جلسات تيفاوين كتفكر فكلامو جرحاتو ولكن قالت غي الحق اشمن حق اجرح قلب الناس مكانتش كتصور راسها اتجرح شي حد دخل محمد للدار كيعيط على تيفاوين وجدو الكاسكروت وبركو يمضغو وهما كيهضرو على العروبية وناسها لي تواحشاتهم تيفاوين
محمد : تيفاوين مخبية عليا شيحاجة
تيفاوين : لا لا اش غنخبي
محمد: ولايني وجهك
تيفاوين : وجهي مامالوش غي تهنا تصبح علي خير
خرجات من الصالون كانت شوية غتفرش
مشات غسلات يديها ومشات لبيتها صلات العشاء من بعد ما اذن وتكات حتى داتها عينيها جا محمد بغا افيقها باش تعشا ولكن حلفات لا ناضت ليه وقفها حتى نعسها فبلاصتها وغطاها سد الشرجم وخرج من البيت
وسط الدوار على سطح دار مبنية من الطين والحجر واقفة تيفاوين كانت صغيرة فعمرها الدموع بارزة فعينيها والخوف واضح عليها والزيف طاح على كتافها
تيفاوين : عفاك ايطو راك غتموتي
على حافة السطح واقفة بنيتة لابسة قفطان مقهورة باينة على وجهها كتشوف فالارض وترجع راسها كتمايل وتبعد
يطو : انا ميتة مبغيتش مبغيتش
هزات يديها وكتمسح على وجهها بعنف حتى حمار وكتمسح عنقها وهبطات لكرشها وهي كتقول لا لا مبغيتش
تيفاوين : واش مخيفاش من ربي
ضارت يطو شافت فيها : متخليهش اتيفاوين متخليهش
هبطو الدموع من عينيها
تيفاوين : صافي غي حيدي من تما باك احلها
شافت يطو فالارض وشافت فتيفاوين
يطو : مرحمنيش متخليهش اقرب منك متخليهش
غمضات يطو عينيها بجوج هزات يديها ولاحت راسها تبعاتها تيفاوين وقفات مصدومة كتشوف دمايات يطو على الارض سايلة كتسمع صوت الرعد وصوت تيفاوين متخليهش متخليهش
ناس الدوار كتجمع ملي سمعات الطيحة اما تيفاوين فرجعات لور كتشوف الضلمة وصوت يطو متخليهش متخليهش
خدات نفس طويلة كتشوف الضلمة بركات فوق النموسية كتقول يطو يطو علاش علاش ايطو بغات تمسح دموعها لكن كتقيس الفاصمة لي منعاها حسات بوخز فالجرحة من
محمد: نتي لباس
طلعات راسها بسرعة لمصدر الصوت
تيفاوين : محمد
برك حداها محمد : اشنو واقع لختي حتى يوصل غواتها لبيتي
كتشوف فيه تيفاوين هزات يدها حطاتها على وجهو كتقيسو
محمدبعد وجهو : مالكي
تيفاوين : لا كنشوفك كنشوف بحال ضلك من ورا الفاصمة
محمد : واش بصح
تيفاوين : اه اه اه ممتيقاش
كانت صبيحة كلشي فيها متوتر تاجهو فيها عند الطبيب لي دوزات عندو تيفاوين فالاول
بركو فقاعة الانتضار وحتى حد مايدوي مع الاخر وكأن الصدمة على لسانهم غلبات جات نوبتهم ودخلو
رحب بيهم الطبيب وهو مبتاسم سولهم وجاوبوه حكاو ليه لي وقع ليهم البارح
الطبيب مبتاسم هادي اقل من اسبوعين باش درتي العملية وكتقولي هادشي نتي متأكدة
تيفاوين: اه اه متأكدة اسيدي
الطبيب : حالة عينيك دابا من تحت الفاصمة
تيفاوين : لا
الطبيب : بغيتك تحلي عينيك وتوصفي ليا اش كتشوفي
حلات تيفاوين عينيها
تيفاوين : كنشوف قدامي شي حاجة مربعة ولكن الفاصمة
الطبيب وقف حدا تيفاوين خلاها تدفع زيفها وحيد ليها الفاصمة بشوية وحدر رجت برك فبلاصتو
الطبيب :حلي عينيك
حلات تيفاوين عينيها مباشرة قدام محمد لي كيشوف فيها شوية ميل راسو وكيتسنى اش غيوقع
تيفاوين سدات عينيها
الطبيب : مالكي علاش سديتي عينيك
شاف فيه محمد ورجع شاف فتيفاوين
تيفاوين دارت جهة الصوت
وحلات عينيها من جديد .. يتبع في الحلقة الموالية ..
امام البارتما ديال محمد واقف انور كيدق الباب وكيعيط على تيفاوين و بشوية كيدق ويدق مملش حتى دازت نصف ساعة
محمد : والله الا انا لي كبرتها لشي وحدة بحالك
واخا ماشي مشكيل مبغيتيش تجاوبي
طلع للبارتما ديالو دخل طالعة ليه وتكا كيفكر فراسو شوية جبد كارو دارو على فمو هز التيلي ديالو وبقا حاضيه وكأنو كيتسنا اش يدير طاحت على بالو تيفاوين حرك راسو يمين شمال مبغاش افكر فشحاجة اخرى من غير المشروع ديالو خدمتو علاش طيح ليه تيفاوين على البال اصلا ياك غي سكايري هو طاح عليه الضيم سكايري كلمة عجيبة كتقيس الوتر الحساس ملي يتفكرها كيخشي الكارو فمو كأنو غينسى هاد الكلمة عمرو سمعها على راسو شكون غيقولها ليه ياك صحابو وبحالو من غير محمد والضاوية لي غي كاع الى قالو ايقولو الله اهديك
حل تيلي ودخل ليوتوب كتب سكايري كيتسنى معناها لي حافضو على ضهر قلب
ضار شاف فالكارو لي تلاشى وبغا ياكل فيديه طفاه ودار يديه من وراه كيتسنى فالعجب لي غيخرج من يوتوب
واخيرا خرجو صور مشرملين حل فمو كيشوف تصور تيفاوين عليه صورة داك المخلوض لي وجهو مجروح وسنانو كحلين....
ضحك بدون شعور كيقول فراسو واش انا هاكا واش انا حتى حد واش بلاتي ولكن انا سكايري وفكرت فرضى غيري ومفكرتش فلي خلقني
بعض الدموع كدل على الالم ديال الناس طاحو الدموع من عينيه وهو متكي على ضهرو كيدوزو الدميعات لودنيه حس بيهم ناض برك مسح دموعو بالزربة وكأنو مكيسمحش لراسو يبكي مبغاش اضحك على راسو شي نهار ملى يافكر انو بكا حياتو غريبة حزينة وشخصيتو محطمة وكينسيها بالشراب والكارو هادا ماكنسميوه بلية ماشي حل
يتبع...
سمحو لي على التعطال والله إلى يالاه لقيت الوقت ❤️ ما تنساوش التفاعل 😘😘
أنت تقرأ
قصة تيفاوين
Aventuraالسلام عليكم، اليوم جيت و جبت معايا الجديد لي كنتمنى يعجبكم، هاد القصة قصيرة بالدارجة مغربية للكاتبة "سعاد الحجي". قراءة ممتعة.
