املكيني 🔒✨

20

#املكيني20
.
وانا بقرا في الورق امي جات داخله  اول ما شافتني قعدت تبكي و سلمت علي 
بعدها قعدنا نتكلم قلت ليها يا امي قعدتك هنا براك ما كويسه انا بقدر اخليك براك 😪
قالت لي يا بتي انا بصحتي و التلفونات دي بتقرب الناس و الجيران كويسين معاي
قلت ليها لالا تجي تقعدي معنا
قالت لي ما بقدر اقعد بين راجل و مرتو و لعدين دا بيتي  ما بقدر اخليو
حاولت افنعها لكن كانت مصره لحد العصر كدا الباب دق مشيت فتكت لقيتو مؤايد  و شايل الاء قال لي ما قدرما ننتظر جينا لاحقنك
عاينت لالاء لقيت ووشها كلو دموع و بتعاين لي و مادا لي يدها  طوالي شلتها و دخلو جوا سلمو على اميبعد المغرب طلعنا و مؤايد سايق و بعاين لي بطرف عينو
وانا ما شغاله بيو
فجاء قال لي امل انتي بتعرفي تسوقي🌚
قلت ليو شنو 
قال بتعرفي تسوقي🌚
قلت ليو اي😏
قال النبي فيك🌚🤣الكضب ظاهر في وشك لو قمتي للكذب ما بتعرفي ليو🤣🤣
قلت ليو ما كذب لكن انت بليد انا عندي عربيه عشان اعرف اسوق😏
قال لي و بعلي من لئامتك😨
المهم  ما عايزه تتعلميتها🌚
قلت ليو ااا🌚
قال لي شنو اااا عايزه مش
قلت ليو هي ما صعبه شكلها
قال لي اي خلاص بكرا نطلع  و بعلمك 🌚
قلت ليو كويس.
المهم وصلنا البيت و غيرت لالاء و نومتها و انا رقدت و بفكر في الكلام الكان مكتوب في دفتر الاءء😭
طبعا ما بينت لمؤايد اني عرفت او قريت حاجه هو ما سالني تاني يعني الموضوع دا انسيو 😪
تاني يوم الصباح صحيت
قمت صليت و مشيت عملت الشاي و جيت شلت الاء غيرت ليها  و حميتها و اكلتها
مؤايد
صحى متاخر  جا قعد و انا في المطبخ مع الاء قال لي اها جاهزه 🌚☕
قلت ليو لي شنو🙁
قال لي امس قلنا شنو😏
قلت ليو قصدك السواقه😏
قال لي اي🌚☕
قلت ليو والاء الح يمسكها منو😒
قال خليها عند عمتي  
قلت ليو خلاص كويس🌚
اها فطرنا و طلعنا مشينا لامي اديتها الاء قلت ليها ماشين مشوار

ساقني ميدان كدا و بدا يشرح لي😒
و انا بعاين ليو😒
قال لي مالك🌚
قلت ليو انت خميره و ما بتعرف تشرح و بعدين دي حاجات معروفه ابدا العملي طوالي 😒
كلامي غاظو شديد 🤣🤣
قام دور العربيه و بقا لافي باقصا سرعه و انا بصرخ😭😭😭
لحد ما وقف قلت ليو متخلف😡
قال لي احسن احسن عشان تاني ما  تتلائمي مع راجلك😒
قلت ليو لي انا زهجت و انت ما بتعرف تسوق ذاتك داير لي زول يعلمك😏😏

قال لي خلاص نكسر حنك السواقه و ارح لبيتنا عشان نلسم على ابوي  و امي 😍

لمن قال لي كدا خفت امشي الاقي الزفت الاسمو مهند 😡😡😡😡😡😡ما دايره اشوف خلقتو لكن ما بقدر اقول لا
مشينا 🚶🏼‍♂🚶🏼‍♀
اول ما دخلنا كدا لقيت خالتو احلام قاعد مما شافتي قامت على حيلها و حضنتني كانو انا بتها ما مؤايد 😅
خالو عمر ماف كان  مشى زياره لصحبو
و هي قاعده براها قالت لينا يحليكم و الله  و بقت تحكي قالت مهند مسافر بعد بكرا امريكا و عايز و خطب ليو بت كدا  كان جات في خطوبتو برضو
انا و مؤايد نططنا عيونا😳😳😳
قال ليها يا امي كيف الكلام دا و نحن ما عندنا خبر قالت ليو و الله جات سرعه  الحاجه دي و مهند اصلا ما كلمنا مشى براهو و البت اهلها في امريكا و قاعده هنا مع عمها
قال ليها و هو وينو اسي قالت ليو مشى السوبر ماركت اسي بجي
مؤايد قاعد و زعلان شديد  😡
لحد ما مهند جا 😡😡😡قال ليو يا عريس الغفله تدس من اخوك 😡
منهد اتخلع لمن شافني😳
قاليهو امي ما ورتك و الله جات صدفه و سريعه ذاتها 😅

.....يتبع