الجميلة والوحش Beauty and the Beast

الفصل الرابع عشر

الفصل الرابع عشر
انت بنى آدم سئ جدا اسوأ مما تتخيل، بس للاسف انا متنيله علي عيني وبحبك،ومش قادره اكرهك علي الرغم من الجحيم اللي انت معيشني فيه ده،بس انا بحبك،حاولت كتير ابطل احبك بس في كل مره كنت بفشل فيها  ، ايوا انا مريضه بحبك وعمري ماهخف من مرضي ده ابدا
كانت دموعها بتنزل غصب عنها وبعدين سابته وطلعت برا،وهو فضل فضل مكانه اتصدم من كلامها،مكنش متوقع ابدا انها تفضل تحبه بعد كل اللي عمله فيها،
--------------------------
اما سليم،كل محاولات التقرب من علياء باءت بالفشل،كان بيروحلها المستشفي ،فعلشان تهرب منه بطلت تروح المستشفي، سليم يسكت،لا طبعا،راحلها كليتها، وفضل يسأل عليها لحد ما وصلها ، بدأ يطاردها كل يوم في كليتها،وهي كانت بتصده دايما،لحد ماقرر يعرض عليها الجواز،راحلها الكليه، هو طبعا حفظ مواعيده محاضراتها وسكاشنها ورونداتها، استناها بعد ماخلصت، اول ماشافته،عملت نفسها مش واخده بالها بس هو نادي عليها
سليم:دكتوره علياء لو سمحتي استني ثواني
علياء:يووووه،انت تاني انت عايزه مني ايه ،بتطاردني في كل مكان ليه
سليم: اهدي طيب واسمعيني للاخر،من الاخر كدا ومنغير لف ودوران، انا،،، انا بحبك،بحبك من يوم ماشوفتك،انتي متعرفيش عملتي فيا ايه،انتي لغبطتي كياني،انتي الوحيده اللي قدرتي تخلي قلبي يدق تاني،انا بحبك وعايز اتجوزك،اديني عنوان بيتك او رقم تليفون والدك
علياء اندهشت واتوتر وقالتله:انا مش بفكر ف الجواز دلوقتي،بعد اذنك مش عايزه اتأخر اكتر من كدا
وسابته ومشيت،وهو في قمه غضبه وغيظه
وفجأه خطرت علي باله فكره كدا،افتكر ايمن صاحبه من ايام اعدادي،هو معيد في كليه الطب بتاعتها وليه معارف ويقدر يساعده
طلع تليفونه بسرعه ودور علي رقمه ومن حسن حظه انه محذفهوش ولسه معاه
اتصل عليه مره مردش بس ورد في المره التانيه
سليم:الو ايوه يادكتور ايمن واحشني ياراجل..... انا سليم المهدي يابيه،اوعي تكون نسيتني،..... بقا كدا يهون عليك سندوتشات البطاطس بتاع الحاجة سعاد...... ....ايوووه حمدالله ع السلامه،اهو يابني في الدنيا،انت اخبارك ايه.....لا ي عم متجوزتش،انت اتجوزت ولا الطب قضي عليك،طيب ياباشا متنساش تعزمنا علي الفرح
بص بقي انا طالب منك خدمه انسانيه كدا،في واحده في رابعه طب عندكوا،انا عايزك توصل للملف بتاعها وتجبلي عنوانها رقم تليفون والدها والدتها،او اي حد من اهلها،عايز اوصلها باي طريقه الله يخليك....هتقدر تخدمني فيها يادكتره ولا نشوف غيرك..انا قولت كدا بردو..حبيبي ياايمون.... تقدر تقول كدا مشروع جواز ان شاء الله... ياسيدي مش لما اوصلها الاول ابقا اعزمك علي الفرح يابني.....ااه اسمها علياء حسن..معرفش عنها غير اسمها الثنائي بس بصراحه...طيب هستناك تتصل عليا تاني..حبيبي ياايمن...مع السلامه ياكبير
وبعد كام ساعه اتصل عليه ايمن تاني
سليم:ايوه يادوك،وصلت لايه...نعم!!!!!... انت بتهزر.....ازاي الكلام ده  .....ازاي !!انت متأكد..اتأكد تاني الله يباركلك...طيب مش يمكن في علياء غيرها...مفيش غير علياء  واحده بس ف الدفعه كلها....طيب ياايمن متشكر جدااا...تتردلك في الافراح ي حبيبي...معلش دوشتك معايا......مع السلامه
اتصدم سليم من الموضوع ، هو كان شاكك ان وراها سر كبير،بس متوقعش ابدا اللي سمعه ده،طيب ليه خبت علينا؟؟ وياترا يوسف يعرف ولا لا؟ كل دي اسئله كانت بتدور في بال سليم،وعلشان ينهي حيرته دي كان لازم يقابلها،اتصل عليها كتير بس هي كالعاده مردتش، بعتلها رساله"ردي عليا ي علياء ،انا عرفت كل حاجة،لازم نتقابل ضروري"اول ماقرت الرساله خافت ان سرها ينكشف لحد تاني ويوصل ليوسف  اتصلت عليه علي طول واتفق انه يقابلها تاني يوم قابلها في كافيه بعد ماخلصت في الكليه
كان قاعد مستنيها،وجت قعدت قدامه
---------------------------------
عدت الايام علي جميله ويوسف شبه بعضها مفيش غير تغيير واحد بس هو ان يوسف بطل يشرب،وبطل يرجع بالليل سكران،وده لانه وعد جميله انه هيبطل ومش هيشرب تاني من اخر ليله تعب فيها..طبعا جميله كانت فرحانه من التغير ده،وكمان بطلت تقفل بابا الاوضه عليها بالمفتاح وكان هو بيرجع وينام جنبها،وكذا ليله بتعمل نفسها نايمه وتلاقيه قرب منها ومشي ايده على شعرها وبعدين يبوسها وينام،كانت تصرفاته غريبه،كانت بتحسه خير وشر،ظلم وعدل،نور وظلام،كل حاجة وعكسها،شخصيه غريبه مش مفهومه
وف يوم اتصلت بيه وهو في الشغل وقالتله لازم اشوفك دلوقتي حالا في حاجة مهمه لازم تعرفها
ساب الشغل ورجع البيت قلقان قالها : حصل ايه، انتي كويسه
جميله بتوتر: لا مش كويسه في مصيبه ي يوسف كارثه....