#املكيني3
.
بعد طلع امي تاني قعدت تبكي قلت ليها يا امي هو لي يعني باذات المدون خلاني ما خاتي فيها حاجه
قالت لي يا بتي عمر دا من زمان معرفو الوحيد القلبو ابيض و حلال المشاكل و الله انا متاكده لو هو كان عارف ما كان دا كلو حصل
قلت ليها خلاص ما تبمي يا امي بعدين العشا اذن ارح نصلي و نشرب الشاي
بعد الصله قعدت راجعت مع الاء
الاء قالت لي ياربي اولاد خالو عمر عاملين كيف ياربي بعرفو عربي قلت ليها اكيد بعرفو هنا عندهم مدارس سودانيه و بعلكوهم في الجامع
قالت لي نفسي اشوفهم قلت ليها كدي تمي كيميتك دي اسي المهم جبنا الشاي و شربنا و نمنا و امي فرحانه شديد و تحمد في ربنا
اها تاني يوم الاء طلعت المدرسه و انا قعدت انضف و امي طلعت المدرسه
بعد انتهيت مشبت اسوي لي فطور
و انا في المطبخ الباب دق فتحت لقيتها خالتي صفاء سلمت علي شديد
و دخلت سالتني من امي و الاء قلت ليها في الدوام و دخلت المطبخ عملت الفطور و جبتو و فطرنا وقعدنا نتونس قالت لي انتي عارفه لة ما الظروف و نحن مقصرين و اعفو لينا و حسيت من جيت خالي عمر دي المويه ح ترجع لمجاريها
قعدت لحد ما امي جات و امي بكت برصو لمن شافتها و بكدا امي بقدر اقول بقا عندها اخو اخت
اها الايام مرت لحد ما يوم باب البيت دق و كانت الدنيا عصر فتحتو لقيتو خالي و مرتو احلام
و سلمو علينا و قعدو و مرتو طيبه شديد
و ورونا يوم العرس و حددوهو و قال لينا لازم تجونا قبل العرس بيتو في بحري و تسلمو على اولادي المهم قعدو و كدا مشو
يلا المشكله الوقعنا فيها انو العرس صادف مع امتحان الاحياء بتاعت الاء
امي قالت لي امشي انت و مثلينا
و طبعا بعد كم يوم امي مشت ليهم و ورت خالي الحاصل
و عرفو انو انا بس ح اجي
و انا كنت متردده امشي ولا لا خصوصي اني ما بعرف زول غيرو و خالتي صفاء
لكن امي اصرت على
و العرس كان في الخرطوم
و جا يوم الليله و بكرا العرس و بقيت في محنت اللبس شنو وانا اصلا ما عندي ملابس
..........كدا انتو عرفتو تفاصيل الناس الفي القصه .... تبدا القصه من هنا ...يتبع
