ابعدتك الحرب 💣 💢

الحلقة "1"

رواية ابعدتك الحرب 💣💢 للكاتبة بشرى الشيباني
الحلقة 1 🔲
قراءة ممتعة احبائي 💭.............

جابر : ايوا حبي❤️
انفال : اهلا بحب قلبي اناا كييفك 💟
جاب :اهو ماشية  شن جوك وشن درتي اليوم
انفال :والله اهو ياحبي مشيت للمستشفى وتوا كيف روحت😊
جابر:تي شن قلنا على مرواح المغرب احني😣
انفال :عادي حبيبي مش ديمة نروح مؤخر اني🙄
جابر:انفال انتي تعرفي ان وضع البلاد مش امان وتشوفي في الشي قدامك تخيلي تصير فيك حاجة وربي بعدها نمووت
انفال :بعيد السو عليك حبي توا من جاب سيرة الموت 🙁اسفة معادش نعاود
جابر :كلمة هي يا انفال ره
انفال:حاضر ياروح انفال😘
....................................... ❤️
زي مافهمتو من انفال وجابر 💜
انفال وجابر يسكنو في منطقة صغيرة حلوة كلها خضرة والناس يلي فيها تحب بعضها وماعندهاش على الخبت وجابر جيران انفال يحبها من هما صغار ويبي يخطبها وانفال قريب تموت في حبه ❤️ انفال قارية تمريض وتخدم في المستشفى الصغير شبيه المستوصف متع منطقتهم،،  وجاير يخدم في اعمال حرة ويبني في حوشة قريب يتم بيش يجي ويخطب حب قلبه والبلاد متعهم الوضع الامني تحت الصفر يعني حرب وقتل وسرقة ودمار وتوا نزيدو نتعرفو عليهم في باقي الحلقات 😍😊
_____&&&----_____________&$$&
صباح اليوم التالي 🌞 وشروق شمس جديدة
ناضت انفال وخدت تلفونها ولقت فيه مسج من جاير
جابر(صباح الورد على حبقلبي 💜اليوم نضت بكري لان عندي خدمة بيش لما تشريني عليا ومانردش ماتنشغليش نحبك ❤️)
انفال ابتسمت بحب على كلامة واهتمامة وبعتتله مسج💌(صباح الفل عليك ياعمري، ولا يهمك دير بالك على روحك راهي غالية ❤️نموت فيك)
وناضت من سريرها وخشت للحمام ودارت طقوسها الصباحية
انفال : صباح الخير مامي
امها:صباح النور بنيتي هي تعالي افطري حماتك تحبك
انفال:ههههههه زعما 😂😍
انفال:وين بابا
امها:بوك وتعرفيه من الفجر يطلع للخدمة
اتفال:غلط يا امي ره المفروض يلي في عمره متقاعدين مش عارفة علاش بوي هكي
امها :انتي بوك وتعرفيه مايحبش تقعميز الحوش لازم من خدمته
انفال: ااااه ربي يخليه لينا ويخفظه يارب
انها :امين،، خيرك نايضة بكري اليوم ولابسة ومتكمة
انفال:ماشية للمستشفى بنبدا نشد التوكة متع الصبح
امها:خيير يابنيتي واخيرا ربي هداك وبتاخدي بكلامي
انفال؛ 😂😂😂😂 هي مع السلامه
وخدت انفال الدجاكة متعها وطلعت
'' '' '' '' '' '' '' '' '' '' '' '' '' '' '' '' ¦¦¦¦¶¶¶¦¶¶
عند جابر 💛
كان في المكتب متعه هو مؤيد (مؤيد هادا صاحب جابر الروح بالروح 💪ورفيقه من لما صغار عاشو مع بعض على الحلوة والمرة)
مؤيد لوح القلم على المكتب واتكى على الكرسي
مؤيد :اااااخ ياراسي كل شي حسابات حسابات رياضيات احصاااء ااااخ ياربي 😪
جابر عيونه في الورق ويكتب ويوقع وحايس في بعضه : ياودي اخدم وانت ساكت ضروري من تنويحك يعني ملتديرش حاجة وانت ساكت 😑
مؤيد :اني هلكت عييت تعبت نبي ناااكل ونشرب وهاني طالع بنجيب ماكلة تسدنا سنة وبناكلها في يووم 😎وتوا تشوف
جابر :😂😂😂😂عليك مفجوع 
وكمل جابر خدمته ولم الحوسة متعه على خشت مؤيد وهو جايب جميع اصناف الطعام من مالذ وطاب 🍚🍛🍜🍝🍠🍲🍱🍘🌯🌯🍡🍧🍔🍟🍕🌭🌮
جابر :😱😳😰😵
مؤيد حطهم على المكتب ونحى الورق والحوسة
وبدي يشبح للماكلة هك 😍😍😍😍❤️
جابر :😂😂😂😂😂😂لاحول ولا قوة الا بالله 😂😂لااه عليك هكي هادا يسد المجاعة الافريقية 🙄😂
مؤيد قعمز ياكل ومش مدور جابر، وياكل بأديه الزوز وفمه ملبز ومعبي ماكلة 😂😂
وقعمز جابر ياكل معاه وقعدو يهدرزو وفات الوقت ▫️▫️▫️▫️▫️▫️▫️
اما عند جميلتنا انفال 💙
انفال :توا ياحبيبتي لازم تلبسي كويس بيش معاش تمرضي ويدورولك يبرة
البنية :بااه ❤️لكن انتي ماوزعتينيش (ماوجعتينيش)
انفال:ههههههه نجيك ياربي محلاك
انفال : توا يامدام لازم تحافظي على صحة بنتك لان مناعتها ضعيفة هلبا وتبي متابعة
ام البنية : ان شاء الله ربي يحفظك لينا يادكتورتنا
انفال ابتسمت :العفو تسلمي، لكن اني مش دكتورة اني مجرد ممرضة 💙
ام البنية : هي ياماما تعالي نروحو، قولي للدكتورة الحلوة شكرا
البنية :ثكرا 😘
انفال باست عليها : عفوا حبيبتي ولو
وطلعت البنت وامها وانفال قعمزت في الكتب متعها وبدت ترتب في حاجتها وتضم في مكتبها وفات الوقت.........❤️
يتبع💚