الجميلة والوحش Beauty and the Beast

التاسع عشر

الفصل التاسع عشر
ولقي ورقه مكتوب فيها،" هات اللي يخصنا تاخد اللي يخصك" نزل زي المجنون وهو مش عارف يعمل ايه،اتصل ب سليم وراحوا عملوا بلاغ باختفاءهم،كان عارف ان العصابه هي اللي خطفتهم وكان متأكد انهم في خطر،مكنش عارف يتصرف ازاي، قرر انه هيحكي الموضوع لسليم وعمه محمد،ويشوف معاهم هيعمل ايه
سليم مسك في يوسف وزقه علي الحيطه وقاله: الله يخربيتك ، انت شيطان ياخي، انت رئيس عصابه،ربنا ينتقم منك،لو حصلهم حاجة يبقي ذنبهم في رقبتك، وديني يايوسف لو جرالهم حاجة انا هسلمك للبوليس بايديا دول
محمد حاول يهدي سليم ويبعدهم عن بعض
يوسف: اقسملك بالله وحيات جميله وعلياء انا توبت من زمان وقررت افضحهم،وانا معايا الورق اللي يوديهم في ستين داهيه، وعلشان كدا هما خطفوا جميله وعلياء،انتوا لازم تصدقوني ي جماعه
محمد بحزن:هات الورق ده هناخده نسلمه للبوليس،وهمايتصرفوا
يوسف: ياعمي دول ناس مش سهلين،ممكن لاقدر الله يقتلوهم،هما عايزين الورق،بس انا مش. ضامن لو خدوا الورق هيرجعوهم ولا هيعملو اي،الورق ده انا جمعته بصعوبه،ومستحيل لاقي حاجة تاني تدينهم،انا مش هسيبهم يفلتوا بعمايلهم لازم ياخدو جزاءهم
سليم: بقولك اي ، هما لازم ياخدوا الورق ده ويعملوا بيه اللي هما عايزينه اهم حاجه جميله وعلياء يرجعوا بالسلامه
يوسف: واحنا نعرف منين ان لو اخدو الورق هيرجعوهم يعني،انا مش عارف انا دماغي هتتشل من كتر التفكير
سليم وكأنه افتكر حاجة مهمة: انا ليا واحد صاحبي ،شغال مقدم  في الشرطه،اعتقد انه هيفيدنا كتير انا هتصل بيه ونحكيله وهو اكيد هيساعدنا، اتصل بيه وبعد رنتين رد عليه
سليم: ايوه يا وليد باشا اخبارك..،الحمد لله... لا مش خير ابدا... انا محتاج اشوفك ضروري في مصيبه ومفيش غيرك هيساعدنا فيها.. خلاص ماشي ساعه كويس اشوفك هناك..سلام عليكم
سليم موجه كلامه ليوسف: هنقابله انا وانت بعد ساعه في كافيه كنا بنقعد فيه،يلا مفيش وقت هات الورق اللي بتقول عليه ده وهو يشوفه ويقرر ونشوف هنعمل ايه،يلا يابني واقف مستني ايه
وحضرتك ي بابا لازم ترجع البيت وخليك مع ماما ومريم اكيد خايفين حاول تطمنهم،وادعيلنا بالله عليك
وبعد ساعه كانوا مع وليد الجارحي في الكافيه
وحكوله كل التفاصيل ماعدا الجزء اللي يخص ان يوسف كان شغال معاهم،قاله انه عرف الموضوع بالصدفه وجمع الورق بطريقته الخاصه
وليد مسك الورق وبدأ يقلب فيه وبعد كدا قالهم:الورق يودي صحابه ورا الشمس، احنا كنا عارفين من زمان بس مكناش قادرين نمسك دليل واحد علي اي حد فيهم،والورق ده دليل كافي لادانتهم، والشحنه اللي داخله دي لو مسكناها يبقي كده زي الفل هيلبسوا اعدام فيها
يوسف:بس يا وليد باشا لو عرفوا ان الورق وقع في اديكوا هيقتلوا مراتي واختي
وليد: متقلقوش ياجماعه احنا هنكون حاسبين كل حاجة كويس ، وانا في خلال الايام الجايه هتواصل معاكوا
يوسف بخوف: ايام ايه ياباشا انا مراتي هتولد في اي وقت لازم نلحقهم قبل ميعاد ولادتها اعملوا اي حاجة اتصرفوا رجعوهم
سليم بعصبيه:يوووسف انت تسكت خالص،انت السبب ،كل اللي هما فيه ده بسببك انت
وليد بيقاطعهم: طيب استأذن انا وهبلغك بالجديد
وسابهم ومشي وكل واحد فيهم دماغه مش مبطله تفكير،هما الاتنين كل واحد فيهم هيخسر اخته وحبيبته ف نفس الوقت،عدي يومين ومفيش اي اخبار من وليد بس يوسف وصله جواب تهديد انه لو سلم الورق للبوليس هيقتلوهم.
وهناك في مصنع مهجور علي الطريق الصحراوي،كانت علياء وجميله محبوسين  ومربوطين ،كانوا بيعيطوا من الخوف بس كل واحده فيهم كانت بتحاول تطمن التانيه، كان في ناس كتير بيحرسوهم بس كان في واحد بيقعد قصادهم دايما ويمسك تليفونه يلعب فيه طول الليل،جميله بدأت تحس بتعب الولاده
جميله بزعيق: ااه الحقيني ي علياء شكلي هولد
علياء بخوف: ياالهوي هتولدي هنا ازااي بس
جميله موجهة كلامها للراجل اللي بيحرسهم وبتصرخ فيه: انت يابني آدم بقول هولد معندكوش رحمه مش بتحسوا حرام عليكوا
الراجل: متولدي وانا اعملك اي يعني
جميله بتوسل: فك ايدي دي بالله عليك وسيبني ادخل الحمام لوسمحت،لو عندك ذره انسانيه
قام الراجل وحط الموبايل في جيبه وفك جميله، وبحركه خفه وتلقائيه جميله قدرت تسحب الموبايل من جيبه بدون مايحس وخبته ودخلت الحمام وهو مستنيها برا
وبسرعه فتحت الموبايل وكتبت رقم يوسف اللي حافظاه زي اسمها وبعتتله رساله"يوسف انا هولد دلوقتي الحقني،احنا في مصنع مهجور معرفش فين الحقني انا تعبانه اوي"
بعتت  الرساله ومسحتها بسرعه وخبت الموبايل تاني وطلعت الراجل شدها من ايدها ورجعها تاني مكانها بس وهي ماشيه بدون مايحس رمت الفون في الارض، وبدأ طلق الولاده يشد عليها اكتر، بدأت تصرخ وكلهم اتجمعوا حوليها،مش عارفين يتصرفوا ازاي، هنا علياء صرخت :
فكوني انا هولدها ، انا دكتوره، فكوني 
جروا بسرعه عليها وفكوها، قالتلهم علي اللي هتحتاجه وقالتلهم انهم لازم يجيبوه بسرعه
وهما بدأوا يتحركوا علشان يخرجوا يجيبو اللي علياء طلبته منهم ، وفي نفس الوقت كانت شحنه السلاح علي وشك دخول البلد
------------------
اول مايوسف قرا الرساله في لمح البصر كان اتصل بوليد وسليم بلغهم
وليد اخد الرقم وامرهم يعملوا تتبع للرقم وفي لحظات قدروا يوصلوا لمكان الفون اللي اتبعتت منه الرساله ،سليم ويوسف عرفوا المكان من وليد.
  اتحركت قوتين واحده لمداهمه المصنع والتانيه علشان توقف شحنه السلاح وتقبض عليهم
وليد سابهم ورجع علشان يروح مع القوات وقالهم في خلال ساعات هيرجعولهم ومشي
يوسف لسليم:انا مش هستني لما القوات تروح وهما يعملوا حاجة في علياء وجميله انا هاخد العربيه وهطلع علي المكان وهوصل قبل القوات واخرجهم من هناك، انا لازم اضمن انهم يرجعوا بخير
سليم: وانا هاجي معاك،يلا مفيش وقت
عملوا حساب للي ممكن يقابلوه وجهزوا نفسهم يوسف كان سايق باقصي سرعه ، وصلوا المكان قبل القوات، وفي الطريق اتفقوا علي الخطه، وقبل مايوصلوا عند الباب يوسف نزل واستخبي وسليم ساق العربيه وقرب لقي اتنين قاعدين بيحرسوا الباب،
سليم:سلام عليكم يارجاله
واحد فيهم قام وقرب عليه ونزل راسه يكلم سليم من شباك العربيه، وف لحظه رش في وشه ماده بتحرق العنين وشده خبط راسه في العربيه فالراجل اغمي عليه وفي نفس اللحظه كان يوسف بيضرب الراجل اللي قاعد علي راسه ،شدوا الاتنين وربطوهم علي جنب
ودخلوا بحذر وهما معاهم اسلحه
كان في مجموعه حوالي خمس رجاله قاعدين جوه، يوسف وسليم استخبوا ورا عمود كبير ويوسف عمل صوت فالرجاله خدت بالها، قام واحد منهم يشوف في ايه، واول ماقرب من العمود اللي مستخبين وراه  هجم عليه سليم وشده وكتم صوته ويوسف ضربه لحدماغمي عليه، الرجاله بدأت تشك في الموضوع قاموا  ومسكوا اسلحتهم وهنا ظهر سليم ويوسف وهما حاطين حاجة علي وشهم زي القناع علي بوقهم ومناخيرهم وقبل مايضربو بالنار كان سليم رمي عليهم قنبله غاز مسيل للدموع، الرجاله بدأوا يتخنوا من الغاز. وسليم ويوسف بدأوا يضربو فيهم، وف اللحظه دي يوسف سمع صوت  جميله بتصرخ بصوت عالي ،صرخات ورا بعض،سليم قاله روح شوفها وسيبلي انا دول، جري يوسف للاوضه اللي سامع منها صوت جميله، لمحها نايمه علي الارض وبتصرخ وعلياء مستخبيه بيها ورا ملايه متثبته حوليهم وبتولدها جري عليهم يوسف وقال: متخافوش خلاص خلاص انتوا في امان
جميله بتعب: انا بموت يايوسف. ، مش قادره خلاص
نزل علي ركبته ومسك ايد جميله وقالها :انا معاكي متخافيش، استحملي ياعمري ،انا عارف انك قدها،  ياحبيبتي علشان خاطر بنتنا 
وهنا دخل ظهر راجلين كانوا في الاوضه بيحرسوهم، بمجرد ماشافو يوسف هجموا عليه ملحقش يضرب بالمسدس بسرعه خبطوه وخدو المسدس منه ونزلو فيه ضرب ،ودخل سليم ينقذ يوسف منهم،سليم قدر يضرب واحد فيهم ويوقعه في الارض، وبعد كدا جري علي جميله وعلياء يطمن عليهم ويوسف جري علي  المسدس علشان يضرب الراجل التاني،قبل مايمسك المسدس كان حد ضربه بالرصاص ورصاصه اخترقت جسم يوسف وسكنت جواه، وقع علي الارض والكل حوليه بيصرخ ب اسمه
يوووسف !!!!