خالتي طهلاي فبناتك وردي ليهم البال ومتبقايش تدعي عليهم را بناتك هادوك وعفاك لي بغاو تكون ليهم البنت وصا عليها الرسول ويكفي انك تعنقيها وتقولي ليها كنبغيك ابنتي

زينب : يلا سربي امي غيكون انور كيتسنانا
الضاوية : مليت جيت صدعتيني بانور تعطلنا على انور نسبقو انور اووف
تيفاوين  شافت فزينب وهي تغوبش
الضاوية كتلبس جلابتها وشافت فتيفاوين
الضاوية : مالكي
تيفاوين : لا والو غي ونستوني هنا هههه
الضاوية : اوا  اجي معانا حتى يجي محمد
تيفاوين : لا
زينب  قاطعاتها : هي لي ناقصانا اوا صافي مي زيدي را مغتجيش معانا
تيفاوين : مالكي زربانا بلاتي اخالتي نلبس جلابتي
زينب : هه جلابة
دخلات تيفاوين  لبسات جلابة فالبنفسجي  افازي وفولار كحل  قاداتو وخرجات عندهم
تيفاوين  : يلا نطلعو
زينب : ههه  لا واعرة هادي
خرجو وطلعو فالدروج وصلو دقات الضاوية
تراجعات تيفاوين  لور كتقول فراسها 
تيفاوين : اشكديري واش تسطيتي اتيفاوين  السيد عاد طلب يديك البارح ونتي جايا تشفاي فيه اليوما
حل انور الباب  وسلم على الضاوية
انور : زينب لباس عليك
زينب بتاسمات  : لباس الحمد
انور: علاش مبقيتيش كتجي معا ختيفاوين التي
الضاوية : اوا نتا كتعرف اولدي القراية فلافاك
زينب : اييه اانور لفاك صعيبة بزاااف
كانت تيفاوين  واقفة فالقنت  كتشوف فيهم وشيحاجة شاعلة ليها فصدرها بحال العافية  كفاش كتهضر معاه زينب بهاد الطريقة عادي كتعاودليه بعفوية والابتسامة مكتفارقهمش
عاد لاحض انها موجودة حداه او بالاحرى كيحاول اتجاهل علاش علاش جات اش بغات عندو ميكفيهاش انها صدماتو طلع عينو ودوزهم حداها كيحاول اتصنع انو مشافهاش فالمرة
زينب : واش غتخليناش ندخلو
انور : توحشتك داكشي علاش نسيت منقول ليكم مرحبا ههه مرحبا دخلو
هز عينيه شاف فتيفاوين   ردات الضاوية ليه البال
الضاوية  :مكينش محمد وجبتها معايا
زينب : وحيد حيد خلينا ندخلو
انور: هههه
دخلو للدار دازت من حداه تيفاوين حادرة عينيها كتشوف فالارض  كانت شاداها الرعدة وقلبها بغا اسكت هو باينة فيه معصب  منها متبعها بعينيه وسد الباب موراه
زينب كانت ملاحضة شدة التوتر لي كاين فهاد اللحضات
اما الضاوية فمقلوبة عليها القفة
طلعات تيفاوين عينيها كتشوف فالدار عكس الدار لي عايشة فيها وعكس محمد لي دوقو بلدي انور دوقو عصري فالفراش الصالون فيه لي فوتوي والروينة نايضة
الضاوية : النهار لي نلقا حوايجك مجموعين نزغرت
انور  : هههه
زينب : لي فيه شي قاعدة فيه وداكشي علاش قلنا ليه اتزوج
الضاوية : يلا نبداو باسم الله
انور: اوا غنكون فبيتي ملي تبغيو شحاجة عيطو ليا
دخل بيتو سد عليه
زينب  حيدات القاميجة ولبسات بيجامة طويلة  كانت لابساها ملي خملو الدار لتحتانية جمعات شعرها اما الضاوية  فحيدات الجلابة ديالها كانت لابسة تحت منها البجامة العريضة
تيفاوين جمعات يدين العباية وهزاتها من اللتحت ربطاتها فالحزام
تيفاوين : يلا منين انبداو
شافت زينب فالضاوية لي شافت فيها ايضا وقالو بجوج مشيرين بصباعهم
الضاوية وزينب : غتعاونينا هكا

يتبع...