ابعدتك الحرب 💣 💢

18""

رواية ابعدتك الحرب 💣 💢
الحلقة "18🔲
قراءة ممتعة احبائي.............. 💭

في حوش اهل انفال 💙
الباب دق دق دق
ام انفال :ياغالي الباب يخبط
محمد بو انفال: هي هي
وفتح الباب وكان بو جابر (احمد) ومعاه علي وام جابر(سعاد)
بو انفال طبس راسه تفضلو تفضلو انستونا
وخشت سعاد لوسط الحوش وطلعتلها ام انفال وخشو الرجالة للمربوعة
ام انفال :اهليين بسعيدة زارتنا البركة زارتنا البركة ♥️
سعاد :الله يسلمك ان شاء الله 😍
ام انفال :تفضلي تفضلي
وخشو لداخل وسعاد بدت تحكي لام انفال
سعاد :والله ياوخيتي شن بنقولك ومن وين بنبدا
ام انفال :قولي ياسعيدة انتي وخيا عزيزة وغالية
سعاد :سمعتي بيه ولدي  جابر ضاربه صاروخ
ودموعها نزلت
ام انفال غصرتها العبرة وتعنقت سعاد :والله ماسمعته ياوخيتي 😢خيره توا شن حاله وامتا هالكلام
سعاد : نبيك تسمعيني للاخر وتقوليلي لو انتي مكاني شن كنتي حتديري 💔😭
ام انفال :نسمع والله عيوني ليك
سعاد :من فترة حوالي تلات شهور جابر ولدي كلمني وقالي يام اني نبي نخطب انفال بنت عمي محمد 😢والله البنية عاجبتني من واني وصغير وانفال كانت هي وياه على علاقة بس نشهد بالله انهم ماغلطوش من اول ماكان يبيها زمان شديته وقتله انت شن هالدوة هادي قالي والله انفال مانسيبها انفال الهواء يلي نتنفسه 😭والله نتدكر فيه كيف كان يقرا هاداك الوقت تالتة تانوي 😢 حاولت معاه انه يسبها وحاولت ان نبعدهم لاني قلت هادا حب مراهقة وحيمشي في يوم من الأيام 😢بس ماكنش هكي انفال وجابر حبهم كان ابدي وكان اقوا مني ومنهم ومن اي شخص، ومرة جابر مرض مرضة قوية وماباش يمشي للمستشفى قعد يخترف في كلام ويتخايل في انفال حداه😔💔 والله كان نحكيلك مواقفهم مش حتصدقيني، وقبل ما جابر ينضم للجيش وصاني على انفال قالي كان متت نبيك تعطيها امانة، ووليدي كان على حافة الموت ولكن ماماتش وصاحبة يلي معاه مات ونحرق جسمه كله لين تففت
ام انفال تبكي وخلاص 😭😭
سعاد:😢😢 وتوا طالبة منك انفال لودي جابر وماتخفى عليك حالة جابر راهو جسمه كله بدي متشوه من الشضاية واني جيتك توا وخليت انفال معاه في المستشفى وهو لا حياة لمن تنادي والله بنتك مافيه منها ياوخيتي والله 😭😭😭
ام انفال تضبطت سعاد وبدو يبكو مع بعضهم
ام انفال : لاااه ياسعاد عيب عليك 😭😭 انفال هي بنتك وان شاء الله ولدك توا يصح وينوض ونذيرولهم عرس لا صار ولا بيصير 😢والله ماصير خاطرك الا طيب انا ام ونعرف 😔💔حاسة بيك سعيدة ياخيتي ابكي ابكي 😭😭
وقعدو هما يبكو لداخل والرجالة في المربوعة
احمد :ها شن قلت ياحاج اني طالب يد بنتكم لولدي جابر
محمد : واني عاطيك ياحاج احمد والشور شور البنية
.
.
طبعا ام انفال وبوها ماقالولهمش ان حيقرو الفاتحة بيش انفال تمشي مع جابر اليوم في الليل لان يبو انفال هي يلي تقوللهم
.
.
.
.
.
. 💙
💙
. 💙
💙
. 💙
في المستشفى جابر ناض لكن مأتر فيه المخدر
جابر :اااااه 😥مؤيد انت وين، اااخ رجلي تووجع، انفال وينك، اميييي😫تعالو
انفال تشبحله وعيونها دموع 😢 شدت يده :جابر حبيبي ❤️ 😭اهو اني انفال جنبك نوض شوفني
جابر فتح عيونه :انفال 💓😔
انفال :ياقلب انفال 😭
حابر مد يده ومسح دمعتها :خيرك تبكي شن مقايلك اني
انفال ابتسمت ومسحت دموعها : ها مسحتهم ياقلبي انت
جابر : حبيبتي
انفال :نعم عيوني 😔💓
جابر :شفتي مؤيد
انفال :حبوبي
جابر :... ♥️
انفال:انت مؤمن بقضاء الله وقدره صح انت راجل تصلي وتصوم وتزكي 😔
جابر😡 :انفال شن دخل هالكلام في مؤيد قوليلي مؤيد وين
انفال طبست راسها وشدت على يد جابر بقوة وقال :مؤيد عطاك عمره مؤيد خداته منك الحرب 😭
جابر بصووت هز المستشفى كلها :مؤيييييييدد 😭صااااحبي لا 😭مؤيد مش حيخليني 😭😭😭انفال قولي الحق، مش وقت بصارة 😣رااااني بنموووت
انفال:جابر انت مؤمن حرام يلي تدير فيه 😢
جابر تلفت للجيهة التانية ودموعه شلااال 😭 وبصوت مبحوح من العياط: قالي نحس في روحي بنموت 😭قالي نحس فيهم اخر لحظاتي معاك ياجابر  لكن اني تكنطيت منه وكشخت عليه 😭 والله مانحسابك بتخليني ياصاحبي والله مانحسابك بترخي بيا وتخليني بروحي في دنيتي 😢من عندي بعدك قولي يامؤيد من عندي بعدك
انفال :جابر حبيبي😭ماتديرش في روحك هكي كلنا ليها ياجابر 😢
جابر شافلها :انفال انتي عارفة مؤيد شنو يالنسبة ليا 😢
اااه، مؤيد خوووي مؤيد سند لروحي، سند ضهري يلي مانطيحش وراه 😢مؤيد كان يفهمني من نبرة صوتي كان يعرف خيرني من نظره عيوني 😢كان ليا صاحب وخو وبو وكل شي
وبعديين صرخ بصوت عالي : ليييييييييششش خليييييييتني 😭
ليش خليتني يامؤيد راني بحاجتك
انفال حست انها لازم تعطيه ابرة مهدء ناضت جابته وضربتهاله
_________________________
.
.
.
.
.
.
.
.
.
يتبع