ظلموني ولكن

الجزء الثاني والعشرون الأخييير

#ظلموني_ولكن....
الجزء الثاني والعشرون....الاخيييييييير
مر اسبوعين ع الحادث ومكدرنة نوصل لشي وجدي زعل علية لان مقبلت ارجع وياه بس فهمته اني احب زوجي وما اكدر اتركه وهو ماله تي ذنب بالي صار وخالتي هم فهمته والحمدلله رضى واقتنع بس حذرنة اني وليث مرة ثانية ياخذني غصب....
ليث:جنت كاعد بالمكتب واجوني فيصل وليد....
ليث انطينة البشارة،كمزت من مكاني لكيتوهة???
وليد:اي،،حسب تواصيف جدتي واحد من الفلح الي يشتغلون بالبساتين البرة ومن سامع بالحادث كال بذاك اليوم جتي مرة غريبة للمنطقة ونفس مواصفاتهة واندلينه مكانهة...
ليث:دكوموا لعد شمنتظرين???
طلعنة وجانت كاعدة بمنطقة تصير ورة بساتينة وصلنة لكينة الفلح سلمنة عليهم وسئلناهم ع المرة ونطيناهم تواصيفهة محد عرفهة،بس طلع ولد صغير يطلع عمره11او12كال اني اعرفهة هاي اسمهة صالحة تاخذ خيرة للنسوان....
ليث:وينهة هسة???
هناك جوة ذيج الشجرة...
ليث:اشرلنة ع شجرة كاعدة مرة وداير مدايرهة نسوان،،يولد مراح نكدر نوصللهة الا بحيلة لازم نلكة حجة حتى تتعرف عليهة شفق منريد نظلمهة للمرة...
وليد :ماشي خل نروحلهة وانت عود زوجتك متخلف وجاي تاخذلهة خيرة واخابر اني ع زيد يمر للبيت ياخذ امي ويجيبون شفق وياهم..
ليث:خوش حل بس خابرهم اول وكله خل يستعجل....
خابر وليد و صى امه وفهمهة وبلغوا شفق واني رحت للمرة ونفذت فكرة وليد وهمة جانوا ينتظروني بالسيارة و صلت شفق وتقربت عليهة وعاطت اي هي والله هي...
صحت ع والولد لزموا المرة ورحت لشفق هدئتهة وشربته مي وغسلت وجهة....
رحت لصالحة:شوفي لج احترمي عمرج وشيباتج واحجي من الاخير منين تعرفين مرتي وليش سويتي هيج وياها????
بالبداية نكرت وظلت تحلف راشديين كتت الاول والتالي..
بس انصدمت صدمة عمري....
معقولة امي تسوي كل هذا معقولة تصير بهالاجرام كتلت ابني ورادت تكتل مرتي تخبلت وفار دمي شفق تجر بيه وتتوسل والولد هم ع كيفك كمت اصيح بنص البستان...
لكم شتحجون لكم امي كتلت ابني ورادت تكتل مرتي لكم امي...امي...تعرفون شنو يعني امك تنهيك بأيدهة....
شسوي فهموني شلون اتصرف شلون امن ع مرتي وباجر عكبة جهالي شلون امن عليهم منهة.....
دك تليفوني شفتهة جدي:شمرته ع فيصل جاوب مداكدر احجي،باوعت شفق تبجي وتباوع علية..
رحتلهة لاتخافين ياعمري...حضنتني اني خايفة عليك اهدأ
فيصل:ليث جدي يكول رجعوا للبيت عرفت منو ورة الحادث وامك موجودة هناك...
رجعنة للبيت لكيت امي كاعدة وتبجي ركضت علية تبوس بية سامحني عمت عيني من الكره والحقد وراحت ع شفق هم تعذرت منهة بس اني عطت بيهة وطردتهة وصعدت لغرفتي لحكتني شفق...
شفق:انت شلون تتصرف هيج شلون تطردهة والكل كاعدين...
ليث:لج انتي شنو لج هاي كتلت ابنج وجانت غايتهة تكتلج،لج هاي مو ام هاي....استغفر الله ربي العظيم واتوب اليك..
شفق:اهدأ حبيبي انت اهدأ الله غفور رحيم واحنة البشر منغفر ونسامح....
مرت الايام والاشهر وهاي صار سنة ع الحادث وكمت اخاف ع شفق اكثر من الاول حتى هي كامت تضوج من الحبسة والخنكة بس مو بيدي اخاف عليهة شسوي وامي بعد موصلتلهة ابد ولا حجيت وياها...
وسمر و وليد تزوجوا وسهى مخطوبة لفيصل...
شفق:ليث خل نروح وية بيت فيصل و وليد طالعين سفرة ع الشط خل نروح وياهم حباب.....
ليث:اني عندي شغل ما اكدر...
شفق:خل اروح اني وياهم??
ليث:لا مطلعين وحدج...
شفق:ليث شبيك شنو وحدي داكلك وياهم...
ليث:لا خليهة ع غير يوم،شفتهة ضاجت واختنكت كسرت خاطري،صحتهة جتي مطنكرة....
يلة حضري امورج راح اخابرهم اشوف شوكت يطلعون...
شفق:الله...رحت شبكته وبستهة تسلم ياروحي...
طلعنة كلنة سوة كلمن بسيارته وجانت سمر حامل وشكلهة حلو بطنهة صغيرونة...
دعيت ربي يرزقني وميحرمني منهة...
ليث:شفتهة تباوع ع الجهال ودمعت عينهة ظليت اشاقيهة واضحكهة حتى تنسى...
شفق:ليث....
ليث:عيونه...
شفق:شوكت يصير عدنة طفل يملي حياتنة???
ليث:الله كريم ياعمري انتي ليش شايلة هم كلهة بيد ربج...
شفق:الله كريم...
رجعنة للبيت لكيتهم مخبوصين وجدتي تلطم،ركضت شكو شصاير???
مصعب:خالك مسوي حادث وامك واختك سارة وياه..
ليث:اي وبعد????
ابوية كام يبجي:اختك سارة راحت بالحادث وامك حالتهة خطرة بالمستشفى...
ليث:سارة...ماتت..ياخوية كمت ابجي والكل وشفق ظلت وياية...
استلمنة جثتهة،جان سبب وفاتهة، مضروبةبراسهة سببتلهة نزيف بالدماغ وماتت بساعته،دفناها وسوينة فاتحة وخطية شفق النهار كله وية سمر لان حامل وخطية كل شوية توكع وباليل تلتهي وياية كلش تعبت ماعدا الشغل والناس الي تعزي....
شفق:خلصت الفاتحة وهاي صار اسبوع وليث مراح ع امه قررت احجي وياه...
حبيبي....
ليث:كولي ياعمري...
شفق:صار اسبوع ماشفت امك طلعت من المستشفى وسهى كالت مشلولة ومحد بحالهة لاتنسى حبيبي هاي امك صح غلطت بس مو معناها تشمرهة حرام وراك حساب الله عاقبهة بسارة وان شاءالله يغفرلهة...
عافني ونام مدارلي بال وظليت يومية احجي وياه ومرات يتعارك وياية لو يعوفني ويطلع جان يحملهة سبب وفاة سارة يكول لوما كتلت ضناج مجان الله حرمهة من بتهة،بس اني متركته لحد ما اقتنع والحمدلله ورة شهرين يلة اقتنع ورحنة لبيت جده اهل امه ودخلنة عليهة بس شافتنة غطت وجهة وتبجي كلش انقرت عليهة جان وضعهة تعبان ومبهذلة ومبين مغاسلة صارلهة فترة وكاعدة ع كرسي....
ظلت تبوس بية وتعتذر مني واني كتله خلص ماضي وانسى وحرجت ليث كتله احنة جينة ناخذج،رأسا ليث باوعلي وعرفت بيه ضاج....
وهي مقبلت كالت بيا وجه اشوفهم واني هجمت حياتهم..
بس اني قنعتهة،ورحت لغرفتهة الم غراضهة لحكني ليث...
ليث:شنو معناة الي سويتيه شنو ماعندج رجال تاخذين شوره لو كله من راسج...
ظل يحجي ومعصب ويصك بسنونه عفته يحجي ويفرغ اعصابه انداريت علية...
حبيبي انت وروحي وعمري كله لاتنسى باجر عكبة وراك حساب شنكول لرب العالمين بسبب حقدنة وكرهنة تركناها وبعدين هي مو مثل اول مكسورة وشفت وضعيتهة شلون تعبانة ومحد مهتم بيهةواذا ع جدي وعمي اخابرهم وافهمهم...
خابرت جدي وفهمته بالبداية ضاج لان مااخذت رأيه بس فهمته وضعهة والحمدلله تقبل الموضوع وعمي هم كذالك رحنة للبيت وحضرتلهة غرفة جوة صفطت غراضهة وغسلتلهة وجوي البنات شافوهة وتعجبوا شلون سويت كل هذا وخابرت خالتي وكيفت بالي سويته وشجعتني....
ومرت الايام بالبداية جان محد اله دخل بسهام بس ورة فترة تعودوا عليهة وصاروا عادي وياها بس مو مثل قبل عمي ظل هو بغرفة وهي بغرفة ماله دخل بيهة ...
ورة فترة شكيت بروحي حامل وحللت والحمدلله طلعت حامل والكل فرح وهالمرة حتى سهام كيفت وكل هذا وهم متركتهة ظليت اعتني بيهة من غسل واهتمام وترتيب كله بيدي والحمدلله جبت ولد وسميته فهد وطار بيه ليث وزاد حبنة منكص وجان دائما يكلي انتي نعمة من رب العالمين والكل جان يتعجب علية شلون اتعامل وية سهام وكلما يطبون ويطلعون يشوفوهة نظيفة واهله جانوا يكولون فرق من جانت يم اخوهة محد بحالهة...
وصار عندي وية فهد اسد وفلة لاتستغربون من الاسماء ليث يحب اسماء الولد تكون بيهة رجولة وفلة اني سميتهة لان ناعمة وتخبل وطلعت نزاكة كلش...
ولهنا انتهت قصتنة اتمنى تكون نالت اعجابكم...
الانسان مهما انظلم لازم مييأس من رحمة رب العالمين لازم يجي يوم والله سبحانه يكف هذا الظلم ع البني ادم...
ومهما كان الانسان طاغية بالارض ويظلم ويجور يجي يوم ويعرف ان الدنيا كما تدين تدان،وان الله يمهل ولايهمل...
وشفق وسهام كانوا مثال حي للظالم والمظلوم..
وشكرا جزيلا لكل من تابع القصة....

---