الفصل السادس
صحيت جميله من النوم علي صوت يوسف الرقيق وهو بيصحيها،فتحت عيونها فتقابلت مع عيونه فضلت مركزه فيه شويه كأنها بتراجع الذكريات وبتتاكد انها فعلا بقت مراته
قالها: يلا بقا ي كسلانه صحي النوم علشان طلبت الفطار
ردت بصوت نعسان: حاضر ياحبيبي هصحي اهو،اصلي مكنتش عارفه انام كويس من تغيير المكان
ردت يوسف بغمزه: من تغيير المكان ولا من حاجة تاني
جميله بكسوف: حاجة تاني زي ايه يا بيه، مش هتبطل قله ادبك دي بقا
يوسف بضحك: انتي اللي دماغك مش تمام علي فكره انا قصدي تكوني مكسوفه من اني نايم جنبك مثلا
جميله ضحكت بصوت عالي وقالتله : لا بقا خلاص انت بقيت جوزي وحلالي يعني مفيش كسوف
قرب منها وحاوطها بدراعاته وهي لفت اديها الاتنين حولين رقبته وقرب منها باسها وقالها يعني مفيش كسوف تاني خلاص
ضحكت وضيقت عيونها وقالتله :مممم لا فيه شويه صغننين
ضحك تلقائي من تعبيرات وشها وباسها تاني وقالها: يلا بقا نفطر علشان منتاخرش علي ميعاد الطياره
ردت عليه: يلا ياحبيبي من النهارده انا هأكلك بايدي
قالها: طيب ابقي حاسبي لاني ممكن اكل ايدك من حلاوتها
جميله بضحك: بالهنا والشفا ياحبيبي.
وبعد ساعات كانوا سافروا يقضوا شهر العسل ونزلو في فندق
عدي علي جوازهم 5 ايام بالظبط
بعد مارجعوا الفندق ف اخر اليوم علشان يناموا سألها يوسف: جميله انتي بتحبيني
جميله بحب: بحبك بس قول بعشقك بموت فيك حاجة كدا فوق الحب بكتير،انت اللي خطفت قلبي،اول واخر حد يدخل قلبي،تعرف قبل ماشوفك كنت بحس اني معقده فعلا،عمري مانجذبت لاي راجل نهائيا،كنت فاكره ان معنديش قلب وعمري ماهحب،عارف حسيت بايه لما شوفتك اول مره عندنا ف البيت،حسيت بدقات قلبي بقت سريعه وقويه لدرجه اني كنت حاسه انك سامعها من شدتها،حسيت بالم خفيف بس مش بيوجع ف قلبي ،حسيت اني اتمسمرت ف مكاني مش قادره اتحرك،وايديا بقت ساقعضه زي التلج،حتي الكلام كنت حاسه اني فقدت النطق بجد،توتر وارتباك واحاسيس حلوه اوي ياحبيبي بص مهما اتكلم مش هقدر اوصفلك بحبك قد ايه.
بصلها يوسف وملامح وشه اتغيرت،كان بيبتسم ابتسامه غريبه فيها مكر وخبث اول مره يظهر ف ملامحه، استغربت جميله من اللي بتشوفه.
رد عليها يوسف اللي بدأت الحده تبان ف كلامه وملامحه:
عارفه انا اتجوزتك ليه؟؟؟
أنت تقرأ
الجميلة والوحش Beauty and the Beast
Romanceجميلة البنت الهادية الرقيقه حبت ابن عمها يوسف وبعد الجواز اكتشفت انها عايشه مع وحش قاسي ميعرفش معني الانسانية، ياتري هيعمل فيها ايه وهي هتتصرف معاه ازاي مكتملة
