الفصل التاسع
وبترفع عينها وهي خايف يكون يوسف،بس لقت واحده من اللي شغالين في الفندق اعتذرتلها وساعدتها تقوم فهي قامت بسرعه تكمل جري، وخرجت من الفندق ركبت تاكسي
وشويا وصلت المطار كان لسه باقي نص علي الطياره قعدت النص ساعه دي في توتر وخوف ورعب وقلبها مرتحش غير لما لقت نفسها في الطياره والطياره ابتدأت تتحرك هنا بس قدرت تاخد نفسها، وبعد فتره كانت الطياره وصلت مصر،نزلت ورجعت بيت اهلها،طبعا كلهم استغربوا ازاي رجعت لوحدها وبدأت الاسئله والشكوك تدور حوليها،فهي قالتلهم: لو سمحتوا ي جماعه محدش يسألني علي اي حاجة ومحدش يطلب مني تفسير انا تعبانه بجد ونفسي ارتاح سيبوني ارتاح ، وياريت لو يوسف جه ميعرفش انني هنا ارجوكوا ولو اتصل علي حد فيكوا قولولو انكوا متعرفوش عني حاجة، ماشي، انا مش عايزه اشوف وشه البني آدم ده تاني ابدا انا هطلق منه
طبعا الكل اتصدم من التغير ده ومحدش فيهم فاهم حاجة
اما يوسف لما فاق من النوم واكتشف اللي حصل قرر انه ينتقم منها ويعلمها درس عمرها ماتنساه ابدا ورجع هو كمان تاني يوم، وراحلها بيت اهله، في البدايه قالولو انها مش موجوده بس بعد ضغط منه وشويه صعبانيات وكلام معسول منه عرف انها موجوده كانت في اوضتها اللي مخرجتش منها من يوم ما رجعت،مكانتش تعرف انه موجود وكانت قاعده في البلكونه ،فهو دخل الاوضه وقرب منها وحط ايده علي ضهرها فهي اتلفتت واول ماشافته نطت من علي الكرسي وصرخت وجريت تفتح باب اوضتها بس اكتشفت انه قافلها بالمفتاح، فشدها من ايدها بعنف وزقها علي الحيطه وحط ايده علي بوقها بيكتم صرخاتها وقالها بعصبيه: ششش مش عايز اسمع نفسك،انا جاي اقولك كلمتين وهمشي،
اللي عملتيه ده لايمكن يعدي كدا عادي هتتعاقبي عليه وعقاب شديد اوي ياجميله، بس ليكي فرصه واحده بس تصلحي اللي عملتيه علشان دي اول غلطه ليكي ، معاكي 24 ساعه من دلوقتي لحد بكره وخدي الموبايل بتاعك اهو مفتوح وعليه المؤقت مظبوط عد تنازلي لمده 24 ساعه،فكري فيهم وقدامك خيارين الاول انك تتصلي بيا تقوليلي انا غلطت واسفه وسامحني ي حبيبي وتعالي خدني رجعني بيتي وترجعي تعيشي معايا زي الكلبة والاختيار التاني انك متتصليش بيا وبكدا يبقي تستني العقاب بتاعك،اللي اوعدك انه هيكون قاسي جدا، سلام ياجميله
وسابها ومشي، وف طريقه قابل ابوها وقعد معاه قاله: ياعمي هي مشكله بسيطه حصلت بينا متقلقش زي اي اتنين متجوزين بتحصل بينهم مشاكل بس هي مكبره الموضوع شويا انا هسييها تهدي وتفكر واكيد هي عارفه مصلحتها فين
محمد: بص يايوسف يابني زي ماهي بنتي انت كمان ابني،انا عارف انك عاقل وبتعرف تتصرف ازاي،احنا مش هنتدخل في مشاكلكوا لانها تخصكوا،بس لو الموضوع زاد عن كدا احنا لازم نتدخل ونشوف اللي حصل ونشوف مين الغلطان،معاكوا فرصه لو معرفتوش تحلوها بينكوا وبين بعض يبقي تسمحلي اتدخل
يوسف:معاك حق ياعمي سيبنا كام يوم ومتقلقتش كل حاجة هترجع زي الاول،بعد اذنك ياعمي ورايا مشوار لازم اخلصه
محمد: اتفضل يايوسف
يوسف وهو بيبوس علي راس محمد : سلام عليكم ياعمي
ومشي يوسف ، وبعدين سليم راح قال لابوه: انا مردتش اطلع اعلمه الادب وابهدله بس علشان حضرتك منعتني من كدا، لكن انا هاين عليا اموته،حضرتك مش شايف البنت راجع منهاره ازاي دي مش جميله اختي ابدا دي متغيره 180 درجة، انا متاكد انه عمل فيها حاجة،باين انه عمل مصيبه
أنت تقرأ
الجميلة والوحش Beauty and the Beast
Romanceجميلة البنت الهادية الرقيقه حبت ابن عمها يوسف وبعد الجواز اكتشفت انها عايشه مع وحش قاسي ميعرفش معني الانسانية، ياتري هيعمل فيها ايه وهي هتتصرف معاه ازاي مكتملة
