#ظلموني_ولكن....
الجزء الثالث عشر.......
ليث:خير جدي شصاير ليش هيج متعصب????
جدي:ليث احجيلي الصدك بوية انت صدك رايد رشا بنت خالتك???انت تعرف بيه بالزواج ما اجبر احد،فكلي اذا رايد رشا حتى الغي فكرة زواجك من شفق...
ليث:منيلك هالحجي جدي اني رشا حاسبهة بحسبة البنات خواتي لا اكثر ممفكر بيهة كزواج..
سهام:ليش شبيهة رشا شناقصهة وزمان كلكم تدرون اني حاجية وية اختي بخصوص رشا لليث، لو هي من جتي ذيج خربت كلشي???
جدي:بس عاد الظاهر انتي مالج حشيمة لاحد،مصعب سكت حرمتك ترى مصختهة هواية...
مصعب:يابة هي بت اخوك وبكيفك عاد شتسوي سوي،لان بزعت وياها ومديفيد كلشي...
جدي:هاي هي مدام الولد مراغب للبنية خلص،ان شاءالله الله يبعثلهة قسمة زينة...وهذا الموضوع ينسد ما اريد اسمع بيه ابد،وهااااا اني بالي الك بنية تستاهلك وتستاهلهة،بس اصبرلهة خل تكبر شوية...وضخكت
ليث:منيه جدي????خفت النوب لاتطلعلي وحدة صفح،ولو تنكلب الدنيا ما اخذ غير شفق..
جدي:لاتخاف يابعد جدك،يمك قريبة وكبال عينك...
ليث:جدي هي مو حزورة كلي يجوز ما ارغبلهة...
جدي:ضحكت يعني تريد تكلي مترغب لشفق،ماشي لعد هاي هي انت شوف وقرر بس هااا مو غريبة...خليهة ابالك..
ليث:شنوووو...???ضحكت وفركت وجهي،لا هاي هي توكل،ما الكي مثلهة...
جدي:ولك دوني حسبالك محاس بيك لك انت مو بس حفيدي انت حسبة ولدي تعرف معزتك غير بس هااا مو تددلل وتشمر ع الوادم....
ليث:ترباتك جدي كام خطية باس راسي....
جدي:الله يسعدك بوية ويفرح كلبك...داطلع طبت سهام،اياج تفتحين الموضوع وياج صح انتي بنت اخوية وعزيزة بس تعرفيني من اخلي واحد ابالي وكلمتي متصير ثنين،ماشي ما احب اعيد بعد????
سهام:ظليت ساكته مرديت،عافني وطلع،وتحلفت لليث،لو ع كص ركبتي ما اخليهة تتهمى وتاخذ ابني....
ليث:داطلع صارت كبالي امي..
سهام:ها يمة هيج نطاك كلبك تكسر بيه كدام الكل،احنة شنعرف عنهة وهيج مجلب بيهة????
ليث:اولا يمة البنية بنت عمي وعرضي،ثانيا صارلهة 6اشهر يمنة مشفنة منهة شي،اشو محترمة نفسهة ومحترمة الكل وحاشمة نفسهة بعد ليش هيج كارهتهة????
سهام:يعني هذا اخر قرار الك???
ليث:اي يمة...
سهام:ولو تبقى اخر وحدة ما اخليك تاخذهة...
ليث:واني اكلج لو يبقى اخر يوم بعمري هم اخذهة ومستحيل اخذ غيرهة،عفتهة ورحت للغرفة....
---
