ابعدتك الحرب 💣 💢

"5"

رواية ابعدتك الحرب 💣 💢
الحلقة 5🔲
قراءة ممتعة احبائي.... 💭
اما عند جابر كان مقعمز هو ومحمد شوي خش عليهم ومؤيد في المكتب
جابر :ياراجل شن جابك توا كنت مريض
مؤيد مافيا شي زي الجن، مانقدرش نخليك تخدم بروحك
محمد :ههههههه غير قعمز وتوا نعاونه اني
وقعدو يهدرزو ويخدمو في نفس الوقت......
جابر :يستر الله علي منطقتنا كان مايخشولها القوات واحني حتى كتائب والا ناس تصدهم ماعندناش
مؤيد : ان شاء الله خير
محمد :يخشولي منطقتنا في الحلم والله لو خشو لما يلقونا اول وحدين في وجههم
جابر :اكيد لو مادافعنا احني على منطقتنا من حيدافع
مؤيد : اكيد حيكون صغيرنا كبيرهم ولاد الحرام
محمد :ربي يفرج علينا
مؤيد: هي نمشو نتغدو
جابر :حسني جعت😂💔 الحق
محمد :هي نوضو وعلي حسابي 😉
ناضو جابر ومؤيد ومحمد ومشو بيدورو شن ياكلو وفوتو الوقت وهمة حايسين في الخدمة
....................
عند انفال،،، 💛
انفال :مااامي
امها :اهو اهني في الكوجينة  ياانفال تعالي 
خشت انفال؛ :السلااام عليك
امها :وعليكم السلام
انفال :اللللللله على الريحة الجميلة هادي 😍😍😍عصباان صح
امها:ههههههه ايه اليوم جايينا بنات عمتك
انفال قلبت عيونها :وعلاش ان شاء الله شن المناسبة 😑😒
امها :هادو بنات عمتك راهو يسمعك بوك يايلي ماتتحشميش
انفال :امبه اني خاشة بنبدل 😒
خشت انفال وهي تنفخ طبعا هي ماتحبش بنات عمتها لأنهم مغورورات وفشكات وعلي الفاااضي ويغارو من انفال لانها متدلعة على الاخر وهي بنت وحدة😂توا نزيدو نشوفوهم في باقي الحلقة 😂😂
خشت انفال ولبست جمب سوت اصفر وتحته بدي ابيض وقامت شعرها وداراته ديل حصان ودارت مسكرة واحمر خدود وروج وردي حلو 💄 ووقفت على المرايا :ههههههه اليوم نخليكم تموتو يا هاجر وهناء 😂 وخدت تلفونهز وطلعت من دارها
ومشت الكوجينة
امها : حيييييي عليك يافرخة خيرك مخليا شعرك علي طوله 😮 تبيه يطيح ووتبهدلي
انفال : هههههه عاااادي خليهم يموتو اصلا هما يكرهوني ومايحبوش شعري
امها : ايوااااه بيش ياخدوهولك بعين وقعمزي صلعة ياكلبة 😑😑دخليش بيك اني
انفال :😐😐
امها :بري افتحي الباب يدق
انفال :باه
مشت تفتح في الباب ولقاته بوها
انفال باست على راسه :اهلا بابي شن حالك
بوها :الحمد لله على كل حال يابنتي انتي شن حالك
انفال : تمااام كويس
بوها تنهد وقعمز علي الصالون
انفال :خيرك بابا
بوها :والله حال البلاد مايّفرح ياانفال
انفال :ان شاء الله خير يابابا ماتكدرش روحك
بوها بري افتحي الباب سلم بنيتي
مشت انفال فتحت الباب وكانت عمتها وبناتها وراجل عمتها سلمت عليهم ودخلتهم وخشو
خش راجل عمتها للمربوعة والنساوين للدار يهدرزو
امها :انفال سلم بنيتي خليك اهني خنصب الغدي
انفال :حااضر ماما
عمتها ناجية : كيف حالك نفولة
انفال :الحمد لله ياعمتي، عادي عميمة قوليلي انفال مش لازم تقولي فولة 😑
هاجر :ها ها ها ماما قالت نفولة مش فولة
انفال : الي هي المهم اسمي حلو مافيش داعي يتشوه 😒
هناء بحسد ؛ ماشاء الله علي شعيراتك يا انفال 😮
انفال :تباارك الله ربي يعطيك منين عطاني "قصف😂"
هناء:ههه سلمك
هاجر :ماشاءالله زايدة انفال
انفال :ما الراحة النفسية والهني ياكبدي، لكن ا انتي مولية زايدة ضاعفة علي مابيك لين ماتبانيش
هناء تنقد في الموضوع 😂 : لالا انفال ماشاءالله عليك لا تزيدي لاتنقصي يهبل جسمك
انفال : سلمك 😑😒
خنمشي نشوف ماما في الكوجينة بروحها، وناضت عنهم
ناجية : خيرك انتي وياها ترا ماتحشمنيش 😠فكني من لسانكن
وفات الوقت وتغدو والبنات يتناقرو لكن علي طرق راقية 😂😂😂مش تنتيف وتريش
جي الليل 🌃
عند بطلنا الجميل دو الشخصية الفاتنة التي يحبه الجميع "حسني زودتها 😂sorry 😂"
المهم عند جابر...........
خش للحوش 
جابر :السلام عليكم ورحمة الله وبركاته
الكل :وعليكم السلام ورحمة الله
جابر باس راس بوه وامه وسلم علي خوه علي وانوار (طبعا علي اكبر من جابر وهو متزوج وعنده بنية وحدة اسمها جنى❤️تهبل سمونية وبيضة وعيونها زرق 🌊زي امها، مرت علي اسمها انوار وحدة جميلة بمعني الكلمة وهادية وطيبة لين فايت فيها وتحب علي وتموت فيه ❤ويسكنو قريب منهم ️)
جت جنى تجري لحضن جابر
جابر :خهههههه نجيها حبيبة عمها 
جابر : كيف حالكم
بوه : كويسين ياولدي شن داير انت والخدمة
جابر :اهو تعب يابوي
امه :عاد بيش نفرحو بيك يا ولدي ياسرك من القعاد زودتها
جابر :ان شاء الله قريب يا امي غير يتم الحوش وبنت الحلال موجودة ان شاء الله
بوه : ماشاءالله علية منو ياولدي
جابر ؛ عيلة %:'=&#
امه :ماشاءالله هادو يلي عندهم ب......
يتبع ياحلوين ♥️نهبكم غير صوتو وعلقو بيش حبكم يزيد