#املكيني6
.
سلمو على بعض و عاين لي قالت ليو دي امل قال ليها بالله يعني انتي امل سلم على و انا شاماهو اصلا😒
وانا واقفه كدا التلفون ضرب ود جيرانا
قال لي انا ح اتاخر شويه حصل لي ظرف قلت ليو لكن الخفله انتهت و الزمن بعد دا قال لي و الله مشوار ضروري ساعه و بجيكم
مؤايد قال الاء انا بوصلكم قامت الاء شالت مني التلفون و قالت لود جيرانا خلاص لاقينا ود خالي ح يوصلنا و انا واقفه بعاين ليها بدون ما تستشيرين
ختتني امام الامر الواقع
مشينا ركبنا و الاء قعدت قدام و انا ورا صاره وشي و شامه الاء شديد و هو كل دقيقه بعاين لي بالمرايه
لحد ما وصلنا ما فتحت خشمي بكلمه
لمن و صلنا البيت الاء قالت ليو اتفضل سلم على امي قال ليها الزمن اتاخر بجيكم وقت احسن
انا ولا اتكلمت معاهو نزلت و دهلت البيت و الاء ودعتو و دخلت جاتني في الغرفه
قالت لي مالك و انت بغير ما رديت ليها و هي بتتكلم امي جات من الحمام سالتنا اها العرس كيف الاء قالت ليها لاقانا مؤايد ود خالي عمر
عاينت لي قالت الاء اختك مالا ؟
قالت ليها بري ما عارفها
طوالي قبلت عليخا قلت ليها قبيل لي تخطفي التلفون من اضاني و كمان يوصلنا هو اخدي راي انتي قالت لي يعني دايرانا نقيف قلت ليها ماف داعي تخطفي التلفون
قالت لي انتي مكبره الموضوع
و فعلا انا حسيت نفسي معقده الموضوع عشان الموقف البايخ الحصل بيني و بينو
😪
يلا الاء بدت في التقديم و كان رقبتها صيدله قدمت طب برضو
و سبحان الله شالوها طب جامعه الزعيم الازهري
و انا قاعده في البيت مالاقيه شغل
قلت احسن امشي اشتغل لي في كوفير بدل قعدتي دي امي قالت لي انتي دكتوره و قاريه تشتغلي في كوفير قلت ليها انا دكتوره و قاريه اقعد في البيت عاطله حق الركسونه ما عندي
انا بعرف اخت ميكاب حلو شديد
طوالي مشيت لكوفير فتح جديد و شغلوني معاهم ....يتبع
#نسرين عزالدين
