ظلموني ولكن

الجزء الأول والثاني

#ظلموني_ولكن......
قصتنة تتكلم عن فتاة ظلمت من اقرب الناس اليها،ولكن توكلها ع الله وايمانها بعدالة الله السماوية سوف تاخذ بيدها..
الجزء الاول.....
شفق:اسمي شفق وحاليا عمري15سنة،جمالي جان كله من امي ابوية جان يكول هلكد ما احب امج طلعتي النسخة مالتهة بكلشي بالشكل وبالصفات،مواصفاتي: بيضة عيوني زرك شعري احمر ناعمة عندي غمازات هاي ورثتهة من ابوية ،امي تركمانية عايشة بدهوك بمنطقة ريفية حياتهم كانت بسيطة وعيشتهم ع كدهم ابو امي جان عنده بستان صغير يزرع بيه وعنده حيوانات(عدهم بقر وجاموس ودجاج)يعتنون بيهن هم يساعدوهم بمعيشتهم امي جان عمرهة 14لمن تعرفت ع ابوية،وابوية عمرهة جان 26سنة اسمه علي جان طالع سفرة وية جماعته وبالطريق قريب من بيت جدي ابو امي صار بيهم حادث وانكلبت السيارة،امي جانت تهوى الرسم وجان رسمهة كلش حلوة ومبدع،جانت كاعدة ع تلة عالية وشافت الحادث وبوكتهة ركضت ع جدي وكالتله ع الحادث وبوقتهة اسعفهم جدي وداراهم،وامي جان عدهة 4اخوة وخوات2وهي ثالثتهم وهي جانت اصغر وحدة باخوتهة وخواتهة،والولد وية ابوية بوكتهة 3ايام وراحوا لاهلهم لان جانوا من كركوك وبقة بس ابوية جان متأذي اكثر واحد بيهم وبقة3اسابيع يم بيت جدي واهله مدروا بي عبالهم بغداد،ورة فترة دروا بيه وراحوله وجانوا محملين بصوغات يعني(هدايا منوعة من كلشي) بوقته جدي رفض ابو امي رفض وكلهم السويته واجب لا اكثر ولا اقل،ومن هذا الحادث ابوية حب امي وحلف الا تصير اله مع العلم جانت بنت عمه محجوز اله وحاجين بيه،حجة وية اهله وكلهم اريد اخذ البنية الي جنت يمهم وقت الحادث وجدي ابو ابوية تخبل وصارت هوسة وتعارك ابوية وية جدي وعمامي هم شلون يرفض كلام ابوهم وهمة ماعدهم غريبة تدخل البيت كلهم كرايب ناس تاخذ من ناس،
وبدا صراع والدي وية اهله وطبعا جانوا اصحاب املاك وبساتين وبيوت ومن شافه ابوه مصمم كله محد يروح وياك ومن هاللحظة انت لا ابني ولا اعرفك واعتبر نفسك متملك درهم يمي وتطلع بطرك هدومك من البيت،انصدم ابوية من جبروت ابوه وقرر يترك كلشي وبالفعل ترك اهله وراح لجدي ابو امي وحجة وياه ع كلشي وكله اني راح اعيش بغداد حاليا وادور وضيفة واجهز كل اموري بس اريد منك كلمة تنطيني لو لا واني وحدي لا ام لا اب لا اخ لاعم بس اني،كله روح اني نطيتك بس بشرط ان تنفذ كل الي كلت علية لان جمانة اصغر خلفتي واعز من روحي اريدهة تعيش ممعززة مكرمة ومتحتاج حتى لاهله،ورجع ابوية لبغداد لبيت خال امه وفهمه الوضع كله و وعده يساعده وبلش حياته خطوة...خطوة...والحمدللة لكة وظيفة ولكة بيت ايجار وخال امه ساعده بغراض البيت وراح لاهل امي وزوجوا ورة اسبوع رجع لبغداد وية امي وعاشوا بفرحة وظل بين فترة وفترة يحاول يصالح اهله ومرة راح هو وامي وطردوهم بعدين راحوا وامي جانت حامل بيه بلكت يحنون وهم طردهم جدي عبالهم ع الورث والفلوس وفهمهم هو ممحتاج بس يريد يتواصل وهم رفضوا بس عمتي الي اصغر من ابوية وعمي الوسطاني ظلوا يدورون عنوانه واندلوا وظلوا بتواصل بس بدون علم جدي حتى لايطردهم وهم من جابتني امي هم راحوا واني جانت شايلتني ودتشفوني لجدي وبيبتي دفروهة:شمدرينة منين وقشمرتي ابنه وكتيله بتك،هنا ابوية تخبل وشال امي واني جنت اصرخ واخذني من ايد امي وكلهم مع الاسف مجنت اصوركم بهيج جبروت وهالكد طاغية ع العموم الي علية سويته في امان بوية،امي...
ومن ذيج اللحظة كبرت واني ما اعرف شي عن اهل ابوية بس اهل امي كلش احبهم جدي وبيبيتي وخوالي وخالتي كلهم جنة ع تواصل وياهم وابوية كلش يحبهم ويحترمهم وجانوا يساعدون امي بكلشي من جنة نروح لو همة يجون يحملونة كلشي اشكال والوان،والحمدللة جنة مرتاحين تبوية بحياتنة لا مشاكل ولاشي بس ابوية جان يتواصل وية عمي وعمتي بس جانوا ميجون للبيت علمود لا احد يحس عليهم طبعا عمتي جانت مزوجة وعمي هم،وكبرت واني اشوف حب امي وابوية الي محاوطيني بكل حب وحنان جنت عايشة بعالم خاص بية صح جانت حالتنة المادية ع كدنة بس جنت ممحتاجة شي كلشي عندي وجنت قنوعة بكلشي املكه،
الا ان اجة اليوم المشؤوم وفقدت بيه كلشي مرة وحدة،فقدت الحب والامن والامان فقدت العز والدلال،فقدت الحنية فقدت كلشي حلو بحياتي.......
________________________________________
الجزء الثاني......