#ظلموني_ولكن....
الجزء العشرين.....
كعدت ثاني تريكت ع السريع وكملت وحضرتلي خالتي غراض الي احتاجهن بالصالون وسلمت عليهم وطلعنة،وصلنة للصالون نفسه شافتني ام الصالون:ها ياعروستنة شلونج..
شفق:ضحكت الحمدلله،وكعدت وبلشت بيه طلبت منهة المكياج هادئ والتسريحة هم بسيطة ونازلة البدلة مالتي جانت منفوشة كلش واردان كاملة كيبور شفاف ابو النقشة والتسريحة ناصية وية البركع وتاج كرستال كلش نازك والبركع خلتهة من جوة شعري ينزل وكلش طويل هم نقشة مو سادة ظليت صافنة ع روحي:عاشت ايدج شغلج رووعة..
ام الصالون:تسلمين حبيبتي بس مو شغلي والله انتي ماشاء الله عليج تخبلين انداريت ع خالتي لكيتهة تبجي ام الصالون كالت يلة صلوا ع النبي كل بنية تمر بهيج يوم لاتبجين حبيبتي خلي وجهج يضحك وان شاءالله ايامج حلوة مثل وجهج...
خابرت خالتي وليد واجانة ومن طلعنة لبست الكبوس مال البدلة وطلعت سلم علية وليد وباركلي وصلنة للبيت لكيت الكل ينتظروني يم الباب نزلت بوسوني كلهم ولكيت جوة كومة ناس وخالتي الجبيرة مسوية ديكور بالصالة يخبل وهي ماشاءالله الصالة جبيرة وخالين بيهة كوشة مال عرايس طالعة تخبل والديكور فدشي كله ورد ابيض وشرايط،اجتي خالتي وكالت هذا ليث كله وصى علية كال اريد اليوم كلي تحبه تسووه اله اريد احلى يوم بحياتهة....
ضحكت وفرحت كلش وحمدت رب العالمين ان رزقني بهيج انسان وجان رايد نروح بفندق بس خالتي تخاف كلتله بيتكم احسن واصلا انتو جناح معزول بعد عليش هالصرف سألني وكتله صح هنا أأمن واحسن....
شغلوا الديجي والكل فرحانة وتركص سمعت مرت عمي عصام تسأل سمر:ولج سمر لعد امج وين عيب العالم كلهة تسأل???
سمر:والله عمة ما ادري هسة اشوفهة...
انتبهت صدك هاي سهام ماكو اشرت لخالتي الجبيرة وسألتهة خل تولي لتسألين عليهة جفصت كلش الا ان جتي بيبيتج وطيحت حظهة...
كلت بكلبي ياستار كون تخلص الليلة ع خير...
قدموا العشة واني تعبت كلش وجعت ونعست ورة شوية صاحوا لبسوا حجابكم اجوي الزلم يزفون العرسان اني كبل صارت عندي مغصة وعيوني دمعت وجلبت بأيد خالتي:بعد وكت خالة...
خالتي:والله ضحكتيني اول وتالي تنزفون قابل تكضوهة هيج وغمزتلي..
النوب وترتني زايد خلوا البركع ع راسي طبوا واني ما اشوف شي نازل البركع ع وجهي بس اسمع اصواتهم ميزت جدي وعمي باركوا الي واله وهو تقرب يمي ولزم ايدي..
ليث:لا تخافين ولا ترجفين ياروحي الي تريده يجرالج...
صعدنة للجناح مالتنة طبت خالتي وبيبي ام ابوية حجت خالتي وياية حتى لا اخاف ومن هالسوالف الخاصة بهيج ليلة بس اني وين بهذا كله هو اني مكاعدة وياه بمكان وحدنة او قريبين من بعض النوب هيج فجأة فراش واحد وامور اكبر
شفق:خالة شلون الله عليج والله يمكن اتخربط اذا لزمني مو عاد حجيج...
خالتي:لا حبيبتي بس اول ليلة صدكي وبعدين عادي وانتو ماشاءالله تحبون بعض وخصوصا هو لاتخافين ميأذيج،سمعنة صوته قريب:يلة امي وابوية انتي مثل مكتلج ولاتفشليني ماشي عافتني وطلعت جتي بيبي باست راسي وبجت...
الف مبروك يابنت الغالي بيضي وجه امج وابوج ونزلت البركع كالتلي حتى يتفاجأ بحسنج....
ضحكت وطلعت وسمعته هي وخالتي يوصوا علية:يمة ليث ترى هي صغيرة واحتمال تلاكي صعوبة بالتجاوب وياها بس ع كيفك وياها اني أمن بيك طمنهة عود ما اوصيك...
ليث:لاتوصين حريص خالتي بنص عيوني ان شاءالله...
دخلت للجناح،بالوجه الصالة وكبالهة غرفتين وحدة مال نوم والثانية حاطين بيهة الفراش والهدايا وهاي السوالف وهي بالمستقبل مال اطفال وبعد مسافة الحمام...
دخلت لغرفة النوم لكيتهة كاعدة ورافعة البركع ومن سمعتني رأسا نزلتهة ضحكت عليهة وطبيت...
احممممم...السلام عليكم...
شفق:وعليكم السلام...
ليث:تقربت عليهة وكعدت يمهة،رفعت البركع عن وجهة صفنت بوجهة....
اللهم صلي ع محمد سبحان الي خلقج،لج هاي شطالعة هو انتي بدون كلشي تخبلين والنوب هيج لزمت ايدهة حيل اوووووووووف راح تموتيني...
شفق:بخجل اسم عليك...
ليث:لزمت ايدهة،الحمدلله الي جمعني بيج متصدكين الفرحة الي اني بيهة هسة،كرصت خدهة،مبين عليهة خايفة كلش وع خجل وارتباك....
شوفي حبيبي ادري بيج خايفة ع خجلانة ومرتبكة وحقج بهذا كله لان اول مرة نكعد بمكان وحدنة وكلشي مباح بينة،اريدج تنسين كل هاي الامور وتخلين شي واحد ابالج ان اني احبج واخذتج مو علمود اشبع غريزة وبس لا لان احبج قبل كلشي فلا تتوقعين أذيج او شي لا اطمني وريحي نفسج بس انسي نفسج وكلشي وياية وان شاءالله كلشي يتم ع خير بأذن الله....
شفق:من حجة وياية ليث هدئني شوية اسلوبه حلو وسلس بالتعامل ظلينة شوية نسولف ونضحك فكيت شوية وياه جر ايدي وشغل اغنية(سمعني نبضك)وركصنة عليهة وشالني وفرني وحضني وظلينة هيج الا ان اندكت الباب ليث فتحهة طلعت خطية خالتي جايبة صينية مرتبة مال عشة لان تدري بية ممتعشية..
ليث:لج ليش مكلتي ممتعشية تعالي اكلي..
شفق:خل بس اسبح لان ما اخذ راحتي هيج...
ليث:ماشي بس اريد شغلة....
شفق:كول....
ليث:من تخلصين سبح ما اريد تخلين لا عطر ولا مكياج حتى كحلة ماكو ماشي...
شفق:ابتسمتله ماشي تأمر،اكو شي ثاني لو اروح??
ليث:لا ياروحي بعدين الباقي وغمزتلهة.....
شفق:طبيت للحمام نزعت البدلة وعلكتهة وسبحت وكملت لبست البرنص وطلعت لكيت ليث كاعد يكلب بالتلفزيون ومبين سابح....
ليث:لج هاي شنووووو...الشعر مبلل والبرنص كصير ليش تتحارشين لج.....
شفق:ضحكت اني شعلية يعني ابطل ما اسبح...
ليث:شمرت الكوشة عليهة لا وفوكاها تتنعوص...
شفق:اووووووي دروح،مشفته الا كمز علية وحضني من خصري،اني ظليت امتمت وفلتت نفسي منه وطبيت للغرفة لكيت سيت مال نوم ابيض والروب ماله هم ابيض بس قماشة كيبور شفاف نقشة مو سادة لبست ظليت صافنة شلون اطلع بيه قصير ودلع،ظليت كاعدة بالغرفة...
ليث:تأخرت عرفت بيهة مراح تطلع لان شفت ملابسهة مال نوم كمت اني عليهة طبيت للغرفة لكيتهة كاعدة وصافنة ومن شافتني وكفت النوب تخبلت كتلهة لو ظالة بمكانج احسن طبيت وسديت الباب،جنت ناوي اخليهة تتعشى وترتاح يلة،
بس من شفتهة متحملت بالبداية تتهزم مني وتخاف بعدين استسلمت وتم كلشي وصارت احلى ليلة،دخلت تسبح طبيت وراها ظلت تدفع تريد طلعني وهم مكدرتلي جنت اريدهة تنسى الخجل وكلشي من هالليلة...
شفق:ليث جوعانة...
ليث:يخسه الجوع كومي هسة لان اني هم جعت....
تعشينة ونمنة محسينة الا الباب تندك كمت بالكوة الغرفة متسوي واهس للكعدة باردة وظلمة وحضن حلوووو...
دقيقة.....فتحت الباب جانت بيبيتي وخالة شفق الجبيرة والصغيرة..
بالكوة افتح عيني مطفي...ياهلا صباح الخير..
بيبي:تضحك لك يا صباح كول ظهر عصر...حقك عريس ونايم بالعسل...
ليث:اي والله حجية عسل واحلى بعد...
خالة شفق:الله يديمهة عليكم يمة ان شاءالله كلشي تمام ابني...
ليث:الحمدلله كلشي تم بخير وبركة رفعي راسج بيهة ونعم ما ربيتي...
خالة شفق:يمة فدوة لكلبهة الف مبرووووك حبيبي...
ليث:دفوتي اشو بالباب...
دخلوا كعدوا بالصالة وترخصت منهم دخلت كعدت شفق:حبيبي،كلبي،ولج دكعدي عاد مو راح اشتل العالم برة ترى...
شفق:فتحت تك عين ليش منو برة???
ليث:دكومي كومي خالاتج وبيبي...
شفق:كمت من فراشي ورجعت،انطيني شي البسهة...
ليث:متكومين اني شعليهة ترى كلشي شفتي عليش بعد...
شفق:لبست دشداشة ستن وردي فاتح....وشعري مفتوح
ليث:خل نشتلهم شوية...
شفق:عيب وخر وانهزمت وطلعت بوسوني وكعدن خالاتي يسئلني شصار وخما متأذية ومن هالسوالف الاسئلة الروتينية...
خلونة الريوك وطلعوا جرني ليث...
ليث:اشتعلت عشيرتج انتي شتلبسين تطلعين حلوة..
شفق:امممم الحلو حلو...اكلك صدك ساعة بيش هسة??
ليث:والله ما ادري..جريت التليفون شفتهة ب12:30،حيييل ولا حسيت ع روحي طبعا شلون احس وهيج عسل نايم بحضني وجرني للغرفة ووووووو...كافي روحي عر
