The beauty and the beast
الجميله والوحش
الفصل الاول
كل انسان جواه الحلو وجواه الوحش.... الخير والشر ..الطيبة والوحشيه...بس كله بنسب متساويه وعلشان كده في توازن في طبيعه كل شخص..بس لما صفه معينه تتغلب علي التانيه ساعتها التوازن ده بيتقلب تماما ساعات للافضل وساعات تانيه للاسوأ....وغالبا بيكون للاسواء.
يوسف مثال للناس اللي التوازن بتاعها اتقلب للاسوأ .ظروف تربيته والبيئه اللي اتربي فيها كانت عامل كبير في كدا.والد يوسف كان راجل قاسي.قاسي بمعني الكلمه.
يوسف شاب ف بدايه عمره عنده 25 سنه عايش لوحده بعد وفاه امه وابوه.
خريج حقوق وشغال محامي في مكتب محامي كبير وماسك قضايا كتير ف البلد معندوش صحاب كتير.
اول انطباع بتاخده عنه لما تبصل ليوسف هو الشر الظاهر في كل تقسيمات وشه. بس مش بيطغي علي وسامه ملامحه عيونه العسلي الواسعه علي الرغم من الحزن اللي باين فيها الا انها خلابه بتجذب اي حد يبصلها.
يوسف بيفتكر لما كان ابوه بيرجع بعد نص الليل سكران وبيخلع الحزام وبينزل فيه ضرب وهو نايم.طفل عنه 9 سنين يصحي من عز نومه علي ضرب مبرح منغير سبب.بيفتكر لما جاب درجة مش حلوه في امتحان فابوه غرقه ميه ساقعه وخلاه قضي الليل كله في البلكونه في عز الشتا والبرد.بيفتكر لما امه ماتت من حسرتها لما عرفت انه متجوز عليها.اليوم ده هو اليوم اللي اتحول فيه يوسف من انسان لحاجة تانيه اشبه مايكون بالوحش.
ده اليوم اللي ودع فيه انسانيته واتخلي فيه عن مشاعره.علشان يقدر يعيش من بعد امه لانها الوحيده اللي كانت بتصبره علي ابوه وبعد ما راحت خلاص مبقاش في حد تاني يحبه او يحس بالامان معاه وعلشان كدا قرر انه يعيش منغير قلب. انه يبقي قاسي علي كل الناس.قرر انه يبقي عنده قسوه مشابهة لقسوه ابوه.
وبيفتكر كمان وفاه ابوه بسبب جرعه مخدرات زايده وبيفتكر عمه محمد اللي اول مره يشوفه في حياته كان من اسبوع واحد بس يوم وفاه ابوه.وعرف ان ابوه كان مقاطع عمه من زمان ومفيش اي علاقه بينهم بس العلاقه دي هترجع تاني بعد ما ابوه مات خلاص. وبيفتكرها... جميلة وهي جميلة فعلا اسم علي مسمي...بنت عمه....وبيفتكر اول لقاء بينهم من 3 ايام لما عمه كان بيعرفه عليها وساعتها مد ايده علشان يسلم عليها بس هي بصتله باستحياء وعمه قاله معلش يابني مش بتسلم علي اي راجل بالايد ... بيفتكر ساعتها الاحساس الغريب اللي حسه.... اول مره يحصله موقف زي ده معرفش يتصرف.... بس حس ان كرامته اتجرحت .... وما ادراك ان واحد زي يوسف يحس الاحساس ده .... قطع حاله التفكير دي صوت رنه موبايل يوسف... مسك الموبايل:-
يوسف:- الو ايوه ياعمي
محمد: ايوه ازيك ياجو عامل ايه؟؟
يوسف ( بغيظ مكتوم لانه بيكره حد يقوله ياجو):- انا كويس
محمد:- طيب بصي يابني احنا مستنينك انهارده علي الغدا
يوسف:- لا ياعمي مش هينفع
محمد:- ليه وراك ايه يعني اهم من عمك
يوسف:-متقولش كدا ياعمي بس انا مش واخد عليكو وهحس اني غريب وسطكوا
محمد:- لا والله ازعل منك ياجو متقولش كدا يابني انت مش غريب...وبعدين انا عايزك تتعرف اكتر علي ولاد عمك... ولا انت مش عايز تتعرف عليهم ...احنا مش قد المقام ولا ايه
يوسف :- طيب انا موافق بس علي شرط
محمد:- شرط ايه
يوسف:- ان حضرتك متقوليش تاني ياجو انا بكره ان حد يناديني كدا
محمد باستغراب وبيضحك ف نفس الوقت:- ماشي يايوسف موافق...غالي والطلب رخيص يابني.هنستناك علي العصر ان شاء الله اوعي تتاخر
يوسف:- حاضر ياعمي هكون عند حضرتك ف الميعاد
محمد :- يلا مع السلامه
أنت تقرأ
الجميلة والوحش Beauty and the Beast
Romantizmجميلة البنت الهادية الرقيقه حبت ابن عمها يوسف وبعد الجواز اكتشفت انها عايشه مع وحش قاسي ميعرفش معني الانسانية، ياتري هيعمل فيها ايه وهي هتتصرف معاه ازاي مكتملة
