ابعدتك الحرب 💣 💢

البارت الاخير من الحلقة الأخيرة

رواية ابعدتك الحرب 💣 💢
الحزء التاني من الحلقه الاخيره 💜
قرائة ممتعة احبائي........... ❤️

ليتنا لا نعتاد شيئاً حتى لا نعاني عند فقدانه ♥️

فات الوقت وناضو جابر وانفال ودارو طقوسهم اليومية المعتادة وبعدها طلعو سلموو على عيلة جابر وعيلة اتفال وودعوهم وركبو السيارة
انفال : حبيبي
جابر :نعم ❤️
انفال :نبي نشوف إسراء باهي
جابر :حاضر حتى اني بنمشي نزور مؤيد
وخنقاته العبرة 💔😔
انفال شدت على يده
انفال :حبيبي كلنا ليها ماتتضايقش باهي
جابر مش قادر يتكلم لانه لو تكلم حيبكي وعيونه معبيات دموع 💔
انفال فهمت عليه وماحبتش تكتر عليه 💛
وصل جابر انفال لحوش إسراء وبعدها مشي للمقبرة زار مؤيد وبعدها مشي لمحمد صاحبه في المكتب وخدي اوراق مهمة ليه وحطهم في شنطة وطلع هو ومحمد وولد تاني للقهوة بيش يهدرزو، وانفال عند إسراء تهدرز وحوها حلو واسراء نصدمت وقلبتها عياطات وبكي  لما عرفت ان انفال حتسافر ويمكن مش حترجع الا بعد خمسة شهور او ستة 😭😭😭
مع جو المغرب جابر جي لانفال ومشو للمطار
اول ماخشو من الباب متع المطار انفال شدت على يد جابر بقوة
جابر تلفتها
انفال : مانحباش هالمكان من لما سافرنا منه وانت بين الحياة والموت 💔😔
جابر حضنها : اني معاك ماتخافيش
انفال : حبيبي مانعرفش علاش مانحبش الماطارات ونحسه مكان مش حلو ومخيف شوي
جابر حب يغير الموضوع :ههههههههه فيه خد بعقلة يكره الماطار ياهبلة 😂
انفال :اني 😔😢هكي نحس فيه مكان موتي بسم الله
جابر عض يدها : تحشمي علي وجهك ومعاش تقولي هكي 😒😒
انفال :اااححححح خييرك تعض باهي ماقلت شي اني
جابر :هههههههه هي تعالي
وكملو يمشو وهما خاضنين بعض
انفال :جابر ❤️
جابر : ها عيوني ♥️
انفال :جعانة 😔
جابر :شن تبي نجيبلك
انفال :شاورما ومعاها ببسي وجيب شيبس ناكله في الطيارة لان عشاهم يقرف
جابر :هههههههه حاضر هي نكمل وناخد تداكر الصعود ونمشي نجيب عشانا من المطعم يلي جنب الماطار 💖😘
انفال :به ماتعطلش نخاف بروحي 😊💗
جابر :به المهم خليك اهني ماتتحركيش باهي
انفال :حاضر
جابر :اهما الشناطي ديري بالك عليهم اهما جنبك
انفال :حااضر حبيبي 💗جابر
جابر تلفت : هاياعيون حبيبك 💋
انفال :نحبك تعال نحضنك شوي
جابر :ههههههه هبلة انتي قدام الناس هكي 😜😂
انفال :ايه بالله 😍
جابر :لااا😝😏
انفال:😒😒😒💔
ومشي عنها وخلاها في نص الطريق تلفتها واشرلها من بعيد ولوحلها بووسة طايرة في الهواء 😘
انفال زعميتها شدتها وحطتها علي خدها 💋❤️
وضحكت، لما ضحكت جابر حط يده علي قلبه وزعميته داخ 😂😂😂❤️❤️
انفال :هعهههههههههههه اهبل قاعد يستهبل في نص الناس

💜 💜 💜 💜 💜
في هداك الوقت كانو فيه انتحارين في الماطار ويخططو لخطة وهي تفجير الماطار انتقام لاهل هالمدينة الصغيرة يلي انتصرت وخدت حقها في فتره قصيره هلباا، فهما نارهم مابردتش ويخططو من تحت لتحت ولقو ان تفحير الماطار بالناس يلي فيه احسن وانسب شي 💔
لكن حيريحو فيها الابرياء💔
💜💜💜💜💜💜
بعد ممكن حوالي عشر دقايق واقف راجل ولابس حزام ناسف في خصره وبيفجر المكان وكان واقف في نفس الجيهة يلي مقعمزة فيها انفال،
وفجأة بووووووووووووووووووووووم 💣💣💣💥
صاار تفجير والناس طلعت تجري ويلي مات ويلي مجروح 🤕 والدم عباا المكان وصوت عياط وصراخ الناس في جميع أنحاء المكان 💔
جابر كان في المطعم يستنا في الطلبية يسمعو الناس في صوت التفجير ومعاهم جاير طلعو يتجاورو يشوفو شن فيه، شاف جابر نار والعة في الماطار نخلع وخش يجري بين الناس وخش جريييي يشوف في مكان وين ماخلا انفال مقعمزة تستنا وكانت النار واكلة المكان ومافيش اي اثر ان كان حد اهني 💔
اهني جابر مصدوووم ويشوف بس، يمشي ويسأل في الناس يلي تطفي في النار والناس يلي تطلع تجري خايفة
جابر بصوت فيه رجفة :شفتو مرتي اهني 💔شفتو مراتي اهني كانت مقعمزة وشادة شناطي، كانت لابسة وشاح اكحل، عمي بالله ماشبحتش مراتي اهني، حاجة ماشفتيش مراتي كانت مقعمزة اهني 💔
وبعد مافقد الامل من انه يلقى انفال قعمز في وسطهم وقعد يبكي زي الطفل زي البيبي الصغير يلي يبي امه قعد يعيط بيناتهم، على طوله وعرضه وصوته الرجولي وجسمه الضخم يبكي كأنه طفل صغير 💔
جابر : لاااااااا ماتمشيش وتخليني برووووحي 😭💔رااني من بعدك نمووووت يا انفال 😭انفال وين انتي ردي علياااا 😭ماتخلينيش بالله عليك ماتخلينيش زي مؤيد 😭💔راني نعاني بعدك 😭💔راني نضيع من غيرك 😭 راهو تتلاقا علياا ياانفال 😭😭💔وين انتييي وييننن 😭😭😭
جوه رجاله ورفعوه وقعد يعافر فيهم لين ضربوله ابرة مهدي 💔
💜💜💜💜💜💜💜💜💜💜💜💜
وراحت انفال وراح معاها حب جابر 💔وفرحتهم ماسكرتش يومين 💔مزال ماشبعوش من بعضهم ولا ملو من بعض💔بس للاسف الموت مايعرفش صغير ولا كبير مايعرفش عاشق والا لا 💔وهكي الدنيا فراقة 💔😔ماتفّرح حد 💔😭
........
‏حَتى بعدَ رَحيلَك لا زلت تسكنين المَكـان
ولازالَت تَفاصيلُك تَعبرهُ كل لَيلة
سامَحك الله لَيتَك اصطحبت طَيفُك معك💙
......

بعد مرور يوم عن موت انفال 💔
جابر مقعمز في دار نومهم هو وانفال وقدامه صورهم من لما كانو على علاقة وصورهم في عرسهم ورسائلهم يلي في ورق زمان 💔
جابر شاد ورقة ويشوف للدار يتذكر كيف خشلها هو انفال اول ليلة يلي كانت اول امس 💔
جابر يبكي :الحياة ماعطتنيش حتى فرصة ان ننسا تفاصيل فرحتنا يلي كنا فيها اول امس، مشيتي في لمح البصر يا انفال وانتقام الحرب صار فيك انتي 💔😭مشيتي من غير ماتودعيني 💔هه كنتي تبي تحضنيني لكن اني قتلك لا ياريتني متت ولا قلتلك لا ياريتني جيت حضنتك وماخليتكش تموتي بروحك 💔راهو متت معاك يا حبقلبي راهو متت واني حاضنك ومش قادر نبعد عنك 💔راهو كنت قتلك قداش اني نحبك ومش قادر نفرط فيك رلهو قتلك قداش اني ضعيف من بعدك، الله يسامحك مشيتي وخليتني الله يسامحك يا انفال ماقلتيش كيف حنكمل حياتي من غيرك مافكرتيش فيا كيف حنتعذب وانتي بعيدة، علاااااااااااااش يااااارببب خديتها هيييي😭😭علااااش مامشيتش انييي مكانها اااااااا علاش مش اني يلي متت بدالها 😭😭ياااااااااااااااار ساااااعدني 😭ياااااااااااااارب كوووون معاااااي 😭رااااني من غييرهاااا ضاايع يااااربي 😭
انفال تعالي، ماتخلينيش، عارفك مش كدابة اني عارفك انتي وفية ومش حتخوني الوعد، هي تعاليلي 💔يا انفال 💔😭تعالي مزال ماكملناش امنياتنا مع بعض، مزال ماجبناش قصي وعديّ ونوافل مزال ماشيبناش مع بعض وشفنا احفادنااا، تعاااااالي انفال تعاليلي حبيبتي مراتي 💔تعالي وشوفي شن صاير فيا في غيابك 😭شوفي حبيبك وراحتك النفسيه يا انفال من بعدك كيف وله 😭يارب ليش تاخد في اغز ناسي ياارب علاش في البداية مؤيد وتوا انفال 😭😭😭صبررك يااااارب نزل علياا صبرك في غيابهم، يارب صبرك يااااااااااارب سااعدني راني والله مانقدر هكي هلباااا علياااا كسرة ضهري بأنفال😭💔
💛💛💛💛💛💛💛💛💛💛💛💛💛
الله مايحطكم في موقف جابر ابدا يارب ♥️😭
لان اني نكتب ودموعي شلال 💔😭

كلٌ منّا له فقيد علمه معنى الرحيلْ👣🎼

💛💛💛💛💛💛💛💛💛💛💛💛💛
وهادي نهاية #ابعدتك_الحرب💣💢.
نمط الرواية جديد عليا اني گ كاتبة مبتدئة من ناحية ان تكون النهاية تعيسة مش زي ماتعودنا على نهاية 🔚 الروايات السعيدة 💜حبيت من خلال هالرواية نوضح قداش الحياة مرات تكون قاسية وتكسرنا وتاخد أغلى مانعندنا وتخلينا ولا شي، في بداية ال رواية كانت السعادة غامرة ابطالنا وكلنا توقعنا ان احداثها عادية وبعيدة عن مسمة #ابعدتك الحرب، بس بعدين الحرب بعدت مؤيد وتوقعتو ان هادي اخر الاحزان، بس صار العكس في النهاية عيشتكم الدور والسعادة لأخر لحظة ممكنة بس بعدين القدر لعب لعبته المفضله 😔وهي ابعاد الناس عن الناس يلي يحبوهم 💔
شعووووور جابر في النهاية كان صعب، لدرجة ان ماعرفتش نعبر عنه بالكلام، والدموع كانت تتكلم لان شعوره صعب الله يعينه 💔، اصعب شي ممكن انكم تجربوه شعور انك تستاحش حد وهو #ميت، وسابع المستحيلات انك في يوم توصله، يعني النهاية، شعور الفراق شعور اخيي بكل، تخيلو يعني احني مجرد ماننهو علاقة مع حد وكل منا يمشي في طريق يكون شعور الشوق ملاحقنا، يعني تخيلو انكم تشتاقو لميت، الحي يمكن في يوم توصله او حتى تشوفه حتى عن طريق الصدفة، بس الميت 💔صعب، الله لايوريكم هالشعور ولايخليكم تجربوه، واسفة لاني طولت عليكم وسامحوني لو صدمتكم النهاية وخليتكم تحزنو شوي بس يلا في النهاية كله خياال ولاوجود للواقع فيه 😊💗
سلام.
مع تحياتي :👑Bushra alshibani 👑
شكراً لكل من دعمني وشجعني ان نوصل للنهاية 💜
نحبكم متابعيني 💜