#املكيني10
.
خطوبه الاء جات و عملنا عزومه و فيخا الاهل بس يعني نحن و خلاني و اهلو و كدا يعني
الاء ودينها الكوفير الشغاله فيو و مكيتها بيدي و انا لبيت لي فستان كدا و طلعت حلوه يعني و مشينا البيت الخطوبه في بيتنا عملنها وصلنا كدا و الموضوع بدا و انا قاعده شايفه مهند قاعد و صاري وشو 😡 و التلفون كل دقيقه يقفل استغربت قلت دا مالو كمان
لينا اختو جات وقفت جمبو اتكلمت معاهو و هو مرق برا البيت وانا واقفه مراقباهو و خالتو احلام محروجه و بتاوق ليو انا دخلت المطبخ لمن جيت طالعه شفت مهند داخل و ماسك يدو و بنقط دم و الناس في الحوش بهناك قلت ليو مالك 😳قال لي ماف حاجه جرح بسيط
قلت ليو لالا ودخلت المطبخ جبت معقم الجروح و شاش و لقيت ليو يدو قال لي انتي دكتوره قلت ليو انا درست تخدير قال لي عشان كدا
قال لي اسمك منو؟ قلت ليو امل قال لي انتي اخت الاء يعني قلت ليو اي 😄قال لي اول مره اشوفك قلت ليو كان جيت خطوبتك لكن ما باركت ليك عديل و مبروك عاينت في يدو لقيت ماف دبله استغربت قال لي كنت خاطب حاليا لا قلا ليو لا ياخ 😓بعتذر و الله قال لي لالا عادي قال لي ح نقيف كدا كتير😅ارح بهناك مشينا لقينهم بتونسو ساي و لبسو الدبل والاء طايره من الفرحه
قعدت في كرسي و هو قعد جمبي و بتونس معاي حكا لي بتمريكا و القرايه هناك و كدا يعني لحد ما خلاص الزمن اتاخر و قالو كاشين قال لي عايز رقمك و انا اديتو ليو .
بعد مشو الاء جات فرحانه مشيت سلمت عليها و باركت ليها قالت لي شفتي ما قلت ليك عايزني 😏قلت ليها ربنا يتم ليك على خير المهم رتبنا الحاجات و هي مشت غير و كل دقيقه تعاين للدبله و طايره من الفرحه و انا فرحانه برضو ليها تاني يوم الصباح
صحيت مشيت بدري الكوفير اول ما دخلت لقيت البنات كلهم بعاينو لي😳😳ديل مالهم بعد شويه رانيا نادتني المكتب جيت لقيت معاها خطيبه مهند الخلاها ..يتبع
#نسرين_عزالدين
