#املكيني4
.
#املكيني
قلت لامي لكن انا ما عندي لبست امشي بيها😭
قامت طلعت لي قروش قالت لي امشي اسي السوق جيبي ليك لبس ما عارفه امي كانت مصره كدا لي🤨
مشيت السوق جبت لي فستان لونو زيتي و جزمه اوف وايت عاليه شديد و كلق رنق كبير
تاني يوم امي كلكت ود جيران عشان يوصلني الصالح و يجبني راجعه كنت لابسه الفستان و الجزمه عاليه لدرجه اني ما قادره امشي و شعر مرجعاهو لورا و لابسه الحلق
طلعت ود جيرانا شافني لمن اتخلع قال لي ما شا الله
المهم وصلني الصاله اول ما جيت داخله في رجال كتار في باب الصاله و ما بعرفهم كلهم بس بعرف خالي عمر جيت عليو سلمت و هو قال ليهم دي امل بت وفاء سلمت عليهم و سلامهم كان بار
المهم دخلت الصاله لقيت البنات لابسات لبس و شكلو غالي و اكسوارت جميله لمن خجلت من نفسي و الصاله كبيره شديد و بارده و فيها ستاير نازله بالبنفسجي عانت هناك لقيت احلام مرت خالي مشيت عليها سلمت ليها
سلمت علي و سلمت على خالي و هم كانو واقفين وانا بفتش لحته اقعد فيها عشان الكعب عالي جريت لطربيزه في اخر الصاله قعدت و طلعت الجزمه حتن ارتحت لقيت اكل قدام اكلت كويس و شربت البار و قعدت اتفرجلحد ما العروس جات و ما شا الله قمر و عريسها مزه لمن اتعقده ندمت اني جيت و كنت منتظؤه متين الجوطه تنتهي عشان امرق
لكن ما قدرت اكلمو مليت من القعدت قلت اتخارج اصلا ما ح يفكرو لي
و ما قدرت اللبس الجزمه دي تاني كرعيني اتكسر قلت خلاص بلبسها جمب الباب
شلتها في يدي و بقيت مارقه لمن وصلت قريب لللباب دخلت ورا ستاره و لبست الجزمه و لمن جيت طالعه حسيت الارض طريه و دست بالكعب و مرقت لقيت ولد في وشي و انا عافصهو زحيت رجلي سرعه هو قال لي ما بتشوفي انتي😡😡
قلت ليو انت البوقفك هنا شنو😡😡قال لي انتي الدخلك ورا الستاره قلت ليو انت مالك يا متخلف و تستاهل العفصه 😡😡
خلاني و مشى و انا خلاص اخلاقي بقت في نخرتي😡😡😡😡
مرقت برا الصاله و اتصلت لود جيرانا 😡
قال لي تمام بجيك اسي قعدت في مصطبه جمبه الصاله و طلعت الجزمه في كميه بتاعت اولاد جو مارقين شافوني بقو يعاينو لي و منهم اللولد العفصتو بحدر لي 😡😡😡 و انا بحمر لي
لحد ما جا ود جيرانا مشيت ركبت .....يتبع
#نسرين_الدين✍
