الجميلة والوحش Beauty and the Beast

الفصل الثامن

الفصل الثامن
جري عليها ولحقها قبل ماتقع في الارض وشالها نيمها علي السرير وجواه نزاع بين الخير والشر نزاع بين قلبه اللي بيقوله انه حبها بجد وعقله اللي بيخليه قاسي كدا معاها وعلي لسانه بيردد كلمه واحده بس فوقي ياجميله فوقي الله يخليكي وبدأ يفوق فيها ويرش علي وشها برفان ومايه وقلبه اطمن لما بدأت تفتح عنيها. وساعتها بدأ يداري الخوف اللي علي وشه وقالها ببرود : شكلك كدا قلبك ضعيف ومش هتتحملي لا بقولك ايه انشفي كدا ده لسه في كتير جاي، انتي لسه شوفتي حاجة، ده كلام بس، لسه الفعل جاي ياحبيبتي
وسابها وقعد علي الكرسي يلعب في الموبايل بتاعه.اما جميله فكانت في حاله من الصدمه والرفض بتحاول تقنع نفسها انها بتحلم وهتفوق من الحلم قريب.ونامت علشان تهرب من الواقع المؤلم اللي بتعيشه.
وصحيت تاني يوم كان هو نايم جنبها علي السرير واول ماشافته جنبها اتنفضت من السرير وبعدت عنه وكانت بتدور علي الموبايل ولقته حاولت تفتحه بس هو كان مغير الباسورد بتاعه حاولت كذا مره واخر ما زهقت قررت تصحيه من النوم بكل عنف:انت يابني آدم اصحي،ليك نفس تنام بعد كل اللي بتعمله فيا ده ،ازاي ترتاح ويتغمض عينك وانت ظالم ومفتري كدا اصحي
فتح نص عين وقالها : بذمتك في واحده تصحي جوزها حبيبها بالاسلوب ده
ردت عليه بعصبيه : لا انت مش حبيبي انت واحد غشاش وكداب خدعتني فيك وكدبت عليا.كفايه تمثيل لحد كدا
يوسف بصوت نعسان: طيب سيبيني انام ونتكلم بعدين
جميله بعصبيه: ممكن اعرف مغير الباسورد بتاعه الفون بتاعي ليه،مش من حقك تعمل كدا
يوسف : طيب بصي وانتي معايا ملكيش حق ف حاجة تمام؟ والموبايل بتاعك مش هتستخدميه غير باذن مني انا تمام ياقطه؟
جميله بعصبيه وصوت عالي: لا بقولك ايه انت زودتها  اوي ، انت باين عليك اتجننت فعلا،انت فاكر نفسك اشتريني ولا اي، الغي الباسورد ده مش من حقك تستولي علي الفون بتاعي، خد الغيه بقولك انا عايزه اكلم ماما وبابا
قام من علي السرير وبصلها ببرود وبدأ يقرب ناحيتها ببطء وهي بدأت تخاف منه وترجع بضهرها لورا لحد ما خبطت ف الحيطه فهو قرب منها وحط ايديه الاتنين علي الحيطه وراها وقرب من ودنها وهي حست بقشعريره في جسمها كله وقالها  بهمس : مش انا قولتلك امبارح ان صوتك ميعلاش عليا،انا مبحبش الصوت العالي
وبدأ يعلي نبره صوته ويتكلم بعصبيه : مبحبش الصووت العاالي ،
وخبط علي الحيطه خبطه جامده خلتها اترعبت وجسمها بدأ يترعش من الخوف بصلها شويه وبعدين سابها ورجع كمل نومه،ولما صحي فتحلها الفون ورماهولها علي الكرسي وقالها معاكي ربع ساعه تكلمي فيها اهلك وهتكلميهم قدامي وحسك عينك تغلطي وتقولي حاجة كدا ولا كدا
اخدت الفون بلهفه واتصلت علي رقم باباها
جميله: الو ايوه ي يابا اخبارك ايه
انا كويسه يابابا ااه هو كمان كويس
هي دي ماما اللي جنبك،طيب اديها الفون اكلمها وحشتني هي كمان،ايوه ياماما وحشاني اوي ي ماما انا محتاجالك اوي محتاجة احضنك اوي ياماما
وبدأت تعيط وصوتها يتغير
لا ..لا ياماما مفيش حاجة انا .. انا كويسه بس انتوا وحشتوني بس.....ها...حاضر هسلملك عيله ....لا ... لا كله تمام مفيش حاجة،اه اكيد مبسوطه ي ماما، اه ، سلميلي علي مريم وسليم... حاضر ياماما...محمد رسول الله... سلام ياحبيبتي سلام
خلصت المكالمه وانهارت من العياط وهو اخد منها الموبايل وقفله، وسابها ونزل
هي قعدت تفكر هتعمل اي ولا هتتصرف ازاي، وقررت انها تهرب
تسيبه وتهرب وتحجز علي اول طياره نازله مصر وترجع لاهلها وفعلا لبست ونزلت جري من الفندق قبل مايرجع، ركبت تاكسي وراحت المطار  حجزت تذكره ف اول طياره رايحه مصر وكان ميعادها بالليل، وهي راجعه دخلت صيداليه اشترت منوم ورجعت علي الفندق بسرعه ولما رجعت كانت خايفه يكون رجع قبلها وعرف انها مش موجوده ،بس لما رجعت كان هو لسه برا،ارتاحت علي اول كرسي قابلها وخدت نفسها، وبدأت تخطط هتعمل معاه ايه لما يرجع وخدت القرار واستنته لما رجع، قالته: كنت فين ورميني هنا كل ده ليه
رد عليها: اه وضيفي كمان لقائمه الحاجات اللي ممنوعه منها انك تسأليني بروح فين وباجي منين، تمام
جميله بعصبيه: ماشي يايوسف
عدي الوقت عليها بصعوبه لانها بتحاول تداري توترها وخوفها وقبل ميعاد الطياره بساعتين  قالتله:انا طلبت اكل لاني ماكلتش من الصبح وهموت من الجوع،براحتك تاكل معايا متاكلش زي ماتحب
وشويه الاكل وصل و حد خبط علي الباب، وهو كان ف الحمام قالتله دول اكيد جابوا الاكل هروح افتح،وراحت فتحت الباب واخدت الاكل وكانت طالبه الاكل اللي هي عارفه انه بيحبه وكمان عصير المانجا اللي مش بيقدر يقاومه، بسرعه حطت البرشام في العصير بتاعه وقلبته كويس وزياده تاكيد حطت كمان في الشوربه اللي هيشربها وحطت ف المايه كمان علشان تضمن انه ينام فعلا
وهو طلع من الحمام لقاها بتاكل ، قالتلها : عصير مانجا ده ولا بيتهيألي وقرب مسك الكوبايه وشربها كلها وقالها وكمان طلبالي العصير اللي بحبه ده كرم منك ده ولا اي
ردت عليه: لا مش كرم ولا حاجة كل الحكايه اني بحب المانجا  وطلبته ليا وطلبتلك معايا،
وكانت بتاكل وبتتظاهر انها مش مدياه انتباه وبعد شويا خلصت اكل وهو كمان خلص وشرب المايه وقعد يتفرج علي التليفزيون مفيش نص ساعه ولقته نايم مكانه
لمت هدومها بسرعه واخدت منه الفلوس اللي هتحتاجها وخرجت بتجري علشان تطلع من الفندق،كان ضربات قلبها سريعه جدا وخايفه ومرعوبه من انه يلحقها قبل ماتسافر، كل شويا تبص وراها وهي بتجري المسافه طولت اوي من اوضتها لباب الفندق وفجأه خبطت في حد ووقعت ف الارض،بترفع عينها لقت.......