#املكيني١
.
انا امل عمري ٢٣ سنه اتخرجت من كليه التخدير جامعه الزعيم الازهري قبل سنه و قضيت الخدمه الوطنيه و حاليا بفتش لي في شغل و ما لاقيه قاعده عاطله في البيت
امي شغاله معلمه في مدرسه اساس ابوي ربنا يرحمو متوفي مما انا كان عمري ١٠ سنوات عندي اخت و حده اصفر مني ممتحنه تالته ثانوي علاقتنا باهل ابوي و اهل امي منقطعه لانو في عداوه قديمه بيناتهم كان ابوي و امي ساكنين في الابيض لكن اسرت ابوي و امي كان بينهم مشاكل في الاراضي كل فرقي بقول الارض حقتو لحد ما جا جدي ابو امي و جدي ابو ابوي و عملو صلح بينهم و عشان ياكدو الصلح ابوي ابوي طلب يد امي لابوي و اتزوج و على كدا الخلاف انتهى و ولدوني انا
و بعدها بسنتين جدودي الاتنين اتوفو و اعمامي و خلاني تاني دورو المشاكل
خلاني قالو لازم امي تتطلق و اعمامي قالو لازم ابوي يطلقها فامي و ابوي الاتنين خلو الابيض
و جو الخرطوم و علاقتنا بيهم انقطعت الانتين و بعدين بخمسه سنوات ولدو اختي الصغيره الاء
و و بعد خمسه سنوات ابوي اتوفى بملاريا الفتره ديك كانت منتشره
طبعا اعمامي جو حضرو الدفن بس للواجب و خلاني ما عزو امي اساسا مع انو موضوع الارضي داك انتهى و الحكومه شالت الارضي كلها يعني الفريقين بقو ما طالعين بحاجه لكن الكراهيه كانت موجوده بينهم ابوي كان عندو ورثه بتاعت ابوهو و امي برضو
لموهو و اشترو بيت في الثوره و بيت كبير و سمح و ماجرين نصو و نحن قاعدين في نص و ابوي كان شغال موظف في بنك السودان بعد اتوفى بقا عندنا المعاش حقو يلا ابوي قبل ما يتوفى مشى سجل البيت باسمي انا و الاء كانو كان حاسي و قال لي امي لو نحن حصل لينا اي حاجه البنات ديل يكون عندهم شي يتسندو عليو
و فعلا بعد ابوي اتوفى اعمامي قالو دايرين حقهم في ورثه اخوهم لمن امي قالت ليهك البيت باسماء بناتو زعلو شديد و مرقو طبعا امي صغيره في السن كانت الزمن داك لكن ما اتزوجت تاني و بقت لينا ام و ابو و باخلاقنا الحله كلها تحلف
امي دي عندها اخوها سافر برا السودان قبل يلدوني انا كان عندو ولدين و بت لمن سافر مشى امريكا و اسي جا راجع عشان عرس بتو ....يتبع
#نسرين عزالدين
