#ظلموني_ولكن....
الجزء الثاني عشر........
شفق:جنت توني راجعة من الدوام ردت اصعد لغرفتي سمعت طبة قوية بغرفة ليث ركضت علية ادك بالباب ماكو رد فتحت الباب لكيته متمدد بالكاع واللابتوب مشمور والطبلة مشمورة ع صفحة وهو صايرنار جسمه يرجف من العصبية وصوت نفسه للباب عفت الباب مفتوح ودخلت...
ليث...ليث...ميجاوب
ليث:شفق الله يخليج طلعي برة،
شفق:شبيك فهمني ليش كاعد بالكاع???كوم......قاطعني ودفعني ع كيف..
ليث:روحي شفق مابيه شي ولا محتاج شي بس روحي.
شفق:عفته مدرتله بال ظل يحجي واني وخرت الطبلة وشلت اللابتوب من يم رجله،وتقدمت داساعده،بس عاط عيطة بيه جفلني وشمرني بعيد عنه انشمرت بالكاع ظليت كاعدة وصافنة علية.
ليث:كتلج عوفيني شبيج حبيبي خما اتأذيتي???ظل يزحف يريد يوصلني اني راسا كمت ورحت كعدت يمة،انت ليش هيج تسوي???ليش تبعد الكل عنك??انت ياما ساعدتنة كلنة شكو بيه اذا عاوناك بشي???لزمت ايده وهاي اول مرة اتجرأ اسوي هيج بس حسيته محتاج هذا الشي،انت تعرف اني يمك مو???وتدري مستعدة تسوي كلشي لخاطرك،الله يخليك اترجاك لاتبعدني عنك الله يخليك،كمت ابجي...
انت مدتحس شديصير بيه من تخليني بعيدة اموت الف مرة باليوم من اشوفك هيج،انت مو ليث الي اعرفه وين ليث القوي الي مينهز ليش ضعفت هيج،مسحت وجهي،ادري تلي مريت بيه وتمر بيه صعب بس شلون توكف الدنيا يعني لو تدفن نفسك بهاي الغرفة،واجه الي دتمر بيه ولا تخاف مكافيك وجودي وياك?????
ليث:ظليت صافن بيه وهي تحجي تندار اندار وياها امتصت شكو غضب بداخلي وحسيت بقيمتي وقوتي وياها صرت مثل الطفل بيدهة مثل الطفل من يعصب وتجره امه وتنطي جرعة حنان وامان وتخلي ينسى كلشي،هيج اني حالي وياها لزمت وجهي بثنين ايدي وخليت كصتي ع كصته...
انتي الهوى الي ينعش ريتي بدونج اني انتهي انتي ضعفي و وقوتي انتي روحي من الدنيا رفعت راسي وباوعت عليهة مدنكة راسهة رفعت حنجهة،انت اعز من روحي،انتي كلبتي حالي كله،هسة بالاخير تسأليني مكافيني وجودج،تدرين اني عمري مرفت روحي لو رف كلبي ع بنية بس انتي????
شفق:ماشي لعد اوعدني تتغير وتماشي الوضع شلون ميكون،ومتبعدني عنك،حتى لوحسيت نفسك عصبي صيح احجي سوي الي يريحك بس لا تخليني بعيدة،ماشي???
ليث:تدللين يا روح الروح انتي.
شفق:وهسة كوم خليني اساعدك...
ليث:لج بابا هسة اجعصج هو انتي سنفورة،قزمة...وضحكت
شفق:باوعتله صفح،وضحكت...خليته ينسند علية تحملت بالكوة وهو خطية خايف ليأذيني،دست ع نفسي ورفعته وكعد ع طارف السرير جر نفس حيل وذب روحة ليورة ع الجرباية...ردت اوخر منه بس فلتت ايدي و وكعت فوكاه،هو راسا صاح...ااااخ...
اني من فشلتي اريد اكوم ما اكدر،رفعت نفسي شوية اسفة والله ما ادري ايدي فلتت...
ليث:اباوع عليهة فوكاية والحجاب واكع وشعرهة نزل ع صدري حضنت وجهة بثنين ايدي ونسيت نفسي وياها جريتهة حسيته هي هم ذبلت بس بلحظة جفلت شفتهة واكفة رجعت ايدي ع وجهي وفركته حيل..
اني اسف بس صدكيني افقد كلشي كدامج،شلت ايدي شوية من عيني ومديتلهة ايدي..
شفق:شفته مد ايده فتحت عيوني ع وسعهة...شنو قصده ???
ليث:شبيج فتحتي عينج جريني اريد اكعد...
شفق:هااااا..اي...اي...ماشي..جريته وكعد تجة عكوسه برجله ويفرك وجهه...
ليث:حسيت نفسي رايدهة كلش بعد ما اتحمل..شفق،ياروحي..
شفق:نعم????
ليث:روحي ارتاحي خلص بعد ما احتاج شي،روحي تغدي وارتاحي...ماشي???واني اسف مرة ثانية.
شفق:تقدمت علية لاتتأسف يا عيون شفق و روحهة...
ليث:من رحت فدوة لهالعيون لج انتي شدسوين بيه،كافي طلعي ترى راح ابلش بيج،يلة حبيبي روحي تغدي وشربي عصير لاتنسين ماشي???
شفق:ماشي عفتة وطلعت...
خلص النهار كالعادة بين الدراسة والبيت مرت عمي سهام كالعادة لازم تنغص علية شسويلهة تعودت ع سوالفهة...
خلصنة العشة ومكملين شغلنة جنة كلنة ملتمين بس ليث ماكو اجوي الولد اخذوه يغيرون جو،جنةكاعدين اني وسمر دنسولف ومرت عمي كالت عمي شنو رأيكم برشا???
جدي:شبيه بنية والنعم منهة ومن الي رباها...
بيبي:اي والله خوش بنية مشفنة عليهة زايدة ناكصة باين جاييهة ناس...
شفق:عرفت سهام شقصدهة بهالحجي،تقريبا ايست كلت هاي هي بعد انسي شي اسمه ليث هاي قافلة عاية فدنوب.
سهام:اي والله حجية اني رايدتهة...
الكل صفن ع سهام جدي باوع ع عمي كله شنو السالفة مصعب شدتخربط مرتك???
عمي خطية ظل ساكت مكدر يحجي شي..
سهام:ليش عمي اخربط?ليش اني شحجيت وين الكة احسن من رشا لليث وبعدين اني من زمان خالتهة بالي وكلكم تدرون وحتى ليث نفسه يدري بالموضوع...
جدي:سهام مو وكته هالحجي باجر نكعد ونحجي بيه بحضور ليث....
سهام :بس عمي اني مستحيل ترضى بالي ابالك مستحيل اخلي ابني ياخذهة....
احنة ظلينة صافنين سمر كالت:خرب بيهة شكد مكروهة رشا هي تجي دقيقتين تكرب روحي النوب تصير مرت اخوية...ان شتءالله متصير..
شفق:بس امج تكول ليث يدري واكيد هو هم رايدهة...
سمر:باع هاي العوبة لج هو غير يتخبل منهة وامي تجيب وتلزكهة بي كوة والله لو يسمعج هيج تحجين يقتلج...
جدي صاح بيهة:ليش من امتى ازوج اني بشور النسوان هاااا اني لا اجبر ولد ولا بنية،وتعرفين كلش زين ابنج مرايدهة ولا هاويهة بعد ليش هالملحة????
سهام:عمي بس.....
جدي:اني شحجيت وضرب عوجيته بالكاع حيل وصوته رج البيت رج كلنة خنسنة.
اشو مبين معاجبج شي سهامة????هاااااا
بيبي:كومن يابنات كومن يمة توزعن بغرفجن وراجن دوام..
الكل:حاضر..تصبحون ع خير....كمنة اني وسمر سوة طلعنة صار بوجهنة وليد وسمر جانت بس ذابة الشال ذب وفاتحة شعرهة وطلعت ادردم...
وليد:وصلنة لبيت جدي اني وليث وفيصل دنطب وصارن الينات بوجهنة طبعا صح نكعد سوة بس ماكو حجاية زايدة ع كد السلام وكلهن بالحجاب بس اني تعلقت بسمر حيل من اني وصغير امهة جابتهة واني عمري 8سنين وحيل حبيته وتعلقت بيه وجنت ما اخلي احد يوصلهة واكلهم هاي مالتي محد يوصلهة ومشت عاد علينة ان سمر الي لان حجزتهة وهي عمرهة يوم،بس من بدت تكبر ابتعدنة عن بعض لان بعاداتنا البنية بس تبدي تكبر يمنعوهة من الطلعة واختلاطهة بأقربائهة محدود بس ظليت اراقبهة من بعيد لبعيد مو بيدي اخاف عليهة احسهة بنتي،،،نرجع نكمل..
وليد: صارت سمر بوجهي وياها شفق سلمت عليهم واخذتهة فرصة مدام اخوهة ممنتبه:شلونج سنفورة??شلونه الدوام خما احد مضايقج شي????
سمربخجل:لا الحمدلله ماكو شي تسلم..
وليد:يلة يابعد....وسكت حك راسه يلة تصبحون ع خير..
شفق:مشينة وتباوع ع هاي تمشي وتبتسم،هاي شبيهة مدتشوف الدرج داجرهة وملحكت طبت بالدرج،اشو هاي كامت تضحك ركضت عليهة صميت حلكهة و وجع شبيج جنج وحدة شاربة ظلت تضحك وتكول اي والله شاربة..
شفق:اي دانلصمي عاد راح ننكتل بهالليل اخاف جدي محتاج يبرد اعصابه،اني احجي وهاي الثولة تضحك،
وليد:جنت منتجي ع الباب من الداخل وراده وسمعت سنفورتي تضحك وع ضحكته كمت اضحك واحجي بكلبي لخاطر الله شكد فطيرة،بس صوتهة يعاى شوية وينصى عبالك يكطع،ترخصت منهم بسرعة وطلعت لان شفتهم الوجوه مكلوبة وخطية هاي الفطيرة ليسمعوهة ويطلعون حركتهم بيهة
ليث:وين مولي بعد وكت ???
وليد:لاحبيبي بالعافية الامسية الجميلة دتشوف جدي وعمي عيالك جواهم بريمز ديفورون خل افلت احسن وانت باجر سولفلي..
طلعت ورحت لمكان الصوت لكيته هي وشفق يضحكون وكاعدين ع الدرج
وليد:الظاهر اكو ناس حاكهة جلدهة بهاليل??
شفق:يمعود هاي مدري شبيهة جتهة نوبة الضحك ومدتروح انداريت ع سمر صايرة طماطة ودكطع بضحكتهة والافندي بغير عالم....
شفق:احم...احم...سمورة راح اصعد...
وليد:انتظريهة تصعد وياج وراكم دوام ناموا....احجي واباوع ع سمر كبرانة وصايرة مرة لازم احاجي جدي ويقنع اهلي....
---
