#املكيني8
.
لقيتهم واقفين في الضلام وهو ماسك يدها😳 هو مدنقر قرب من وشها و هي بتضحك
قلت ليها الا😳😳😳
اتخلعت فكت يدو جات سرعه قالت لي اي قلت ليها بتعملي في شنو قالت لي ولا حاجه قلت ليها الا مؤايد مالو معاك قالت لي ود خالي واقفه بتونس معاهو مالك مكبره الموضوع اتلفت خجلت من الناس ولا تحصل جوطه مسكتها من يدها و دخلتها جوا و هو واقف
قعدنا و بقيت بحمر ليها😡😡😡😡😡😡😡😡😡😡😡شاماها شديد و هي تقبل مني عملت ليها بيدي اصبري👍🏼
امي قالت لي مالكم يا بنات قلت ليها و الله زهجت يا امي احين نمشي و الزمن اتاخر زاتو
امي قالت لي خلاص و الاء ساكته مشينا لخالو عمر ودعناها و باركنا تاني للعريس
مارقين كدا مؤايد جا قال لينا اوصلكم قلت ليو لالا شكرا الزمن ما متاخر امي عاينت لي 😳
هو قال لي امي يا عمتي ارح اوصلكم نظام ما سعني اصلا😄
مرقنا امي ركبت قدام و انا والاء ورا و هو بعاين لالاء بالمرايه كل دقيقه
المهم وصلنا البيت الحمدلله ما صدقت اصلا
اول ما دخلنا الغرفه و امي مشت الحمام قلت لالاء دا شنو يا الاء قالت لي انتي مالك دخلك شنو انتي وليتي امري ما عندك فيني طريقه😡
قلت ليها انا اختك و خايفه عليك 😳
قالت لي ما تتحكمي في حياتي و انا ما عملت شي غلط دا ود خالي
قلت ليها وماسك يدك لي قالت لي ساي قلت ليها ماسي عاينت ليدها لقيت فيو خاتم طوالي جريتو قلت ليها دا شنو؟؟؟😳قلت ليها دهب؟؟؟الاء دا شنو الشلتي منو و بياتو صفه لو ود خالك دي ما صفه لي تشيلي منو دهب😳😳الاء انتي محتاجه ليو
قالت لي مؤايد بتكلم معاي بالواتس من يوم مشينا ليو يعني لينا تلاته شهور و بعرفو كويس 😡وهو بحبني و دايرني و انا واثقه واجي يتقدم لي بس انتي ما تتدخلي انتي براك متعقده و قايله الناس كلها ذيك اسي انتي لو كنتي منفتحه حبه على الاقل كان عرسي شغل ذي الناس ما شغاله و مرقت من الغربه انا قعدت ابكي😭😭😭😭😭لي تقول لي كدا وانا اصلا ما قلت ليها حاجه و من متين العرس بعيبو بيهو زول 😭😭قعدت ابكي ابكي ابكي امي جات لقتني ببكي قالت لي مالك يا امل قلت ليها ماف حاجه
حسيت بيها فاكراني ببكي عشان عشان غرتمن الخطوبه و انو انا ما اتخطبت ولا اتزوجت للان مع انو انا ما فكرت كدا و ما حصل خطر ببالي 😭😭
و الاء قلبي واجعني منها حاربتني بقت ما بتتكلم معاي و انا بمشي الشغل و بجي و هي مخاصماني نهائي .....يتبع
#نسرين عزالدين
